豪華餅店 (已結業)

特登嚟九龍城行吓兼食晚飯，一落車就見到呢間幾舊吓嘅餅店，離遠仲聞到一朕蛋撻出爐嘅香味，當然引到我想買一個試吓啦！要買都要排吓隊因為已經有一條人龍，間餅店嘅門口貼咗好多明星嚟幫襯嘅報導，睇嚟都好似幾出名喎，我就覺得佢啲瑞士卷震撼啲嘞，大到丫！排咗幾分鐘，終於到我嘞，因為之前已經食咗唔少嘢嚟，所以淨係買咗一隻蛋撻純粹試吓味唧，$3.5。酥皮蛋撻熱辣辣，個皮有好多層但係又唔係太厚喎，咬落都幾鬆化，感覺亦唔會太油膩；蛋漿焗得啱啱好，蛋味香兼質感嫩滑，亦唔會太甜，一人一啖就搞掂咗嘞，下次想試吓佢個瑞士卷！

由於太肚餓，太早到，又唔知幾時先齊人食飯，所以先去這家店買麵包頂肚。千揀萬揀下，選了瑞士卷，香蕉糕和芒果糯米。芒果糯米稔左dd。香蕉糕未食唔知。瑞士卷呢(正常size)..........未食過咁好味既瑞士卷架！！！！鬆軟到唔洗用牙都食到！！！超級正斗！！！由於太正既關係，當另一個朋友到達時，我地就買左一條朱古力味瑞士卷，切開三份，一人拿一份回家！！！條瑞士卷勁大件，係 more than family size，就算切開左三份每份都好big！！！哈哈！我覺得原味好食過朱古力味。買完大家都好開心，哈哈哈！

每次去到九龍城, 如果個肚仲有位, 一定去豪華買野食, 多數都係食蛋撻同蛋糕類的東西, 好似瑞士卷, 椰撻, 紙包蛋糕, 海綿蛋糕等, 每次都咁掂!! 搵次要試下d麵包今次買左半打酥皮蛋撻($20), 單買$3.5一隻, 因為呢度的流量大, 所以好容易就買到熱辣辣的酥皮蛋撻, 佢地的蛋漿啱啱好, 好滑亦唔會太甜, 酥皮有好多層, 熱辣辣好鬆化, 一咬落去就碎晒, 整體水準甚高呢類舊式仲要有水準的餅店真係買少見少, 大家要好好珍惜呀

果壳苏三饕餮走四方 餐厅名称 香港豪華餅店 餐厅地址 九龍城衙前圍道136號 交通 早上跑步的時候路過 餐厅电话 2382 0383 营业时间 早上7：00左右就開門了 就餐时间 2008 年 9 月 11 日 8 时第几次用餐 第 1 次 可否刷卡、开发票、积分 "不可以刷卡，不能积分小店啦，很少有要發票的" 如何知道该餐厅 有一天跑步時在九龍城偶然發現，這里原來有一家全港蛋撻第一名。 用餐目的 重慶的師兄托周姐給我帶了點吃的，我想謝謝周姐，所以買了給她吃 菜名 蛋撻 价格 10元3個 评价 這家是酥皮蛋撻，和泰昌的餅底不同。我還是喜歡吃酥皮的，讓人想起第一次吃蛋撻，在深圳的萬象城面包新語。這個酥皮的油味有點重。蛋料很足，味道很足。怪不得能成為全港第一名的蛋撻。 环境如何 前店后廠，估計是這樣，除了馳名蛋撻（蔡瀾啊，周潤發啊，都來吃過）以外，還有很多面包，也都是十元三個。但似乎我明明看見，有時人們買了四個面包，十元還有找。 卫生间如何 没有卫生间 服务如何 服務態度不好，對待老客戶很熱情，對我這種講普通話的新人，買的又不是很多。他們給我的感覺好像請讓我趕緊走。 餐厅特色 蛋撻雖然好吃

HKD 3.5 蛋撻d蛋好滿,酥皮好實淨,唔會咁容易散哂,食完唔會覺得有好油膩既感覺,比金華重要好,唔怪得知發哥到去買嚟食喇.

主要想食酥皮蛋撻，可惜不夠香，略感失望，也嫌酥皮較薄。反而摩囉酥及十字包都幾好，不鬆散亦不硬實。至於合桃提子大麥包就麻麻，合桃碎不算多，感覺似食提子包，$12一個有點不值。

2008年5月17日，豪華 一向不太喜歡吃酥皮的蛋撻，因為很少買到好吃的，很多地方都整得不好，餅底出哂油，很怕。所以曲奇皮比較安全。但有一次在深圳的咸亨吃過酥皮小蛋撻，新鮮出爐，酥皮有脆又不油，一吃愛上了。這天跟另一半路過九龍城的豪華，看到阿蘇的照片，於是買了2個試下，除了size比咸亨的大了外，酥皮的水準很接近，在香港來說，暫時是我吃過最好吃的，比檀島、泰昌都好。最後再買了3個，每人再吃了1個，有一個第二天才翻叮，當然會差D，但都OK喎。

