蟹仙海鮮私房．蒸氣石碢 (環海大廈)

營業中

休息中

記得有一排好興粥底海鮮鍋, 個陣迷到自己買左個鍋番屋企蒸海鮮同整粥, 結果當然用左兩次就打入冷宮, 都係係出面搵間高質既食, 乾手淨腳好D!蟹仙夠膽叫自己做蟹仙, 就知佢對自己D貨幾有信心。已經唔係叫佢最貴個餐, 叫左$449尊貴海鮮套餐, 質素都已經好好而且食到好飽。日本野生大赤蝦, 通常刺身食, 原來蒸過後蝦味鮮甜更突出! 野生青口, 台灣九孔鮑魚, 日本大元貝等等貝類全部都係KING SIZE, 大大隻啖啖鮮味!澳洲青年龍蝦肉質特別爽彈, 岩岩撈起即劏, 新鮮到見到佢D神經反應令到蝦肉彈彈下咁。大大隻爆膏奄仔蟹, 蟹肉甜蟹膏甘香。仲有比較少見既饅頭蟹!食完海鮮就到蔬菜最後就係主角之一海鮮粥, 店員之前好醒咁suggest我地放埋個龍蝦頭落去煮粥! 鍋粥本身都有落肉同芋頭, 所以已經好夠味, 再加埋頭先海鮮既精華, 加重左粥既鮮味, 好好食!最尾仲有椰汁燉雪燕, 香滑唔會死甜, 啖啖都食到雪燕, 勁滿足! 真係自己買都未必買到咁靚既海鮮, 黎依度食好過~~

朋友知我鍾意食海鮮，特別係蟹，專登book左呢間蒸氣海鮮鍋☺️我地揀左尊貴海鮮套餐$449，海鮮及蔬菜共有十款。每食一款海鮮，職員會即時set timer蒸熟，火候控制精準，而且確保食每款海鮮都係新鮮熱辣辣😊聽聞老闆每日朝都會入貨海鮮，確保新鮮供應。·日本野生大赤蝦：新鮮爽甜，口感彈牙，蝦頭仲有好蝦膏😍·台灣九孔鮑魚：火候岩岩好，肉質爽口唔韌，食落新鮮😋·大西洋野生青口：青口大大粒又肥美，味道幾鮮甜😋·紐西蘭刀貝蚌：外形與月亮貝相似，但細隻少少，食落一樣鮮甜無沙·紐西蘭月亮貝：殼紋似月亮彎形曲線，因此得名，肉質鮮甜爽口無沙😋職員建議唔點豉油食更好味·韓國釜山珍珠蠔：海水味比較重，新鮮·台灣花尾龍躉片：魚肉嫩滑無骨，肉質偏軟，味道鮮甜😋·澳洲青年龍蝦：肥美多膏，味道香濃，味道鮮甜😋·野生奄仔蟹：肥美多膏，肉質結實，爽口非常鮮甜😍·有機蔬菜籃：新鮮幼嫩除左新鮮既海鮮，最後仲可以食埋用海鮮汁整既海鮮粥，入面有粟米及芋頭粒，夠晒鮮甜😋仲送左椰汁雪燕糖水，夠晒滋潤同滿足☺️地方雖然比較偏僻，但都值得來食。

自己好中意食海鮮但覺得處理海鮮好麻煩，所以通常都會出街食，今日朋友帶我去食蒸氣海鮮餐。我地揀左尊貴海鮮套餐，食材都幾多。魚缸入面d海鮮隻隻都超級新鮮，好生猛，師傅即撈即處理。套餐入面有日本野生大赤蝦，台灣九孔鮑魚，日本大元貝，韓國珍珠蠔，大西洋野生青口，翡翠螺，澳洲青年龍蝦，綠膏蟹太平洋饅頭蟹，有機蔬菜籃。材料真係好新鮮，無腥味，每種都鮮甜味十足。澳洲青年龍蝦，肉質爽口彈牙。第一次食綠膏蟹，因為佢食藻類所以綠色嘅，肉質嫩滑鮮甜，都唔少肉。食完海鮮就食得粥底啦，啖啖精華，粥滾到十分綿密，超級甜。

