豪華餅店 (已結業)

今日下晝坐小巴落九龍城買床上用品, 經過豪華餅店見有人龍排隊買麵包, 在獅子石道買完要買的東西之後, 走去望望原來係排隊買新鮮熱辣出爐的蛋撻, 咁多人排, 估計係好多名人介紹過, 睇門口貼的雜誌介紹便知了, 蔡瀾, 阿蘇, 周潤發都幫襯過!蛋撻果真熱辣辣, 好彩剛剛去到係出爐時間, 個酥皮好正, 好多層, 入口即溶, 蛋心味道較甜, 不過唔會漏, 件蛋撻都算係一件水準之作食完仲買多四件番去俾老豆食, 佢都話好食

好評如潮的蛋撻, 我唔會錯過, 今日又到了豪華買番兩個o黎食可能唔係新鮮出爐, 所以係凍蛋撻, 皮好鬆化, 但係凍o左的蛋撻唔可以令個鼻去享受香味了 之不過蛋黃食落依舊甜美, 不過口感都係唔夠滑, 又係凍o左累事唔知出爐時間係幾點, 而家知道了, 下次去食一定要係剛出爐先得...

自稱為「瘋酥皇」的我，一向對酥皮情有獨鍾，來到「豪華餅店」，又怎能放過其馳名的「酥皮蛋撻」？入店後本來想買兩個，但阿姐推介十元三個，我二話不說回答沒問題，順道向阿姐查問可否為蛋撻拍個照，阿姐馬上示好，快人快語夠豪氣。酥皮一層一層地帶著重牛油香，口感鬆化，蛋漿的甜味與蛋味夠平衡，濃淡度亦適中。出爐蛋撻跟出爐麵包一樣，就算素質平平，亦會馬上增加分數，更何況是有質素的酥皮蛋撻。如果來到這區又口痕痕，不妨買一個來止止咳，原因很簡單，「豪華酥皮撻，問誰領瘋酥！！」

一向對蛋撻(尤其酥皮)情有獨鐘今日經過`就買了1個黎試下剛出爐..很高興拿上手是熱的= ]一咬`酥皮真的做得很出色非常鬆軟有層次而蛋漿都好夠蛋味,,比起同樣價錢既麵包鋪好多了= ]一定有下次

早上的天氣不是太冷，但冰冷的是朝早的蛋撻。真的不明白，為何咁早來都沒有新鮮蛋撻，滿心歡喜以為一定有熱騰騰的酥皮蛋撻吃，可惜要三個，三個也是凍冰冰的，撻皮所以毫不酥脆，蛋也不香，此蛋撻不合格，若純評蛋撻的話一定要給喊臉。幸運的是今天也再買了肥卷做早餐，如看我以往的食評也有提過，「肥卷」是我和女朋友幫它改的名字，是因為這卷蛋那驚為天人的腰圍，既然上兩次已試了原味及綠茶味，今回一於試最後的一款味道，巧克力味。說回那「肥卷」，吃起來也很有蛋味，且鬆軟，但巧克力味好像是薄了一點，跟上回綠茶味犯了同一問題，看起來這七元也真的不太值得付，所以建議也是吃原味。一好一壞，給它一個ok吧，而總共五十五元，夠很多人吃的了。

堂堂的豪華蛋撻,竟落得被拒諸門外的下場.連做個蛋撻也要活在當下,好,此地不留撻,自有留人撻,一氣之下,拿出門口"立食".你有性格,我在門外吃蛋撻,更有性格,幾個人在街上吃蛋撻如篤魚蛋,排排企,吃蛋撻,沒有枷鎖,吃得隨心所欲.出爐不久的蛋撻,絕對不會差得去那裏,酥皮鬆脆,味帶點牛油香,蛋漿的蛋味香濃.多年如一.今次還多卻一份,得來不易,苦盡甘來的滋味,唉,豪華蛋撻,你真慘.

波兒從黃大仙坐小巴出旺角, 往往見到一條人龍從豪華餅店出現, 每次大概七八人左右今次終於去買o左兩個"撻"食, 三個半一個, 溫度唔算熱, 應該已經出o左爐一段時間, 不知佢幾點出爐呢, 如果知道就好! 個撻唔會好甜, 蛋味都唔算好重, 以蛋的味道計, 波兒覺得只係一般, 不過食落個酥皮幾好食, 以個酥皮計就唔錯, 可能o的人係為o左個酥皮而來啦, 但見之前個食評又話個酥皮唔好食, 可能人人口味唔同啦, 但我認同蛋味唔夠就真!

