貓之眼

營業中

休息中

喜歡貓咪的話一定要來這家店看看，店內很多關於貓的溫馨精致壁畫，可以體現出店家的用心。菜品味道也很不錯，尤其是咖喱，香軟滑嫩，味濃而不膩，加上金黃柔嫩的蛋包飯簡直是絕配。

每次經過catseye都見出面有好多人排隊有晚咁岩係灣仔個邊做完野就打算同班同事去試下係咪真係咁值得排隊食星期二八點半左右到達 店入面仍然fullhouse前面有4個人排隊 我地係外面望住menu討論一陣食咩 等左大約10分鐘老闆十分熱情咁請我地入店～親切微笑又介紹menu店入面播日本流行音樂～比人感覺身處日本當日漢堡扒已經售罄 叫左店長推薦おすすめ 咖喱豬肉+燴牛肉汁蛋包飯第一次食鴛鴦汁既蛋包飯 有d期待咖喱係日式咖喱，偏甜唔辣，好易入口雞蛋煎得半生熟，有d似滑蛋燴牛肉既紅酒味好出，對鍾意飲酒既我，呢個係加分位，牛肉軟軟腍腍，好味唔同一般蛋包飯入面d飯會加茄汁撈一撈位，呢間餐廳係用白飯包住d返，比較迎合香港人口味，性價比亦算很好。其實我覺得店長可以mark up d價錢都合理架皆因依家香港d日本料理餐廳價錢真係亂黎好欣賞呢到令香港人可以用合理價錢食到日本料理，會繼續支持店長下次會黎試埋個漢堡扒

一點幾兩點去到都要係出面排，等左大概20分鐘終於有位，裏面大概有20個位，唔算好大🤔-9號 - 咖哩豬肉 + 和牛漢堡蛋包飯🥚🐮🐷 ($95)對日本咖哩情有獨鍾嘅我，食親日本野都揀咖哩😋哩間嘅咖哩同平時日式咖哩唔太一樣，唔會太甜又唔太辣咁至於個和牛漢堡就好正，入口有牛油嘅香味，但唔會比佢嘅汁搶走晒啲味🥰兩邊嘅汁配埋中間嘅日本滑蛋加飯，眨下眼就清晒🤣-1號 - 咖哩豬肉 + 濃茄牛肉🐮🐷🍅 ($79)朋友個個有哩度出名嘅濃茄牛肉，啲茄汁真係幾濃，但又唔係用茄汁整嘅個種濃，食得出佢真材實料🤤只不過個人認為濃茄牛肉聽落好似茶記啲餐咁，硬係好似同日本野有少少唔夾🙈-整體水準幾日本feel，如果價錢平民啲就仲抵食啦😆-貓之眼 (灣仔)好味度: 8.5/10抵食度: 8/10回頭度: 8/10

一直都好想食蛋包飯，唔係嗰啲蛋皮乾爭爭嘅，係真係有滑蛋蛋汁嗰隻。今日終於食到！ 上網搵「蛋包飯」，呢一間都名列前茅，今日終於去朝聖。名為貓之眼，取其意係中間有鮮黃色嘅蛋包飯，而兩邊就有唔同嘅配料。 我同友人平日1點就到，店前已經有一條人龍，可見係區內都名氣不錯。患有選擇困難症嘅我，又想食咖喱豬肉，又想食濃茄牛肉，又想食燴牛肉汁，又想食和牛漢堡。一路等位，一路苦惱着，直至到店員話已經買晒和牛漢堡。最後決定食咖喱豬肉加燴牛肉汁蛋包飯。蛋包飯果然一流，就算只係蛋包飯都已經夠我食足成碗飯。咖喱豬肉正常發揮，日式咖喱甜甜地配以紅蘿蔔。至於牛肉汁就真係麻麻哋，有啲鹹，太濃味。相信如果食濃茄牛肉應該會好啲，因為咖喱本身已經算濃味，配清新啲嘅蕃茄成餐飯會平衡啲。下次有機會真係要早啲嚟試吓和牛漢堡。

