豚本家 (已結業)

喺荃灣嘅呢間日式小館主打唔同嘅丼飯套餐，包括吉列、魚生刺身、天婦羅等等～其中佢哋主打吉列厚切豬扒定食（$98），上枱的時候俾個份量嚇親😂豬扒真係好厚，而且咬落去香脆有肉汁，絕對唔會好乾或者好硬，有少少脂肪相連令到口感更加豐富。加上日式芝麻醬同埋豬扒醬，仲有椰菜絲食法非常地道～午市套餐仲有茶碗蒸同麵豉湯以及嘢飲！加錢仲可以轉蕎麥麵，份量睇落唔算好多，但係都夠飽😆三色刺身飯（$128）有三文魚、油甘魚同埋海老，擺盤好有誠意，而且魚生好新鮮！仲有估唔到呢度嘅抹茶缺餅都好好食🤤

到左荃灣站附近諗唔到食乜好，咁岩有個呀姐派傳單話有$58蚊午市定食，比個價錢吸引到就上左去試吓，平時望入去好似唔多人，都十五十六，但估唔到，有驚喜！我地叫左生薑豚肉定食同南蠻炸雞定食，有麵豉湯，有茶碗蒸，有前菜，有熱茶。仲可以免費加飯同椰菜，食到好飽，味道亦算唔錯，啲炸嘢感覺到係新鮮炸，係辣口同香脆咁多野食又大份，價錢其實唔算好貴。之後我地再食多次晚市，食吉列豬扒都一樣好味另外，值得一讚係，啲員工好有禮同服務好，環境寬敞舒適，絕對值得一試

地方座位夠闊落，員工勤力清潔，所以坐得好舒服吉列豬扒定食：主菜吉列豬扒做得非常好。豬扒夠厚啖啖肉，炸衣夠薄而且好鬆脆，唔油膩。而且豬扒邊留有一條脂肪，呢個係日本比較大路正宗做法，非常香口。椰菜絲可以加量。雖然呢個價錢相信食唔到日本椰菜絲㗎喇，但都有少少甜味，中和下肥膩感。我自己就咁椰菜絲加燒汁已經可以食一碗飯。仲有日式漬物，麵豉湯（不過不失）同茶碗蒸（味道較淡但夠滑，同樣非常適合用嚟平衡下味覺），成個定食好大份，非常抵食。雖然質素無可能同高價吉列豬扒店（如丼吉）比較（例如飯同椰菜身材本身質素），但可以1/3價錢，食到人地8成味道，已經值得支持。近期最感到滿意嘅一餐，所以都想寫個食評支持下小店。

📍豚本家 (荃灣)荃灣青山公路荃灣段210號富華中心商場2樓B號舖孕晚期到了 襯今日朋友仔放假 〰️當然要約出黎見下傾下生仔經啦 👶🏻朋友仔好想食日本料理～ 我地專登揀咗呢間位於荃灣嘅豚本家🍛「豚本家」以日式食堂為主題，款式有燒物、吉列、刺身定食等等 咁就又可以滿足我只能食熟食 ！！又可以滿足埋朋友既刺身胃 🍣🍱 燒鯖魚定食 + 煎餃子 🥟定食配有主菜、白飯、茶碗蒸、味噌湯、漬物 🥣鯖魚燒完肉質仍然保持嫩滑Juciy ～ perfect 💦定食可追加煎餃子 呢個有驚喜 ✨餃子皮薄內餡很多 夠香脆而又唔會油膩 🐖🐖🍣 雙色刺身丼定食 + 照燒雞翼 🍗 三文魚加吞拿魚刺身完全係朋友仔最愛 🫶🏻兩款刺身望落都好新鮮 肉質嫩滑又油香十足 💡定食追加了照燒雞翼 雞翼嫩滑有肉汁 照燒汁超濃郁 👅食完超有滿足感 🔝🔝🐟 三文魚+三文魚魚腩刺身 🔥刺身都好新鮮好高質～三文魚好厚切肥美 搞到唔敢食刺身既我望到都流哂口水 😍😍

