詠藜園四川菜館 (已搬遷) 新店位置

大概一個月之後，大家都牙癢癢，話要再黎食。當然有番炒的食物，也有新嘗試。番炒食物唔再多講，因水準依然。大砂窩雲吞雞：真係用一隻雞落去燉，隻雞仲要唔老，肉嫩喎竟然。有好多白菜同紹菜，已經燉到好淋，正！個湯呈奶黃色，什是濃郁，仲有少少過咸。不過好抵食，有勁多湯。白肉粉皮：超正，白肉肥瘦均勻；粉皮好滑，抵讚。個sauce就用了紅油，不太辣，加少許醋一齊食仲正。三絲兩面黃：做得唔錯，個面有d part 係脆，有d part 係充滿了汁，淋淋地。三鮮炒年糕：呢個可以不吃，因為炒法與上次不同，連味道也大不同。唔夠味，年糕仲有點怪味。都係上海炒年糕好d。炒豆苗：炒得幾香，不過真係super oily~

早排, 同老豆慶生黎左哩度食晚餐.(太耐之前, 唔記得d菜名)蟹粉小籠包--冇乜味既, 仲腥 ga 添!担担麵--冇乜特別, 仲差過 d 唔出名既舖...雲吞雞煲--都 ok, 不過 d 雞唔滑既...無鍚骨--麻麻地咋, 個汁唔夠味...回鍋肉--唔好味既, 得個辣字...豆卜粉絲湯--以前o係第二間四川店食過哩個係用 d 豆卜包住 d 肉, 好好味 ga.見哩度$4X, 諗住都應該係差唔多既野! 點知佢真係得 d 豆卜同粉絲加少少菜!咁就$334, 我地4個人都唔滿意...

六月廿九日(日)又過左去詠藜園度食，因為唔太餓，只叫左三樣~奶油津白幾大碟，津白算肥美，無渣，但一大碟兩個人食有D寡，都係加埋鹹內好味D雞火擔擔麵雞肉係用黎炒麵雞肉，有種整定夾落去感覺，唔太滑，勉強OK，火腿則正常，始終都係擔擔麵有保証，挽回番分數，下次都係食番豬扒、雲吞尼D穩陣D~豆沙鍋餅非常之"炸"，個人唔太鐘意尼種整法，紅豆饀不小但唔夠均勻，邊有一兩舊無紅豆饀可言，味道OK，只屬合格之作~

6個人星期日晚排左半個鐘隊入去食，點左10樣野埋單都係600，幾抵食，不過以一間四川菜館黎講香港化左，太就香港人口味。小籠包﹕有湯汁但皮厚，味道一般担担麵﹕好香既花生醬味道，誠意推介奶油津白﹕creamy同菜脆度剛好，誠意推介糖醋黃魚﹕一個不俗既選擇，酸度略遜(可能係太早落醋煮關係)口水雞﹕最好係雞已去骨，麻辣味可以不過味道略單調椒鹽排骨﹕排骨夠香夠入味，誠意推介水煮魚片﹕用碟上已經好奇怪(應該湯碗)，魚片太大塊同包少炸，同汁有落芡，唔夠麻辣，覺得唔夠正宗。豆沙窩餅﹕冇乜特別意見

2人8點鐘到梗要等位啦, 幸好唔洗等好耐, 半個鐘到就可以入到去同人搭枱食飯~川辣麵$17 (我幾鍾意呢碗, 個麵岩岩好爽爽地, 怕辣既我都可以食得到)水煮牛肉$50 (勁鍾意食辣野既男友話呢碟野陣味最好, but牛肉真係太垃圾, 比食粉拿到過淋, 食落一陣粉味, 敗作!!唯有食哂d芽菜就算, 仲好食仲新鮮~)大千雞$48 (望落去好多乾椒以為好辣, 點知食落係甜既, 阿姐都話呢碟係辣既, 可能係我地比第d辣野辣到冇左味覺, 所以食到冇咁辣既雞變左甜雞...雞件係先醃味再炸再兜埋d乾椒, 好香口, 但係d肉又唔韌, d骨都有味, 真係好好食~好彩我地早叫, 其他人再叫既都冇得賣lu)担担麵$17 (男友驚我冇啖好食所以特登叫比我, 老細話唔辣唔好食喎, 所以男友幫我叫左少辣...都係啦, 因為味覺已經崩潰哂, 食呢碗野變左好似水烚咁既味....最鍾意食担担麵既我竟然覺得一d都唔好食....食左兩啖都比返男友食埋佢~)P.S. 呢度好多餸都係唔會整太多, 原本仲想叫南瓜餅架, 點知又係賣哂, 見人食田螺, 點知又聽到話賣哂, 見好多人叫豆沙窩餅, but我實在太飽, 唯有有機會既話下次啦

