詠藜園四川菜館 (已搬遷) 新店位置

突然間好想食碗擔擔麵, 同男朋友去左呢度食~~每次黎呢度, 都係有好多人, 好多時都係要等位. 2個人叫左擔擔麵, 酸辣炸醬麵各一. 口水雞, 周埋一客生煎包. 本來想食小籠包, 但係一客有10個, 驚食唔晒. 見個menu有蟹粉小籠包, 問個亞姐幾錢.因為寫住係市價. 可惜冇得食.擔擔麵可以揀辣同0辣. 要左個辣, 個人認為一d都唔辣. 不過好香花生醬味. 好好味. 酸辣炸醬麵, 個樣同擔擔麵差唔多. 只係多左d榨菜粒. 個湯底酸酸辣辣, 都幾好味. 唔錯. 但係佢d麵好鬼長, 應該係冇剪過. 口水雞. 之前0係第二度食過係好鬼辣. 於是今次叫左小辣. 有dd失望, 個汁唔係好濃, 但都幾辣下. d雞肉幾滑, 但係係雪藏野. 有小小雪味. 呢個口水雞係特價的. 每日都會有唔同0既食物做特價. 星期二就係呢個同埋椒鹽排骨.生煎包. 點解係綠色0既??? 原來個皮係用菠菜汁搓成0既. 不過食落係冇菠菜味. 其實個包包都ok, 一碟有5個, 唔係好大個. 但係我食到有一個d餡好咸, 係好鬼咸. 好似落晒一包鹽咁. 仲有叫左2杯豆漿, 幾好飲. 唔會太甜, 但就好有豆味. 埋單$116. 都

新舊都去過,因為蔡瀾讀者,新果間好多人彈,可能因為舊果間要排好耐隊,又可能辛苦得到就好食D,又可能舊果度好feel D, 果個唔知乜乜白肉好食,要試.

擔擔麵-- 我無去過鑽石山那間，自然無比較。不過我卻覺得雖然係不錯，但又不是想像中的咁突出，有某人係其他site話呢度d麵得鑽石山那間的6/7成睇黎都無講錯。話雖如此，味道仲above average，拉麵夠煙韌，總算無白黎一趟，點都好食過在太古城的翡翠。可惜個醬唔夠濃，花生也不夠多，份量又小，呢d地方看來要改善一下了。小籠包-- 麻麻，賣相不行，皮不夠薄，仲要一叫叫十隻，弄到我食完呢樣就叫唔落其他野試，其他館子也可做出這般質素，無謂浪費你的胃容量而試唔到其他野! >_<服務-- ok啦，可能我4/5點去，不是繁忙時間，只不過是唔多抹檯.....如果想食lunch慳慳地/食番個靚tea，呢度都唔錯(17/擔擔麵+6/汽水=$23，食tea好似仲平d，公眾假期無得食，我去個日就係>__<)，不過要食晚飯就唔好啦，全店都是膠凳，無得挨唔係咁好坐咯p.s.整體黎講算係咁，起碼個擔擔麵都值得黎試下。不過搭左我成20幾蚊過海黎呢度，都仲未試到豆沙鍋餅同蛋香豆漿，有d唔抵，好後悔叫左個小籠包呀! >_________<

小時都經常去鑽石山食，自從過o左去黃埔之後，去過一次都唔會再去。呢間都有經常去，味道咁多年都無改變，都係咁好食，只不過佢地始終係家庭式，所以唔好寄望有好招呼。不過D 拉麵真係好好食，第二度找不到。

有次同d 朋友去, 除o左叫砂鍋雞外, 仲口痕叫個飯焦, 好大碟, 正!!<br>服務都ok 啦, 夠"平民化"ma"!

總是覺得小時候在鑽石山詠藜園吃的擔擔麵才是最好味的。清拆後首先去過黃埔總店（聽聞是店東親自主理），得出的結論是：差！等位時間太長，每人只限叫一碗擔擔麵，坐位太迫等等…。自從去過黃大仙店（聽聞是店東親友主理），便不打算再去黃埔總店了。首先，等位時間比較reasonable，最旺是七至八時食飯時間，一般要等十多二十分鐘；而我通常大約九時才去到，一般來說已不用等位。食物方面，擔擔麵水準比黃埔店好，個人比較喜歡改良擔擔麵，湯底濃一些，醬也多些。喜歡吃辣的可試試‵水煮′系列，一次老板娘介紹了水煮牛肉，真是辣到阿媽都唔認得。砂窩雲吞雞，小籠飽，酸辣湯等一般啦，沒什麼驚喜。至愛是白切肉，肉質肥瘦平均，辣汁很好味。還有過橋餃子，蒜味重，點餃子的汁汁也非常好味。服務方面，對這類做街坊生意的菜館也沒有什麼奇望。不過若主動問老板娘，她會給你作菜式推介，幾友善。一般waiter雖不是太好招呼，但對客人的要求，例如要extra的碗筷等，卻也有求必應。總括來說，幾抵食！最後順帶一提，若覺得在詠藜園吃得太辣太燥，沿著鳳德道向雙鳳街行有間涼茶店，那裏的龜苓膏又便宜又好味！

service not good i think too bad tim...a lot of ppl said its very good.i think maybela~food is very good.if d service be better i think is perfect.

D service too bad!!! I don't like it!!

【開飯喇☆老友記】Highly Recommended! Wonton Chicken is excellet...Ho Ho Mei, Special Price $100.But, I still prefer the Diamond Hill one. Now you have to go to ﹝蔡瀾美食坊喇☆老友記﹞

每一次到詠藜園都覺得幾好，服務態度雖然不算好，但也不算太差。<br>食物質素方面，每一次都ok，味道足而且味精冇其他餐廳咁重；小籠包皮薄餡大汁多；青瓜粉皮好好味。<br>總括來講，食物好味價錢平，不過總嫌太過油膩。

唔錯O 架，尤其是螞蟻上樹同麻婆豆腐都做得相當地道；不過擔擔面0 的麵條就 腍O 左少，美中不足。

呢道有好多款四川菜，味道一流，平時都有好多人排隊去食架，而且價錢又唔係貴，比起市面上其他上海鋪真係抵食兼好味!!

o 刺, 呢間同係木屋區又就黎拆o 固間都係差唔多( 聽講係二奶開) 我鐘意夠平民化, 又平, 好食, 又抵食, 不過, 星期五晚o 既話就要早少少去搵位喎。 推介食品: 紅油水餃.. 見過用" 血水" 伴水餃未, 又唔係好辣, 過癮! 小蘢飽.. 就算人多, 都係即叫即做o 家, 隻隻有湯! 擔擔麵..o 的湯好鬼" 傑", 大家唔好咁娘, 呢隻至叫正宗!!