豚本家 (已結業)

同事介紹荃灣最近新開左間日式餐廳 – 豚本家。地點喺地鐵站對面嘅富華中心2樓；餐牌主打吉列、日式定食、刺身丼、烤肉等一人前等！定食跟餐有茶碗蒸、味增湯及白飯。價錢十分親民！店員推介佢地嘅炸物，梗係要試下！🍖吉列厚切豬扒定食 $115 超巨型吉列厚切豬扒，外層金黃酥脆，咬落鬆化香口而唔油膩！內裡嘅豬扒保留倒肉汁唔會好乾，配埋自家製燒汁食更惹味！飯粒有咬勁，茶碗蒸蛋香滑溜，仲有冬菇作配料！味增湯亦相當唔錯！🍗南蠻炸雞定食 $75  估唔到南蠻炸雞都係咁巨型！頂層有滿滿他他醬汁！金黃色炸得酥脆嘅雞皮，炸醬薄脆，雞肉軟嫩仲仲幾juicy，配埋帶點牛油香嘅他他醬食特別滋味！飯量好足！沙律生菜絲仲可無限添加！配芝麻醬食份外清甜！🍢一口炸豆腐 $28: 帶點微辣嘅一口炸豆腐，外脆內軟！無得彈！🥟煎餃子 $38 ：咬落香脆，必點自家製肉汁滿滿餃子！🦑唐揚魷魚鬚 $58 ：唐揚魷魚鬚炸漿輕薄香脆，魷魚鬚口感彈牙！ 豚本家地址📍荃灣青山公路荃灣段210號富華中心商場2樓B號舖

見到荃灣新開了一家炸豬排店，一家馬上去試試看，炸豬排跟炸蝦海鮮的份量是可以啦，也是新鮮炸出來，品質是正常，蝦比較好吃一點，份量ok, 炸彈豬肉的話就比較硬了點了一個烤肉，有5片肉，再給我一個烤爐自己烤，幾片肉5分鐘就已經完全把它KO,男生的話，可能要多吃一份才會夠飽.餐廳的環境，坐的格式，比較快歺的感覺.回頭度應該另提員工都不帶口罩，我知道現在法規不要求，但是上菜的時候不帶口罩，心裡面還是會有點小憂

👧🏻Wodafoodie in Tsuen Wan富華中心2樓竟然新開左咁大間日式快餐有成20款定食😚 有刺身、炸物、烤肉⋯⋯每款都有茶碗蒸、味增湯、白飯午市定食仲要平d🤩 好抵食！👍🏻👍🏻✨ 🍖吉列厚切豬扒定食 $98一上碟真係嘩⋯⋯超巨型吉列豬扒🤩🤩‼️‼️🐷豬扒炸得金黃香脆 有五大件！真係同餐牌一樣咁厚身 咬落去鬆化有肉汁 呢個價錢真係好抵食🥺✨🍣三文魚親子丼定食 $68親子丼即係三文魚同三文魚籽😆魚生鮮味十足 撈埋豉油同芥末夏天最岩食魚生飯☺️✨🍱蒲燒鰻魚定食 $108蒲燒鰻魚有半條 肥美肉厚加埋燒汁好好食 送飯一流😚😚呢個唔屬午市定食 貴少少 但性價比高 值得食🥰想提一提 呢間既白飯🍚同椰菜絲🥬係任食架！😳椰菜絲撈麻醬 好好食🤤🤤📍 豚本家 (荃灣)荃灣青山公路荃灣段210號富華中心商場2樓B號舖

荃灣就成日都會過去，最近朋友介紹話一出荃灣地鐵站嘅富華中心開左間抵食日式餐廳。午市$50起就食到個日式定食。今次晚市過到去都已經座無虛蓆，聽人講佢地最出名嘅係炸物，一於試下先。吉列三文魚柳定食 $125用左厚身嘅三文魚柳加上日式炸皮大火去炸，可以見到內層係有少少半生熟，可見廚師對火喉嘅控制相當出色。外層嘅日式炸皮好香脆，內層魚柳又有半生熟兩種口感，相當出色。吉列厚切豬扒定食 $115見到隔離枱叫左依款咁大塊嘅豬扒，就心思思都想試一下。雖然豬扒係用左厚切方式，但係驚喜嘅係肉質完全唔韌，多汁又軟腍。鹽燒三文魚頭三文魚頭兩邊香煎再灑上鹽巴，魚頭部分特別鮮嫩，完全唔洗加其他調味料。豚本家 (荃灣)荃灣青山公路荃灣段210號富華中心商場2樓B號舖

第一次寫食評 一定要同大家分享真係想講 完全唔掂魚生飯份量少質素一般 茶碗蒸有怪味性價比爆低+1服務費 紙巾都冇張食完有一種失落感下次請我嚟食 我都唔會食救命 真係唔好黎食救命 真係唔好嚟食救命 真係唔好嚟食

