蟹點

營業中

休息中

大家想食之前，可以參考埋常用的社交平台內的食評，就會同意我呢個食評係一個老實的食評。這兒是屬於連鎖中式酒家集團譽宴集團主席名下的一間街市內大排檔形式的餐廳。本來今日好開心，諗住見到openrice咁多好評，就去試下呢間街市內的人氣店。誰不知食到一肚氣。等位等左30分鐘，完全無一個有系統嘅等位制度，啲侍應完全唔得閒理排緊隊嘅客人。到有檯埋單，啲侍應要掛住上菜執檯，根本門口等位無可能。等左差唔多成個鐘，晚上7點45分，終於有位。叫左碟炒馬拉盞炒芥蘭，但係黎非常之怪味，一啲都冇馬拉盞嘅味道，只係得辣字，味精亦好重。叫左一碟子豬肉同雞肉嘅串燒，跟住我地就等左超過30分鐘，同店員追嘢食嘅時候，就發現原來落錯單，串燒落左蒜蓉包，咁佢地就再幫我地落單。再等多30 分鐘其他嘢食嚟齊之後竟然發現豬肉串燒啲豬肉，入面喺生的，因為出面有層醬睇唔到。咁我就攞左串生豬肉嘅串燒，去比錢嗰度家姐話佢聽，佢就即刻拎走我串生豬肉嘅串燒，然後就叫廚方再整歌俾我，毀屍滅跡。。。外皮好脆, 咕嚕肉粉同豬肉一咬就散, 應該是冰鮮豬肉。菠蘿都幾慳功夫, 另上唔駛炒~總括黎講, 呢間係集團式經營的酒樓, 價錢亦是酒樓價。食物不是出

蟹點我地一家三口去食，知道星期日間間都爆滿，呢度都唔例外，我地9點左右先埋位，知佢係C 類型餐廳，收12點，唔洗趕頭趕命。叫左3樣嘢食，兩杯飲品。唔知係咪星期日關係，出品好參差。1。豉椒炒蟶子（4隻 ） $168 味道方面處合格，但吊詭之處係有5個蟶子殼墊底，但蟶子用就得三隻。2。泰式無骨海南雞半隻 $108 半隻雞係正常味嘅，用芥蘭墊底，個汁都算幾好。3。上湯澳洲焗龍蝦伊麵底 $438 今晚戲肉黎！老實講寫呢個食評都係因為呢碟餸。以澳洲龍蝦黎講，價錢可以話係抵食，但除咗抵食要有好多因素加埋，先至叫做性價比高。呢碟係後加既，當時大約9:30左右，見到後面老細或者餐館負責人已經準備緊宵夜，大約四五碟咁上曬，可能導致碟龍蝦超過半小時以上都未上到。到了上菜時，賣相都唔錯既，但當用筷子夾落去時，個伊麵好似糊仔咁，又碎又淋。不過都算，就當個伊麵係配菜，同時個龍蝦係Over cooked 得幾緊要，好鞋同冇味道。但之後發生最大最大既問題，太座竟然系個伊麵度，食到香口膠 ！ 我當時立即搵後面果三個負責人或老闆，佢地望一眼就話肯定唔會係，我立刻用雙手的手指公及食指揸住，再分開比佢地睇，佢話

有時出街同親戚朋友食飯, 由於大家對食物嘅喜好都唔同, 都會為左去邊度食飯而苦惱。咁啱喺openrice見到呢間位於鴨脷洲西邨街市既蟹點, 佢地標榜有多種唔同類型嘅菜式 (分別有海鮮, 粵菜, 潮州菜, 泰菜, 鑊氣小炒等等) , 一於過黎試下先。香煎牙帶魚 $55- hubby係潮州人，見到有潮式香煎牙帶魚，即刻話一定要叫 ! 牙帶魚表皮煎到脆卜卜，內裏魚肉嫩滑軟淋，味道咸香惹味, 係一道非常傳統既潮州菜。招牌白胡椒蟹 (大蟹) $498 - 胡椒蟹好大隻用鐵板上, 一上枱就聞到香氣四溢, 而蟹肉結實飽滿，鮮甜多汁，蟹鉗勁多肉，係必點嘅招牌菜。 店家仲會附上即棄手套, 圍裙同食蟹工具, 真係好貼心。蒜蓉粉絲蒸蟶子 4隻 $168  - 蟶子好大隻又新鮮, 味道鮮甜, 簡單地用上粉絲同蒜蓉一齊蒸, 而粉絲仲吸收哂蟶子同醬汁既鮮甜味, 真係勁滿足。金銀蒜蝦乾蒸勝瓜$88- 夏天當然要食返當造嘅瓜類，今次我哋就點咗勝瓜，勝瓜好爽甜無渣，配上蟲草花同蝦乾蝦米一齊蒸好惹味香口之餘, 同時又食到勝瓜既爽甜, 成個餸菜既配搭都非常好。泰式鹽燒烏頭 $138- 鹽燒烏頭用泰式嘅方法整，有好香嘅香茅味

