豪華餅店 (已結業)

久聞此店之大瑞士卷又Q又好味, 今日LUNCH TIME有時間馬上與同事搭巴士到達, 大家見到實物都歡喜若狂, 立即向裹面睇檔之女士買一卷原味, 特別要求表面比較無咁多裂紋的一卷, 呢位阿姐佢竟然話: 兩卷都有裂紋嫁啦, 有裂紋仲好食呀, 埋面個卷好難拿出來, 我唔想浪費時間, 我去雪櫃拿過條比你! 佢完全無等我回答就响雪櫃拿出一條原味的, 還未來得及問有什麼分別, 她已經幫我入盒! 老實講, 就算佢出品有幾好, 不至於這樣子對客吧!! 枉費我們又花時間又花錢專登嚟幫襯.......

本想去到"曲奇四重奏"買曲奇,只是長龍依舊自己又沒有訂貨,免得排一輪之後才知道無望,不如走到街頭同是人龍店的豪華買蛋糕好了,起碼一定有把握買到嘛。排隊時己鎖定這"碌"巨型瑞士卷,從餅櫃裡看到那體積也夠壯觀,其重量也真的不少!!!可惜那花花餅盒沒那麼高,被迫將它壓到扁扁的,因此細佬稱它為枕頭!瑞士卷的蛋糕超級鬆軟,甜度不太高蛋味卻頗濃,也沒有什麼怪怪香精味,不錯呀!! 而且奶油份量超少,只有很薄的一層,增加香滑之餘也不會太膩口,喜歡清蛋糕的不容錯過。 從門口看到店內有一包包的蛋糕仔又來一包,拿來看才知它原來是硬身,裡面有點乾乾但很重牛油香味,甜度ok,感覺有點像KFC的鬆餅,連味道都有點像,跟平時的蛋糕仔很不一樣的! 忽然想到蛋糕仔不像蛋糕而像鬆餅,雞蛋仔反而像蛋糕仔,究竟是怎麼一回事??合桃蛋糕剛剛從後面餅房拿出來,買!!拿上手還暖暖的耶!這款蛋糕跟瑞士卷的質感不同,這款是較實的質感,很重牛油香,加上香脆合桃,簡簡單單就很美味。椰橽表面黏黏的,少試一角己覺得度很足,椰絲餡味道很甜美,大人應該會喜歡。老闆娘雖然沒甚表情,不過還會主動提醒我買三件西餅才十元,買2件不化算! 笨笨的月巴人當時

究竟係咩原因呢間麵包舖要排哂長龍咁d人去買,呢個係我經過九龍城呢間細少既麵包舖自問既問題,最好既方法,當然係自己去買番個麵包試吓啦..排左十個人,見前面既人都係買雞蛋撻居多,於是自己都買左半打返屋企,另外買左三個迷你腸仔包食,雞蛋撻係酥皮邊那一種,中間既蛋幾滑,屋企人食過都讚唔錯!腸仔包麵包質地軟熟,係做得幾好食既味道,結合兩樣野既水準,可以話品質係唔錯,多人排隊都唔係無原因!

同男友拍拖到九龍城，問朋友有乜好食推介，友人就叫我地去豪華食蛋撻。一見到個花花餅盒，就諗起以前的細個父母買蛋撻比我食，又或者係爺爺生日食海綿蛋糕。好懷念！但以前粗糙的印刷同模糊字體，而家都因科技進步而變得清晰。唯一不變既係味道同人情味，食個蛋撻時，我會諗起以前父母帶我黎九龍城飲茶，行街，買菜，又諗起以前的餅店間間都係"個體戶"，老闆親自焗麵飽，老闆娘就收錢，唔似而家間間連鎖式經營。又諗起以前會見到大飛機從頭上飛過，嘈到要ump住耳仔...我認為呢間既酥皮蛋撻最好食，唔似其他餅店，個皮酥到一咬就酥到碎哂，牛油味好濃，蛋好黃，好香。仲有，多幾分人情味，好難得！要多謝男友帶我黎呢度！

尋日難得過九龍城,,,,就一於搵下呢間野麵包鋪係邊!!(因為我唔記得左個地址)離遠見咁多人排隊就知道係我想搵既麵包鋪laaa係廚窗見到好多包包我都好想試丫!!有大大舊既瑞士卷,三文治蛋糕,蛋撻,糯米滋....最後揀左芒果糯米滋,,,因為夜晚食buffet呀!!wa....好多餡呀!!又好味!!甜道適中....岩哂我呀!!下次我要再試其他野食呀!!