身邊啲同事都鍾意搵好嘢食，有時聽到佢哋講蒸氣火鍋，大家都會不約而同話推介蟹仙，呢間連鎖餐廳喺九龍有幾間分店，今次去咗尖沙咀呢間。一入到去見到座無虛席，非常高人氣，所以記得訂咗枱先好嚟食。我見到隔離枱有客人食大閘蟹，不過我今日比較想食返佢個人氣套餐$439，有10款海鮮包括菜。今日第一round有蝦、帶子、蠔、螺、青口同鮑魚，全部都好新鮮，食到鮮味。第二round係重頭戲，有龍蝦、麵包蟹同龍蝦，麵包蟹真係好特別好少見，佢隻腳就比較多肉，個樣真係好似麵包。

💥性價比低海鮮餐📍蟹仙｜尖沙咀📍人均消費 $ 5 X X#CL尖沙咀 #CL四圍食 #CL中餐 ⚪️⚪️⚪️⚪️⚪️⚪️⚪️⚪️⚪️⚪️同兩位朋友一致認為餐廳性價比較低🥹首先餐廳位置極度偏遠，我地去食晚餐既，兩邊入口都比較陰深🫤套餐連埋醬油加一要$500起跳（未計野飲）🤡我地叫左呢個尊貴海鮮套餐🙂望落去個MENU好似有啲可以自選，但原來一係就話無貨一係就指定左🫣實際每人會有9款海鮮👐貝類同蝦各有一隻+蟹類則有半隻，尚算新鮮～可惜我地女仔食哂海鮮之後都唔飽要靠個粥底先飽👻🤟🏻不負責任點評好味道🌕🌕🌕🌕🌕🌑🌑🌑🌑🌑性價比🌕🌕🌑🌑🌑🌑🌑🌑🌑🌑回頭率🌕🌑🌑🌑🌑🌑🌑🌑🌑🌑（十粒為滿分）

今日就黎左叫蟹仙嘅蒸氣海鮮火鍋😆一邊寬敞，唔會逼，幾好坐💰$449尊貴海鮮套餐台灣花尾龍躉片、野生琵琶龍蝦、台灣九孔鮑魚、日本野生大赤蝦、紐西蘭刀具蚌、大西洋野生青口、紐西蕑月亮具、韓國斧山珍珠蠔等多樣海鮮👅d海鮮都大件同新鮮😄另外仲叫左個芝士小籠包，雖然我所想像嘅小籠包唔同🤣但係都幾好食😁另外都叫咗一札野飲（金橘檸檬）甜甜地都ok嘅🀄️總括嚟講餐廳嘅野食新鮮仲有糖水飲，唔錯唔錯👍

📍 蟹仙海鮮私房．蒸氣石碢 (環海大廈) (尖沙咀)尖沙咀天文台圍2號環海大廈2期地舖👀好耐之前係九龍城食過一次，近排突然想食海鮮，所以就直接walk in黎食😆咁就叫左個$449尊貴海鮮套餐，入面有台灣花尾龍躉片、野生琵琶龍蝦、台灣九孔鮑魚、日本野生大赤蝦、紐西蘭刀具蚌、大西洋野生青口、紐西蕑月亮具、韓國斧山珍珠蠔、有機蔬菜籃咁多樣野，食完之後d精華就用嚟煮粥，最後仲有個椰汁雪燕糖水食😆👅其實都幾飽肚，海鮮鮮甜可口，全部都好新鮮😄

📍#老屎忽係尖沙咀#oldszefood #老屎忽 #老屎忽食飯 #老屎忽搵食 #老屎忽都要OT #尖沙咀天氣最近凍咗好多，於是就同朋友2個嚟咗呢間餐廳度食個蒸氣鍋，我地2個食量都算大，咁就決定咗叫「包羅萬有」二人套餐，希望食過飽飽😋😋呢個套餐有好多款海鮮都食到，有日本大元貝、珍珠蠔、野生青口、日本大赤蝦等等，海鮮都好新鮮生猛，當中最期待嘅就係澳洲龍蝦😆，見到佢生生猛猛仲識旭，味鮮肉彈簡直無得彈，之後又試到第一次食嘅鏝頭蟹，雖然唔係好多蟹肉食，但每啖蟹肉都充滿海水味🥰食完咗多海鮮之後就開始肉類丸類，牛肉豬肉嘅肉質都唔錯，當中嘅牛丸做得十分出色😋值得一試。蒸咗成餐之後就可以食埋醞釀咗成餐嘅精華 — 粥。每一啖都係海鮮嘅鮮味同埋有唔少跌咗落去嘅膏，加埋菜餔同埋蔥，味道十分之好。最後仲有一碗好足料嘅椰汁雪燕，雪燕份量非常多，十分滋潤又養顏。🤓蟹仙海鮮私房．蒸氣石碢 (環海大廈) (尖沙咀)📍尖沙咀天文台圍2號環海大廈2期地舖