好耐無寫過食評，但自從工作搬左嚟灣仔，就覺得有太多美食要記低，所以的起心肝開始寫返啲，記低一下身邊嘅美食！我諗如果你睇到之前嘅食評，就知道Cats' eye就算係lunch，都要等好一段時間，我朋友12點半等位，都等到1點鐘先可以入去，所以要有心理準備。但長長的人龍，就係等如質素嘅保證，isn't it?當日咁啱係Cats' eye搬舖嘅日子，寫哩篇食評時都未有新餐廳地址的資料，其實就係本身間舖對面，非常易搵～由於朋友仔係第一次食，所以我推介左佢食忌廉雞肉（我最愛）。我首先揀左我最鍾意食嘅咖哩豬肉＋忌廉雞肉蛋包飯，朋友仔就揀左忌廉雞肉＋和牛漢堡蛋包飯，但好可惜，唔知係咪重係試業嘅原因，佢今次竟然就係冇哂忌廉雞肉！！無計，最尾我地兩個都揀左咖哩汁漢堡扒蛋包飯，佢就加多杯即磨冰咖啡。咖哩汁漢堡扒蛋包飯叫左10分鐘左右就上到菜，算係正常水平。其實我都係第一次食佢的漢堡扒，味道ok，但比想像中易散開，蛋包飯就keep返本身質素，非常之嫩滑，再加埋咖哩汁，除左yummy我冇補充！即磨冰咖啡即磨冰咖啡就冇咩特別，可叫可唔叫。同埋其實佢個open kitchen 會見到杯咖啡其實一早prepare好

蛋包飯看似普通但實際絕不容易，蛋包飯就像丼物，配料不會用上矜貴的食材，主要是蛋、飯、醬汁這三大元素而成。因這裡不設訂枱，所以都是以先排隊後入坐(人齊方可入座)，所以有心食，真係要早點來到。座位約有20個，一邊以開放式廚房再作排排坐座位、有幾個位置向窗，而其餘的都是二人對坐的方枱。店內不算十分寬敞，但感覺還是舒適的。貓之眼的名字和正正便是Logo，其招牌的三色蛋包飯，蛋包就像眼珠，左右兩款不同的醬汁而成，就是像貓眼睛一樣。座位約有廿個，有幾個是向窗和向開放式廚房的排排坐座位，其餘的都是二人對坐的方枱。不算寬敞，但感覺還是舒適的。蛋包飯正正是這裡靈魂所在，店內都用上了日本原材料。切記要珍惜食物，唔好浪費呀。咖哩汁漢堡扒蛋包飯 - $95來到時相當吸引，香氣撲鼻。蛋香甚豐，順口滑溜，米飯軟綿。滑蛋表面散發著光芒，亮滑的表面毫無皺褶，處於半熟和全熟之間；而且厚薄適中均勻，剖開便能看到蛋下的米飯。餐廳採用日本和牛漢堡，肉質鬆化，食落肉汁豐腴又唔膩。 

個日去左書展，行完一輪冇咩好睇，就出尼搵好西打開openrice就見到佢好評如潮，於是就立即起行過去啦入到店面，座位不多，而且氣氛好和諧，有一種好舒服好舒適嘅感覺😊😊😊店員好親切每個座位面前都有一個餐牌貼住，可以好清楚咁睇到，但大部分係日文😂😂😂😂所以係睇圖多最後叫左招牌菜，蕃茄牛肉加咖哩豬肉我叫左少飯，因為尼之前行街食左少少野，等佢5點開門，等到有啲肚餓。但少餓依然好多飯.講返個飯先：個蕃茄醬係濃濃蕃茄味而不漏的，前味係香，後味係甜，不錯，日本咖喱係偏甜，吾辣的。蛋煮得好滑又香蛋味。我係見到依張牌，先知可以叫少飯的，這個提示牌good 👏👏👏

