讚好台灣

營業中

休息中

帶表弟去黃埔冒險樂園玩，玩完岩岩好晚餐時間，就搵下附近有咩好食，見到呢間「讚好」，個名好特別，原來食台灣菜！好少食台灣菜，決定帶表弟去試一下原來呢間餐廳係由台灣人開既，佢地有好多特色既台式食品同台灣飲料我就叫左杯凍既洛神花茶，唔會好淡，味道酸酸甜甜咁，好開胃另外叫左杯朱古力俾表弟，味道唔會太甜，有香濃朱古力味，好唔錯！叫左碗紅燒牛肉麵，金錢腱既筋肉細滑，咬落去好有口感！湯底用新鮮牛大骨燉煮，加入炒過嘅牛肉同埋大量蔬果慢火熬，而且無落味精！！麵條質地彈牙，索晒湯底嘅鮮味另外叫咗一個台南五香肉卷飯，有4種唔同既配菜，都係以滷水為主，而且味道好足，但又唔會太咸！不得不提既係佢地既米，係選用一等台灣米！食落粒粒分明，淡淡飯香店員都會講普通話，好似真係去左台灣咁

好掛住台灣既野食，又唔得閒去旅行，就上open rice 搵下有咩台灣菜好食，見到呢間台式小店，好有特色，於是就黎左試下店內環境雖然唔大，但都坐到好多人，店員仲會講普通話，好似真係好左台灣咁女朋友因為身體不適，唔可以飲凍飲就叫咗一杯熱香濃朱古力，果然有好香濃嘅朱古力味，唔會溝到好淡，又唔會好甜，岩岩好我就叫左一杯凍珍珠奶茶，珍珠好煙靭好有口感，仲有少少甜甜地，奶茶味道好香茶味，而且好滑～仲叫左個三味拼盤，有涼拌小黃瓜、豆腐同腸仔。小黃瓜好爽脆，好fresh，仲有少少甜甜地！凍豆腐有淡淡既豆香味，而且一d都唔「鞋」！腸仔好夠味，外層有d脆！麻辣綜合麵有5種唔同既配料配上佢地自家炒製既麻辣，好香既麻辣味，辣度係偏辣嘅，湯底好濃郁，麵條索晒d湯，而且非常有口感！紅燒牛肉湯麵個湯底係好正，有濃郁嘅牛味又好清甜！牛肉方面，佢哋用咗金錢腱滷製，非常入味同埋好有口感！ 以後唔洗去台灣都食到好味嘅台灣麵！！

太耐無食台灣野，今次就來來讚好過下口引啦！！食台灣野首選當然係肉燥飯加珍珠奶茶…肉燥飯份量唔算大，但都夠飽肚既。而味道方便都唔錯，好在一d都唔肥膩，吃得好舒服而珍珠奶茶茶味唔夠香濃，甜度都爭少少，不過勝在份量夠多，珍珠亦好彈牙

滷肉鹽酥雞飯，滷肉少得可憐！ 份量嚴重不足，炸粉多過雞肉！ 皮蛋豆腐，皮蛋有怪味，豆腐係百x 的 ， 完全無味，難食！珍珠奶茶超甜店員服務態度差，剩係想你食完快d 走唔會再有下次

早幾日小妹去紅磡搵朋友兼食晚飯，人生路不熟都係由朋友帶路黎呢到食台灣野，台灣菜我都好鐘意食嫁，最後叫左碟"紅燒牛肉飯"，因為餐廳寫明用台灣米，我幾鐘意台灣米食落有D煙韌既口感，所以先叫個飯試下。等左陣"紅燒牛肉飯"終於上枱啦，估唔到份量咁多，餸、飯、配菜比例都好平均。一黎先試個飯，店家冇欺騙食客，真係用台灣米既，紅燒牛肉夠冧唔錯，但個汁小妹覺得有D甜，唔太喜歡。小妹雖然為食但唔大食，為左唔做大唗鬼，最後都有清乾淨

因女朋友有時到紅磡上瑜珈班，使我踏入了這個充滿平民美食的地方。之前有試過韓式料理和日式烏冬，今天決定吃台灣菜，食齊港人短線旅遊三寶-日韓台的美食。讚好地點就近，打算一試，看見門面像一般的茶餐廳，沒甚麼特別，誰知一踏入餐廳就如跨了國界到台灣。廚房用上不銹鋼間開，牆上列著不同食物，食客一臺貼著一臺，整個格局根本就是台灣夜市街邊的小店。飯麵有套餐價，$40-$60不等，加幾蚊又可轉特式飲品，價錢還算可以，希望味道也不錯。我們點了個小食，一飯一麵套餐。珍珠奶茶奶味較香而茶味不搶，女朋友說正宗台式珍珠奶茶就是這樣，十分地道。洛神花茶酸酸甜甜，甚是開胃，好像還有降壓瘦身之效，看來大吃特吃都不是問題～三味小食有台式香腸，凍豆腐和小黃瓜。香腸塗了蜜糖烤，很惹味。豆腐和青瓜是冷盤，豆腐豆味濃郁，配上蔥花和有點像蠔油的醬汁，畫龍點睛。青瓜則青甜爽脆，冰涼透心，炎炎夏日正好用來解暑。飯有點像最近大熱的流心蛋包飯的形狀，上面淋上滷肉，肥瘦相間的五花腩，煮出來甘香可口，入口即化，實在是人間極品。白飯沾了點滷肉汁，同樣甘香，而且米飯香味亦不輸滷肉，細看餐牌發現原來是用了一等台灣米，難怪味道做得如此地道。旁邊有滷蛋