原本沒打算寫這文(因為只是小事一綜)，見有人寫開，有感而發，也寫一寫。早前去開九龍城，經過這店，見到不用排隊，於是也就買了件蛋撻嘗一嘗。(約有兩三年未吃過的她的蛋撻了。)買完就食，只覺是暖暖的，這已有點失望，而且味道也是一般而已。酥皮香脆而頗重油味，蛋醬也算滑，但蛋味不足之餘只覺過甜。很不明白，近排賣蛋撻出名的店鋪都像靠名氣支持，蛋撻的品質真正退步了，尤其是那主角 – 雞蛋的香濃味道。

本來搵緊食lunch既地點~但搵極都未搵到又好hungry~見到open rice受好評既餅店~就一試la~門口勁多人排隊~間鋪幾得意~鋪細細咁~顧客門只係可以隔著玻璃睇野食~不過我地一心都只係想食下大受好評的蛋撻排左咁耐隊~點知食到既都係普普通通既蛋撻>^<可能唔係岩出爐冇咁好食啦~不過個婆婆都幾nice~雖然做野慢慢來~但係佢都會問我buy唔buy$10/3個~本身$3.5一個的蛋撻不會看不起小顧客呢^^

在吃泰國菜前，先到這兒一試這裡的酥皮蛋撻。來到餅店門口也近晚上八時，但竟然還給我遇到新鮮出爐的蛋撻，太好運了！二話不說，立即買了一個和女朋友分享，雖然個人不太喜歡酥皮蛋撻，而是喜歡油皮蛋撻的，但也不得不承認其酥皮蛋撻真的很好吃，酥皮鬆起來而不油膩，且甜度也恰到好處，蛋也很細膩而滑溜，甜度也做得剛好，連我喜歡吃油皮的都說美妙，愛吃酥皮蛋撻的就千萬不可錯過了。另外見到驚為天人的超粗卷蛋，真的從未見過如此粗的卷蛋，我和女朋友幫它改了名字作「肥卷」，很可愛呢。說回那「肥卷」，店東說有三種味，且不停遊說我們吃綠茶味的，但我最後也選了原味，因為覺的第一次吃的，當然吃最平凡的才見真章，留來作早餐，一流，卷蛋吃起來蛋味夠，且鬆軟，真的佩服何以那麼粗的卷蛋也焗得那麼好，因為越粗那卷蛋的半徑就長了，卷起來也越困難了，很棒。下次再來九龍城找吃的一定會再來買店員今回極力推介的綠茶味回家作早餐的。

這天在九龍城，見到門外又是這麼多人，本不想排，但又有點心癮，最后又是感性勝過理智，排隊買蛋撻。雖不是地膽，但亦吃過多次，老實說蛋卷的味道不錯，蝴蝶酥好像還可以，其他的卻不覺得有什麼了不起。不過，酥皮蛋撻來說，豪華應是最好的。酥皮是脆的，層次分明，不會吃到過份油的部分，甚至底部也是脆的；蛋漿的甜度適中，蛋味雖不是最好，但已算不錯了。最最重要的其實是永遠的人流，讓我們可以吃到新鮮熱辣的蛋撻；始終，蛋撻是要熱吃的。

不要以為放在焗盤內就是新鮮出爐...前幾日就傻下傻下...買咗個放係焗盤既十字包(點解我唔為意啲十字包疊起兩層, 唉....點會咁焗嫁), 一食落極乾, 凍冰冰, 浪費地....無食! 同事安慰...突然拿了一盒豪華蛋糕盒....內卻裝了三個昨天買既麵包, 我烘熱了...吃了個腿蛋包, 無食餡, 麵包烘完仍鬆軟....早知我都買出爐既 "麵包"啦!

雞真係有雞味，魚真係有魚味，好似講左等如冇講咁。不過，試問，香港地蛋糕真係有蛋糕味既，我諗真係得豪華餅店。心血來潮，同媽媽去九龍城，對面街已經聞到麵包香味！心諗無理由夜晚八點半仲有麵包店推出新鮮麵飽，於是急急腳過馬路去８掛一番！　門口已經有差不多十個人排對買新鮮出既麵飽、蛋撻及蛋糕。當然，望下有乜好食！最興奮既係見到我細個食過既三文治蛋糕　（以前起西環某間麵飽舖都有得買）！當然忍唔住要買番個食！原來，三文治蛋糕可以整兩層厚或者三層厚，Ｄ餡可以要忌廉或芝士，我多口問老闆有無得夾菓占，老闆話要加錢。不過，為左滿足我咁耐冇食三文治蛋糕既欲望，比多幾＄都制！由於亞媽都想試，所以要求老闆幫將蛋糕切開。老闆真係好好人，因為我地都問左好多野。返到屋企，鞋都未除，立刻試蛋糕，真係有蛋糕味架！蛋糕好鬆軟，餡料又夠！　我都係鍾意傳統餅店多Ｄ！