讀書年代好喜歡去書展，那些年一大早就往灣仔闖，留連一日，再買上十本八本不同的作品伴我渡過漫長暑假。 近三數年再無雅興跟人逼，望著那人山人海的展館實在叫人卻步。不過今年得知有幾個喜歡的作家作品會在書展裡優先發售，為表支持，決定再次一戰。 先果腹才有氣力上戰場，來到灣仔有名的蛋包飯店，周六六時半左右到達，門外已有一條十數人的人龍，大約等了三十分鐘才能入座。咖哩豬肉、濃茄牛肉蛋包飯 $79 即點即做，每個飯到手時仍是冒煙的，咖哩以三十五種香料特調以成，吃下就是日式咖哩的味道；而濃茄牛肉帶甜，牛肉軟稔，燴的時間夠長夠入味。 濃茄牛肉、和牛漢堡蛋包飯 $95 淺黃色的蛋炒得嫩滑，蛋味濃郁，配著軟糯有米香的白飯同吃感覺幸福；漢堡扒渾圓肉厚，質感鬆軟，略嫌胡椒粉下得太重手，不是我喜歡的調味。 一口接一口，轉眼就吃到一滴不剩，元氣滿滿的出發。可惜整個晚上都有點渴，與同類型的日式家庭小店相比，更喜歡鰂魚涌天后的坐忘。

灣仔汕頭街雖然只有短短100米，但可謂臥虎藏 龍，各國美食應有盡有。貓之眼於區來赫赫有名，每逢飯市經常現人龍，今天就來品嚐一下這間人龍店。甫進店內，感覺就像置身日本洋食屋。咖哩豬肉·茄汁牛肉蛋包飯 ($79)賣相吸引，香氣撲鼻。蛋香甚豐，順口滑溜，米飯軟綿。咖哩味道濃厚，帶有微微的辣，非常惹味，十分下飯。茄汁味道香甜，牛肉軟腍，十分開胃。醬汁的份量足，夠拌飯有餘。蛋包飯絕對是高水準之作，簡直令人吃不停口，味道跟日本吃到的一樣，而且價錢十分親民，性價比高！

放工去書展前先食個飯，反正要等男友，佢又鍾意食咖喱，就在人氣店貓之眼排隊等入座。7點左右去到已經排到過了兩個舖位。店員會在客人在外等候期間派menu同筆比你揀食乜。主菜是蛋包飯加不同的汁料，以及加漢堡扒的組合。另外亦有一些沙律和小食可以揀。等了約30分鐘，終於可以入去。餐廳不大，坐位有點迫。濃茄牛肉+燴牛肉汁蛋包飯 ($88)飯面的蛋好滑，蛋汁滲入飯內的確不錯。濃茄牛肉汁覺得不夠濃，牛肉切成粒狀軟腍。燴牛肉汁的牛肉是一片片，個汁亦有很濃的肉味，個人覺得呢個汁係最好味。咖哩豬肉+和牛漢堡蛋包飯 ($95)豬肉也是片狀，咖喱唔辣，是偏甜的日式咖哩。和牛漢堡超好味，首先肉超厚，又唔會打得好實，本來都覺得唔錯，食完就即刻入書展，不過行咗一陣，就覺得異常口渴，連我男友食開咖哩都係咁覺得，先發覺可能味精有點重。利申: 我地另外叫咗個可樂，唔係完全無飲野。

終於試到呢一間位於灣仔嘅人食蛋包飯小店，座位唔算太多，排左15分鐘終於有得食。濃茄牛肉、蘑菇雞肉、咖喱豬肉，三選二配蛋包飯都係$79，幾抵食🤤招牌三色蛋包飯上菜嘅時候震懾左我，滑蛋煮得半生熟，配埋紅色嘅班嘅牛肉汁同白色嘅忌廉雞肉汁賣相好靚呀（寶寶叫嘅咖喱牛肉相對來講就不過不失）！😍食落滑蛋出色，醬汁冇落味精但係撈飯一流，誠意推介俾大家🤘🏻💕-招牌三色蛋包飯 | $79-貓之眼 (灣仔)灣仔汕頭街25號地舖-

