貓之眼

營業中

休息中

我想再嚟呢度食好耐 呢間未變人龍店前食過一次 覺得ok啦 所以想知係因為黃店或好味道嘅關係而成為人龍店？⠀⠀晚飯時間去都預咗要排隊 好彩都係排咗15分鐘啫 (如果唔係前面有兩group未齊人而唔入得店嘅話我應該仲要等耐啲) 排緊隊嘅時候店員已經遞上一張餐紙俾我選擇食物 我見有好多款雙拼飯 可以一次過試唔同嘅組合確實係唔錯啵⠀⠀原本揀咗燴牛肉汁+和牛漢堡蛋包飯 (HKD99) 點知差唔多到我入店舖前店員就話和牛漢堡已經賣晒 得番六款飯選擇嘅情況之下我揀咗咖喱豬肉+燴牛肉汁蛋包飯 (HKD89)⠀⠀入到店舖坐低後就將餐紙交俾店員落單 等咗大約15分鐘後就有得食 碟頭對女仔嚟講係大份 賣相係幾靚嘅 蛋包飯味道唔錯 啲蛋炒得夠嫩滑 反而咖喱嘅味道就麻麻地 雖然個醬汁甜甜地好適合送飯 但係個汁好稀所以要扣分 總括嚟講我就唔覺得係其他人口中性價比高嘅咖喱汁蛋包飯 不過爲咗要 #懲罰黃店 嘅話可以排隊一試嘅😝

晚上在灣仔探望朋友後，便直接到附近醫肚，上網搜索了附近有一間蛋包飯專門店，就去試下!餐廳座位唔多，而且有很多人排隊，我等了大概30分鐘才有位😭同上次食牛肉飯一樣，排左咁耐，最想食的和牛漢堡賣哂😭最後我點了一個三色蛋包飯，份量很多，都不用點沙律及其他小食😂1.招牌三色蛋包飯（咖喱豬肉+濃茄牛肉） $82這個蛋包飯賣相非常吸引，金黃色的蛋炒成半熟狀態，非常滑溜，而蛋下的飯粒吸收了蛋汁後更加好味😋日式咖哩味道偏甜不辣，濃茄汁酸酸甜甜，配蛋包飯食非常之夾🤤豬肉和牛肉唔韌，而且仲好入味，讚👍🏻

最近食飯都要諗過度過，除咗好唔好食，仲要諗住黃色經濟圈但另一方面諗就係方便左好多，跟住個黃list揀今日就係個list到睇中依間咖喱蛋包飯，我嚟啦小店得十幾二十個位，lunchtime未夠十二點三嚟到已經開始排緊隊最後都排左成25分鐘左右先入到排緊隊嗰陣會派定menu比大家揀糾結左好耐，樣樣都好似好吸引漢堡扒又吸引，又想試下其他汁最後揀咗燴牛肉汁+和牛漢堡蛋包飯一上枱已經流晒口水個樣好吸引，聞落又好香先試個蛋好滑溜又有蛋香兩款個汁好好味一邊類似日式燒汁咁甜甜地，另一個牛肉汁就好重肉味肉方面，牛肉同漢堡都好入味最後撈埋啲蛋同飯真係超級一流好彩嗌左多飯，食到好滿足

平時好少食蛋包飯，咁啱喺灣仔附近行街，睇到門口裝飾就知係黃店嘅鋪頭，然後見到好多人排隊，再睇下個餐牌，就決定同朋友入去試吓。餐廳有唔同口味同味道嘅蛋包飯，有雞肉，豬肉，牛肉，漢堡扒，適合鍾意食唔同肉類嘅朋友。我揀咗牛肉味同咖喱豬肉，朋友揀咗雞肉同牛肉。份量非常足，一個女仔食應該會覺得好多，男仔嘅話都會覺得好飽。裝修方面，鋪頭地方比較細，未必適合好大班人一齊去，但服務態度同環境整潔程度都非常好。推薦比鍾意食蛋包飯嘅朋友。