一行12人，訂了枱，但因我們早了半個鐘到，所以都要等一陣先俾到枱我地。張枱都幾細，12人僅僅夠坐，要坐得逼d。總共叫了19樣食物，加一揸豆漿和幾枝汽水，埋單$907，抵到爆！干煸肥腸：有很多辣椒乾，但食落又唔太辣喎！豬腸炸得夠乾身，很脆口，非常惹味。怪味雞：個醬一流，辣辣地又帶甜，不能吃辣的人都能接受。雞很嫩滑，又入味。醉雞半隻：呢個隻雞都好淋滑，但酒味唔夠濃，雞也不算入味。過橋水餃：皮薄，肥肉不多，但肉唔夠鮮；一定要點個秘製醬先至好食，如果唔點味道就會好淡。鍋貼：呢個超正，必食；皮薄又煎得脆; 肉超鮮，同水餃嗰d肉差好遠，呢個鮮甜好多，肥肉不多。好快清碟！雞絲粉皮:配以粗切青瓜絲及雞絲...淋上稠度適中的麻醬，撈埋粉皮吃，味道挺不錯。略嫌麻醬味稍遜。麻辣海蜇頭：唔太麻辣，墊底的西芹比主角海蜇頭還要好味，新鮮脆口又夠甜。反之海蜇頭無味，d味完全入唔到去，幸好的是仍爽口唔韌。油炆筍：超正，d筍好爽口，嫩身，無渣，炆得入味。鳳尾魚：炸得脆口，連骨都炸脆；味道又甜甜地，非常可口。五香豆腐：大件，內裡得軟熟；鹵水味淡淡的，如濃些會更好。椒鹽九肚魚：我無食，但見表妹夾完一舊又一舊...蔥爆牛肉：

I tried out the restaurant with my fater last month. The braised sea cucumber is extremely good. It is very hot, as if it was put on our table just after frying. The quantity of sea cucumber is also relatively large. For the same size of serving, it will cost about $200 in other shanghainese restaurants. The service was also excellent and the staff were all friendly.

想試一些特別既中式菜，而且鍾意食辡野，見詠藜園好似好正宗，又多人係 openrice讚，所以就黎試下。可能抱有期望而黎，食完後幾失望呢 ~我地叫左五個菜：担担麵 ($17)：麵條好有口感，但湯底既花生少，唔夠麻香！五香豆腐 (每件$3，要左兩件)：夠大件，但唔夠五香味！口水雞 (特價$38)：細細碟，用既係雞扒，都唔係一件件既切雞！都算滑，但無咩肉食，而且無雞味！另外，個醬就幾麻辡，但就咸左少少！燻魚牛肉麵 ($34)：燻魚無咩燻香味，而且有些腥；牛展味道淡淡，肉質唔新鮮，唔好味！過橋水餃 (10只$22)：皮厚適中，餡都幾鮮味，係最好的菜！要搭枱坐，都坐得幾逼。價錢算平，但我寧願貴些但換來好些食物質素。如果特地黎食飯，我覺得唔值得黎。

嚟呢間詠藜園都好多年好多次了, 每次都唔會失望, 同另一間比, 呢度完全跑羸十幾條街.推介:過橋水餃 - 簡單的蒸水餃 + 分開上既麻辣sauce, 而個sauce 帶甜, 適合唔食得太辣既人;紅油抄手 - 等於上埋麻辣sauce 既過橋餃. 係我的至愛, 口水鷄 - 四川名菜, 食過其它川菜館既四川鷄, 都不及呢度好味. 麻, 香, 辣, 鷄肉滑, 仲想點.大千鷄 - 乾身, 易入口, 無口水鷄咁辣. 担担面 - 幼身面, 啱我心意. 花生醬味不太濃, 唔會覺得膩 (個人最怕 d "杰逹逹"既担担面)川辣面 - 嘩, 比担担面有過之而無不及, 川辣面又酸又辣, 食落有 好爽既感覺;冷面 - 係用粗d既面, 配埋個麻辣sauce, 開胃醒神, 係夏天之選;鍋巴 - 朋友介紹 - 又好好味喎, 好脆好有焦香, 但較熱氣, 同埋好多件;雲吞鷄 - 食過兩次 (因為次次都得2個人食, 無可能食到呢個餸) 個湯實在太好味太甜了, 人多必要order. 水煮 - 試過水煮牛, 辣到頂唔順, 但越辣仲越想食, 辣到個咀都紅哂;至於小龍包, 個人認為唔算出色, 肉餡太大. 侍應好好玩, 肥

平時好少路經此店，因為地址唔方便，今日終於一試！唔怪得成日有人排隊等位，0的野食真係好食又超抵食！碟碟都好大碟！四個人食0左以下野: 酸辣湯(好多料，好味道！)、螺、小籠飽、甜酸蝦仁鍋巴、上海粗炒、水煮牛肉。初時以為0的野好細碟，於是狂叫，點知好大碟！食咁多都係$280，好飽，又好正！裝修係舊0的，但都好衛生乾淨！

第一次寫食評...寫得唔好請見諒.本人同女友食晚餐,見有成百個笑面,就去試試.本人叫了四款菜...1. 擔擔麵...$17碗...好好食...麵係有一種特別口感.2. 小籠包...$34十隻..好食...夠汁..但皮不夠薄3. 醉雞...$60半隻...好有醉酒味...雞就一般,可能係隻雞本身問題,因為有部份位好食有某啲位唔好食.4. 奶油津白...$40碟...好食.最後$150走得會再去食...可以一試