今日同朋友入開鴨利州見到街市上面有間蟹點幾正就入左去試下，環境都幾乾淨有大排檔full蟹既口味有好多，我地就叫左白胡椒蟹鐵板上，隻蟹超大隻，個鉗仲大過枝匙淋埋d汁落去，炸炸聲勁香勁正啖啖蟹肉食得超爽黃金蝦，勁多咸蛋黃，味道超濃，而且可以連殼食勁方便，依家仲做緊特價，一碟十隻左右，都係38蚊，必點！！！咸魚炒介蘭勁有鑊氣，仲有粒粒咸魚超香佢呢度除左中式野之外，仲有泰式同潮州野我地就叫左個青木瓜沙律，好爽脆，不過略嫌個味淡左少少不過我地就問佢拎多個泰式醬汁倒落去，正！！仲叫左條鹽燒烏頭估唔到咁大條，而且d肉又唔會老又係啖啖肉，味道好夠食呢熱氣野緊係要飲番個椰青勁滿足，抬住個肚走侍應態度好好，有求必應而且食蟹仲有提供埋手套，同d工具，好貼心不過個度都好爆場，我地8點左右先去度有部份菜式已經冇晒，要轉食其他野不過味道都係好正所以想去食真係要早少少去

蟹點鴨脷洲鴨脷洲橋道322號西邨街市1樓朋友喺鴨脷洲返工，為咗就佢決定喺附近食下野，今次我哋去咗鴨脷洲熟食市場呢邊嘅蟹點試吓，貪佢係大排檔得來又有冷氣，好似唔錯餐牌選擇非常之多，除咗有中菜，潮州菜，連泰國菜都有，款式仲要有成十幾頁，我哋就算每樣菜諗住叫少少，都揀咗好耐先揀到食咩鐵板薑蔥焗生蠔 $188鐵板一上到黎咋渣聲，冇諗過啲蠔會咁大粒！隻隻號都好飽滿，同埋出面嘅炸漿好香脆，餐廳比好多薑片同埋大蔥去炒，非常惹味黑椒薯仔牛柳粒 $108牛柳粒軟稔，蜜糖同埋黑椒味撈埋非常夾，薯仔外脆內軟，Size一啖一口啱啱好，另外仲加咗啲三色椒令到冇咁漏，超開胃呀潮州肉碎蠔仔粥 $88呢碗粥夠四個人食有餘，份量好多，粥底好香味，而且食得出冇落過味精，加埋蠔仔既鮮味停唔到口，最正就係面上有芫荽，再加埋胡椒粉食正泰式咖喱軟殼蟹 $188本身見佢做開大排檔，真係諗唔到原來有泰國廚師喺度煮餸，呢款泰式軟殼蟹好有泰國風味，咖哩汁調味得好好，而且新鮮炸好就拎上菜，個底仲有三色椒同洋蔥，撈飯食一流滷水鵝片 $168見到唔少人點咗滷水鵝片，所以我哋都點埋一份，鵝片厚薄均勻，好香鵝味，個底仲有滷水豆腐，大豆芽同埋花生，

