讚好台灣

營業中

休息中

不嬲都有幫襯 但愈黎愈失望😔 店鋪地下好滑 差少少跌倒😖 好彩旁邊有朋友 如果吾係後果不可想像 見到番茄麵好似好吸引便點了一碗 但番茄湯沒有番茄味 而且好濃味噌😭 鹽酥雞炸得有點油 不過珍珠奶茶幾好飲 珍珠細細粒 好易入口！

第一次幫襯,同事帶,未去前,每次經過都係有人龍,菜式選擇多,冷熱菜式都好好味!係排隊等位時,會遞餐牌先落單,好安排,1入座,只需等野食整好就有得食,1-2pm午飯時段好多人,下午茶只會係星期1至5先有優惠,希望佢下午茶時段可延長,價錢可接受,散叫約$40-50,套餐約$50-60蚊,因為份量多,定依個價,合理,希望佢舖頭擴充,就可以邀請更多朋友去,會更好,5洗急急食完走人!

週末和朋友來這家台灣小吃店嘗鮮。味道香美，豬肉非常填飽肚子。朋友吃兩個肉卷就吃不下了我點了番茄牛筋麵。牛筋有些軟了，吃多了有些膩味。番茄湯底不錯。番茄排骨面，同樣濃郁的番茄味鹽酥雞香而不膩，軟軟酥酥的。服務員態度也不錯。總之推薦！推薦！

第2次幫襯,今日lunch專程去食呢間,鋪面雖細,但一行7人等左五分鐘左右就入席,食物飲品送到速度快,我食滷肉飯$38,加$5杯凍珍珠奶茶,滷肉有淡淡的肉香味,配合白飯都幾開胃,份量較細,對於我來講飲完杯珍珠奶茶就岩岩好飽.都有台灣當地食既味道,值得一試.注意午市排隊人都唔少.

紅磡都係冇乜地方食台灣野, 見到呢個叫讚好既餐廳,入去試下。叫左個鹽酥雞肉燥飯, 雞都尚算不錯的, 但係個飯就略為爛左少少, 肉燥份量亦都較少, 伴碟既菜直情係凍既,唔係太入到口。加埋杯珍珠奶茶一個SET 50蚊左右, 有D貴就真係。

久違了的黃埔，而家有港鐵真係方便好多，一上就係紅磡黃埔既中心點，餓餓地，又見到有間台灣野叫「讚好」咁特別，價錢都相對合宜，試下先滷肉鹽酥雞飯 45 凍茉香綠茶 +5（跟餐）蕃茄排骨麵 53 凍珍珠奶茶 +5 （跟餐）食台灣野，叫鹽酥雞是常識吧，份量都幾豐富，剩係雞球都有7，8粒，加埋拌菜，比較細食既女士可以選擇小飯架！雞既味道唔錯，比出面食既香一點，濃一點，但略嫌硬身左啲同埋乾身。因為我好鐘意食蕃茄湯底，所以叫左個蕃茄排骨麵試下，蕃茄湯好似羅宋湯，紅卜卜，有好濃既香料味道，湯身都幾杰，反而個麵要「讚好」一下，好煙韌，同埋好彈牙，口感似食緊讚歧烏冬，唔錯。排骨食落好香既南乳味，但都係比較硬同埋乾身，食物方面如果可以熱辣辣啲既話會更吸引！三味拼盤 38好得意既一個小食，原來個豆腐都係凍食，上面加左小小醬汁，甜甜地帶小小酸，配合埋凍既硬身豆腐，別有一番風味。青瓜亦唔會太重味，清新中帶點香蒜味道，個人比較鐘意食！ 至於台式腸，甜甜地，幾野味，一食就唔停得口！

行完街之後已經6點，於是趁人潮前去左食今次同朋友食左3樣野，紅燒牛肉麵，蕃茄酥雞麵，同三味拼盤紅燒牛肉麵牛肉有4-5舊，全部大大件，而且多瘦少肥肉質軟熟，好容易就咬得開，基本上唔會痴牙而麵都係份量好足，睇得出同食得出有手工感麵條偏幼，條條分明，我幾鍾意個口感湯對我個人而言就甜左少少，不過幾岩鍾意甜既女仔三味拼盤有腸仔、豆腐、腌青瓜我最鍾意台灣既小食，尤其係豆腐咬落去入面仲係林林地 外皮有醬汁，但入面係豆腐原味，令味道有層次感而腌青瓜同腸仔都有芝麻係面，當小食或者配菜都得，好好食呢3款小食分別有鹹香清新三種味，可以做到互補蕃茄酥雞麵蕃茄湯同果肉酸中帶甜，配上偏鹹既鹽酥雞，中和番酸鹹度同樣地呢個麵都係手工製作，粗幼恰當，口感都唔錯整體黎講唔錯，如果廚房可以離客人遠啲就更好喇

