貓之眼

營業中

休息中

香港的日式蛋包飯店很多但這間是特別多人光顧都只因他的性價比很高招牌三色蛋包飯一次過試到兩種醬汁加上滑嫩雞蛋 醬汁在兩邊蛋在中間就如一隻貓之眼一樣 簡直人間美食而且漢堡扒也十分推薦

今日男朋友要番工，所以嚟到灣仔食飯方便佢搭車。本來諗住試新景園咖哩豬扒飯，點知又係無開鋪行過兩條街，見到呢間平日午飯時間排晒長龍嘅貓之眼，今日無人排隊，決定入去試下。入到去店員好親切友善，好有屋企嘅感覺我叫嘅濃茄汁漢堡排蛋包飯，茄汁味道好似罐頭沙甸魚嗰隻味，蛋好滑，配埋白飯真係好夾，仲有個漢堡排都好有屋企媽媽整嘅感覺。男朋友嘅咖哩汁漢堡排蛋包飯，佢都話個咖哩汁好好味下次要再嚟，好想試埋佢個白汁蛋包飯

我鍾意食蛋😂😂見到有滑蛋既野，自然會心心眼😍黎開呢邊整野，專登黎覓食，行到內街，見到有三四個人係企左係門口，心裡咩餐廳咁厲害～望真啲👀原來係我想食果間😂😂等左陣就準時開舖做生意🤤一坐低咁岩風口位，麻煩職員開細啲，職員細心解釋因爲廚房就係面前，熄左怕會有味。所以先要開咁大，但因為我凍都熄左先，如果之後太大陣味/我熱就開返，又幾照顧到客人，至少會耐心解釋聆聽需要先👍🏻叫左個招牌蛋包飯：咖哩豬+濃茄牛+蛋包飯怕食唔晒，叫左少飯，上到枱熱辣辣出晒煙🤗濃茄牛好林幾入味，有三四舊都ok🤣比較鍾意咖哩豬，食落甜甜地好香咖哩味，但又唔會覺得好重口味🤣除左豬肉仲有啲配菜～唔錯架！主角滑蛋黎啦🤩炒得生生地幾滑口，不過好似好薄身，如果厚身啲既蛋應該再正啲🙈有汁撈下飯都食得好快😝但始終都食唔晒，總體唔錯既，如果價錢可以親民啲，就會黎多啲喇😚

無意中OpenRice 搵到呢間，見到個樣好好味，決定今日lunch就去試下，點知，去到已經勁多人排緊隊，條龍長到有成兩個舖位咁多，咁就諗住排下啦，其間店員唔記得俾menu 我地，佢最後行返過黎話唔好意思疏忽左，都好有禮貌。可惜等左好耐都未有位，唯有轉叫外賣，外賣都唔差架，佢有兩款料，都會隔開俾你，啲飯好大份，細食既朋友可以㨂少飯。啲蛋一啲都唔馬虎，好厚好滑，咖哩好香。好可惜係和牛漢堡扒唔可以外賣，真係唯有下次有時間先排隊坐低試啦。總括黎講係值得排隊等黎食既，不過如果lunch 時間有限既朋友可以選擇外賣，十分推介！會再光顧！

今日可能落大雨，冇乜人，吾洗等位。裏面位比較少，同有啲逼，坐得吾太舒服不過裝飾有貓貓 岩曬愛貓人士食物方面 叫左手打和牛漢堡 好厚肉 幾有牛味 需時15分鐘 個咖哩豬肉汁就麻麻 太少豬肉 不過岩吾食好辣嘅人🙃因為食落吾辣忌廉汁就普通 冇乜特色 滑蛋都好滑吾會好水 幾有蛋味 岩岩包住個飯 整得幾靚 冇穿到啲飯來自日本 食落軟硬適中 而且份量好大 我食吾曬杯檸檬紅茶 $28元 可以免費添飲一次 個茶幾清 吾會太澀 檸檬都新鮮整體都好好 價錢都可接受！