今日去海怡半島行街，夜晚搵住附近朋友介紹醫肚地方，因為真係唔熟附近有咩好食。最後朋友介紹左呢間蟹點，話好多選擇，保證冇介紹錯。事實果然如此，看見餐牌又有中餐潮州菜粵菜、海鮮、又有泰國菜都係我既最愛。餐廳非常寬敞，坐又好舒適。侍應俾左兩本餐牌，哇然一聲， 非一般的餐廳，選擇超多，樣樣都好想食，可惜得兩個人兩個位，叫極有限。最後兩人叫左四樣菜式。1. 潮洲滷水鵝片，份量超級多，接近半隻份量，鵝片切得好均勻，片片大小相近，鵝皮簿也不肥，一口咬落，充滿肉汁亦非常入味，鵝片底有數塊豆腐加少量芽菜，這是我食過最好味的滷水鵝片。2. 金沙鮮魷： 平時黃金鮮蝦記食得多，今次第一次試金沙鮮魷，在家很難煮到的菜很，賣相十分吸引，一塊塊金黃色，咬落熱辣辣份外香脆，簿簿的外層炸粉被金黃色的蛋黃包住，香味可口，鮮魷也十分彈牙新鮮，果然冇叫錯，十分推介必食。3. 招牌白胡椒炒蟹：餐廳叫蟹點，冇可能不叫隻蟹試下，選了白胡椒煮法，炒到熱辣辣的肉蟹放在鐵板上，侍應倒上一碗白胡椒汁，煙霧彌漫，一陣香氣撲鼻，趁熱食，蟹肉一梳梳啖啖肉，十分新鮮彈牙，白胡椒汁微辣但完全不會蓋住蟹肉的鮮味，今我點憶起曾經去新加坡食過白胡椒炒蟹，

香港南區海鮮好食平時聽就聽得多，但真係去到甘遠既時間真係唔多，適逢今日係附近做完野，所以答個地鐵過去試下，出左海怡半島站行幾分鐘就到，好方便！——————🐽 薑蔥炒肉蟹一場黎到點可以唔試下招牌菜🤣炒蟹用鐵版上，保持熱力得黎中keep住好香！肉蟹好新鮮好多肉🤤🐽 蒜蓉粉絲蒸蟶子（4隻）一上枱就聞到非常之香既蒜蓉味🤭蟶子非常鮮甜，陣係黎一碟都可以送成碗飯🐽 泰式炸蝦餅晚市4寶其中一寶，水準好高同泰國餐廳有得輝，炸到好香脆，咬落亦十分彈牙😻🐽 馬拉盞炒什菜好香既一碟炒雜菜，炒到岩岩好熟唔會成碟水，調味亦岩岩好

平時真係好少過嚟呢頭，搭地鐵過嚟其實比想像中方便，呢間餐廳就喺鴨脷洲邨街市樓上，地方幾大，係坐得舒適嘅大排檔格局，主打海鮮但都有潮州菜、泰國菜同埋粵式小炒，晚飯時間都幾熱鬧!! 招牌白胡椒蟹 $498隻蟹比我想像中大隻，大約一斤半重，用鐵板上然後淋上胡椒醬汁，胡椒汁辣辣地好惹味，蟹鉗好大隻啖啖肉，已經預先整碎咗所以都容易食，蟹蓋由朋友一人獨享，食得好滋味!! 金沙黃金蝦 $98係濃郁嘅鹹蛋黃味，自己唔係太慣連埋蝦殼一齊食，所以我淨係食啲蝦肉，隻蝦其實好大隻蝦肉都鮮甜!! 滷水鵝片 $168份量非常多，下面嗰一層其實仲有鵝片加豆腐同花生，鵝肉滷得入味仲keep到嫩滑，肥瘦亦適中!! 建議推出份量少啲嘅例牌鵝片，細碟啲可以再試多幾味餸!! 椰青又係好大個清甜得來仲片到好多椰肉出嚟食，龍眼冰都唔錯!! 總括來講呢度嘅餸菜份量大有鑊氣，見唔少人要攞外賣盒拎走d食唔晒嘅餸!! 另外見佢都可以幫手加工外來海鮮，價錢都合理，喺樓下街市買海鮮上嚟煮都係一個option!!