尖沙咀野食選擇非常多，今日突然好想食海鮮，不過成日打邊爐食放題都食到好悶，朋友就話不如去食蒸海鮮，餐廳係天文台圍，一行上斜路就見到。入到去坐低無耐職員就會用蒸氣消毒餐具，然後職員問我哋有冇食過，然後就慢慢介紹餐牌，以套餐為主，職員好細心問我地鍾意食咩，最後揀左$449套餐。材料好新鮮，職員話每日新鮮到貨，所有未必日日有Menu上所有選擇，首先食係赤蝦，日本赤蝦係刺身級，蒸熟左都好好食，彈牙唔韌，之後出場到大元貝同鮑魚，元貝嫩滑鮑魚鮮甜，最好既係全程有職員幫手，唔駛驚蒸過龍。翡翠螺、蠔及青口一齊上碟，我最鐘意就係蠔，蠔味濃郁又勁多汁。最後主角出場，有龍蝦、綠膏蟹同饅頭蟹，龍蝦開邊蒸，一扯出嚟厚肉爽口，綠膏蟹就蟹膏甘香，啖啖肉，而饅頭蟹就比膏蟹少肉，但肉味較甜，兩種都好食。最後仲有今晚所有精華集合一齊煮既粥，一人分都兩碗有多，鮮味到爆。

今日夜晚同老婆去尖沙咀食飯，老婆因為成日工作好忙所以為咗補償佢要食餐好嘅，所以就去到呢間我有啲朋友都覺得幾好嘅蒸氣火鍋食飯，入到去張張枱都坐滿人好彩我哋真係有book位，如果唔係食蒸氣火鍋要食成個三個鐘，等位係真係好有難度，我哋叫咗個大約$439嘅套餐入邊會有龍蝦青口海螺同埋有佢最出名嘅蝦蟹，佢啲蟹真係非常好食，隻隻都又肥又多肉非常之有滿足感，另外佢亦都介紹咗隻叫做麵包蟹嘅物體都非常新鮮，都係第一次食嘅海水味但係肉就唔係好多。最令我驚喜嘅都係佢嘅青口真係好新鮮又有鹹水味，根本連都豉油都唔洗。最後我哋埋單大約$1000就成個非常滿足，開開心心回家去！

老細慰勞大家今個月表現突出，專程請我們嚟「蟹仙」食海鮮套餐👍👍店員先將食具用蒸氣鍋毒，食得安心又放心，另外，店員會分別將由淡至濃味嘅海鮮以不同時間蒸好上菜給我們品嚐🥰🥰大西洋野生青，野生青口帶點海水味非常濃郁，十分肥美，啖啖肉鮮甜無比。台灣九孔鮑魚，肉質厚實鮮美，營養豐富。日本野生大赤蝦，蝦頭充滿蝦膏，濃濃海水味、肉質軟嫩又清甜👍野生日本深海白刀具，肉質鮮嫩。日本大元貝，味道鮮甜。罕有藻食綠膏蟹，老闆娘介紹奄仔蟹不是經常有，牠們生活係幾千呎深海的岩石🪨只有繁殖季子先可以捉到，一定要好好品嚐，蟹肉鮮甜，蟹膏甘香😍😍太平洋饅頭蟹確實罕有，蟹膏有海鹽風味，不用調味，好creamy，雖然蟹肉不多，但蟹肉超嫩滑👍👍澳洲青年龍蝦🦞，肉質鮮甜爽脆，清蒸刺身都適且。有機蔬菜籃🧺有生菜🥬紹菜，粟米🌽，新鮮清甜，非常健康。食埋熱辣辣，绵滑嘅海鮮精華的米粥，好滿足😋😋椰汁燉越南官燕雪燕，冰冰涼涼，透出椰汁的香甜，清甜潤喉👍

因為武漢肺炎侵害全球，果期好難得出去食飯，於是女友補返我餐生日飯就延期到呢日，未去都唔知呢間野係咩料，上到去，門面OK，但要上一小段斜路，老人家要考慮下，入到去，裝修冇咩特別，除左門口果隻蟹仔，坐低冇耐就有人埋黎招呼，所有問題佢都可以詳細答到，服務態度幾好又令我長知識呢點值得一讚食物質素上，我地叫左個九百幾蚊個人頭既餐，剌身會冇乜肉食，所以我個人唔建議雙蝦變剌身，而啲海鮮雖然有鮮味，但因為我自己會浮潛捉野食，所以係我角度呢間野既質素真係好馬馬，個鮮味同我係海邊開爐煮既冇得比，只能話係貴價食海鮮純粹係個Gimmick，So Far食完我冇印象邊樣令我深刻到會覺得好好味, 當然如果你唔會去海捉野食,相信呢間餐廳都仍然係可以一食啦, 不過客觀判斷唔覺得佢特別好味!