之前成日想食呢間，但因為自己收工夜，成日去到都已經last order or 已打烊，今晚終於試到。今晚落雨條街又靜英英，但間嘢竟然要排隊，搞到我勁期待。店員已派定餐紙，畀客人點定食乜，幾好呀。我揀咗咖喱豚肉+日式漢堡蛋包飯，其實同碟頭飯分別唔大，不過呢，個蛋好好味，又嫩又香，個漢堡扒好食到喊，勁嫩又Juicy。佢畀嘅汁又夠多，唔太咸，撈飯一流，而且每個餐都兩款味，唔會太單調。Cat Eye重點係招呼幾好，啲店員好友善，一啲都唔hea，唔似得其他受歡迎食店咁，成日對啲客呼呼喝喝。而且Cat Eye啲員工畀你感受到好真心

成日都想食蛋包飯😍😍上網見到有間好多人去打卡，咁緊係要去試下啦😆特登去左在灣仔A3出來走一小會兒名字叫貓之眼間鋪名好特別水準好好！去到緊係要試個招牌飯！招牌是三色咖哩飯選了咖哩豬肉番茄牛肉一食入口係幸福的感覺

今天小小馬跟小牛牛想吃的店被包場了只好在附近亂逛找晚餐碰巧經過一家小店 看似不起眼但外頭有好幾組人在排隊小牛牛覺得這間店一定有特別的地方看了招牌還是想不到賣的是什麼原來是日式蛋包飯來著 門外寫著用日本的米 加飯也不用加錢呢選擇很多 最厲害的是可以mix兩種醬看起來漢堡排超好吃的可是輪到我們時已經賣晒了蝦蝦沙律先來個沙律開胃柚子醬酸酸甜甜配上青菜以及大蝦蝦非常爽口蛋包飯配濃茄牛肉&燴牛肉汁兩個醬味道很搭 吃起來非常香另外這份是蛋包飯配忌廉雞肉&濃茄牛肉難以想像忌廉可以跟蛋包飯搭得這麼好非常特別又好吃

友人推介左呢間人氣既蛋包飯同我一試黎到灣仔既小巷 正係見到呢間特別多人門口等其實餐牌上既配搭 黎黎去去都係咁多種排完隊 一場黎到 點都要食店長推介啦份量都好多 先試左咖哩果邊 係甜甜地既日式咖哩配搭豬肉佐飯 真係會越食越多。洋蔥同紅蘿蔔都好吸收到汁既味道蛋包飯都做得唔錯，蛋唔係全實，用匙羹一挖就已經見到蛋汁沿白飯流出，食落滑溜濃茄牛肉反而覺得似罐頭開出黎咁，牛肉太實，茄味不足，唯一失分既地方不過以咖哩蛋包飯做招徠，其實已經好滿意但出面等既人真係太多，我地都只係衝衝忙忙食完讓比等候緊既人仕了

The line outside Cats' Eye is always so long, so I pounced at the chance to try it out when I saw that there were only 3 people outside this time. You could have a look at the menu and pick out what you would like to try while lining up too which means the time I have to wait at my seat is relatively shorter I ordered the two curries with scrambled egg and a hamburger/meatball patty. The meatball was soft and cooked to perfection, absorbing the sauce it was cooked in. The curry itself was not to

放工後同男友去左灣仔醫肚先，之後先再去AIA 度玩同倒數。我地去左食平時lunch hour 排晒長龍唔夠時間食，但又好好好好味既貓之眼蛋包飯。兩個都揀左手打和牛漢堡扒蛋包飯，即叫即整勁熱辣辣。佢啲日式咖喱甜甜地好香噴噴好好味，如果淨係比咖喱汁我，已經可以送晒成碟飯😍。和牛漢堡好厚身，牛味又濃，岩晒我男友衣啲食肉獸。我反而覺得塊牛太大塊，飽得滯食唔晒🙈，結果比左半塊和牛漢堡男友。蛋包飯啲滑蛋好正，蛋味香又夠滑，唔知係咪用日本蛋所以咁香蛋味呢。佢啲飯用左日本珍珠飯，好香飯味同粒粒都好彈牙，但由於我細食，所以落單時叫左少飯。好彩叫左少飯咋，唔係一定食唔晒。