豪華餅店對於我來說，不只是一間麵包店而已，其中包含的是我童年的回憶，以及對親人的思念。童年時家住九龍城，在祖父的護蔭下，我們幾個"小朋友"生活得比一般人都來得輕鬆。無論吃的、穿的也是一應俱全，不用太擔心甚麼的。每天的中午時份，祖母都必定要馬姐到這麵包店，買她最喜歡吃的合桃蛋糕，而天生為食的我，總愛向她嚷著要來一口蛋糕。長大一點之後，每天下課後都跟媽媽到街市買菜，為的不是孝順去幫忙拿東西，背後的目的是因為跟著她可以常常有不同的東西吃，豆漿、糖不甩、奶油多、西多士等等。現在很出名的九龍城街市樓上的熟食堂，樂園、馬仔等食店，就是從那時候開始光顧的。那跟豪華又有甚麼關係呢﹖那時候的豪華餅店，會定期焗製朱古力花生這個美味小食的，兒時對這小食好奇得很，因為每次看著母親那閉著眼享受的樣子，心生一點點妒忌，恨不得偷偷地拿走一點來自己品嚐。反而這兒的蛋撻，老實說在記憶中所佔的地位非常有限。現在的豪華已經好像不再造朱古力花生了，剩下的，就只有味道如一的合桃蛋糕(片裝)。別小看這一小塊的蛋糕，如果買回家後放進焗爐輕烤一會，或者用微波爐番叮三十秒左右，你便可以聞到它剛出爐時那陣柔柔的牛油香味，合桃在加熱後變軟

朝早去開九龍城,梗係要去豪華食蛋撻啦酥皮蛋撻$3.5--蛋味好重,皮夠鬆脆火腿蛋包$4.0--涷o既.唔得,係7仔買個包都好食過佢

尋日去買菠蘿飽，開頭買兩個，之後佢話十蚊三個，咁就買三個啦，佢拎既時侯都覺得有ｄ奇怪，每個飽既頂部都有唔同既野，例如：提子、花生同一舊白色野，我問個女人呢個係咪菠蘿飽黎架？佢細細聲話係，好......我信你！等到宵夜就用焗爐烘返佢，點知一食，原來裡面有餡，當時好嬲，再焗多個都係咁，第三個唔食都估到啦，結果只係食個表面．冇咪出聲囉，唔駛比ｄ賣唔去既飽比我架！！！！

排左五分鐘度 買左菠蘿奶黃同菠蘿紅豆先 菠蘿包同金鳳有得揮 都係熱辣辣新鮮嘛 同埋d包實得黎唔會硬..唔似普通面包想慳返d面粉 奶黃甜得黎好香!! 可惜唔會流出黎..紅豆都好味..!但係無香味兜左一圈...再排隊..今次買左蛋撻~! 新出爐(其實下午茶時間佢幾時都會係熱)~ 個皮又鬆脆又唔會油立立!! 個皮唔會一咬就散~ 蛋心甜味亦好好~唔會太甜 仲有蛋香!!再兜多半個鐘..又排隊...哈 今次耐d.. 因為係等芒果糯米糍 頭先有個男人一次買哂剩返既十五粒俾個女....!!!!!!!!今次排我前面有個阿姨買左12粒 另一個阿姐又買左3粒我地都買左十蚊三粒... 夠哂大粒..但其實個皮好甜 無乜特別好味....芒果亦唔係特別多個皮幾軟既 但由於多人等..佢一整好就比我地... 無雪過...唔凍既糯米糍...扣分...舖面得一個阿嬸...踼哂腳..但都好好禮貌 總結:::抵食!! 2個飽 3粒糯米糍 3個蛋撻 先27蚊= = 一個tea set都2x啦 e+兩個人 仲要樣樣都好味又新鮮咁平..點都去試下啦,,,!推介呀

離開商場，穿插在塵土飛揚的九龍城街頭，在這個寧靜的下午，默默地感受這個動感舊區。這裡拍一張那裡攝一張，然後停下一嚐豪華餅店的熱辣蛋撻，回憶著當年還有飛機在頭上經過低飛的味道。然後，我們明白到，很多事一旦失去了，的確是永不復返的。

因為吃過不好的. 更覺豪華的好吃! 同時買了其他包類, 鹹包, 硬豬包... 唔得.都係吃蛋撻好了.還沒有試他們的蛋糕... 等我母親節去買一個試一下... (因為我阿媽話要買, 我嫌太大唔俾佢買)前天吃北角雞蛋仔, 說是用北京蛋.豪華也是這樣說... 那我可以在那裏買北京蛋呢???

四月廿六日(六)係九龍塘搭車九龍城VAN原來都幾貴，要成$4.7，而且亦兜兜地路，不過又真係獨市無其他替代。此行到九龍城搵食，一落車就見到有條人龍係間餅舖度排隊，行近一看，認出是其實一間在開飯睇過的老餅店。由於蛋撻剛出爐所以立即有人龍，雖然剛吃完下午茶還有點飽，但亦都排隊買了兩個蛋撻品償一下。酥皮蛋撻($3.5,$10/3個)蛋撻酥皮頗厚，但食落一點不粉，算香脆，比起一般酥皮蛋撻皮乾身小油，應該是這間餅舖的風格。。蛋心方面未算太香甜，可能是本人好甜或酥皮太厚關係~ 整體黎講算幾好，如果酥皮薄番D，蛋心甜番D就FIT~本人食過認為最靚酥波蛋撻係好耐之前新光酒樓食，D酥皮薄得黎脆，有蜜糖味，層皮係凍左都仲脆果下厲害。尼度蛋撻搵唔番果種感覺，希望其他出名蛋撻舖有我尋找既蛋撻啦~

被上次吃的蛋tart 所吸引, 今次都要衝住橫風棋雨都要走來買一個蛋tart 走先安樂~ 上次要的係普通蛋tart, 今次見葡tart 出爐, 新鮮始終係吸引既~ 所以改投葡tart 的懷抱.... 好可惜, 出事了......可能係焗既時間耐左, 所以中間的蛋唔再滑, 同埋有種硬硬實實的感覺.... 大失所望, 仲要好似貴左啲添....以後都係千祈唔好貪新鮮, 終於原味吧啦~