影片
更多
2021-04-14
554 瀏覽
位於鴨脷洲街市既蟹點瓣數多多，集大排檔、酒樓、泰國菜同潮州打冷於一身，想食乜都得咁濟～我地梗係唔執輸，樣樣都叫啲黎試下😝！-呢道仲有室外、內位，怕熱但又想食大排檔既都可以入室內嘆冷氣！-生蝦刺身 $108蝦身爽彈，欣賞佢夠冰凍，食落爽好多。-生菜包 $78一場黎到，費時食炒菜咁悶，就叫左個生菜包。生菜爽脆夠新鮮，豬肉肥瘦均勻，炒得幾有肉香，而且份量多。-香腸墨魚 $85墨魚彈滑，花生軟淋，滷水味突出。-豉椒鵝腸 $98鵝腸爽脆，完全無腥臭味，豉椒爆得好香，配埋韮芽食好有口感，重口味人士一定會中意！-招牌白胡椒大蟹 $498店員送上枱後，再淋上白胡椒汁。鐵板熱辣辣，令到白胡椒香氣更濃郁，果然係招牌菜！-大蟹足斤半，所以啖啖肉！蟹肉非常入味，白胡椒香濃厚惹味，但肉質仍然保持到軟嫩口感，帶微微蟹鮮味。-蟹蓋大大嚿膏！好邪惡！-店員仲好細心咁送上圍裙、手套、濕紙巾同食蟹工具🧰。-薑蔥焗桶蠔 $168桶蠔即使炒完都仲有手掌板咁大隻，蠔肉飽滿無沙。雖然薑蔥香氣濃厚，但仍然食得出蠔肉嘅鮮甜味，好正！推薦！-椰青 $48椰青大大個，椰肉清甜，絕對對得住個價錢！🥳-芒果椰汁沙冰 $42紅豆椰汁沙冰 $3
-
呢道仲有室外、內位，
怕熱但又想食大排檔既都可以入室內嘆冷氣！
-
生蝦刺身 $108
蝦身爽彈，欣賞佢夠冰凍，食落爽好多。
-
生菜包 $78
一場黎到，費時食炒菜咁悶，就叫左個生菜包。生菜爽脆夠新鮮，豬肉肥瘦均勻，炒得幾有肉香，而且份量多。
-
香腸墨魚 $85
墨魚彈滑，花生軟淋，滷水味突出。
-
豉椒鵝腸 $98
鵝腸爽脆，完全無腥臭味，豉椒爆得好香，
配埋韮芽食好有口感，重口味人士一定會中意！
-
招牌白胡椒大蟹 $498
店員送上枱後，再淋上白胡椒汁。
鐵板熱辣辣，令到白胡椒香氣更濃郁，
果然係招牌菜！
-
大蟹足斤半，所以啖啖肉！
蟹肉非常入味，白胡椒香濃厚惹味，
但肉質仍然保持到軟嫩口感，帶微微蟹鮮味。
-
蟹蓋大大嚿膏！好邪惡！
-
店員仲好細心咁送上圍裙、手套、濕紙巾同食蟹工具🧰。
-
薑蔥焗桶蠔 $168
桶蠔即使炒完都仲有手掌板咁大隻，蠔肉飽滿無沙。雖然薑蔥香氣濃厚，但仍然食得出蠔肉嘅鮮甜味，好正！推薦！
-
椰青 $48
椰青大大個，椰肉清甜，
絕對對得住個價錢！🥳
-
芒果椰汁沙冰 $42
紅豆椰汁沙冰 $38
沙冰質感幼滑，甜度適中，唔會過甜。
紅豆椰汁🥥奶味香甜，芒果椰汁清新香甜，我自己就中意芒果椰汁多啲！
張貼
