呢間餐廳係食新派型潮中菜，將不同國家美食融為一體，喺food court入邊嘅其中一間餐廳。 🔹 好酸菜脆炸鯛魚飯 ｜$98 用秘製黑蒜酸菜汁、潮洲酸菜配上日本鯛魚，加上蔥花、紅椒絲、泡辣椒、花椒等，再以🇯🇵日本鯛魚魚湯 製成酸辣開胃湯底再濃縮成為精華醬汁! 入口酸甜醒胃，送白飯一流🍚 🔹 斤両•鮑汁花膠刺參撈飯 ｜$148 以繁複細緻的工序和巧妙的烹調手法呈獻 慢煮精選的金龍魚花膠筒 和厚肉彈牙的刺參。鮑汁濃縮了各種海珍的鮮味用來撈飯😛正呀😌 每啖奢侈得嚟又有營養！ 🔸 黃金蝦多士｜$48 ‼️必食推介‼️入口鬆脆～蛋黃黃金醬包裹著鳳尾蝦，每啖入口香脆又有蝦的鮮味。食完會再想encore的菜式💯 🔸 TBT 麻辣爽花膠｜$78 用上秘製麻辣汁配上 本菇 、紅椒絲、金龍魚花膠筒等，口感爽脆得來又有麻辣香🌶 辣道唔算高，少少麻，唔會太重口味，份量唔算多。 🔹 杞淮蟲草花燉花膠｜$88 🔹 珍菌雲腿燉冬瓜湯｜$68 養生湯品係打工仔嘅恩物！蟲草花有滋肺補腎、護肝、抗氧化、提升身體免疫力等功效，冬瓜有益於呼吸系統，可以清熱解暑、降膽固醇、幫助消化， 止咳化痰、利尿消腫和具抗衰老功效。兩款湯品都非常足料！飲落似屋企媽媽煲湯的味道 食得岀餐廳的用心，想一改傳統口味，將粵菜文化年輕化😌

近年藥膳、麻辣湯底興起，鍾意養生的朋友見到有藥膳的menu已經想試，個人就鍾意麻辣湯底，夠哂刺激😆 馬祖最近係將軍澳開新分店，見到有台灣藥膳養生火鍋放題，所以心動去試下😛 餐廳提供全日120分鐘的火鍋放題🍲選擇喜歡的火鍋放題套餐後，可以無限追加套餐內嘅牛肉和豬肉🐂🐖 自助bar有超過30款火鍋配料。餐廳採用一人一鍋的方式，方便每位客人選擇適合自己的養生鍋🍲 湯底選擇也有12款 套餐我們選擇了🔹 𝐏𝐫𝐢𝐦𝐞 𝐆𝐫𝐚𝐝𝐞 牛肩胛肉放題套餐 ｜$223/位 (小童$168/位) 🔺包括𝐏𝐫𝐢𝐦𝐞 𝐆𝐫𝐚𝐝𝐞 牛肩胛肉、西班牙無激素豬肉片、台灣沙茶牛肉、精選雞腿肉、深海魚柳 🐮 𝐏𝐫𝐢𝐦𝐞 𝐆𝐫𝐚𝐝𝐞 牛肩胛肉好重牛味，食落非常順口、唔韌！一次過淥幾片，好快又要再點多碟🤤 🔸藥膳花雕清雞湯 超濃郁花雕香味，清香得嚟又好入味，每啖都有養生的感覺🌱 湯底雖然花雕味濃郁，但不會有苦澀味👍🏻👍🏻 🔸藥膳台灣麻辣鴨血凍豆腐湯 台灣嘅麻辣鴨血滑口無腥味，豆腐吸收哂湯底的精華😛 雖然麻辣湯底，但不會太油，辣道我選擇了小辣🌶 辣得來仲可以食到食物嘅鮮味。湯底味道偏鹹，比較適合重口味嘅朋友。完全不需要沾醬已經好夠味👅 🥬🌽菜類包括：菜心苗、唐山菜、羽衣甘藍、娃娃菜、豆卜、粟米、萵筍、木耳、海帶結、蕃茄、金菇、冬菇等。 🧆火鍋配料仲有各種丸類、響鈴等，當然仲有台灣特色嘅米血糕及甜不辣💓 🍧🍦甜品除咗有常見款式的雪糕雪條，仲有movenpick 雪糕任食🍨 🥤飲品選擇也有起碼15款♨️ 喜歡養生嘅朋友，可以試吓黑糖薑母茶和荔枝烏龍茶，不會太甜又解膩，幾適合配搭打邊爐飲用。♨️餐廳仲有暖櫃以方便提供熱飲🧃係個幾貼心嘅服務💕 如果下午五點前離座，人頭費每位減$20🈹