去南區Staycation 行完outlet試下呢間餐廳～ 餐廳主打食蟹，仲有潮州、泰國、中式小菜等等，好多選擇～ 先飲杯泰式咖啡、泰式奶茶，消消暑～ 滷水鵝件鵝件啖啖肉夠嫩滑，肥美皮層好有彈性光澤，油香豐盈。伴碟既花生、不老不柴既滷豆腐，芽菜都好吸汁入味。可以點白醋食，酸酸地幾開胃，要徹底細味滷水汁液精華，最直接就係連骨啜，味道香濃不咸。🦀招牌白胡椒蟹食蟹要原汁原味，點可以唔徒手揸住食？呢度就有膠手套同圍裙提供超貼心～ 盡情唔洗顧儀態連汁帶肉享用。原隻肉蟹煮熟整齊放係鐵板上，侍應即席係橙紅色蟹身旁淋上白胡椒汁，發出連串喳喳聲，充斥胡椒跟洋葱氣味，真係色香味俱全味道方面對比黑胡椒剛性強勁既衝擊力，白胡椒明顯帶出温文柔和既香氣感，配合蟹肉自身鮮味，一食深深愛上。破開手掌般大蟹鉗外殼，肉厚既程度無得輸。蟹身可食用既肉唔少，內藏既蟹羔鮮滑清甜，食完舐舐脷！潮式蠔仔肉碎粥一大窩足夠4人享用，米水既比例平均。粒粒蠔仔脹卜卜，多汁飽滿。生菜包配豬肉青綠生菜平放掌心，加入鮮嫩多汁免冶豬肉，將菜葉包捲就食得。肉碎夾雜辣椒籽香葉配料、魚露調味，香辣感更持久，咀嚼肉碎時爆汁力強。

Sautéed green beans with minced meat and preserved vegetables ($88) and Mango sticky rice ($68)The stir fried beans with minced meat was delicious! Slightly oily but the texture was great, not too soft but not too hard as well. For a stronger taste you could try eating it together with the salty meat but I think the beans by itself was just right. The mango was a lot sweeter than I expected since it looked pale yellow and the hot sticky rice with the cream was just perfect 👌 Fried squid with egg

記得往年去新加坡旅遊時，必食當地的胡椒炒蟹，蟹肉滲著胡椒香味，好食到停不了口。今次機緣巧合，同朋友在鴨脷洲這間餐廳食生日飯，居然搵番果個味道。招牌白胡椒蟹，既然話得招牌，不是隨便講，隻蟹有一斤重，超大隻，白胡椒醬汁裹著每一件蟹，啖啖肉，趁熱食超正。而且有圍裙和即棄手套提供，不怕整污糟雙手。咕嚕肉，色澤好靚，有些紅椒青椒一齊炒，咕嚕肉外脆內軟，口感還有些爽口，一整條新鮮菠蘿，香甜又多汁。蒜蓉蒸聖子，聖子的Size很大隻，以蒜蓉和粉絲去蒸，精華盡在其中，聖子都幾新鮮，不過有少許沙。馬拉盞炒通菜，泰式炒通菜是最好食的，爽脆惹味。椰汁斑蘭糕，不得不讚下呢個甜品，玫瑰花型十分吸睛，再者椰汁斑蘭香味濃郁，柔軟剛剛好。椰青，想不到椰青如此大個，椰青水非常清甜，而且Keep著清涼。不得不提蟹點的菜式真係好多，粵式、潮州、泰式、新加坡都可以食到，雖然位於熟食市場上面，但環境明亮乾淨，以海洋做主題，添上一番風味。

小妹中學時期住過海怡，而家開通左海怡半島站，隨時去懷緬下都好方便！最近去返海怡，發現好多野唔同哂，仲見到呢間蟹點好特別咁，一於入去試試😎..點左招牌既白胡椒蟹🦀大大隻，好吸晴！不得不讚個汁真係好正，白胡椒既香完全提升左蟹既鮮！蟹膏蟹肉吸收左醬汁，好惹味！蟹鉗大大塊肉🤩..另外點左咖哩軟殻蟹配蒜蓉包，我堅鍾意個咖哩😋好好味！唔辣既，有少少椰汁既甜，蒜蓉包點咖哩食，好夾！軟殻蟹完全吸收哂咖哩，好正😋..由於我地既咖哩軟殻蟹係孖寶set，有埋馬拉盞通菜，食咁多肉點都要食菜🤣大大碟，夠balance，好夠味！..再來多份脆皮炸大腸🤪比我想像中好味，脆卜卜，唔會覺得好肥膩，好香，可一戰😍 甜品點左芒果糯米飯🥭有驚喜呀！芒果好甜🤤糯米飯有黑白糯米各一團，加埋椰汁好好食！點多杯芒果沙冰🤩 好奶滑好creamy既芒果沙冰，飲得出好足料👍🏻 必點！..呢度仲有好多唔同又特別既菜式，除左海鮮，仲有泰式中式小炒，下次試下其他菜式先！

