蟹點

營業中

休息中

之前聽講西邨街市好多嘢食，今日喺中環做完嘢，近近地就過去行吓由地鐵站行去西村街市嘅路上已經見到蟹點嘅招牌，所以去到嘅時候就首先去咗呢間餐廳度望一望，原來餐廳有中式小炒、海鮮、泰國菜、潮州菜等等，而且餐廳面積好大一入到去已經見到好多海鮮！呢度嘅招牌菜係白胡椒蟹，佢分咗兩個大細，細既就大概1.5斤重，我同媽咪兩個人食，要細份（$438）就最啱！佢嘅蟹肉好鮮味，而且好多肉，仲有羔添！蟹件輕輕炸香過，吸收左醬汁更加好味，胡椒味香得來又唔會辣！泰式冬蔭功湯（細） $88味道濃郁，酸度岩岩好，仲有好大隻既蝦係裡面蝦肉已經細心地開左邊，食起上黎就容易好多豉椒炒蟶子4隻 $168蟶子大大隻，炒得好香幾惹味，而且肉質都好鮮甜椒鹽金磚豆腐 $68即叫即炸，外皮炸得好脆，外脆內軟，豆腐好滑椒鹽炸大腸 $68又脆又香，點埋甜酸醬食好正飲品我哋叫咗椰青同埋芒果沙冰椰青味道清甜，芒果沙冰芒果味好香好濃，仲有鮮芒果肉添最後就係甜品椰汁西米糕 $38椰汁西米糕好大件，裏面仲有芋頭粒同粟米椰汁味好香同埋都幾滑有機會都要返轉頭幫襯呀

位於鴨脷洲街市既蟹點瓣數多多，集大排檔、酒樓、泰國菜同潮州打冷於一身，想食乜都得咁濟～我地梗係唔執輸，樣樣都叫啲黎試下😝！-呢道仲有室外、內位，怕熱但又想食大排檔既都可以入室內嘆冷氣！-生蝦刺身 $108蝦身爽彈，欣賞佢夠冰凍，食落爽好多。-生菜包 $78一場黎到，費時食炒菜咁悶，就叫左個生菜包。生菜爽脆夠新鮮，豬肉肥瘦均勻，炒得幾有肉香，而且份量多。-香腸墨魚 $85墨魚彈滑，花生軟淋，滷水味突出。-豉椒鵝腸 $98鵝腸爽脆，完全無腥臭味，豉椒爆得好香，配埋韮芽食好有口感，重口味人士一定會中意！-招牌白胡椒大蟹 $498店員送上枱後，再淋上白胡椒汁。鐵板熱辣辣，令到白胡椒香氣更濃郁，果然係招牌菜！-大蟹足斤半，所以啖啖肉！蟹肉非常入味，白胡椒香濃厚惹味，但肉質仍然保持到軟嫩口感，帶微微蟹鮮味。-蟹蓋大大嚿膏！好邪惡！-店員仲好細心咁送上圍裙、手套、濕紙巾同食蟹工具🧰。-薑蔥焗桶蠔 $168桶蠔即使炒完都仲有手掌板咁大隻，蠔肉飽滿無沙。雖然薑蔥香氣濃厚，但仍然食得出蠔肉嘅鮮甜味，好正！推薦！-椰青 $48椰青大大個，椰肉清甜，絕對對得住個價錢！🥳-芒果椰汁沙冰 $42紅豆椰汁沙冰 $3