皮肉分離 豬扒唔夠濕潤價錢同質素成正比🏷️ 豚本家📍 荃灣青山公路荃灣段210號富華中心商場2樓B號舖😋味道　：6.5 / 10💰性價比：7.5 / 10💕回頭　：6.0 / 10🍴 吉列厚切豬扒定食- $115🍴 南蠻炸雞定食 - $75

星期日同屋企人去荃灣行街，經過地鐵站又想坐得舒服啲所以就入左呢間餐廳！我地嗰日係晏晝兩點左右去到，唔洗等位但原來入面都差不多滿座！好好彩仲有一個卡位，好闊落坐得都幾舒服😊餐廳主打炸豬扒，而且午市仲有套餐優惠，南蠻炸雞定食只係$58🤩不過因為老公想食豬扒，所以我地嗌左一你份都係特價嘅厚切炸豬扒定食！都係午市優惠，只係$98🥰一黎到見到勁大份！套餐入面有前菜，麵豉湯之外仲有一個茶碗蒸，勁大份！厚切豬扒炸得好脆，而且入面仲好淋，外脆內軟好好食🥰我自己就嗌左魚生飯，套餐入面都係有湯，前菜同茶碗蒸。始終餐廳都係主打炸物，魚生就正常發揮，普通港式魚生飯質素。反而想讚下杯熱茶，雖然只係每枱一壺倒出黎嘅玄米茶，但味道濃郁又好夠熱，所以我都冇特別嗌野飲😀總結：4/5❤️❤️❤️❤️想食下平價日式定食可以一戰。

經朋友介紹，今日終於可以嚟到試食呢度嘅吉列豬扒定食！果然有驚喜！厚切豬扒真係好厚，啖啖肉，吉列唔會炸到好熱氣油冧冧，食左幾舊都唔會有辛苦爛口感覺👏🏻定食仲有其他配菜: 茶碗蒸,麵豉湯, 沙律菜等等，仲可以以好平民嘅價錢追加其他小食同飲品，$28雞翼 (4隻) 同$12西柚梳打！性價比好高，D野大份到差啲食唔晒今次我地帶埋BB去，佢哋好貼心，有Bb椅提供，仲話因為非繁忙時間，可以比我地推埋Bb車入去，比個方便嘅座位我哋，D staff好nice , 態度值得一讚

前排係ig見到有人po日本食吉列三文魚已經超想食😍點知原來香港都有吉列三文魚就一定要去食啦💞餐廳超近地鐵站真心超級方便!!🔺定食定食有麵豉湯,茶碗蒸,主食同飯🍚飯可以加錢轉蕎麥麵或者烏冬🍜麵豉湯就正常啦,唔會好鹹🙌🏻而茶碗蒸超正!!蛋味好香同埋好滑,仲有少量配料係入面😙記得要襯熱食先咁最好食😆🔺吉列三文魚柳定食轉烏冬 $143一就係比呢個吸引咗去食💞吉列三文魚真係第一次食!!三文魚色澤好靚都大大舊😳三文魚唔係好熟,大概3成左右~中間係刺身咁🍣而炸皮都唔會好厚配三文魚食係岩岩好🫢亦都可以點他他醬食!!飯轉咗烏冬要加($18)🍜烏冬係稻庭但煮得偏淋少少,湯底係好濃鰹魚湯味仲有海帶係入面😚🔺吉列厚切豬扒定食轉蕎麥麵(冷) $133一上枱真係嚇親,豬扒超大份又好厚身😳炸皮同樣都唔會好厚🤲🏻豬扒就唔算好淋,豬味偏重少少🐷 有少部份嘅肥肉就偏多少少,建議點豬扒醬汁食會更好🙆🏻‍♀️飯就轉咗涷蕎麥麵加($18)蕎麥麵煮得偏淋😙口感冇咁好但配埋汁食ok~🔺一口炸豆腐 $28每一件豆腐都佔滿咗七味粉就辣咗少少🌶熱食都外脆內軟😆