噚日（19-7-2019 Fri)放工後，去書展前食個晚飯，我提議咗3間喺灣仔嘅食肆速食，老公揀咗呢間，因為之前男友人NT推薦過。我哋放咗工第一時間標嚟，老公先到，佢喺6點25分已經到達，話已有15人以上嘅人龍，我去到會合佢，亦揀定食咩嘢，老公必試手打和牛漢堡扒飯，而我就要試招牌三色蛋包飯，但睇睇吓，見到有特選，特算係三色蛋包飯加手打和牛漢堡，我哋叫一個share食，咪可以滿足晒兩人嘅要求囉?我哋再要一個沙律小食就夠晒。等到7點12分左右就有位，我哋坐吧枱位，亦問問另一款季節限定嘅沙律係咩嘢?就係$32.00嘅煙鴨胸沙律，咁就要呢個。而特選，我哋係揀咗$109.00，咖哩豬肉，忌廉雞肉，手打和牛漢堡蛋包飯多飯。5分鐘後，兩樣嘢都到齊，我唔客氣喇，一食蛋白飯已經有驚喜，啲蛋好嫩滑，味道濃郁，又食到啲奶味，真係好好食，只可惜得薄薄一層，再多啲會好正。忌廉雞肉汁嘅味道都好出色，非筆墨可形容;咖哩豬肉味道比想像中濃同辣啲啲，我就鍾意忌廉雞肉多啲;厚厚嘅手打和牛漢堡味道較淡，口感極鬆軟。成個飯嘅份量好似少咗啲，唔知係咪我哋食得太快呢？而嘅煙鴨胸沙律呢，呢個正正常常冇問題啦。其他:門外都黐住張紙，

這間餐廳開了數年，身為街坊的我一直都沒有機會試吃，因為實在是太多人排隊了😢皇天不負有心人，機會終於來了！這天難得和同事剛巧在附近上完訓練，又過了繁忙時間，決定搏一搏。在排隊的時候，店員遞上餐牌叫我們可先決定吃什麼，但很可惜漢堡扒已售罄😭😭。我們大約等了約10分鐘就可以入座。在上菜的時候，我和同事都不約而同地覺得食物比圖片更吸引😍😍，令人食指👆🏻大動😋😋，不再是「圖片只供參考」🙊🙊。果然沒有令人失望，整個飯都很好吃！！蛋很滑很香，蕃茄牛肉令人有驚喜，份量足料👍🏻👍🏻絕對會在不久的將來試試它的漢堡扒！😬😬

位於利東街附近的日式咖喱飯店午飯時間極之受上班一族歡迎門口平均大約有十多人等候但店內只有20個座位想吃美食看來要付出一點看看餐牌其實離不開五樣主食：咖喱豬肉、濃茄牛肉、燴牛肉汁、忌廉雞肉及和牛漢堡店長推介的只有三款：咖喱豬肉濃茄牛肉蛋包飯、Cat's eye特選（咖喱豬肉、濃茄牛肉、和牛漢堡蛋包飯）、燴牛肉汁咖喱豬肉蛋包飯燴牛肉汁咖喱豬肉蛋包飯（燴牛肉汁增量） － $100左邊是燴牛肉汁（增量），右邊是咖喱豬肉咖喱豬肉的豬肉比較碎小，肉量不多，而且豬肉的味道很啖相反，燴牛肉汁（增量）有很多，而且牛味很重如果可以會選擇兩邊都是燴牛肉汁俯瞰起來就像一隻貓眼難怪取名為貓之眼店內雖小，但都有兩名侍應，兩名廚房所以叫東西，幾分鐘後就有得用餐了只是等位比較花時間

同兩個同事食lunch可以選擇啲小店呢間鋪唔大 容納唔到太多人 所以少人去就岩12:15 到 都唔洗排太耐 排1-2個大約等左15分鐘左右就入到種類唔算多 但就有唔同醬汁配搭想試哂既可以叫「店長推介」左面有咖哩豬肉 右面有蕃茄牛肉中間仲有超滑蛋包飯同一舊和牛漢堡扒咖哩係甜既咖哩 洋蔥味好香甜 幾適合女士口味至於茄牛飯應該係男士既comfort food茄味唔算突出 味道偏甜 但牛肉粒就好淋滑！塊扒都幾厚架 目測都有成2-3cm!口感就有啲太粉 牛味唔算濃但蛋包飯實在做得太出色令人對漢堡扒既要求大大降低同事點左份雙拼既 係燴牛肉拼咖哩豬試左一淡燴牛肉 醬汁味道較濃烈 有輕微酒味整體都幾好味 下次可以叫雙拼都夠