這間位於海怡半島的蟹點，平日晚市時間都爆場，食物款式甚多，除了有中式小菜、海鮮外，還有潮州滷味及泰國菜，其中肉蟹更是其招牌菜。用碗飲酒，真係超豪氣。招牌白胡椒蟹胡椒蟹以鐵板送上，肉蟹超大隻，鐵板爆香洋葱及胡椒等配料，帶胡椒香及微辣，十分惹味，肉蟹本身已略揼開蟹殼，所以都方便食用，蟹肉結實鮮甜，而且蟹鉗位更是超大啖肉，加上胡椒汁超好味。蒜蓉粉絲蒸元貝元貝加蒜蓉蒸一定是最美味，食到元貝鮮甜味，加上粉絲吸收鮮味，元貝蒸得剛才又嫩滑。大眼雞打冷必食的大眼雞，肉質雪白結實，魚肉新鮮有魚鮮味，最重要是少骨，怕骨既我都食了半條。大澳蝦醬骨入口淡淡蝦醬咸鮮香，蝦醬骨肉質嫩腍，很易咬開，送酒一流。豉油皇炒麵超夠鑊氣，炒麵爽口，加上些芽菜及葱等，很耐都無食過咁月鑊氣既炒麵。

真係好耐好耐冇係大排檔食過海鮮，一連叫左幾樣海鮮真係滿足到不得了。今次仲要去左鴨脷洲附近嘅小食亭，環境好大好光猛最緊要好乾淨。招牌白胡椒蟹🦀白胡椒好香好嘢味，蟹大大隻啖啖肉仲要鐵板上熱辣辣超級正，香港好小食到咁好味嘅白胡椒蟹。蒜蓉粉絲蒸元貝：有4大隻元貝，重點更係蒜蓉粉絲吸晒d汁真係精粹😂豆豉炒蟶子皇：蟶子都有成4大隻，豉椒炒d鑊氣堅正，大大嚿啖啖肉👍🏻👍🏻👍🏻滷水鵝片：師傅切到薄薄的吸晒d滷水汁仲有豆腐花生，你地諗下有幾好食😋西瓜🍉沙冰，用新鮮西瓜打出嚟飲落口啖啖西瓜肉。

🦀蟹點泰粵小炒王位於鴨脷洲西邨街市1樓，主打粵菜同泰菜，以舊式漁村⚓為裝修風格，充滿東南亞大排檔風情。.我哋叫咗豉椒炒花甲、金沙鮮魷🦑、蒜蓉西蘭花🥦。每款菜都鑊氣十足，鮮甜惹味。豉椒炒花甲香辣惹味，每隻花甲都飽滿爽嫩。而金沙鮮魷🦑外層炸得黃金香脆，有鹹蛋黃嘅咸香好滋味，內裏鮮魷爽口彈牙。.另外自己亦可以係樓下街市買海鮮🦑🦐🦞🦀🐟，買完拎去蟹點泰粵小炒王加工，海鮮加工費為$6/兩，仲會即時用電子磅過磅，保證足秤👍。.活化之後嘅西邨街市結合購物加餐飲極具特色，相信好快會成為另一新熱點( ˶ˆ꒳ˆ˵ ).好味指數：😋😋😋😋4/5推介指數：😋😋😋😋4/5抵食指數：😋😋😋😋4/5.🍽 蟹點泰粵小炒王(鴨脷洲)📍鴨脷洲鴨脷洲橋道322號西邨街市1樓電話: 2811 9323

想同屋企人食新鮮海鮮唔知去邊度好？跟我黎鴨脷洲西邨街市，融入漁村風情同現代設計，唔止有新鮮海鮮食，仲有得打卡。.買完心水生猛海鮮後，上嚟一樓新開嘅餐廳 -蟹點泰粵小炒王，呢度有東南亞大排檔風情、中泰fusion、 粵菜等菜式，好多選擇，一次過滿足唔同口味！再想豐富啲，仲可以買海鮮上黎加工架。.是日點餐 ：🦀鐵板薑蔥炒蟹上枱香氣四溢，粉絲薑蔥盡吸蟹汁鮮味，蟹味香濃🐚蒜蓉元貝蒸粉絲大大隻新鮮元貝，配埋蒜蓉粉絲蒸，鮮味、惹味👍🏻🤤🦑燒魷魚魷魚爽口彈牙配埋泰式酸辣醬汁，愈食愈開胃🦪豉椒炒花甲花甲肥美厚肉，鑊氣十足🔥🥗馬拉盞炒什菜充滿泰式風情馬拉盞炒什菜，咸香惹味🥭芒果糯米飯🍚芒果香甜配合椰香軟綿綿糯米飯中式點心港式酒樓經典點心🧉椰青🍹青柑桔柚子梳打📍 鴨脷洲西邨街市1樓-蟹點泰粵小炒王電話: 2811 9323📍 @peoplestory_hk蟹點-#APIER #蟹點 #民坊 #西邨街市 #碼頭風情 #陸上漁村市場 #鴨脷洲 #南區 #香港仔 #大排檔小炒 #游水海鮮 #特式河鮮 #正宗泰菜 #南北美點 #沙冰特飲 #Foodie #Annielittlecake #sohappy💛💟