之前長期留在家中自煮、叫外賣 有堂食當然想食啲平時外賣食唔到的風味 今次揀咗去食串燒 熱辣辣送上 配上唔同口味的酒🍹🍸 耐無堂食 要對自己好啲😛 🔹香蒜芝士黑松露燒扇貝 ｜$48 🔹香蔥燒牛殼扇貝｜$42 每份扇貝各有兩隻，熱辣辣送上時香氣撲鼻😌😌 超juicy、唔會韌！一啖食一隻！每款一隻唔夠喉~但要留肚食其他燒物😆 🔹芝士黑松露大啡菇｜$45 🔹蒜香燒鮮鮑魚｜$72 芝士配黑松露係經典嘅配搭，配上大啡菇咬落又汁，口感味道都好經典。鮑魚一份有三隻，蒜香加鮮味互相配搭好正😛😛😛 又係好想encore的燒物之一❤️ 🔹原條燒茄子｜$35 燒茄子係經典中嘅經典，相信大家去食燒烤一定會嗌。調味和質地都非常合乎預期的好味😂特別喜歡的一點係 夠調味粉之餘，仲要多蔥🤩能夠提升味道的層次👍🏻 🔹鳳梨燒｜$23 🔹風味燒雞腎串｜$18 🔹大蔥雞髀肉串|$22 燒菠蘿有五塊，表面焦香，咬落多汁，有水準。肉串調味適中，唔會死鹹或太重口味，配大蔥剛好中和油膩感。 🔹燒羊架｜$39 🔹香草芝士焗雜菌｜$45 羊架食落稍為有少少乾，但有羊肉的酥香。 🔸Peach Mojito 🍹 🔸Royal Hawaiian 🍸 揀咗一杯甜小小嘅Cocktail、一杯飲落清新小小嘅Cocktail。兩杯都合乎預期嘅味道，少甜又夠清新，非常適合配合烤物一齊享用❤️ 附店內環境圖一張

1️⃣ Matcha  Mochi  Brioche  疫情嚴重，外賣返屋企慢慢食 用焗爐烘7分鐘，就可以還原啱啱出爐嘅樣子 一出焗就已經勁香抹茶味😌 望落好似一個普通嘅包，拎上手就發覺幾重手 一切開 個流心餡就湧出嚟 再咬落去 真係不得了😍 有流心抹茶餡+抹茶脆皮面，再加上麻薯夾心 超滿足😆😆 雖然個包$50/個，本身想試吓就算 加上食半個 已經爆quota 但係已經心思思 想遲下再食😛 2️⃣ Matcha Macadamia 同樣用焗爐烘7分鐘 岀焗已經聞到好香🍵抹茶+🧈牛油香氣 曲奇比一般軟曲奇更厚身 ♨️熱辣辣 中間有濃郁嘅抹茶流心 咬落去 脆香的曲奇面加上有咬口堅果🌰 令每啖的曲奇更有層次🤤 $50/個 必試🤍 當然太邪惡要同人開心SHARE一個

最近天氣轉涼 除咗護膚品要選擇滋潤度高一點之外 大家都可以考慮補下身 從内滋潤到外😛 講緊嘅係食啲滋潤又補嘅糖水 🎐照顧一下自己的身心靈 🔹金標龍眼燕窩爽冰 ｜$138 女生要對自己好啲！愛錫自己多啲♥️ 親眼見到甜品杯上 鋪滿燕窩嘅震撼😍 打卡一流📸 有足足50g的燕窩🤤 每啖都好滿足！ 配上龍眼冰嘅清甜，滋潤度高，又唔會太膩。趁有試食價，係必試嘅選擇👍🏻👍🏻 🔹椰皇湯圓燉雙皮奶 ｜$67 凍冰冰嘅天氣 配上暖笠笠嘅雙皮奶真係好夾♨️ 內有四粒黑芝麻湯圓 一啖湯圓 配一啖奶味香濃嘅雙皮奶 幸福感🔝🔝