貓之眼－直都係大食妹嘅to eat list度今日同朋友仔行完聖誕市集, 返到港島, 就的起心肝去排隊可惜仲等緊位嘅時候, 店員已經事先通知得返幾個餐雖然漢堡扒賣曬, 但係排左－段時間, 唔可以前功盡費, 我地都係入左去食餐廳座位唔係好多, 人多嘅時段可能要等耐啲...餐廳仲有賣佢自家嘅明信卡同曲奇, 貓控記住唔好錯過呀<凍檸檬紅茶(可添飲1次)>檸檬紅茶味道比港式檸茶甜, 但飲落幾清涼<招牌三色蛋包飯: 咖哩豬肉+濃茄牛肉>比起咖哩豬肉, 大食妹更加鍾意濃茄牛肉, 少少酸酸甜甜, 好開胃配上蛋包飯, 簡直—絕咖啡豬肉略嫌普通<燴牛肉汁飯: 咖啡豬肉+燴牛肉汁蛋包飯>燴牛肉汁應該有加酒, 味道較濃, 但酒香大大提升左蛋包飯嘅層次, 唔錯唔錯

搵下google灣仔美食 👦🏽好快就鎖定左呢間 入到去好感覺好舒服 好似去左日本感樣 店員大大隻看似粗獷但非常有禮貌 招牌三色蛋包飯 $82 咖喱豬肉同濃茄牛肉配搭得好好 咖喱屬於BB辣 杰身好撈飯👌🏻 牛肉好淋又大舊 加埋茄汁好好食😋中間蛋包飯半流心狀態 剛好分到一半咖喱一半食茄汁鰹魚汁浸茄子 $28茄子好大舊 浸得好入味吾會淋曬 鰹魚汁吾會好咸 仲有好多木魚碎 加埋一齊口感豐富左鰹魚汁冷豆腐 $28日本式既冷豆腐係我飛佛 大磚不在話下 相比其他店黎講實淨啲 混合左薑蓉第一啖真係麻麻 不過食落又吾錯☺️

呢排喉嚨唔舒服 但又餓左一日唔想食粥咁慘想食呢間鋪頭好耐啦 但一直少出港島最近發現佢係良心小店💛 即刻支持下一入鋪頭就見到好多貓人 好得意要讚下店員係超級有禮貌同超級樂於助人個餐牌好精美叫左個招牌三色蛋包飯 $82聽得最多就係啲人問：咖喱辣唔辣?店員好有耐性咁答：日本咖喱 甜咖喱其實係有少少少少辣既 咖喱豬肉：咖喱味好濃呀! 建議食左一啖濃茄先 如果唔係蓋過左食唔出濃茄既原味最緊要豬肉都唔韌! 濃茄牛肉：食第一啖有牛奶味 雖然蕃茄味唔算好濃 (可能平時食慣左再濃味啲既茄湯湯底)牛肉係新鮮 帶有濃濃既牛味 都幾彈牙另一個唔係我食的咖喱豬肉 濃茄牛肉 和牛漢堡蛋包飯 $108但我試左一啖佢個和牛漢堡係好鬆軟既!鰹魚汁浸茄子 $28睇openrice 大家都係食飯多我叫多左個冷盤食呢個係出符意料之外既好味其實佢有成8 - 9 件啲鰹魚汁好出色 同日本食既感覺一樣茄子浸得好入味!!! 再加上啲木魚絲令到啲味道唔會單簿 多左一陣味同埋咬落去個口感豐富少少 因為茄子煮得好冧

香港主打蛋包飯既餐廳唔多，某日同男朋友經過開灣仔，見到OpenRice 有咁多好評，一於試下佢！呢間灣仔小店位於利東街附近既內街，位置唔算顯眼，但我地夜晚去到已經見到唔少人排隊啦。好彩唔算排好耐就入得！店鋪面積唔大，但周圍都見到好多有關猫猫既日式插畫，好日式住家風溫暖既感覺！店員十分有禮，服務好好。一見到餐牌已經好吸引，因為小妹好鐘意食蛋包飯！呢度有唔少配搭既蛋包飯，我就叫左招牌三色蛋包飯男友叫左咖哩豬肉+燴牛肉汁蛋包飯！D蛋汁好滑，濃茄牛肉好入味，仲有甜甜既日式咖哩！我冇叫到少飯，但都好味到我成個飯食哂！男友都覺得個燴牛肉汁好出色，我地兩個都食得好滿足！會再encore！