Pepper crab Originated in SingaporeA slightly more dry way of serving the hard shell crabPortion is decent with one single big crabLove the crab legs which are stuffed with meatThe poring of black hot gravy over the top of the crab before serving is definitely a bonus Other traditional Thailand and Chinese dishes are awesome as wellGoose slices are tender but chewy and full of juicePortion is extremely large, every pieces are of the right amount of fat and thickness

呢晚同同事farewell，我地一行三人，一個想食泰菜，一個想食小菜，一個想食海鮮😂三個人各有想法😂最後俾主角搵到間一次過滿足哂大家願望嘅餐廳👍🏻餐廳位於鴨脷洲西村街市1樓，喺海怡半島站行過去好近，5分鐘都唔洗。呢個街市非常乾淨，裝修時髦，有哂冷氣咁，而我地呢日去嘅<蟹・點>，設有自家海鮮魚缸，即撈即煮，夠哂新鮮！佢地晚市主打泰粵小炒，午市仲有點心食！睇完本menu，大家都選擇困難症發作！泰式方面，有海鮮、靚湯、頭盤、沙律、主菜、咖喱、小炒、飲品、粉面、甜品；中式有鑊氣小炒、招牌海鮮、粥粉麵飯、潮式打冷、風味煲仔菜、滋補湯水、佐酒小食，好多好多選擇！每樣都好吸引！我地叫咗招脾白胡椒蟹$498，炸蝦餅(4件)$68，串燒(豬牛雞各兩串)$68，泰式鐵板豬手$188，通菜炒脆肉$78；而飲品就叫咗熱檸蜜柚子蜜$30同椰青$48。✨招脾白胡椒蟹 $498先嚟熱辣辣嘅白胡椒蟹，用鐵板上菜造型霸氣，上枱後再淋上白胡椒汁，鐵板滋滋聲響，惹味鮮香隨即四散！店員同時細心提供即棄手套、圍裙同食蟹工具。隻蟹好大隻，大廚已經幫我地整碎咗蟹殼，方便進食。蟹柑有手板咁大隻！蟹肉多，肉質雪白結實，

叫外賣買返屋企食，冇得打電話去叫定先，一定要親自去先接order。所以要等一陣白胡椒蟹都幾多肉，幾入味但有d鹹，送酒就ok。不過殼同肉痴埋一齊。黑椒牛柳粒好味 好野味 不過牛柳粒偏少 反而好多薯仔 幾好食青木瓜沙拉 麻麻地 唔夠啦 裡面有2隻蝦唔太新鮮辣椒膏花甲 都係好鹹 味道都ok 可以辣d 好多配料洋蔥 花甲新鮮 唔錯 鹵水掌翼 唔錯 味道幾好 份量算多，可惜冇得雙拼想試多幾樣所有野都偏鹹但係算好食，送酒就ok。性價比高，好多選擇。會再黎