未出發先興奮! 雖然下個月才出發去台灣旅行，但今天來到紅磡，竟然找到一間正宗台式餐廳。起初看見這裡地方少少，沒有對食物抱有很大期望。可是，嚐過就知道毫不簡單。先來個招牌滷肉香酥排骨飯 $45，必點的台式炸排骨。排骨上所用的香料跟台灣吃到的味道有9成似! 只是咸度減了一點，以配合港人的味道。光是所用的香料已令我讚不絕口。香港的台式餐廳大多沿用香港自家調製的味道，要吃到台灣的味道可真不易。接著來個紅燒牛肉乾拌麵 $59，要真正嚐出一家台式餐廳的功架，當然不能錯過紅燒牛肉。牛肉香腍，入味。一般在其他台式餐廳吃到的紅燒牛肉都會有腍有韌，總會有1至2件是韌的。而這裡吃到的，件件都腍，麵的軟硬度適中，彈牙。點了皮蛋豆腐 $26，好好好好好好吃。凍凍的豆腐又香又滑，配上皮蛋，再加入脆脆的肉鬆，啖啖都很滋味。看到餐牌都有不少菜類，點了個麻醬生菜 $22。一上碟發現，麻醬鋪滿整碟菜，好厲害。最喜歡不吝嗇食材的餐廳，付了價錢，當然要吃足份量，哈哈。 飲品是跟兩個主餐點的，所以價錢很實惠。蜂蜜檸檬 加$8，味道不錯，甜得來不過份，味道剛好。香濃朱古力珍珠加 $11，起初少看了這杯朱古力! 以為餐牌上寫的香濃

每次到紅磡都在置富吃飯，今天特意另覓新地點，走到離置富不遠的「讚好」。沒有特別想到點什麼吃，但看見輪桌的食客點了兩碟滷肉香酥排骨飯 ($45)，認為一定不錯吧。果然不出所料，排骨調製的味道香口，份量多，滷肉多汁，撈飯吃很美味。紅燒牛肉乾拌麵 ($59)亦要推介一下，麵條彈牙，牛肉炆得入味，又香又腍，乾拌麵所用的汁料味道不錯，咸度剛好，加入少量的肉汁令拌麵不乾身。皮蛋豆腐 ($26)凍上，一磚磚豆腐滑滑的，配上皮蛋，再加入大量肉鬆，令每口都吃到脆口的感覺。冷盤來說，這碟小吃性價比高，沒有不點的理由。另外點了碟生菜，麻醬鋪面( $22)。麻醬滿滿的，若平時不愛吃清淡無味的菜的話，點這碟最好不過。味道配搭新穎，小朋友也願意吃得一乾二淨。整體來說，這家台式餐廳食物味道的確令人讚好，唯一可以改善的地方就是環境。始終是小店經營，論裝潢論舒適當然不及大餐廳比，但在味覺上真的能帶給食客一種享受。

媽咪屋企附近嘅餐廳，我哋成日來幫襯～今次又再來幫襯紅燒牛肉湯麵：牛肉大大塊，秘製牛腩，好味好香，麵都好滑～滷肉鹽酥雞飯：一次過滿足晒三個願望，有哂我哋要嘅野，有滷水蛋/滷肉同埋鹽酥雞，好足料好味～甘梅脆薯：我嘅至愛，脆薯好香口，配埋啲梅子粉真係好好味！！ 凍洛神花茶：味道清新潤喉解渴；凍胚芽奶茶：好香好健康～總括：價錢抵，質素高，好味，服務又好好，值得推介！！

本身就好鐘意食台灣美食！自己平日得閒都會煮下！不過呢排冇時間，所以都係出街食算啦！黎到飲杯台式飲品先！朋友叫凍冬瓜茶，朋友話ok! 我就例牌叫左杯珍珠奶茶，味道正常！唔會甜到救命！珍珠都算QQ! 肉躁鹽酥雞湯麵 鹽酥雞粉漿薄身，表面脆卜卜，雞肉好juicy, 冇騷味！忍不住食左好多舊，搞到朋友唔夠喉！hahahaha....三味拼盤台式香腸 - 表皮脆卜卜，熱辣辣上，好吸引！對有香腸情意結嘅人黎講，一定鐘意食～豆腐 - 呢個豆腐豆味幾濃，欣賞冇酸味，夠新鮮，上面淋上甜甜地汁料加埋蔥花，好清新！食多2舊都冇問題～涼拌青瓜 - 呢個甜甜地，青瓜都幾脆身，hehehe...如果鹹返少少就好啦！重點推介 - 麻辣綜合麵 （肉燥、牛筋、豬軟骨、大腸、鹵蛋）呢個麵推薦俾愛辣人士，湯底真係好正呀！超濃味牛肉湯頭，再加左麻辣當中！最重點係麻辣唔會搶左牛肉湯風頭，反而大家互相襯托到！唔會得個辣字！大腸我本身麻麻地，不過呢度嘅大腸我又好鐘意食，因為清潔得乾淨，鹵得好入味，冇怪味！讚呀！麵身帶有Q勁有嚼勁，食落夠掛湯及有麵香！有驚喜！

