豚道樂 (大河道) (已結業)

好耐無食過一間咁難食既拉麵食左個黑蒜油拉麵同芥末拉麵兩個湯底都無味，叉燒雖然夠薄，但又老又無味糖心蛋太熟，個心已經變硬麵底有幼麵同曲麵，但都係難食成餐最正常既係杯水絕對無下次，行多兩步過隔離食另一間拉麵好過

一開始就俾呢個名吸引住，加上屋企過黎都好方便，所以一個人過黎食。下午茶時間黎，人不太多，故不用排隊。店員友善的將門推開，高聲嚷著日文 "歡迎"。第一感覺，不錯。環境整體都好舒服。有大木台適合大顆人。落地玻璃—排座位更適合單身食客。位子上都附有一組可供不同型號電話的充電線仲有Free Wifi 好方便常爆數據人。店員不厭其煩的向每一位客人解釋每一款麵的特別。例如粗的麵鹼水比較重。不同部位豬肉的口感等。最後點了碗特上原味豬骨拉麵 - 麵質選擇了硬配幼身麵，另加芽菜本身比較怕過份油膩的豬骨湯底(有D總是勁過過橋米線面嗰陣油，你懂的！：P)呢碗唔油，飲落去湯濃。流心蛋個心"朗朗"下豬肩肉及腩肉各兩片，正好滿足我樣樣想試下的心態。唔會係"全脂肉"，愛亮晶晶肥膏的人也許會失望。份量女生剛好，或者會食剩兩啖男生也許需要加底。本身係抹綠茶控，所以必點呢枝抹茶汽水。坦白說，茶味唔覺有。有過口味幾清新幾得意。個樽真心想私有化帶回家。仲有款招財貓樽裝飲品貓貓控不要錯過喔！下次吧！給自己多個藉口再黎。

隨著香港拉麵店數量愈來愈多，競爭巨大之下各店家都必須使出各自本領吸引顧客，最近荃灣便有一家以創新芥末芝士湯底作招徠，翠綠湯底加上焦香叉燒，模樣誘人，實在令人食指大動急不及待。店內需小但座位多多，有多人大桌也有面壁高桌位置，店內裝潢除了充滿日本風味的木具外，也添了不少工業風味，例如左手印有店家名字的紅色大貨櫃，燈也用上灰黑色吊燈，但卻有心思地於燈罩上繫上劍球玉（Kendama，日本傳統民間遊戲）。坐下不久店趴遞上冰水，而桌上都有一壺冷水供自行添加，細心是杯子微暖，明顯經加熱消毒，而且桌上的冷水壺底下有座，避免因結露而滿桌濕透透。高桌的好處是桌底設有小勾供掛行李，而桌上也有充電位置，一頭Iphone線，一頭三星等充電線，每兩個位置就一個充電位，雖然不是一人一個，但我還是頭一次見設有充電的拉麵店，感覺非常貼心。由於高桌地方不大，店家也有聰明地把所有物品（如點單紙，餐牌等等）全部放在上方，既整齊又方便，不羁而特別的設計也很配合整家店的芬園。餐牌上印有每款拉麵的外表及配料等等，特上的包括兩種叉燒、半只蛋、兩片紫菜。點單紙選擇乍看下好多，兩種麵（直麵及曲麵）、軟硬度、蔥和辣醬、兩款叉燒其一（特上不

荃灣新開拉麵店😋叫左個特上原味豬骨拉麵$85有“特上”兩字即係包括多一款叉燒，流心蛋及紫菜🍳湯底有濃厚豬骨味🍜拉麵就有(粗、幼麵)選擇，而麵質就有(普通，軟，硬)豬骨湯味濃郁，不會太油麵質都煮得合度好處有豬肩肉食，肉質軟嫩，而且好入味整體味道不錯，價錢不算太貴，服務員都好細心解釋詳盡💁🏻店舖裝修有格調仲有wifi 同差電位添📱

拉麵店係荃灣開完一間又一間，今日試下新上場嘅豚道樂。門面裝潢夠日式，作為新店，可以吸引客人。拉麵款式除左基本豚骨湯，仲有黑蒜、芥末、赤辣、海老選擇。款式比一般拉麵店多。而每款都備有特上同普通揀，size同料會有所不同，彈性十分高。原味豬骨拉麵可以一試實力。湯頭味道剛好，豚骨味出，但不會太濃太鹹。當加入左自家製辣醬，湯味昇華左，豚骨湯更濃郁。辣味只是好淡，不會喧賓奪主。揀左較瘦嘅豬肩肉，肉與肉之間依然會有少少脂肪，因此不會太鞋，適合女生。曲麵掛湯能力高，亦夠彈牙。揀選麵質較硬亦做到合乎要求，夠哂咬口。另一款選擇左較少見嘅日本芥末味，淺淺嘅綠色湯底幾吸引。估唔到芥末同豬骨湯都幾夾，配搭又新鮮。有芥末香味，但並唔會攻鼻，創新得嚟又夠哂日式。豬腩肉半肥瘦，香而不膩，係配搭拉麵嘅不二之選。食厭左原味拉麵，想找尋新鮮感嘅朋友，可以嚟試下。

鋪頭外面好令，一落巴士就見到呢間拉麵店，所以即刻入去試下！入到去 見到裝修好令，坐得好舒服..枱下仲有勾俾我放袋，好貼心店員好清楚解釋不同拉麵特色，好有心機講之後我地揀左辛辣味同芥末味哇！d肉超好食！原來係店長每朝番鋪燒架..好香但完全唔油我最中意食糖心蛋..完全無失望！💪🏼💪🏼💪🏼d碗係用不同顏色代表不同拉麵，好有心思之後食到口渴就叫左支抹茶可樂飲夠晒凍同解渴！出面未試過呢隻飲品，好特別雖然唔算好大間，但設計好有日本feel，又好貼心，有wifi又有得充電，仲有晒紙巾供應！服務，環境同食品都一流地點都好方便，係大河道一落巴士行前2步就係，下次我一定要再試埋其他味道既拉麵