吉列豬扒係日本洋食的一種，於明治時代由歐洲傳入日本，經過了100多年，早已完全日本化。通常配以白飯、生菜沙律、麵豉湯和漬物為定食，亦有配合日式咖喱飯、丼物，以至三文治、漢堡包等千變萬化。吉烈豬扒檔次有高有低，幾百蚊一份又有，幾十蚊一份平民版又有。今次呢間專門食吉列炸物同埋魚生定食，晚市仲有酒飲嘅廉價居酒屋。午市做定食超抵，特厚切豬扒定食都唔洗$100，有茶碗蒸、漬物、生菜絲，白飯可以轉蕎麥麵或者烏冬。特厚豬扒咁嘅價錢同質素真心抵。但係南蠻炸雞定食仲抵，午市只係$58😱。雞扒比豬扒更嫩更滑，所以炸物新鮮炸起熱辣辣。茶碗蒸都係水準之作。另外吉烈豚肉卷都好正，豚肉卷住火腿芝士，炸出嚟咸咸香香，做小食或者跟餐做定食都好正。最後甜品個黑糖蕨餅居然都好好食。

唔知大家係咪都好似🐻咁，特別鍾情於日式炸豬扒💕唔一定下下要去高級日本餐廳先食到好味炸豬扒，原來近近地荃灣都有好選擇😋「豚本家」以日式食堂為主題，主打一系列平民價錢高質日式定食😙.餐廳裝潢就如日本食堂般🇯🇵木系簡約設計，光線明亮，座位寬敞😌QR code落單，定食都可以揀多飯少飯、多椰菜等選擇，好貼心🥰.🍴吉列厚切豬扒定食💰$115一上枱真係幾驚喜🤩估唔到呢個價錢，有咁大塊豬扒，仲要快快厚切❣️吉列外皮香脆可口，完全唔會有陣油酥味☺️內裡豬扒Juicy多汁，肉質有口感同時唔會過硬😚當然唔少得炸豬扒靈魂醬汁，酸酸地勁開胃，再送口白飯，正😆.🍴雜錦刺身丼定食💰$135有三文魚、吞拿魚、油甘魚、牡丹蝦、三文魚籽💕刺身色澤光線，無雪味😌特別鍾意牡丹蝦，大大條好鮮甜😋.所有定識到額外有茶碗蒸、麵豉湯、漬物😙茶碗蒸好嫩滑，蛋味比較重，反而高湯味偏淡😌麵豉湯、漬物就正常發揮😉.🍴醋蕃茄💰$25整個去皮蕃茄淋上沙律醋🍅味道酸酸，甜甜好清新😛特別適合夏天食，食完立即胃口大增😆

南蠻炸雞定食 $58首先，佢有得俾你自己倒茶飲，而且我覺得個茶都幾好飲果炸雞都幾好食，夠足料，夠大舊，夠飽唔算好油，而且上面仲有醬，如果有多d醬就好啦😋😋🤤🤤🤤🤤然後佢仲送咗個海帶湯，有d咸🤣仲有蒸水蛋，幾滑，入面仲有少少肉，好食😋😋👍🏻佢俾d醬有d多，果d醬唔係用離配炸雞，係加落d飯度，幫d飯增加一點味道🤣🤣🤣同埋d醬可以加度d菜度，原來用離襯托肉嘅菜又有多d味😋個人覺得$58而且唔洗加1服務費都幾抵食😋😋佢俾人有一種$70-$80嘅感覺

15-7-2023 (Sat)傍晚,同老公由荃新天地行返嚟荃灣地鐵呢間食晚飯,嚟到時由於好早,所以職員俾我哋揀位坐,我哋就揀咗卡位,睇完menu,就要:4. $38.00嘅小Asahi(250ml)好夠凍.2. $98.00嘅燒花魚一夜乾定食免費追加椰菜絲,花魚一夜好鹹,唔使蘸醬汁食都好夠味,而皮係夠脆嘅.味道:5分1. $125.00嘅吉列豬柳定食茶碗蒸就只有一片冬菇同幾粒肉丁,蒸蛋夠熱同滑嘅.味道:4分白飯比較乾身,唔粘口.味道:2分麵豉湯好鹹.味道:3分吉列豬柳炸得好脆,豬柳口感都正常嘅,但其中一件顏色較深,係唔新鮮?佢嘅味道又真係有啲問題.味道:3分3. $22.00嘅抹茶蕨餅呢個後上,一客四件,食落,好凍同偏硬,係未解夠凍,而佢唔係太甜.味道:2.8分衛生係4.5分, 抵食係2.5 分

