螢火

營業中

休息中

螢火係最近新開業嘅日式鐵板燒店！餐廳內非常寬敞, 空間感好高! 最吸睛最有特色一定係天燈許願牆, 可以將自己嘅願望及祝福寫上, 仲可以放天燈, so sweet!除了鐵板餐，還有刺身丼等選擇！另外仲有可以包房（設有最低消費），可向餐廳查詢！ 🌟星 🌟一人前 午市套餐 $380/位 包括有以下食品：沙律帆立貝 汁煮白鱈魚大蝦美國牛肉厚燒 （亦可選擇薄燒，或加$100 轉澳洲M9牛肉 或 加 $200 轉日本A5牛肉）櫻花蝦炒飯漬物吸物炒野菜甜品或咖啡 （二選一）

新店開張的螢火..當然要去捧下場啦..店鋪位置係商場後面地褲..唔算太好搵既..一入店內有d感覺自己置身係水族館入面..有幾張大既鐵板燒台..今日我地book左間房試下揀左個龍蝦鐵板燒餐..基本上除左個龍蝦反而覺得整得鹹左dd之外..其他既嘢都算幾好.反而有驚喜係個清酒煮蚶..個蚶好鮮甜..加上個清酒湯落左d辣椒煮…飲落口幾刺激味蕾..飲完仲想飲..A5和牛吃完一舊其實都覺得漏啦..但幾好味又忍唔住吃埋個炒飯炒得十分乾身..加上d配料很夾..再撈埋隻蛋..哎呀又一個唔覺意吃埋最後師傅仲整左個焦糖多士比我地..哇..好味啊..不過唔記得影..總結..應該會再嚟

尖東開左間新餐廳主打鐵板燒叫左個午市套餐（星）一人前嘅Lunch Set 沙律係芝麻汁凍豆腐，前菜正正常常師傳會係你面前鐵板燒，影相唔錯帆立貝好大粒，略煎得熟左少少汁煮白鱈魚嘅魚肉幾滑，魚皮好香煎大蝦起左蝦肉，食得好方便美國牛肉厚燒叫左三成熟入口牛脂幾香，肉味幾香濃，唔會有筋樱花蝦炒飯上面仲配搭左蛋蛋黃配飯幾好食仲有碟炒野菜，漬物同味噌湯。最後可以揀甜品或飲品揀左柚子雪葩，幾Fresh整體食物水準唔錯，可以一試

好耐無食鐵板燒啦，趁今日放假，約埋friend食返個午市鐵板燒先~黎到螢火，位於尖沙咀，地方寬敞舒適，座位之間唔會迫。午市套餐都好多選擇，揀左(月)，主打鵝肝多士、汁煮白鱈魚、廣島蠔同美國牛肉，仲有櫻花蝦炒飯、炒野菜等等，夠哂豐富，大滿足！前菜係清新爽脆沙律，醬汁酸酸甜甜好開胃。鵝肝多士多士煎得香脆有咬口，鵝肝煎至表面帶脆，入口細膩綿密，味道香醇。汁煮白鱈魚師傅特意煎到魚皮極級脆口，入口脆卜卜，好厚實。魚肉色澤雪白，食落細膩嫩滑，口感相當鮮嫩，好滋味。廣島蠔煎至兩面金黃色，賣相吸引，肥美飽滿，甘香可口好嫩滑～配以已炒香之櫻花蝦，食落鹹香兼備，有驚喜！美國牛肉(厚燒)肉味濃厚但唔膩，食落肉汁滿溢，細緻又juicy。櫻花蝦炒飯面頭有煎得好靚既太陽蛋，將蛋汁拌勻粒粒分明既炒飯，鮮香十足，配埋香酥櫻花蝦仲正。炒野菜簡單清新，解膩一流。另有漬物同麵豉湯。最後可選甜品或咖啡，有雪糕同雪葩，同好友各選其一，清新香甜，大滿足！