今天同朋友行過大河道，見到呢間新店 本人喜歡食拉麵就去試一試，店面看上去好骨仔細細間，入邊有四人台及 面對街食的BAR台，對於喜歡看著師父製作的我少了少少樂趣。 調味架的選擇比較少，這個不要緊。本人試的是元味豚骨 試下佢最基本的味道湯的味道 是沒有得選擇的，有得選的只有幼面 或 曲面 （普通 、硬、特硬）叉燒有得選 腩肉或肩肉青蒽 或 白蒽本人選的是 曲面（硬） 腩肉 青蒽 加多＄10替玉首先試湯先 湯底算是中等濃度 味道不算好出眾，找不到。腩肉的味道很好，可惜只有三片薄薄的，配料只是啱啱好，如果加入替玉後 湯也不太足夠，如果只是女士 份量應該OK，但一個大男人 加了替玉 都決少了滿足感。試過一次就算！店入面比較加分是充電服務 一個位 有一條線差下電，可以加分。

見雜誌介紹這間型格拉麵，就趁星期六嚟試試，我揀咗從未食過既特上日本芥末拉麵，我老婆就揀特上原味豬骨拉麵，有“特上”兩字即係包括了蛋及紫菜，麵質都有得揀(普通，軟，硬)，我們都揀普通。正如雜誌所講，店舖裝修走型格路線，店內冷氣充足，有wifi 及 有差電位，真係令我驚喜，香港店舖好少見，怕食客霸住個位唔走，但日本就好普遍，真係好貼心。拉麵到了，白色碗=原味豬骨，綠色碗=日本芥末，好期待芥末拉麵會唔會令我標眼水呢？但食落唔嗆喉，好順，一路食一路食出芥末的味道，奇怪係開頭食淡淡的芥末，之後愈食愈濃郁，好過癮~~ 豬腩肉有5片咁多，肉質鬆軟，好好味。聽店員講，他們的湯底用12個小時淆制，完全不落味精，開頭不以為然，但食完後一直未有口渴同要狂飲水解渴的情況，相比起我以往幫襯的拉麵店，因為要令到湯底濃郁但又唔想用咁多時間火喉金錢去淆湯，一般都會加入味精(豬骨精)。如此良心及講求品質的店舖，值得支持!

嘗試左原味豚骨拉麵，湯底不但有濃厚ge豬骨味，而且味道濃而不咸，真係幾好味 ！而且京葱同紫菜ge配料更加帶出拉麵ge 美味，真係好有日本傳統味道!除左傳統口味外，仲有推出其他創新口味GE拉麵，好似有芥末同蝦味湯底等等！下次應該會帶埋其他朋友一齊去試試創新口味拉麵  ！店內牆上掛有木製GE食物牌，真係幾有日本傳統拉麵店GE感覺，真係好似去左日本咁，令我有D再想去日本TIM而且店內有BAR枱形式GE個人座位，就算一個人去，完全唔洗搭枱，十分自在！加上免費叉電同WI-FI服務，真係好貼心GE店

路過荃灣見有新拉麵店開張，以我拉麵精嚟講，梗係“拿拿林”試食啦。見門口已好吸引，好有風格，入到店內, 裝修好特別，好有特式，睇得出花咗一番心機在裝修方面 快d點拉麵先，一張紙就可以點哂所有要求，簡單方便易明，抵讚!我通常食拉麵前都會問店內賣的是日本邊個地區的拉麵, 久而久之就知道唔同地區都有唔同特色, 而豚道樂是賣關西拉麵的 我的選擇困難証又發作, 最後揀了辛辣味拉麵, 原來唔同款的拉麵會配唔同顏色的碗, 好有心思, 我下次要逐一試哂佢.等咗一陣，熱騰騰的拉麵到啦 賣相吸引，先試湯，辣度對我OK, 湯底好濃郁但又不會好咸也不油膩，飲得出湯底煲咗好耐，是精華所在 拉麵煮得剛剛好，义燒有燒過的感覺，令油脂燒出，肉質鬆化，肥廋適中 成碗拉麵好好味，食得出誠意及心機，加上店內環境，令我又回想去關西旅行啦… 各方面都相當有水準的, 食得很滿意, 加上價錢合理，值得推介!

前幾日，同個朋友行開荃灣見到呢間日式拉麵岩岩開張！個fd 超鍾意食拉麵， 我就一般般就咁俾佢拉左入去食啦店鋪設計非常有心思！ 保留日本傳統設計 呢到可以面向街景同牆 俾我地專心餐 中間gei大枱適合大班friend 黎食野又得 室內設計師同日本人一樣細心 枱底加左個勾 可以掛袋 讚！！ 如果地方大d, 更舒適！ 老闆同我地講 (圖片右下) 係餐牌黎。 利害利害濃厚原味拉麵 試食價$72 叉燒3塊 唔會太肥或太瘦 我平時唔食皮gei 都接受到 湯底好 fresh, 唔會係平時食開個d超級咸 面頭有一浸厚厚gei油。 麵有唔同硬度 我自己揀左普通 唔會好"lum" 我欣賞佢d麵唔會兩啖食哂。枱面有唔同gei 調味好特別 ，free drink, 真係好抵食 令我愛上呢碗拉麵，下次一定會再幫親 試其他！