第一次食呢間新開的餐廳，叫了一份厚切吉列豬扒，豬扒好大份，足足五大件，而且每塊都好厚切，豬扒配有兩份醬汁，包括芝麻醬，仲有平時食開嘅酸酸甜甜豬扒汁，豬扒肉質幾好，比想像中好味道，個餐仲有麵豉湯同蒸蛋，好大份，$98其實好抵食

【荃灣新開大份日式料理🤤😋】/////荃灣地鐵站附近開左間主打日式定食嘅餐廳 款式有吉列、燒物、刺身定食等等ʕ •ᴥ•ʔ大份夾抵食 套餐包埋茶碗蒸、麵豉湯以及白飯 店員態度都幾友善 小編作為街坊睇嚟搵到個新飯堂👻.👉🏻鹽燒牛舌定食 ($108)牛舌有8塊左右 份量適中🤪自己燒可以調整熟度 但爐頭火容易熄🥲燒後明顯肉汁惹味豐富 飯粒建議可以加入飯素 減低牛肉膩度～.👉🏻牛肉生薑燒定食 ($78)牛肉片份量頗多以及厚身 加上切片洋蔥與薑蓉 配搭燒汁送飯一流👅.👉🏻芝士年糕 ($26)熱辣辣🔥外脆內裏軟糯 帶微微芝士流心效果其實唔洗配椰菜絲已經夠晒出色haha.👉🏻唐揚魷魚鬚 ($58)充滿魷魚香 食到大條魷魚 幾有咬口😙——-📍豚本家 (荃灣)荃灣青山公路荃灣段210號富華中心商場2樓B號舖

[ 豚本家 ]一出荃灣地鐵站B出口就會見到富華中心商場，近幾年無乜新餐廳。最近留意到2樓新開日式🇯🇵料理餐廳，主打日式吉列、天婦羅、燒物、海鮮丼等定食，價錢💰都幾親民。午市定食（配茶碗蒸、麵豉湯及白飯）✿ 雜錦天婦羅定食 $88雜錦天婦羅款式有虎蝦🍤、南瓜🎃、青椒🫑、蕃薯🍠和菇🍄。天婦羅外層口感酥脆，虎蝦肉鮮甜結實，而南瓜嘅甜味、青椒嘅清爽和蕃薯增添豐富層次感。定食白飯可以+$18轉熱烏冬🍜、熱蕎麥麵或冷蕎麥麵。冷蕎麥麵口感清爽，有嚼勁和彈性，夏天食用最適合。✿ 吉列厚切豬扒定食 $98吉列豬扒🐷外皮炸🔥至金黃酥脆，份量十足，每一嚿都超大超厚肉，肉味濃郁。配搭味道酸甜嘅伍斯特醬或者日式芝麻醬同樣出色。🤤甜品✿ 抹茶蕨餅 $22午市定食追加+$12就食到。蕨餅口感柔軟，咬落去抹茶味🍵濃郁，帶有香甜同微微苦澀味道。✿ 芝士年糕(兩件) $26日式年糕由糯米粉和芝士🧀製成，口感軟嫩，帶有濃濃芝士香氣。總結🫦 呢間日式🇯🇵料理店嘅菜品夠大份足料，午市定食最平$58有交易，價格💰實惠。餐廳座位寬敞舒適，裝修充滿和風，而位置都超便利，地鐵站步行1分鐘就到達。✿✿✿✿✿✿✿✿✿✿✿✿✿✿✿✿✿✿✿✿