其實呢間餐廳食咗好多次，每一次lunch嚟都好多人排隊，不過今日好早來到， 所以大約等左15分鐘入座。喺門口已經有人派紙仔俾你，等你諗定食邊一個餐，落左單之後很快便上菜。叫咗漢堡扒牛肉咖哩，好鍾意呢間餐廳嘅蛋包飯真係好香好滑，漢堡扒10分juicy，咖哩牛肉好香好野味，大大的一碗飯俾我食晒😋

試食新野，蛋包飯。原本念住系打名堂靠宣傳既蛋包飯，抱住念住試下既心態黎食，未食時念住5分普通蛋包飯，食完之後我比8分絕對值得黎試一次。因為食完呢次，你會食下一次。餐單本來打算叫和牛漢堡，但8點就已經賣晒之後改叫忌廉雞加牛汁牛蛋包飯，男朋友叫咖哩汁豬加牛汁牛蛋包飯，值得加分系蛋做得好靚，唔系全熟一塊膠咁，系嫩滑有柔軟度既蛋鋪系白飯上面，左邊系牛汁牛，比較濃味，右邊系忌廉雞，有埋西蘭花紅羅白煮得夠冧，忌廉汁好香好Cream味食落好舒服，唔系用粉溝岀黎果d。雞肉大小形狀適中，一口一舊，食落好豐富又滿足既感覺。咖哩豬都唔錯，完全系日式咖哩果種，唔辣但重日式咖哩味，感覺都唔似包裝自己溝。總括黎講，可能因為其他蛋包飯多數系配牛肉，我就覺得牛汁牛無咁突圍而岀，汁最濃味，其次先系咖哩。喜歡程度：首選忌廉雞8分(下次會再叫距)，之後咖哩豬，然後牛汁牛。下次會試和牛漢堡！期待。加分位：蛋既造法、忌廉雞！提外鼓勵，場內一位粗框眼鏡大叔店務員服務態度好好，會主動講聲唔好意思打擾你，先再同客人溝通。對位客人溝通非常有禮，處理很好。值得讚讚，希望距開心繼續努力！有熱誠！

餐廳屬於小店, 座位不多, 冷氣撞牆而下確實有點冷, 幸好店員貼心, 關掉冷氣令室溫稍為暖和。店舖主打蛋包飯, 配菜可選咖哩豬肉、濃茄牛肉、忌廉雞肉、手打和牛漢堡扒和燴牛肉汁。另有沙律小食和飲品可供選擇。咖哩豬肉 + 濃茄牛肉 + 和牛漢堡蛋包飯 $108蛋包飯色彩繽紛, 令人食慾大增。雞蛋嫩滑, 沾上醬汁同吃, 十分送飯。咖哩豬肉味濃, 甜辛適中。漢堡扒入口即化。濃茄牛肉既軟綿亦有咬口, 味道濃郁, 茄味十足, 味道有如牛尾湯汁。蛋包飯份量不少, 肉感十足, 吃畢實在有點滯, 或許是太過進取, 如果少叫一個漢堡扒, 應該剛好。

成日都會口痕痕想去貓之眼食番個蛋包飯做Lunch😋 而每次去到都要簡一陣先叫得(因為每樣都好吸引呀！) 而今次就叫左個招牌三色蛋包飯 - 咖哩豬肉+濃茄牛肉。加埋個蛋包飯就有三隻色，感覺係超級豐富🤤依度拎黎整蛋包飯既蛋🥚係來自日本㗎，雖然我唔識食，食唔到個分別，不過個蛋包飯啲蛋又真係又滑又香，熟度剛剛好，不太乾不太濕。另外既咖哩豬同茄汁牛就係另一個白飯killer🍚汁撈蛋包飯，好快就KO成碟飯。同埋個分量其實都唔少，每次食完都好滿足！