新開食堂，7點鐘未滿坐，可以直入揀位坐。室內光猛，裝修簡單，侍應有禮貌。餡料多，煎得香脆，唔會一口油。豬扒比想像中好，真係好大塊、好厚。肉質嫩、唔嚡、冇雪味、炸粉亦唔厚。味增湯、蒸蛋、醬汁就普通。呢個質素、份量，勝過好多同級餐廳呢！唯一彈嘅就係碗飯硬咗啲。諗住係豬肉卷，原來係將煙肉加少少芝士卷埋去炸。食咗一嚿就覺得膩，唯有同朋友分享。除一般飲品外，餐廳仲有日本酒賣，如果加多幾款小食，有埋串燒，會吸引更多客人！

荃湾新開的一間日式定食餐廳，今天剛好走過，看見店門口的燒牛舌很吸引，於是進去點了一個鹽燒牛舌套餐，端出來的牛舌頭有10塊，比五元硬幣大一點，可是厚度也没有五元硬幣的一半，燒熟咗食就好似食香口膠一樣，唯有叧外點一份油甘鱼刺身來配白飯，點知道的油甘鱼解凍完的雪水都未吸乾，食落口水汪汪，踩雷了！

新開見評語唔錯，一於去試吓啦！唔知係咪好少人知呢間嘢定咩其他原因，8點零去到冇乜人可以直入。雖然知道可能呢度吉列先係強項，但今日又好想食魚生飯，於是勇敢地叫了一個三文魚拼油甘魚魚生飯。一個字，劣！質素比爭x還要低，oh my god! 一上菜見到個樣就知唔新鮮，三文魚唔肥，啲油甘魚仲要腥鏗鏗！$98雖然唔算好貴，但都唔係俾啲咁嘅貨俾個客食呀嘛！真係唔應該喺度食魚生飯，深深後悔！試埋個茶碗蒸，得鹹味冇蛋味，似乎熟食都唔多掂！

朋友推薦來到尼間新鋪，位置都好方便，點左炸豬扒，炸蝦，份量都好大, 老闆人都好nice, 聊天的知之前好似繫中島水產工作多年，對日料，刺身，海鮮非常之專業，想食咩都有，仲请我饮私藏清酒，吾错，有下次

荃灣地鐵站附近的富華中心，即從前三聯書店位置，自從三聯退租後，一直空置著，最近終有新店開張。放工後近近哋，就決定一試⋯⋯漸漸哋愛上了QR code 落單，可以自己慢慢哋選擇，無需待店員企著等待⋯⋯燒牛小排定食$128~愛人點了這個套餐，店員端上枱後，大家都覺得薄薄的牛肉只得八小塊，未能滿足。定食上枱後，爐稍後再到來，三兩下就處理左那幾片肉了⋯⋯吉列豬柳定食$125~即點即做，所以豬扒端上枱時，熱騰騰的很吸引。青檸梳打~喜歡酸的朋友會喜歡。定食內的茶碗蒸未夠豐富，蛋的質感稀稀的⋯⋯整體來說:由於新店，靜靜哋吃得舒服。

吉列 厚切豬扒及南蠻炸雞， 分量十足，香脆可口，仲有 麵豉湯 、沙律、甜品 八折咗之後$92及$60蚊。服務態度殷勤，很好。新開張，之後一定番轉頭再幫襯，又多一間吃的選擇。

今日去試左一間新開既日本餐廳。首先吸引既係地點非常之咁方便，係荃灣多層停車場隔離，唔洗周圍搵停車場，泊完車經平台就到餐廳，適合駕車人士。而唔揸車既其實佢就係荃灣地鐵站對面，地點非常之就腳。先講餐廳環境：餐廳好寬敞，每張枱都有一定距離，唔會有好壓迫感。另外仲有卡位，私隱度都足夠。整體感覺都坐得舒適。今次一行4大2小，叫左5個餐，每一個set既份量都好足，夠曬食呀！第一個要讚既係哩個豬排定食，一睇個豬排咁鬼厚既，但你完全諗唔到點解可以煮得咁鬆軟，仲keep到好juicy。 重點係佢明明係炸物，但你冇一種好油膩既感覺。哩一個定食絕對值得encore。另一個大推嘅係炸蠔，外面既炸粉拿捏得恰到好處，唔會食到成口粉，而裡面既炸蠔仲好鮮味。重點係食完以上炸物都唔會食到成口油。最後要推介既係燒牛排定食，佢會比一個爐仔你自己煎。由於有小朋友，一開始就煎左兩塊全熟既比d細佬食先，之後大人就自己鍾意幾成熟就自己動手煎。我覺得哩個方式都幾適合share食物既家庭，想食牛而同行有小朋友都唔洗犧牲自己要食全熟🤣牛排都鮮嫩多汁，定食仲配埋茶碗蒸蛋同味噌湯，夠曬飽呀！最後叫埋個甜品，較為可惜係雪糕得兩款口味，抹茶同豆