Bookmark左呢一個蛋包飯好耐，今日終於經過灣仔可以一試😋米豬連welcome🐷😉室內有好多可愛田園風的畫，每一幅都有香港特色，例如呢幅就係太子花墟💐我地揀左兩款招牌三色蛋包飯🥚食量不大的客人可以叫少飯呀。咖喱豬肉拼濃茄牛肉日式咖喱偏甜唔辣，洋蔥炆得好冧軟熟。除左有粒粒豬肉，仲有蘿蔔粒🥕茄味濃郁，牛肉冧得黎肉質唔韌👍兩款醬汁都好好味，而且份量足夠，撈飯食一流。蛋包飯的滑蛋更加係錦上添花喔咖喱豬肉拼忌廉雞肉忌廉雞肉creamy，建議食完咖喱先食忌廉。我覺得忌廉汁仲重味過咖喱😂出色的蛋包飯，雖然位置偏遠不過一定會再黎呀😋❤️

手打和牛漢堡蛋包飯 同杯凍咖啡☕️都色香味俱全😋👍🏼🤙🏼今時今日食飯無需要幫襯大集團嘅餐廳，喺香港🇭🇰大把值得支持嘅「小店」🤙🏼。黃藍是政見，黑白是良知😎

聽說這間人氣小店在這條街經營多年，由於生意良好，在同一條街，又增加多一間分店。有趣的地方是，兩間分店的食物風格不一樣，一間是吃拉麵，另一間才是叫蛋包飯，所以要看清楚，否則會排錯隊。排隊等候時間相當長，是進食時間的三倍多！值唔值得？見人見智！咖哩系列是必食之選，因為採用日本甜咖啡，不辣且香口！餐食以雙拼為主，九成九都是牛搭配多一種肉，如豬、雞。

I wanted to have Japanese curry rice after lesson. So, I walked around in Wan Chai and found this little bistro called “cat’s eye”. I tried one of their signature dishes, which was the omurice with curry pork and hamburger steak. It was so delicious. 😍 I will definitely go there for omurice again.

發現好吃店😋😋😋👍👍👍，昨晚去到金鐘元氣先發現關咗門，唯有落番灣仔搵食，記起呢間未試，再見到咁多喵喵畫，更加想入去支持。點了這8號仔忌廉雞肉+燴牛肉汁蛋包飯$89（冇收加一，但服務超快速及周到），嘩好好味呀～😋蛋蛋滑得嚟又唔會乾，牛肉燴到入味及腍，但不會爛。忌廉雞肉都好味很不錯。所以極力推介這小店，下次在較少人時間來點需要時間等的漢堡牛肉。另外貓貓明信片也很道地，既靚又絕對是當作手信的好選擇。雖在不起眼的小橫街，但晚市仍很多人在店內吃吃。也發現原來在Openrice 有這麽多likes.

招牌三色蛋包飯 $82三色蛋包飯可以選醬汁，今次我選左咖哩豬肉同濃茄牛肉*上碟既時候見到連埋蛋包飯，就正正對應返店名係貓眼既形狀*顏色好吸引，賣相一流*蛋包飯既蛋非常滑，厚薄適中*連埋飯一齊食超正👍咖哩汁係日式甜咖喱*而濃茄牛肉汁都係日式既甜蕃茄味道*汁既味道係好味得黎唔算太特別，份量都多同夠拌飯***

同肥髀及她朋友去完動漫節，就待呢間餐廳中場休息後開門，差不多時間去到，店內已坐了客人，好在都不用等就入座，吧枱位置平排坐，每人派一張點餐紙，每人落自己的餐點，好快上菜！咖哩牛肋濃茄汁蛋包飯（$79）黃色蛋分開兩種汁，色彩繽紛的，日式咖哩夠濃，有咖哩香又不辣（基本日本咖哩是不會辣的）牛肉粒是有筋膜好淋身又有牛肉味，配合的蔬菜又入晒味，好味，蕃茄汁又濃，酸酸的開胃，加上蛋很滑，撈埋珍珠米飯好夾好好味！最後真的清碟😆👍🏼零糖可樂（$12）好開心有減肥汽水，仲要是樽裝，特別夠汽👍🏼燻製鴨胸沙律（$32）因季節限定而叫的，鴨胸唔嚡鹹香，蔬菜是日系餐廳大路蔬菜，幸好不會落太多沙律醬，不會搶晒蔬菜的味道！ok肥髀食手打和牛漢堡燉牛肉汁蛋包飯（$88）燈汁（$18）肥髀朋友食咖哩豬肉燴牛肉蛋包飯（$88）可口可樂（$12）食物仍是好味，店員有禮斯文有笑容！蛋包飯餐廳不多，希望呢間保持水準