豚道樂 (大河道) (已結業)

I came all the way to Tsuen Wan after work to have dinner at this ramen restaurant, and it was a bit of a disappointment. I ordered this wasabi flavor ramen with added cheese which tasted quite special - weird but yummy at the same time. The broth tasted thick and with a sense of wasabi but not spicy at all. The cheese melted with the broth which makes it more thick and filling. This is why towards the end...it’s a bit too heavy for me and I couldn’t finish the noodles.. my boyfriend ordered the

特上松葉蟹海老湯拉麵- 湯麵灑上蝦油，第一口湯蝦味濃郁，帶淡淡蕃茄味，越喝越濃稠，尾段猶如在喝濃厚的豬骨湯，蝦及蕃茄味不知在何時已消散- 選了幼身直拉麵，彈牙，掛湯力強。濃湯配幼麵，湯麵融合，吃時負擔較輕- 松葉蟹肉味道很淡，不鮮味- 水菜偏乾，不爽脆- 溏心蛋十分流心，但缺醬油鹹香*桌上有黑胡椒粉，微辛，為湯麵添上多一份層次，能增食慾之餘，又沒蓋過湯麵的原味

偶然到了荃灣的豚道樂，這店的溏心蛋遠比拉麵優勝。經店員親切解釋，溏心蛋跟溫泉蛋不能相提並論，溏心蛋擁有奶皇流沙的香甜質感。這店的溏心蛋的確是很滑溜，溏心慢慢地在口中滲出來。這店的選擇看似很豐富，其實是不同的配搭互相組合出來。拉麵的份量也不少，追加替玉的份量也很大，很飽足。拉麵有直麵和曲麵的選擇，我比較喜曲麵，質感比較幼滑一點，配合清湯的味道很不錯。清湯比濃湯更清甜，略嫌濃湯很濃烈及結，令拉麵變得結實，削弱了拉麵的幼滑。這店的裝修也很有日本街店風味，店員也很努力地用日文來歡迎客人。店員大部份都是年青人，態度很親切，看到妹妹在畫公仔，也特意給他一張紙讓她慢慢畫。其實我最喜歡這店的天花板。

次次經過都排隊今日放工諗唔到食咩路過見佢終於冇排隊就入去試湯濃料足但我要左直麵原來唔係拉麵有d可惜由一入門口個女侍應就好似唔係好想應我咁唔知要自己寫單，叫人都當見唔到聽唔到間店得咁大，咁都顧唔到客人後尾先有個男侍應行過來同我講要自己寫跟住先攞杯水比我餐廳環境好好，播d日文歌有一半以上都聽過湯底夠濃，有3塊大大塊叉燒，蟹肉浸入湯度再食都有甜味真係似足日本細細間果d街坊餐廳日文歌+濃湯拉麵+不屑唔係常客既客人好似真係去到日本咁

想食日本野試下呢間未試過嘅豚道樂叫左個牛肉薯餅同五六日限定嘅極上海老湯拉麵有分極上同普通分別在於有無半塊溏心蛋，紫菜，豬腩肉及定或豬肩肉淨溏心蛋都12蚊，加13蚊就試過極上，豪一豪佢！賣相可以加多隻海老會更吸引而家只有一堆櫻花蝦湯頭味道相當好！超香濃嘅蝦湯！好幸福呀😍三塊叉燒夠嫩唔鞋溏心蛋效果良好，不過味道略鹹，但總比無味溏心蛋好薯餅炸得好好，好香脆不過牛味唔算好出今次食得好滿足！下次一定會再回頭！