平時講起三文治 大家感覺可能會係非常清淡、簡單嘅輕食 今次呢間餐廳有別一般傳統，有不同種類的鐵板三文治，除咗有多款肉類、蔬菜、醬汁的配搭外，件件三文治都係加大碼‼️ 簡直係超滿足嘅享受😎一定唔會令你失望，食飽飽先走😆 🔹歐陸監獄鐵板三文治 ｜$54 份量係平時三文治嘅兩三倍，滿滿嘅餡料就快爆出來🤣一份三文治入邊有齊：芝士通心粉、蕃茄肉丸、炸薯餅、甘藍菜沙律、荷包蛋等，醬汁有燒烤醬及俄式蛋黃醬。咬落去每一啖嘅口感都非常豐富、有層次。份量對女生來說有點多，可以與朋友分享一齊食下其他嘢。性價比極高👍🏻👍🏻 🔹檸檬撻 ｜$32 甜甜酸酸嘅檸檬撻非常開胃🍋 撻底用牛角包壓製而成。咬落外皮鬆脆，內裏層次分明、有牛油香氣。再配上面頭嘅忌廉點綴，每啖都好滿足。 🔹芝士水牛城辣脆雞手指｜$38 一份有五條辣脆雞手指，咬落首先會食到惹味嘅辣香，之後會慢慢滲出芝士味，辣味同芝士味道好夾。雞手指炸至外層脆口，屬惹味之選😛配啤酒一流🍺 🔹芝士龍蝦汁通心粉｜$78 份量比預期中多！價錢非常公道，果腹效果一流。熱辣辣食的時候，會有拉絲效果🧀 🔹粒粒蜜桃檸檬特飲｜$38 檸檬特飲配上薄荷葉，感覺清新、解膩。

放假冇得旅行 又想好好放鬆一下 紓解下工作嘅煩悶 約個好姊妹一齊去食個Tea 🥂 Afternoon tea又點少得精緻嘅蛋糕以及茶、咖啡☕️ 大家平日見到呢一間蛋糕店🎂 可能淨係留意到佢靚靚嘅蛋糕，原來餐廳喺海港城有Cafe💕可以同閨蜜坐低食件蛋糕飲杯茶，慢慢談心👭🏻 🔹京都焙茶小戚風蛋糕 這個焙茶蛋糕令身為抹茶控的我有意想不到嘅驚喜🤩 焙茶味夠甘香，一口蛋糕配上一口忌廉，甜度適中，入口有淡淡茶香。 🔹榛果咖啡朱古力小戚風蛋糕 入口先感受到榛果香味，再慢慢滲出朱古力的甜味。蛋糕面配有朱古力脆脆，增加蛋糕的口感。整體比預期中少甜少負擔👍🏻 🔹焦糖完熟香蕉小戚風蛋糕 每一啖都食到焦糖嘅焦香、完熟的香蕉嘅果甜味。蛋糕面有覆盆子，微酸中和蛋糕本身嘅甜味，十分微妙嘅配搭😌 🔸焦糖脆脆鮮奶咖啡 每日一杯咖啡嘅我，十分滿意呢杯咖啡☕️ 咖啡面嘅焦糖脆脆可以單吃，亦可攪拌在咖啡內，慢慢融入咖啡當中🥰 🔸伯爵雲朵鮮奶咖啡 伯爵茶原來同咖啡都好夾！伯爵茶香完美融合香濃咖啡味當中，喜歡伯爵茶嘅朋友一定要試吓♥️ 🌸🌼餐廳另外仲有花茶提供，飲花茶可以舒壓仲可以靚靚打卡📸 下次再試