2008年12月13號 - 下午12點幾左右食左麵之後就去左九龍城行街。 其間經過在報章同雜誌內出現過的豪華餅店。 唸住試試他們介紹的蛋撻。 開頭覺得3個半一個蛋撻都好貴。 不過食左之後就覺得物有所值的。講講個皮先。 蛋撻的皮是酥皮的。 咬落去覺得好脆。 一點甩皮都無發生。 蛋他本身都好熱騰騰添。 個蛋的口味好好。 覺得好爽。 所以他們的蛋撻是值得試試的!

26-nov-08 7pm尋日約左舊同學去金泰食飯, 去到九龍城剛見到豪華, 就唸起有食評講佢個巨輪卷蛋不錯, 於是又心郁郁去買來做一家人聽日既早餐~門外所見大卷蛋與細卷蛋有足足3 倍大小之別, 味道有原味同朱古力, 同樣吸引, 更只是 $38! 要一個原味, 點知工場剛捧出一個綠茶味, 新鮮做好, 阿姐大力推介下立即比$~ 而且仲叫我食先切, 食幾得就切幾多~ 入盒時更攪笑, 完全蓋唔晒個盒!搭車途中, 一陣陣蛋香味從盒裡飄出, 返到屋企, 全家都嘩一聲! 然後仲拎出軟尺一度, 成 6" 粗!! 可以放o係個細碟用刀叉當扒切, 你話幾勁!卷蛋蛋香十足, 柔軟細密, 仲有淡淡綠茶香, 一d都無死甜, 而且中間既 cream 唔會太多, 所以唔覺漏~下次一定要再食其他味道!

食完甜品之後才來到今日真正的目的地,豪華餅店,target當然是號稱全港最好吃的蛋撻啦剛剛出爐的新鮮蛋撻,看個樣就覺得好正,阿姐幫我打包時很好心的提醒我,剛剛出爐的蛋撻太熱,要擺一陣先食得,只是不知這個"一陣"究竟是幾耐呢?走出大約100米,我估差不多有"一陣"了吧,便迫不及待拿出來吃起來,咦,這個酥皮為何焦焦地呢?酥皮的焦味使我無法focus on蛋撻的其他部分,實在是令整個蛋撻遜色許多好在我總共買了兩個蛋撻,原本對第二個蛋撻不抱希望了,怎知一口咬下,驚喜異常!酥皮非常之鬆化,可以感覺到它在口中瞬間分解成小碎粒,絲毫不油膩,蛋心更是無得彈,蛋香十足,而且嫩滑非常,原來這就是傳說中全香港最好吃的蛋撻!它究竟是不是全香港最好吃的我無法判定,但至少它是我所吃過的酥皮蛋撻中最好吃的,絕對不至於辱沒全港最佳這個名號說起來,今次的經歷真是讓我對買蛋撻有了新的感悟,原來買蛋撻就如同買六合彩,給一樣的錢買不一樣的號碼,唔好彩的就好似我買第一個蛋撻那樣,焦焦地,一點都不好食,半個號碼都未中到,好彩的就如同我的第二個蛋撻,中到大獎,真正嚐到老餅家的得意之作希望下次搵食能好彩啲

看見相中的那一整條卷蛋(或稱swiss roll)，實在大得嚇人稱之為"卷蛋山"也真的不為過甚平常吃的只是切開的一小件，這次還是首度看見整條的模樣，真的是份量十足。這還要多得熱衷於包餅廚藝的舅仔，為我們帶來如此口福就算是來個厚切，這卷也可分成十多份，光是吃一兩件就可連晚飯也省掉了。這下午一次過吃掉兩件，肚皮大滿足這兒的卷蛋質地十分軟熟，中間用的不是cream，而是用牛油、牛奶及糖打成的奶油，故入口時沒有那種可厭的香精味之餘，入口更添香滑。根據舅仔的專業意見，這可是傳統老餅店的做法....唯一要彈的是蛋味有點不足，但相比起外面那些劣等貨色，已是勝人一籌了....