以前讀大學時最愛到紅磡食飯，因為種類多，而又平又好味…今次就回來，再尋一尋寶，竟然俾我發現到一間很好好好好好味的台灣食店讚好地方不算大,但人流確很多，而年輕人佔多數。台灣必食的滷肉飯～平時很怕吃到全是肥豬肉的滷肉飯，而是次的滷肉飯幸好沒有肥豬肉，而是香噴噴的肉條配上酸菜，味道一流最令我驚喜的是蕃茄牛肉麵，麵條很彈牙；餸菜很多，大大塊的蕃茄及很入味的牛肉，而牛肉更是入口即溶再加上無敵好飲的蕃茄湯底，令我們忍不住口把整碗的湯都飲光光難怪差不多每一台都會點這個麵了！小食方面，點了三味拼盤，有我最愛的台灣腸仔，很香很甜，十分美味而凍豆腐也很清凉

路過見到門口有多人聚集, 埋去睇下原來係一間一直都無留意到既台灣小店!!!牛肉選用上乘既牛腱以條狀大件切法, 而唔係一舊舊既牛湯底非常濃郁, 好正宗既味道, 白蔥香菜, 配以彈口的麵條, 每舊牛腱同根都好淋, 非常好味, 好快就食哂成碗仲叫左杯胚牙奶茶, 俾左好多胚牙, 奶茶比例都好好, 感受到一個美好既台灣午餐讚好台灣用心經營，雖然店面唔大, 只有20-30個位, 門外經常排住幾個等位, 但好多員工, 安排都好快, 大部分店員都說普通話, 可能係黎自台灣既店員除左牛肉麵之外, 臨走既時候都見到好多人食盬酥雞, 廚房都見到一盤盤上哂簿粉既盬酥雞備用, 相信亦係另一傑作, 下次再試!

因為想一邊吃晚餐一邊喝珍珠奶茶，便找了間台式食品店用餐。餐廳座位只有大概二十多個，然而小店才算是紅磡餐館的特色。坐到裡面的二人座位，肩膀被廚房的延伸處頂著很不舒服。叫了份肉燥鹽酥雞乾拌麵+凍珍珠奶茶，雞乾是分開上的。拌麵分量偏少，麵質很韌，拌上不太鹹又很有鮮味的肉燥醬十分開胃。雞乾切得太小，很快就冷掉了，但是香料挺惹味，吃得出有孜然粉的味道。珍珠奶茶很普通，太甜而且沒有茶味，珍珠太軟而沒有味道，有點失望。總而言之，是一次挺愉快的用餐經驗。

以前在紅磡返工，每星期都會來這裡吃一頓，這次又來探望我最愛的鹽酥雞。我們點了一個滷肉鹽酥雞飯、蕃茄豬軟骨湯麵、三味拼盤，還有兩杯飲品。滷肉鹽酥雞飯依然是這裡的招牌，對於沒有吃過台灣鹽酥雞的我，認為這個極之美味。炸得表面香脆的鹽酥雞，裡面是香軟的雞肉。這飯還有滷蛋、酸菜等作佐料，睇得又食得。次次都自己一個來食，第一次叫蕃茄湯麵，才發現了這個蕃茄湯非常香濃，濃郁的蕃茄鮮味，叫我不停地喝湯。湯麵也是彈牙的。三味拼盤包括了滷豆腐、青瓜和台灣腸。滷豆腐十分嫩滑，不會太咸，青瓜醃得少少甜，非常爽脆，而台灣腸就較為遜色。鍾愛珍珠奶茶的話必點這裡的珍珠奶茶，珍珠很多又彈牙，奶味和茶味份量剛好。洛神花茶也是不錯的選擇，不太甜，也有淡淡的花香味，

喺香港想搵到間好味既台式餐廳並不容易，而且仲要地道同價錢相宜就更難~ 不過，識食就緊係去紅磡食讚好~ 紅燒牛肉麵食台灣料理必點，湯底充滿濃濃既牛肉味，而且好香，牛肉炆得夠哂淋，肥瘦適中，入口即溶，麵條粗幼適中，剛剛可以掛起湯底，軟硬度亦都剛好，整體味道好地道，好有台灣食既牛肉麵既感覺。三式小食拼盤香腸係喺台灣夜士先食到嗰種腸，外皮煙煙靱靱，而且包著一層蜜糖既香甜，肉味好香凍豆腐同青瓜不俗，都幾香口，不過我個人不太喜歡凍食珍珠奶茶茶香同奶味比例好，珍珠QQ，最主要其實食台式料理，一定要點番杯台式飲料