尖東新開嘅鐵板燒🔥餐廳。午市套餐$380起。非常吸引😍。（月）一人前💟沙律💟鵝肝多士💟汁煮白鱈魚💟廣島蠔💟美國牛肉薄燒💟樱花蝦炒飯💟炒野菜💟漬物💟吸物💟甜品或咖啡☕️魚皮煎得香脆。魚肉嫩滑無比😋。鵝肝油份滲滿口腔。大大件好滿足❤️。蠔上面灑上櫻花蝦。鹹鹹香香另有一番風味😛。師傅功架十足。餐廳大部份座位都係壽司枱。牛肉捲著香蔥同西芹。食落口感非常豐富😋。餐廳有個大特色🤩。客人可以用平板電腦寫上祝福或者畫圖畫。祝福就會呈現喺呢幅牆嘅天燈上面😍。

據知尖東新開了又一新蒲點「螢火」，主打鐵板燒、壽司吧！他們以高質作招徠，胃食嘅我當然要即時一試！店舖裝潢簡約，座位舒適，店內更設有獨立房間，可以話私隱度非常高。而餐廳以開放式廚房，不論鐵板燒、壽司吧都可以一邊欣賞師傅精湛廚藝，一邊可以跟師傅互動一番，絕對是視覺聽覺的一大享受。我跟朋友都選擇左好耐，因為鐵板跟壽司真係好難取捨，最後我們選擇了獨霸壽司吧！而我倆叫了兩款不同的壽司定食及魚生丼定食，認真期待🤩！特色沙律🥗沙律菜清爽鮮嫩，配上粟米、豆腐、車厘茄、更有芝麻醬汁，這絕對是無懈可擊嘅組合。魚子醬帶子蒸蛋🥚一打開時已聞到嫩滑嘅蒸蛋香味，魚子醬飽滿渾圓，入口甘香細膩，而帶子鮮甜豐厚，再有蛋香嫩滑的蒸蛋，真係無與倫比的美味！師傳以精湛刀工🔪，切下多款不同的魚生，師傅一路切，我一路想...切多D，切多D，不知不覺有成10多款不同魚生，色彩繽紛，未食都流哂口水🤤！魚生丼魚生丼含有多款魚生：三文魚、掃羅、吞拿魚、銀雪魚、油甘魚、海膽、蟹籽、三文魚籽等...最後更加上魚生醬及小玫瑰...冧晒🥰！識食嘅我當然一次過一羹食多款魚生，口感豐富，味道鮮甜，每一口都令人一再回味。看到師傅火炙魚生，功架十足，甚

逢親一聽到日本嘢新開張我啲女仔friend對眼就發晒光今日去到熒火呢度食鐵板燒 我要向大家強烈推介 呢個場除咗嘢食好味之外仲有個好特別嘅地方就係佢有個LED螢光幕令你恍如置身海洋世界🐬又可以幫你傳情達意 只要喺電腦版上面寫上你想同你愛人 朋友 親人講嘅說話保證佢哋一定開心到暈呀 我叫咗個鐵板餐 「月」套餐 法國犬牙白鱈魚 魚肉好軟熟 加上黑胡椒和洋蔥🧅 味道平衡 魚皮炸成一塊薄脆片口感更為豐富日本廣島蠔 蠔味道很好 新鮮海水味溢出加上爆香了的櫻花蝦及海藻 吃下去好香口鵝肝配上麵包 非常脆身 加上蘋果醋汁酸酸甜甜食落去冇咁肥膩😋😋😋美國安格斯薄燒牛肉 用羽衣甘藍同蒜片一拼吞下 口感冇咁肥膩 吸晒肉嘅多餘油份 仲有青芥末醬作伴碟👍🏻之後亦都飲咗個湯同食咗個櫻花蝦炒飯 師傅係我面前炒 加入大量櫻花蝦香噴噴最正係上面有隻荷包蛋😻😻吉穿佢食日本蛋汁濃郁 可惜去到最後太飽 都食唔落 如果唔係我都食咗兩碗啦🤪🤪甜品同飲品最後各一叫咗 雲呢拿同雪糕完美配搭☕️