朋友請食生日飯，大家都鐘意食海鮮。見OpenRice 依間多讚好就諗住試吓！見到有個大閘蟹set $699/位 就即刻叫左依個set一開始就比左碟青瓜片同碟海鮮服務員幫我地蒸 （順次序）1. 赤蝦（大隻既，但蝦肉縮左4分1，唔彈牙，零膏）2. 扇貝（縮左一半水，味道正常）3. 鮑魚（都幾污糟下，重要咬唔開，服務員話可能未熟透，換過兩隻再蒸。）4. 蠔 （兩隻都係有陣臭味，入唔到口。服務員話係正常無問題，可以換過，但我地拒絕，掉左）5. 青口（好細粒，見d肉未實哂色唔敢食，服務員話換過比我地，換左好大隻比我地，都幾咸）6. 翡翠螺（味道正常，唔係特別鮮味）跟住就有位女服務員埋黎同我地講佢地唔夠大閘蟹，差一隻，可唔可以用2隻大閘蟹換1隻奄仔蟹？我地緊係話唔得，一心諗住食大閘蟹，無既都好無引！一早知唔夠既又唔出聲，無既我地就唔會食依個set啦！佢地減返一隻大閘蟹錢。之後就黎左龍蝦仔同饅頭蟹，餐牌無寫明份量，我地就以為係每人一隻，黎到每人半隻都呆左，不過算啦，我地當初都無問。7. 龍蝦 （諗左好耐點解係上龍蝦，明明寫住野生黑琵琶龍蝦，點解會變左龍蝦？問服務員係咪出錯左？佢答我龍蝦就係！好在個餐

踏入冬季，又是吃蟹的時候；約埋三五知己一起吃海鮮餐，作為吃大閘蟹之前的熱身。 今次發現蟹仙是經營多年的海鮮批發商，所以可以直接入口各種新鮮食材，尤其是蟹的種類繁多，所以下次可以再encore食大閘蟹🥳要吃得夠鮮，清蒸確實是好選擇 ，又有專人幫手蒸，還可以加粥底$15/位，吸收所有精華❤️尊貴海鮮套餐$449（共十款）🔸饅頭蟹 ：蟹身是粉紅色的，形狀脹卜卜像饅頭，樣子萌爆；蟹肉也不算少，但是集中在蟹鉗，肉質結實鮮甜，外殼較硬🔸奄仔蟹：size不算細，蟹膏多，蟹鉗也充滿肉，肉質一試一試的鮮甜美味🔸日本大元貝 ：記得飲精華及放少少入粥🔸澳洲龍蝦 ： 出名多肉🔸台灣九孔鮑魚 ：比較清淡🔸紐西蘭刀貝蚌 ：海水味偏重 🔸大西洋野生青口 ：肉質鮮甜，清香🔸日本野生大赤蝦 ：肉身軟滑，不算爽彈🔸韓國釜山珍珠蠔 ：海水味重🔸有機蔬菜籃 ： 粟米一定要吃，超甜/娃娃菜新鮮❤️包羅萬有海鮮二人餐 $1099🔸香辣海蜇青瓜 ：醋味夠濃 ，海蜇入味，青瓜爽脆🔸黑安格斯牛肉 ：嫩口🔸濟州黑毛豬 ：不肥膩🔸蟲草花雞件 ：注意時間控制要確保冇血水🔸芝心小籠包 ：濃芝士🔸爆漿瀨尿牛丸 ：可以的話請整個放入口，因為真的是

食蒸海鮮，真係好推介蟹仙，佢哋啲海鮮真心鮮甜，同埋款式多最鍾意食琵琶蝦同埋佢啲蟹（sorry好食到我已經忘記咗啲蟹名）。無激素雞都係佢哋嘅特色，啲雞係有證書㗎！呢間嘅粥底，就算你好飽到一定要食到尾，食唔晒仲可以打包返屋企，超正！