一間以園林風格為主題嘅西餐廳🍴 餐廳格局寬敞 中間有長枱可供多人聚餐，兩側有細枱，同三五知己共聚都冇問題。 🔹NACHOS GUACAMOLE |$68 墨西哥粟米脆片係我其中一樣好鍾意點嘅小食，餐廳中伴酒小食的首選🍻牛油果醬配上甜甜酸酸嘅醬汁，仲有蕃茄碎粒及橄欖。一邊傾偈一邊食，唔覺唔覺就食晒🤭 🔹冬陰功汁海鮮意粉｜$158 第一次食冬陰功配意粉，冬陰功嘅味道唔會太酸或者太辣，意外地同意粉好夾👍🏻 汁醬唔算多亦唔太重口味，個人認為有驚喜👅 🔹龍蝦海鮮手工薄餅｜$198 上菜時會聞到好香嘅龍蝦同海鮮香氣😌手工薄餅好處係唔會太厚，每啖都平均食到餡料同批底，份量適合兩至三人享用。 🔸薄荷青檸｜$58 食得咁滿足，當然要點一杯清新口味的飲品🍃薄荷葉加上青檸及汽泡水，飲完清新、開胃，仲可以解膩添🍹

🍴餐廳提倡 #DontEatNothing 飲食概念，以健康嘅方式烹調營養豐富嘅食材。每款菜式都含有優質蛋白、複合式碳水化合物和健康脂肪，餐廳糅合中西烹調技巧，令大家食得有營養之餘，更有視覺、嗅覺和味覺上嘅享受💕 🔹超人氣厚切吉列玉子三文治｜$58 先有視覺上嘅享受😍 兩吋厚嘅玉子燒由優質嘅日本蛋製成，比一般嘅玉子燒多三倍份量！再以吉列方式炸脆玉子餡，一口咬落去先食到牛油麵包嘅香脆，再食到沾上醬汁嘅吉列玉子燒😛必食之選 🔹味增三文魚六野菜便當 $118 以日式懷石料理方式烹調，見到五彩繽紛嘅食材胃口都好啲！用味增烹調過嘅三文魚，表面灑上新鮮三文魚子，配菜有：日本甜南瓜、紅蘿蔔、西蘭花、香菇、紫椰菜以及自家種植嘅車厘茄，健康零負擔💛 🔹Choco-Loco 朱古力冬甩新地｜$88 朱古力奶昔上鋪滿了令人滿足的甜點：朱古力雪糕、朱古力醬、冬甩、忌廉、Kitkat朱古力和雜錦糖果配料🍫朱古力愛好者不能錯過！非常IG-able 的飲品 🔹柚子檸檬撻｜$48 用上日本柚子和自家種植的香水檸檬製成嘅啫喱，配上表面微燒焦的糖霜玫瑰，酸甜酸甜嘅感覺，非常解膩。 🔹柚子白朱古力慕斯蛋糕｜$48 柚子的酸味中和了白朱古力的甜，食落感覺清新，粉紅色嘅造型非常少女💞

食西餐、台灣菜、日本菜食到悶悶地 時不時都會想食下泰國菜😛 價錢親民得嚟 又選擇多 清新口感到辛辣刺激都有齊 係個唔錯的選擇😆 今次揀呢間餐廳係老字號 試下水準係唔係依然維持到先～ 🔹泰式生蝦刺身｜$88 生蝦刺身有六隻，咬落爽口新鮮，配上蒜片同生蝦醬汁簡直一流🤤泰菜必點！ 🔹泰式串燒 牛肉串燒($14)和豬肉串燒($12)各點要兩串，肉質結實得嚟唔會好韌，醃肉加上沙嗲醬汁味道啱啱好。 🔹泰式生菜包 ｜$68 微微辣的豬肉碎，用生菜包住一啖放入口，每啖都係滿足的感覺☺️ 肉碎唔會太肥膩，整體偏清啖。個人認為辣道加強會更開胃🌶🥰 🔹泰式菠蘿焗飯｜$75 半邊原個菠蘿🍍裝著焗飯送上枱，打咭一流📸相當有泰國風情♥️ 飯粒先炒起，加入腰果和大蝦🍤焗香，最後加上肉鬆上菜。香噴噴的菠蘿甜味加上大大份，性價比高！ 🔹泰式蒜蓉炒椰菜苗｜$68 平日食泰國菜通常都會點椰菜苗，咬落十分爽口，甩蒜蓉炒不會掩蓋本身椰菜苗嘅香氣。 🔹芒果糯米飯｜$50 食泰國菜又點少得食甜品—芒果糯米飯🥭 甜甜酸酸嘅芒果，配上一口充滿椰香嘅糯米飯，口腔內充滿着幸福嘅感覺☺️ 推推～