已近兩年無來，除隔涉，擔擔麵外沒有更吸引菜式組局，每次想來最終也卻步。在附近開工，卻成了最簡單直接的動力。午市已過，檯子仍有七成滿，始終平而有質素的館子總有一班捧場客的，這裡如是，山下的得龍亦然。想吃涼菜，特價的涼拌蒜心及醉豬手，同事貪其價廉，雞絲粉皮也是屬意之作，擔擔麵外的蔥油拌麵，也想試試。涼拌蒜心及醉豬手如打冷般陳列在門口廚櫃，即叫即上，蒜心伴以酸醋，清脆而帶獨特的辛香，十蚊一碟確是平宜得緊；醉豬手其實是豬腳，白滷水滷得皮爽，肉沒有多少，也難說肉質如何，點點酒香，談不上「醉」，只收十八，很平，過下口癮亦無不可。雞絲粉皮，伴以青瓜絲及粗切的雞絲，淋上薄而稀的麻醬，撈埋粉皮吃，味道很差，一來是麻香不足，二來是青瓜質素問題，帶不起清新提味作用，醬不好，雞肉再多也是浪費，這刀切雞絲，遠不及山下手拉麵小廚般有誠意，卻收六十五蚊，貴得咋舌。兩款麵排排坐，擔擔麵絕非兩口吃得清之物，反而是多得飽肚之作，浸著麻醬湯，上面舖了些炸花生，感覺頗「地道」，麻醬水準不及從前，嚐不著麻香，要了普通辣度，也幾乎吃不到辣，帶來的伊呂波毛巾也無用武之地，麵是拉得不錯，修長不斷，久浸而不腍，吃落柔韌有口感，放湯十多

20080609若不是突發奇想趁有陽光到黃大仙舊區采風，怕也很難有機會去試這家老店，原本對“咏藜園”三個字的感覺已經被黃埔那間摧殘得差不多了，誰知在這裏，在這個炎熱的夏日午後，味蕾一下子全都蘇醒過來。店面街坊得很，來的也有不少是熟客，身後另一張桌子的阿姨一邊享受眼前那碗面一邊吩咐外賣，還不停的向老夥計們抱怨黃埔那間品質不穩定，見我們滿面茫然又忙不迭的介紹心水菜色，熱鬧得很：）細閱滿墻手寫菜牌，雖然標榜正宗川菜，畢竟身處香港，也免不了有點“京川滬”，口味上也可選擇從不辣到大辣。四川擔擔麵（不辣）：面底火候剛好，芝麻醬散發自然芬芳，不油不膩；酸辣炸醬麵（辣）：酸度與辣度搭配得剛剛好，看上去滿碗紅油，吃起來却只覺得痛快，真的有“喚醒味蕾”之感；過橋水餃（十隻）：分量可以自選，十只是最少的，醬料有辣油與醬油醋兩種，均略略帶點甜，皮薄餡靚，調味與坊間港式水餃殊异，一時間仿佛嘗到媽媽的出品。總體上感覺濃香鮮美，而且難得是全靠香料少有味精，格外地道。兩個人難以試到小菜，頗以爲憾，下次一定要拉隊再來，品嘗這有點游離于香港context之外的正宗味道。

Though not all dishes are nice in this shop but it is at least much better than the one in Hunghom.Here are some dishes NOT recommended:1. 小籠包: the wrappings are too thick, too oily & the pork are tasteless2. 擔擔麵: the soup seems to be thick but lack tastesHere are some dishes recommended MUST try:1. 五香豆腐: it blends well with the sauce (must served cold as sometimes they are still warm which obviously are those recently cooked that don't have enough time to cool down & soak up the sauce)2. Shrede

7點未夠去到，餐館已坐了1半，許多留位的檯，相似非常旺場，格局似茶餐廳feel，墻上佈滿了餐牌，其實不用看餐牌也能點很多好送，坐低見到大支青島特價$20當然來1支！要了受好評的擔擔麵，嘴痛只好吃個冷麵，要雞絲的，1碟香脆海蜇，4粒蟹粉小籠包，知道四川菜都辣的，點菜其中1于全部要唔辣，期望同樣好食，好久沒喝青島，夠曬冰凍，爽爽喉嚨！打頭陣的是雞絲冷面，其麻油與芝麻醬配合得非常對味，很香，麵也是彈牙的，另轉身看到師傅專注地在差麵粉，不時落水落粉手勢好好，做出來的麵果然好食，1直在想海蜇如何個香脆法？上檯後疑問迎面而解，芝麻+麻油的香味，配合爽口彈牙的海蜇，是名副其實的香脆，非常美味！馳名的擔擔麵卻是沒想像中的好食，可能是沒加辣吧，湯味1般。小籠包是即叫即蒸，等了許久沒有白等，熱辣辣上檯，包功1般，夾起湯全漏了，看著心疼，惟有拿著勺子1夾便要立即擺進去以免湯流失，有蟹味但不夠重，但總括還是ok的！最好味還屬海蜇與冷麵，是較高水準，埋單160，不便宜，但非常的滿足，食得開心！