依間既滷肉飯真心唔錯😋肉燥好入味 又足料通常滷肉飯好易整到太咸但依間味道好適中 唔會好咸 加上飯係珍珠米 成個配搭好好依個價錢泥講真係好抵👍🏻👍🏻想係香港食比較正宗既台灣野既你妳你 不妨一試！

是日要去我同事的黃埔家攞D 野, 之後就同同事快手手吃個麵就回來, 佢就帶我來這家小店吃台灣野..同事就叫了個滷肉香酥排骨飯 (套餐HKD45 連飲品), 賣相就一般了, 不過勝在大大碟一個大男人都食飽…)而排骨大大舊之餘肉質都好鬆化, 也好入味而我當然要吃過紅燒牛肉湯麵餐(套餐HKD56 連飲品)紅燒牛肉多之餘每一舊都好大大舊, 半肥瘦的紅燒牛肉排非常入味之餘肉質口感非常鬆嫩而麵質都頗Q 彈的說~而這個酥炸花枝丸 (HKD25), 是另一個驚喜的小食, 因為裏面真是啖啖魷魚, 而一咬非常爽口Q Q Q x 100 彈, 不只是一般用麵粉製成的花枝丸呢~鹽酥雞拼小香腸 (HKD38) , 也是野味的小食之選, 小香腸是台灣才吃到的半肥瘦, 煙靭香口的小腸, 而鹽酥雞香脆之餘, 裏面的肉汁依然最後當然就是飲胚芽奶茶及蜂密綠荼, 先係食台灣野嘛~

自從認識了彬彬和他的好友，台灣便成為我常去的國家!至於台灣的美食我己品嘗了不少，今次我無意之中發現紅磡有一間台式小店可以比美台南美食，這店子叫讚好台灣小吃店!今晚和呀Bee到這店子，小店雖小，但客似雲來，於是我叫了一個小街滷味拼盤，賣相真的不錯，而且還有我最喜歡的鹵水大腸，油豆腐，大漢豆干和滷蛋，味道很香也很地道!我叫了店中的皇牌鮮蕃茄大塊牛肉湯麵，真的很大碗，湯底很濃很香原來用新鮮蕃茄再配意大利熟蕃笳煮熟，所以很香加上牛肉也很有口感，原來用上特選筋肉細淯金錢腱，大塊切條提升口感，真的有水準!呀Bee的是豐盛牛肉湯麵用上五大種材料金錢牛腱，牛腩，牛筋，花枝丸和貢丸真的很足料，不得不提湯底用上新鮮牛大骨燉煮提味不用味精，加入炒過牛肉，大量蔬菜，慢火細熬而造成一碗讚好的牛肉麵!飲品冰的茘枝冰紅茶及冰的蜂蜜綠茶真地道，這間性價比高的小店真的可比美台南的食店，下次一定要帶彬彬，呀風和麗沙來嘗嘗!

一間紅磡區好味台灣菜， 地點唔就腳 , 由紅磡站行去要10 分鐘 但就好適合住喺紅磡黃埔既街坊， 難得經過 試下佢手勢茶餐廳格局既食店賣既同台灣店傳統食物冇異紅燒牛肉湯麵 56 蚊有驚喜 , 牛肉長身 憫到軟林林 配以3 分肥3 分筋位 , 軟硬度適中。 湯底應該用左牛骨煲 飲得出仲有藥材味 每食少少麵 飲少少湯 正， 麵身爽口 程圓身 食落比較彈牙， 同 喺台灣食既味道係一樣 !番茄排骨麵 53 蚊用新鮮蕃茄做成既湯麵 蕃茄味濃又新鮮 配以同牛肉麵一樣既麵條 , 而炸排骨分開上 令到炸粉不用因湯汁而林掉 排骨粉夠薄 而且排骨肉熱辣辣得黎夠軟身 都唔錯涼伴小黃瓜 25 蚊新鮮既小黃瓜 有少少辣味 酸甜開胃鹽酥雞拼小香腸 38 蚊鹽酥雞製作出色 雞肉夠滑 而皮夠脆 出面加以鹽吊味 雖然熱氣 但引唔住食完一舊再一舊， 小香腸就係傳統既台灣腸 細條但密度高比較煙韌 有少少肉汁得黎有一種甜既豬肉味 , 都好食凍珍珠奶茶 跟餐加5 蚊珍珠奶茶 飲落不是太甜 但夠滑 關鍵應該係staff用左 shaker黎shake個奶茶 另到成杯奶茶溝得平均 而充滿奶味既泡， 珍珠比較細粒 易咬 食落又唔會滯熱