自從上次係香港仔食完川菜之後，老公朋友又再介紹佢去食海鮮，老公又知道我鐘意食，所以又嚟接我收工帶我去食。🥰🥰🥰其實我都好怕係出街食海鮮，因為好多時都係海鮮價，真係會比人劏到一頸血。🙈🙈🙈呢間又真係幾好喎，起碼大部份都明碼實價，除咗粤菜、海鮮、小炒，又有泰國菜、潮州菜，價錢又唔貴，份量又夠，最重要係乜呀？味道真係唔錯，老公朋友真係冇介紹錯。👍👍👍蟹點 地點：鴨脷洲鴨脷洲橋道322號西邨街市1樓招牌白胡椒蟹（約一斤半）蟹夠鮮甜，啖啖肉，嘅有白胡椒味，又唔會遮蓋蟹嘅鮮甜味，鐵板上，上枱時淋上白胡椒汁，夠晒熱辣辣，值得推介。😋😋😋鵝片三拼墨魚紅腸賣相比一般潮式店舖靚，上枱時會覺得好似好少咁，因為下面一般都係大量豆腐、大豆牙菜墊底，但佢完全唔係，豆腐兩片，大豆牙菜得少少，主食份量比出面食嘅還要多，特別係鵝片，味道又會過鹹，鵝片夠滑，唔會過老或過淋，墨魚爽口，鐘意食潮州嘢嘢朋友一定唔好錯過。😍😍😍金莎黃金蝦蝦夠鮮甜，鹹蛋黃外層做金沙，非常惹味同夠香，只係略嚴蝦炸得唔夠酥脆，如果炸多半分鐘就更好啦！🤣🤣🤣鹽燒烏頭呢個泰式嘢又係不得了，老公差唔多一個人食晒，鮮夠鮮甜，肉緊嫩滑 juicy，特別提一提佢

今日去了海怡半島！現在開通了南港島線去鴨脷洲都好放便！我們今日去了食"蟹點"這一家是出名食海鮮我們點了蒜蓉粉絲蒸扇貝$138葫椒蟹$498金沙黃金蝦$38干炒牛河$88泰式燒魷魚$88蒜蓉粉絲蒸元貝$138超甜超好味！粉絲吸收曬d 汁好鮮美！元貝肉質鮮嫩，😝🤤🤤😋😋👍🏻👍🏻👍🏻👍🏻👍🏻白葫椒蟹$498白葫椒味好香，蟹好大隻好多肉！好新鮮又鮮甜！金沙黃金蝦$38這個一定要食，一台可以選一款特價菜！材料足！味道好好味！干炒牛河$88泰式燒魷魚$88總結都好抵食！味道不錯！

見到朋友打卡南區一間食蟹嘅餐廳🦀口味有成10款之多 款款都咁吸引由海怡半島地鐵站🚇行過去好方便呀以後想食蟹 唔洗等幾時先可以飛去新加坡喇尼度食蟹嘅性價比絕對更高👍🏻-招牌白胡椒蟹 $498大蟹以鐵板盛載上桌店員隨即淋上白胡椒汁，瞬間香氣四溢～每隻大蟹約斤半重，份量十足蟹鉗、蟹身都勁好肉㗎！超正😋味道微辣帶胡椒香，真係好好味呀！白玉海皇冬瓜盅 $48 (原價 $128)晚飯必食四寶之一，特價好抵，每枱只限點一款！夏天飲冬瓜湯夠清熱材料有蝦肉、帶子、蟹柳，仲好大一盅！飛天炒通菜 $78泰式餐牌上都好多選擇想食菜就點個炒通菜，好夠鑊氣！椒鹽鮮魷 $98好巨型呀！魷魚食落係好滑身椒鹽味再重啲，炸粉再落啲就更加好喇滷水鵝腸 $98潮式打冷餐牌一樣有好多款式 鵝腸好入味，唔會韌，佐酒一流！