跟以往「星期日拉麵時間」情況有點不同，今次我在荃灣整日經歷的「星期日拉麵時間」，是同日夾雜着其他食店的食評，有關我幫襯試食「豚道樂」拉麵之前的食評，各位就請自行到我的「食評」庫裡面尋找吧。我在幫襯完荃灣另外一檔，包括了火腿奄列跟沙冰有冰室之後，我離開了「新村街」，回到荃灣的主要幹道，「大河道」近着「川龍街」一帶的地方。原來「大河道」也算稱得上，是荃灣區內其中一條有日本拉麵餐廳的地區之一，當然我都曾經幫襯過，試食過「大河道」其中一檔著名的日本拉麵店「拉麵X風」。至於位置在「大河道」「拉麵X風」附近，另一檔以豚肉為主要食材的拉麵店「豚道樂」，我直到今日才正正式式，第一次上門光顧「豚道樂」的豚肉拉麵。其實早在一年半之前，我就曾經想過去幫襯，試食「豚道樂」的豚肉拉麵。不過，後來隨着時間過去，我在不知不覺間就忽然忘記了「豚道樂」，原因大概可能是因為荃灣還有不少拉麵店，當中還有拉麵店提供雞白湯拉麵。結果我最後一下子，就把「豚道樂」淡忘了。但是，幸好「豚道樂」在荃灣的性命都頗為硬淨，「豚道樂」事隔一年半之後，仍然䇄立於「大河道」。從另外一個角度來看「豚道樂」，既然「豚道樂」能夠䇄立在荃灣主要幹道「大

不才經朋友介紹去到荃灣食拉面<---(對我黎講好遠).....我朋友話值得一試.....的座位設計得幾好高枱個排座位可供充電!!!信洲白提子梳打果汁值得一試唔太甜易入口,炸蠔好脆食落口唔油膩,正常既糖心蛋食落會有小小鹽的調味....反而呢度就係相反...夠味之餘帶有微微的甜..與別不同....燒豚肉(香.軟,切得夠薄食落去唔會太油膩),餃子本身的餡肉應該係經過不同的調味,再加上外層煎得好香好脆(與別不同)......最後一主角到了...就係拉面啦.....我叫左蕃茄海老拉面直覺上我覺得呢個拉面應該係成本最高但係都係差唔多價錢同其他拉面所以我叫左呢個.....海老味同蕃茄味好鮮明濃而不咸好香....我深信其他拉面都會唔錯....

夜晚7點幾去排都要等5,6個人。不過客人都食得快, 唔算排太耐。叫左個特上黑蒜油拉麵。佢特上GE賣點係, 咩材料`都有D, 如`果叫著普通果隻, 就淨係得一兩樣配料。講下個湯底, 好濃味, 蒜味算突出, 濃到好似沾麵汁, 有趣, 但對我來講偏咸。都有分曲直,  我地好似叫左曲, 麵是偏幼的, 我就覺得無咩特別。配料有糖心蛋, 我無食, 叉燒就有驚喜, 因為特上係肥瘦叉燒都有。我食左瘦叉, 有成2大塊, 話佢瘦又唔係全瘦, 總之唔會乾柴柴一D FAT都無, 好食! 肥叉其實又唔係好肥, 所以怕肥GE都可以試試。另外仲有紫菜, 荀果D 包埋。不過食完好口渴, 懷疑佢地有落味精, 我都無試過食完拉麵口渴成咁...

本拉麵控於週日陪友人到了荃灣，一起吃了拉麵午餐。拉麵盛載著有相當豐富的配料：紫菜、溏心蛋、蔥、豬肩肉、「重有最靚嘅豬腩肉」，跟麵條差不多是一比一的比例，吃到尾都有料！特上黑蒜油拉麵更有海量的炸蒜，為濃厚味豐的湯底加多一層香氣！曲麵的掛湯能力強，每一口麵都可以吃到湯的精華。一樣是拉麵，一樣配備相同豐盛的配料，但因湯底有異，辛辣味噌拉麵的食味截然不同。除了本身的辛辣湯底之外，還可以添加辣醬，可說是火上加油！一啖呷下，辣勁非凡，幸我們皆嗜辣之徒，雖久經訓練，吃這碗辣麵仍是一次刺激的體驗。日式餃子一客五隻，是一口餃子來的，一口一隻剛剛好。內餡是爆汁的，要小心燙嘴。濃重的拉麵已久未嚐過鳥~~^_^

還記得第一次來這小店是因為它特別的芥末湯底拉麵，由於印象不錯，所以不時都會再來。對上一次來吃，試了季節限定的「特上松葉蟹海老蕃茄湯拉麵🦀🍅」，已經一試愛上，今次再來encore！湯底味道濃郁，松葉蟹肉大大條沾了蕃茄湯一同吃味道太匹配了！豚肉有足三片，簡直吃過番尋味🙈另外，星期五六日限定的「特上海老湯拉麵🦐」味道也不錯，湯底ok櫻花蝦份量也足。今次四月份來可能適逢是日本的櫻花🌸季節，店內也以櫻花裝飾點綴，蠻有氣氛的。松葉蟹拉麵是季節限定，希望下次來我仍有機會再吃吧😬😬

