蝦麵店 (蘭杜街) (已搬遷) 新店位置

在惠籣軒酒店下一條街，即飴軒甜品店果條街．

S 小姐真係一矢中的~我真係完全唔食得辣.回想起當日食客們悠然自得,津津有味咁品嚐湯麵既同時,我就食到頭頂出煙,鼻尖出汗,真係十分無奈~

嘩....你真係好唔食得辣o和,呢度D野在我來說,一點都不覺辣. ^_^

今日去開呢頭做野，就去呢到食個Tea，我點o左蝦湯蝦雞絲油麵米粉，湯底好好味，無味精，好農蝦味，吃後唔口渴，配埋一杯奶茶，共$26，好抵食．

星期六中午時段到尖沙咀取機票後,由於離下場約會相距數粒鐘,恰巧記起此店,決定撘船過海一試..到達後大概兩點左右,整條街既食店都只得小貓三四隻,唯獨此店店外有數人等位,不禁對此店信心大增..不知是否心理作用,進店坐下後竟然聞到一陣新鮮蝦味,認真誇張~不消一分鐘,海鮮蝦油麵($34)上桌,速度真係非常快..湯既表面泛住一層紅色,心不禁離一離..因為本人真係唔多食得辣~拌混材料後先試一啖湯..湯底一陣鮮甜味,唔算十分辣,印像不俗~海鮮有一隻青口,兩隻墨魚,兩塊魚餅,兩片魚片及數粒蟹柳~味道普通,不過配料只屬配角,味道不太差亦算了~最後發覺湯越飲越辣,搞到滿頭大汗,不過最後亦乾掉整碗蝦湯~痛快痛快~埋單$34,既然配料作用不大,下次都係要一款較平既配料(海鮮乃最貴一類)~反正湯底先係主角~臨走時見有食客點了喇沙湯底,賣相十分濃郁討好,下次再訪此店時再試..出店後急忙到7-11 狂灌汽水..不過並非因為味精關係,只係因為對本人來講,湯太辣喇..

味道ok啦... 唔係太過淡, 最愛食"喇沙雞c油麵", 好好味呀.. 次次都食呢味架...

今日嚟咗食晏，因為正值午飯時段，呢度都多人下，唔至上班一族，仲有啲唔駛上班既大小朋友，喺出面都等咗成三四個字度整咗碗蝦肉片麵，$28，size都算係咁，見到有不少ol食唔晒(不過可能係有啲就住)，男既就可頂到下既湯底確係掂，夠濃夠香，面有少少辣，唔食辣既我都無問題橫切蝦肉不錯，肉片類似嫩身既白肉，揀油麵，都ok既(可揀米、檬、河)食得過

老闆係華僑, 佢好鍾意食呢度o既喇沙, 話有家鄉風味喎...

灣仔其實真的有很多美食，以前在灣仔返工真的很開心，吃飯選擇太多了！但這家鋪頭唔知係咪呢一兩年先開，以前我反而未吃過！有次過開香港那邊便去試了！果然不俗！端上麵時真的嚇了一跳"咁大碗既?!" 但食落原來只是湯多，麵不太多，都幾o岩我，因我覺得吃麵要連湯喝才滋味！(計湯底好味那些)不會很快乾水！湯底濃真的很香椰子味和蝦的鮮味！不錯！不過要注意這兒很擠，要等位及很早關門！

這裡的喇沙及蝦麵的確好食過好多新加坡當地的食店, 雖然曾定居新加坡, 亦略懂煮這類湯面, 但總是煮不出那種鮮味, 只因他們用料足. 蝦湯底似乎用了大量蝦殼熬了一繼時間才能煮出這種鮮味; 另外凍青檸水亦值得推介, 好新鮮好refreshing 的青檸味, 夏日極品!! 比起別處那些用糖水和顏色溝的什麼金桔青檸好得多!!

呢度D 蝦麵,喇沙,福建麵都好正宗,甚至仲好過好多新加坡當地0既食店.我最鍾意蝦麵(配米粉),啖湯好濃,又香又甜又惹味,正.香港最好應該都係呢間

雖然我未去過星加坡，但係之前在"沙爹軒" 食過喇沙有點念念不忘，~~~忽然又想食....在灣仔有間叫"蝦麵店" 的麵店做的喇沙好出名.....昨日中秋正日就一支公去試...地點在蘭杜街~~在金鐘同灣仔中間...中午時份人山人海....點o左個海鮮喇沙...油麵底..~海鮮用上好多....有蟹柳(呢d 都算係海鮮?) 魚片(都算?) 青口、蝦，等等....反而呢d 係次要..最重要試個湯得唔得先~??一試.......正!!好重椰味...~辣但係唔係勁辣o個隻....同上星期去anytime 食o個d,?? 差好遠!!!anytime 果d 係呃d 唔識食o個d人....~好大碗，女仔未必食得晒....就算我男人老狗一碗都夠喇~想試多碗蝦麵都無能為力~~下次吧!

蝦麵店湯底幾香濃，有辣有不辣，麵質亦爽口彈牙，加入蝦肉是麵店的賣點，但喜歡與否則見仁見智。

店舖很清潔，服務員態度非常好，地方環境坐得舒服，價錢三十多元一碗都算O.K. 。不過，碗雖然大，但是麵太少，料又太少，食完一碗都不夠飽，希望該店改善一下這方面的問題，就算加一兩元都合理的。