這間位於尖沙咀新開的🇯🇵日本鐵板燒，特設電子許願牆，食客可以利用平板電腦寫上許願或祝福，願望就會呈現在大型許願牆的天燈上，可以寫上祝賀朋友生日字句🥳，情侶亦可以互相表白一番😘，的確非常有趣。餐廳環境好寬敞，所有座位都是面向鐵板燒師傅或壽司檯，可以近距離觀賞師傅製作過程，有如舞台劇比電影多了份臨場感一樣。鐵板燒午市套餐由$380起，比晚市性價比高。一人前套餐包括：🔹前菜沙律🔹帆立貝🔹汁煮白鱈魚🔹鵝肝🔹美國牛肉厚燒🔹炒飯及炒菜🔹漬物及吸物🔹甜品或咖啡味道方面，師傅特意調味比一般鐵板燒偏淡，讓食客可以自行按自己喜好蘸汁，濃淡隨心。

開心的中秋節連假期，食神姐夫帶我地去食好野這間店是新開的 ，裝修環境乾淨企理，冷氣充足，不存在油煙味！除了大廳食日本菜仲有房間食鐵板燒， 唔使怕啲油煙影響其他人，而且坐房間比較有私隱，好朋友一起傾談都自在些😚員工禮貌及服務都恰到好處，大廚會注意每個人嘅口味，作出適當的調動。食材都好新鮮，我哋今日食鮑魚龍蝦，兩者皆肉質鮮甜爽口，大廚技術好好，煮出恰到好處👍🏻銀雪魚🐟嘅魚皮濺到好香脆，魚肉又好滑，本人極之欣賞❤️❤️❤️不得不推介清酒煮蜆湯，十分之鮮甜好味。魚子鵝肝蒸蛋，份量少少，做前菜極之適合，正所謂少食多滋味😬 另外仲有鵝肝多士，配上焦糖又係另一種風味，大推💯💯💯厚薄和牛好味程度不容置疑，配上極好味的乾蒜片，真係要講句好好味呀😋😋😋鐵板燒當然唔少得最後嘅炒飯同埋炒什菜，櫻花蝦賠償香蔥芹菜炒飯，口感豐富，再配上龍蝦頭麵豉湯，完全冇浪費隻龍蝦👍🏻我哋今日嘅甜品係日本yuzi 雪葩 ，為這餐鐵板燒完美的結束，心滿意足的回家。

今日同朋友嚟到呢間鐵板燒！室內空間感超大，仲有極大螢幕，播放著天燈畫面，客人可以寫心願放天燈～仲有7人同10人包房！預訂房間有最低消費咖！記得向餐廳查詢吖！🌙月 一人前 $380超豐富嘅一人前Lunch Set! Ben師傅功力十足！每道菜式精心製作，用心擺碟超靚靚！🥗前菜胡麻沙律🍲汁煮白鱈魚 白鱈魚皮切成薄片，煎到脆卜卜！白鱈魚肉超嫩滑！魚油鎖哂喺肉質裡面！師傅仲話個湯可以飲咖🤩味道開胃，仲有大量甜甜洋蔥作底～🦪鵝肝 配上焦糖醬同脆脆多士厚厚鵝肝放喺脆脆多士表面，多士超級脆，中間帶點焦糖甜味！鵝肝入口即融極幼滑😋🦪廣島蠔大大隻蠔啖啖肉，咬落口帶有少量海水味，一啲都唔腥又無沙😳🍖日本A5厚燒和牛5成熟A5和牛厚燒，肉質粉紅嫩嫩極誘人！師傅話咁樣擺碟見到肉質顏色😏以羽衣甘藍同乾蒜片作底，解膩得嚟口感豐富🤩仲有芥末醬作伴碟🌸櫻花蝦炒飯配太陽蛋師傅將飯炒成金黃色，炒蛋、撒上蝦花櫻、蔥、最後一併送上炒雜菜🥬漬物同吸物🥒漬物黃瓜片同海帶片～🍲味噌湯味噌味道濃郁，唔會好淡好水，裡面仲有本菇菇同海帶🍨甜品或咖啡雪糕可選綠茶或雲呢拿～