同朋友去左荃灣廣場睇戲，睇完都係5點40，不過都係諗住食左野先再行街，唔係越晏越多人等位，朋友話想食拉麵，咁我諗到豚道樂，因為佢開咁耐都無食過佢，順便去試試間鋪好細間，坐到廿個人到啦，好彩去到都係等一陣，唔知係咪間鋪啲員工都後生仔女，真係無咩招呼，見你等位都唔會問下幾位，都係要主動同佢講，坐低又無比到水，要叫佢地先比，可能唔記得定點啦，落單都唔會覆你多次啲野岩唔岩，是但啦，醫飽肚就算我叫左個特上辛辣味噌拉麵要左個直麵一黎飲左啖湯先，勁辣，係得一味得個辣果隻半生熟蛋都唔錯，豚肉就薄薄地有幾塊，但無咩味淨係知道自己食緊塊肉咁囉另外叫左個煎餃，岩岩煎完熱辣辣，味道都ok既偏淡少少食完之後無哂特別感覺，但85蚊碗麵，呢個質素，又覺得cp值低囉呢碗麵我覺得值70幾蚊囉…不過算啦試過就好，但食完無個幾鐘，就覺得好口乾囉

荃灣除了吃米線，這裡有幾間拉麵店也是很有名的。記得第一次來豚道樂吃的是呢wasabi口味，當時覺得味道很新穎，很有在日本吃拉麵的感覺，這次重遊點了另一個口味魚介豚骨湯底的。特上跟普通的差別就是多了溏心蛋，麵點硬度可以自己選，選了「硬」的口感，掛湯能力不錯。魚介豚骨湯味道濃郁，而且是偏「杰」的質感，魚介的味道為湯底增加了一點甜味，所以每一口麵基本上都可以吃得到湯底的鮮甜，另外還有芽菜、蔥、荀等必備食材，整體質量是高。本來拉麵是沒有飲品的，不過店裡有冰水可以自己用。我另外再加了這個山梨桃梳打，桃味不會假，是帶有蜜桃味的甜，但不會過甜，吃完拉麵再喝一口冰涼的梳打更是爽！

行過好多次豚道樂都未食過。今日趁復活節最後一日假期，就去試吓。叫咗一碗頂級豬骨豚肉拉麵、一個黑蒜豚肉拉麵同埋一個炸生蠔。生蠔揸得好脆口好香，唔錯有蠔味。但係嗰個蠔就好細粒，細到好似一粒蠔士咁，差唔到咬唔到有肉。拉麵就比預期中出色，唔會輸蝕過隔離日本人開嘅拉麵店，大大碗頂級嘅麵中包兩片腩肉，同一片豬肩肉，包埋半隻糖心蛋，好好味。個糖心蛋仲做得好出色。全店都是年輕嘅服務員，雖然全部都係香港人，但食物質素都唔錯。環境亦okay, 幾有日本拉麵店嘅特色。係略嫌坐喺廚房最近嗰張枱，佢嘅入口放咗洗碗車，所以當佢員工出入嘅時候都會將架車放近客人身邊，感覺有丁點不良好。

湯底是拉麵的靈魂，相信沒有人會反對吧？這樣一碗拉麵，有這麼多好評？百思不得其解自問也試過不少拉麵，香港的拉麵，雖品質參差，但也從來未遇過這樣淡而無味的。簡直刷新我的認知。我點的是原味拉麵，平時會喝光拉麵湯底的我，連一半也無法食完。當然，也不是全無優點的，叉燒雖薄身，但算味濃，有三塊，份量是ok的。Anyway，你可以話蘿蔔青菜，各有所愛。但食飯時間，前面的拉麵「颱風」大排長龍的時候，這裡上座率僅三分之一，我諗已經可以說明問題。我只能話，下次不要求其為好。如你對湯底有要求，奉勸一句，不要踏入此店喇

香港既拉面鋪開到成行成市，荃灣都大有幾間，但如想食一諗到就會諗到豚道樂。鋪面好似其他拉面鋪一樣唔大。我食左黑蒜油拉面，雖然有少少油，但味道好濃厚，面既粗幼同煙un程度都岩岩好，會繼續黎呢間豚道樂。