最近聽同事講鴨脷洲西村既街市開左間食中餐既菜館，去到先知，原來唔止有中菜食，仲有打冷同埋泰菜添，一間餐廳，可以有咁多種既選擇🤣招牌胡椒蟹 $498店員為我地準備左手套同埋圍身，上菜係用鐵板黎上，仲發出吱吱渣渣咁既聲，之後店員幫我地淋上胡椒醬汁，鐵板發上既聲更大，就好似食鐵板牛扒咁隻蟹目測都應該超過1斤半，同佢餐牌寫既一樣，童叟無欺，蟹肉鮮甜而且實在，可以睇到蟹鉗大大隻，胡椒味我都係第一次試，但真係好入味，好令我難忘酥炸美國桶蠔 $168好驚訝！！炸左既蠔都仲咁大隻，而且炸既成熟度岩岩好，仲可以食到蠔既鮮嫩，炸粉亦都做得好好，做到外脆內嫩既感覺，唯有就係調味比較淡，可能因為想客人食到原汁原味豉椒炒蟶子皇 $168蟶子皇好大隻，差不多有3分2隻筷子咁長，而且好夠味，送飯真係一流生蝦刺身 $108刺身略嫌有少少唔夠爽脆，不過調味既辣醬汁就好好味青柑桔柚子梳打 $32金柑加埋柚子清爽得來唔會太甜，飲泰式飲品其實好怕好甜，但呢度就調得岩岩好

話說屋企樓下個商場裝修完，開咗間新餐廳叫蟹點。同班朋友嚟試吓，職員都有推介食泰國菜，同打冷野。招牌白胡椒蟹食完就明間餐廳點解叫蟹點。白胡椒跟蟹肉好夾，層次豐富。蟹肉香濃鮮味，同時白胡椒亦冇搶去本身蟹肉鮮味，互相配合。當然蟹本身亦好多大隻又多膏，高度推介。比埋膠手套，唔使食得咁論盡😂咖喱炒大頭蝦椰味香濃，唔同香料令到咖喱嘅口感層次好豐富，大頭蝦嘅size好大，而且肉質鮮美。食咖喱當然要配上蒜蓉包，正。滷水鵝片份量都唔少，鵝片肥瘦適中，皮脂沒有過肥嘅情況，香濃油香而且鵝肉亦有彈性和咬口，滷水汁亦做得唔錯。馬拉盞炒通菜泰國菜必點之一，香辣惹味，而且蝦醬味亦香濃，味道適宜亦不會太鹹。紅燒脆皮BB鴿外皮相當香脆而且肉質滑嫩多汁，乳鴿肉味亦充滿滷水味道。芒果沙冰+菠蘿沙冰解渴首選，果肉香甜。

鴨脷洲新開左一間大排檔，今日同友人去吃。整體裝修很不錯，而且地方又大，在西邨街市樓上，占滿足足一層。我叫左份酸菜蘿蔔海斑仔，配料有芽菜，蘿蔔，酸菜。酸菜酸酸啲，好開胃。而且分量都算不少，辣椒夠辣，魚肉好新鮮，夠滑，冇骨。芽菜鋪在最底層，吸收湯底酸酸辣辣啲味道，吃起脆脆辣辣。在配上白米飯，淋點酸菜魚啲湯，味道都好好。又叫左蒜蓉炒通菜：通菜好新鮮，用蒜蓉和油爆炒，香味好香。吃起來都係脆脆哋，好爽口。相對腐乳通菜，我更愛爆炒。