今曰心血來潮去九龍城買我小時候至愛既豪华旦撻. 都有成年冇食過, 今日專登同老公來買, 点知...- 人龍大概5-6人, 絕對可以接受- 排到頭位時我老公問"点解聞唔倒香味?" 我當時不以為言, 仲同老公講"可能我地企得開啦"- 4 個旦撻, $13.50 - 即$3.375 一個 (又会咁零丁?)- 我真而重之咁將4 個旦撻拎番屋企, 滿心歡喜咁食- 結果極之失望. 酥皮一D 都唔酥, 實既! 個心仲衰, 以前既旦香完全冇哂, 個心又實, 明顯overcooked.一個好失望既週日

羊羣心理又一次成功作祟了,見長長的龍尾越過了兩個舖位, 吸引了我去買番個酥皮雞蛋揵食一買, 當然不是買一個啦, 買了半打普通雞蛋撻之餘, 再買多個葡撻的! 佢個酥皮蛋撻好食係因為個酥皮入口之後, 不會"滯留"在口腔內做成"漿住"的感覺, 麵粉的處理很重要, 而雞蛋心都唔會太甜, 所以食兩個, 什至三個都唔覺太滯呢葡撻就一般了, 一點也不香口, 沒有那種澳門做的奶香, 似乎葡撻不是此店的主打呢! 個笑臉, 係俾雞蛋撻的!

巴士走進衙前圍道，下車，又是一條印象模糊的街道，曾經到過嗎？想努力回憶，但卻捕捉不了，畢竟是五歲前的事 ... 走著走著，看見「豪華餅店」... 小小的店舖，內藏寶物，櫥窗擺放著各式各樣的老餅，提子切蛋、合桃切蛋、豆沙酥餅、菠蘿包、雞尾包、墨西哥 ... 蛋卷有如傳聞，是珍寶型號巨輪，大件得驚人 ... 算我在內，只有小貓兩三隻，毋須大排長龍已買得心頭好，一件提子切餅、一件蛋卷、一件蛋撻、一件椰撻，打算留著回程時吃 ... 不是剛出爐的貨色，但蛋香和酥脆，已令人滿足，吃得出是小時候的口味 ... 倒是那位女士，希望您改改「開口及著脷」的作風？別老是一副要罵人的樣子，人家沒得罪您啊 ...

其實，真係未食個呢個有名氣嘅酥皮蛋撻．當然要試下．酥皮　－　無咩油，但層次不分明．　味唔算香．蛋　－　無蛋味的，仲要唔滑，ｏｖｅｒｃｏｏｋｅｄ．　ｃｏｌｏｕｒ好假黃色，跟本無可能係１００％真的蛋黃ｃｏｌｏｕｒ．尤其當佢係無味嘅．大陸蛋（尤其北京嘅），跟本無可能咁無味的．這裡的蛋撻嘅蛋，是加入工色素的吧？反到來香港，這個酥皮蛋撻，都算係超唔好食．北角有幾間中等的，都好食過佢．酒樓大部份好食過佢．　任何一間泰昌嘅蛋撻（上還最好？），好味得許多，需不是酥皮．就連係豪華餅店門口等同學買麫包嘅學生妹妹，都同同學申話佢啲蛋撻超唔掂．我食完後，終於明白點解後來又見到學生妹妹喺另一間店買下午茶好過．差！早知，留個胃去試下’小店’好過！　

終於買左蛋糕仔, $15一包都幾貴, 一直以為佢面頭會脆, 像KFC鬆餅一樣重牛油香, 但原來只係一個好普通的蛋糕仔而已懷疑自己係未買錯左? 點解感覺同樓下食評截然不同 蛋糕仔實淨 唔知點解面頭唔單止唔脆, 仲有些濕及稔, 像倒汗水回流 有牛油味, 但唔夠濃希望越大, 失望越大

人家好想吃蛋撻，可是來到看到排隊的人超多又因為要趕住走，所以唯有買麵包啦～（因為買麵包唔洗排隊）買了豬仔包（唔係好得，因為唔脆皮）提子乾的大麥包（好正，　甜甜地，又唔ＤＲＹ～）車輪包（最好味，個邊有Ｄ脆，個包又香又軟熟）最近，在九龍城開了好幾間新潮餅店但經過幾間，只有這間老餅店有排大隊的人潮～果然，薑是越老越辣的下次一定要去食蛋撻＆肥肥蛋卷！！

吃過非常滿意的泰國菜後，說要來看看有沒有蛋撻吃，另外也說要帶「肥卷」回家當早餐。其實說來也有點荒謬，其實來到餅店時已經近十時了，是餅店快打烊的時間了，還說要吃新鮮出爐的蛋撻，簡直是痴人說夢話，但也奇怪的是，在這個時間店門外竟然是要排隊的，真誇張！也如上所說，那麼晚是沒有什麼蛋撻的了，所以一於買「肥卷」回家當早餐，「肥卷」是我和女朋友幫它改的名字，是因為它那驚為天人的腰圍，很可愛的。說回那「肥卷」，總共有三種味，上回試了原味，今次也順應店家的意見，試試她說很好的綠茶味，卷蛋吃起來和原味的一樣有蛋味，且鬆軟，但綠茶味着實是薄了一點的，喜歡綠茶而點了它的可能會失望一點了。

每次經過都見人龍, 大部份人都買蛋撻試下買個大麥包留待明天早餐食, 不過咬左一啖就停唔到口 大麥包 $7 面頭層皮薄薄的, 幾實淨, 好似塗左糖漿來焗, 甜甜的 麥包軟熟, 密度高, 食左夠飽肚. 個包也是甜甜的 間中食到黑提子乾, 大粒兼juicy樓下食評話這兒的蛋糕仔似鬆餅的乾及硬, 且重牛油味, 好吸引呢, 因好鍾意食KFC鬆餅, 下次一定要試下蛋糕仔