住紅磡，落樓下就有好多野食。今次想寫既係食開既一間台灣小店！野食好正宗 價錢唔算貴 份量適中👅 店鋪比較細，但有個半開放式廚房，大約有30幾個位。同朋友等左陣位，坐底下，講普通話既職員就即刻招呼我地喇，真係有啲係台灣既感覺啊。「鹽酥雞滷肉飯」，鹽酥雞都有好多舊，食落去炸粉有啲多，但都可以接受。滷肉飯好入味😍「正宗滷肉飯」，唔好睇個碗好似好細，但食曬就岩岩好夠飽！滷肉好多，完全cover曬個飯，可以做到淡淡飯都有滷肉送飯，真係好正👀 非常入味，同台灣既有得揮呀💪🏻套餐加$3-$5 就有杯台灣特飲，叫左台灣奶茶，幾甜幾滑，唔錯🙆🏻

在黃埔仁孚附近辦完事已經是中午時段，同朋友邊行揾食時迎面見到間台灣小店大大隻字寫蕃茄麵新登場及那時年我們一起食便當的日子，腳就自動入内就座。店面細細、侍應招呼殷勤、雖以椒鹽炸器是重點推介食品之一但抽風顯然做得不錯，鋪没有充斥著油煙味。這樣食來也開懷、安心點。店小食物選擇郤不少、單是台式飲品已超過20多款。既然蕃茄麵為新貴，就點店長推介的鹽椒排骨這款配台式珍珠奶珠套餐來試試到不到家。蕃茄香濃甜酸度掌握得好好、麵質彈牙，那鹽排骨香脆可口，唔錯、唔錯、無揀錯！_珍珠奶茶都頗地道。另外，又點了店推介以牛骨、炒過的牛肉、大量蔬果、最重要是無用味精，長時間熬煮的湯底，配精選的金錢腱的台灣紅燒牛肉麵，另加8蚊便有一杯水蜜桃冰紅茶。麵端上來香噴噴，食慾大增，牛腱筋肉相連咬落去稔軟，老人家食都可以，不嚡，有汁有質感。讚！哎呀！件大大件的牛根，通透、軟稔，差點忘記讚它！菜牌上見梅粉小甘茨，心想梅粉、甘茨大纜都扯唔埋啦，好點來試下先即炸端上台，熱氣騰騰，撒滿梅粉。入口小心滾燙，甘茨的微甜、脆漿的微咸加上梅粉出奇的夾，作甜品有小小驚喜。總的來說，這小店出品的台式食品頗地道值得一讚！

之前經過都見到呢間鋪仔有好多人，上網搵發現完來係食台灣野既，今日心血來潮好想食台灣面，所以夜晚就黎左呢間鋪食😆一去到已經坐滿人，好彩岩岩好仲有兩個位。我叫左個紅燒牛肉湯面😋😋 $50初初見佢碗麵好似唔多，可能因為飲埋d湯嘅關係，食完覺得好飽😂味道方面，個牛肉湯飲落都幾清但係又唔會太淡，唔似平時出面食個d面嘅湯咁加左好多味精咁。我冇叫野飲，食完都唔會好口渴。另外，面既口感都好好，好煙韌👍🏻但係個牛肉有d韌。朋友叫左個滷肉鹽酥雞飯 $39個飯都幾大份，仲有d菜、粟米、滷蛋做配菜。鹽酥雞個味道唔錯，而且好薄粉，食落啖啖肉，但舊肉真係好「鞋」呢🤔🤔整體黎講，食身既質素都好好，而且價錢合理份量又足，係坐個位置有d逼姐，大家經過可以去試下👍🏻

前排睇台灣旅遊節目講到正宗定唔知係好食既鹽酥雞粒，係會有九層塔一齊炸所以同朋友經過台灣餐廳，就諗住試下呢到既鹽酥雞粒我地都係叫左鹽酥雞粒米線咁岩呢到既鹽酥雞真係配埋九層塔一齊炸滿足到我既小心願先講雞粒，炸得幾香口雖然皮唔算薄，但雞肉都幾嫩又無雪藏味唔知係咪加入九層塔油膩感又好似真係無咁重而米線軟硬適中、有少少嚼頭湯底清淡得黎，唔會無味珍珠奶茶甜度適中、多珠