呢日又去左南區搵朋友食飯，佢話鴨脷洲邨街市樓上開左間新餐廳，所以就拉埋我去試～呢間餐廳都幾特別，粵式小菜又有，泰式又有😳除左係food court食之外都真係幾難得可以一張枱又有中式又有泰式👍🏻滷水鵝片碟鵝片比想像上大碟！而且肉質鮮嫩，不自覺地一塊接住一塊咁食😋好滿足🤩冬陰公湯呢個已經係細既冬陰公湯，勁大碗！兩個人食每人都可以飲到3-4碗！！味道好濃郁，仲好香椰奶味～而且裡面好多海鮮，好豐富😍泰式串燒串燒有6串可以自己揀豬牛雞～小弟今次就每款要左兩串😋即叫即整上到枱熱辣辣！d肉都好好食唔會un或者無味～個沙爹汁仲調得好好tim👍🏻👍🏻胡椒蟹見到旁邊有幾枱都叫左呢隻胡椒蟹搞到我地都好想試😆點知真係好大隻😳😳食落好新鮮！d肉又唔霉，啖啖肉勁正😋連d蟹肉都有好濃烈既胡椒味，正呀👍🏻🤩兩個人食食下就ko左成隻，太好食😂本身都幾擔心會食到好狼狽，不過餐廳好貼心咁準備埋圍裙同埋手套就唔使擔心啦😆呢間餐廳實在有太多野食喇～唔止打冷正仲要泰國野都好好食！下次要叫埋一大班fd一齊黎食先😂

今日過來海怡半島穩朋友聚聚，到食飯時間朋友講西邨街市有間食蟹啲好味，我啲興沖沖來到呢間叫蟹點泰粵小炒王，餐廳空間好大，藍白裝飾。招牌白胡椒蟹:上檯仲還熱辣辣，胡椒味好香，蟹肉好飽滿鮮甜瑩白，蟹膏都好多，加埋白胡椒BB辣，食得好過癮！辣椒膏炒蟹：泰式料理，用辣椒膏炒香辣味好特出，唔算太辣，甜甜啲，配上蟹肉鮮甜，口感好豐富！酸菜蘿蔔海班仔：魚肉嫩白滑潤，微微麻辣，配菜好多，豆芽、黑木耳、白蘿蔔、酸菜，配菜酸酸辣辣啲，整道菜都好開胃。黑椒牛仔骨煲：份量十足，牛肉辣辣啲好嫩滑。串燒：六串，每串肉都好大塊，我只食出有雞肉同豬肉😂好嫩，加埋醬汁味道真啲正！蒜蓉炒通菜：好有水準，通菜水嫩。芒果椰汁沙冰：芒果粒好新鮮，味道好濃！青柑桔柚子蘇打：酸酸甜甜好清爽。今日食得好滿足，道道味道好正，侍應生態度都好好，下次會再來！

餐廳雖然今個月先開，已經好多人幫襯啦， 主打香港人至愛嘅海鮮小炒，仲有泰籍主廚坐鎮煮泰菜，仲有室外座位， 同朋友飲酒食飯，正話明專食海鮮，當然有個海鮮魚缸，見乜食乜， 仲有潮州檔攤聽個餐廳名就知佢主打蟹，招牌白胡椒蟹係必點， 每隻$498約一斤半， 用熱盤上，然後職員淋上白胡椒汁，香味立即撲鼻而來， 用手拿起剝蟹食，仲好熱㗎， 肉蟹啖啖肉， 新鮮不在話下，而且白胡椒非常惹味，調味做得非常好， 唯一挑剔的地方是蟹肉還黏住蟹殼， 要很細心的把蟹肉挑出來吃， 如果再煮久一點點， 蟹肉便會分離得更好我們想點瀨尿蝦和虎蝦，但都分別沒有貨和賣光 ，最後我們在職員的推薦下點了金沙黃金蝦 ($98)，賣相比較簡單，炸得非常酥脆，鹹蛋黃味突出但沒有太鹹，新鮮程度可以連殼一起吃另外蒜蓉粉絲蒸元貝 ($98/4隻)都幾大隻，調味都夠香，但略嫌元貝肉有點啲靭點了這麼多海鮮，怎不能沒有啤酒，間間都有啤酒賣，但係呢間餐廳有「勝利碗」，而且是雪凍的，用碗飲啤酒夠爽快其實呢間餐廳亦有泰國菜， 所以我們點了泰國著名甜品-芒果糯米飯($68)，有樣有味道， 不過黑糯米有點硬