蝦麵店 (蘭杜街) (已搬遷) 新店位置

今日會展有show，睇完已經係下午兩點半，由於一早知道灣仔有好多好野食，一於飯都唔食留肚食Tea~呢間係我一直想試o既食肆之一，不過o係會展行過去都幾遠。時間係星期六下午兩點半左右，間舖都幾靜唔算多人。顧名思義呢度係食麵為主，價錢都頗貴，要$35 一碗，共有三款：辣湯底、喇沙湯底同豬骨湯底，我就選擇o左蝦魚蛋油麵。諗住order之際，待應提點有tea set，份量價比較少，但會平$3同送一杯熱飲，咁就要set啦~麵送上來後先呷一口湯.....嘩，非比尋常地鮮甜！先感覺到的是非常濃郁的蝦味，其後的是沙爹辣味的湧現，很有層次感。主料方面不算多，三數片開邊的中蝦和兩粒魚蛋，配料就有芽菜和炸蒜片。蝦和魚蛋都很普通，反而芽菜非常爽口，蒜片亦似新鮮炸起，沒有半點油益味。至於麵身亦不錯，彈牙而富有口感，有少量鹼水味但可以接受。翌日晚上咁o岩睇到某飲食節目介紹此店，果真用上蝦肉、雞同蝦殼去熬湯，怪不得如此鮮味！以小店來說要成三十多元才有一碗麵，不可以說抵食，但從食物的質素來說的確物有所值，有機會會再黎試其它款式的麵。

臨收鋪0黎食, 已經無麵, 只有米線, 一場0黎到, 都試0下啦. 叫0左個蝦湯底0既唔記得咩米線, 份量夠, 但味道只係普通, 而辣味亦蓋過湯0既鮮味, 有d失望.

昨日看到丫Li說這裡好好味(蝦肉片麵)個心便立刻想來試.所以今晚便來了.我們叫了一個咖喱喇沙蝦肉片油麵和一個米粉.咖喱喇沙蝦肉片油麵- 咖喱喇沙好香,對我來說都幾辣,但味道又真係好正,豆腐卜吸晒d汁,又幾好味喎,油麵也很好唔會太.d蝦肉片很簿,很彈牙;但我就比較喜歡它的瘦肉,很又好味.$38一碗都唔算平,而且很細碗.咖喱喇沙蝦肉片米粉- 米粉唔會太,都幾好.但對辣椒女來說就唔多夠辣了.可惜這店細細間,坐得唔多舒服.

名不虛傳!個蝦湯真係幾好飲, 又香又濃.係唔多夠, 多d菜仲好. 其實賣得三十幾蚊碗, 加多d料都唔會增加好多成本0者, 既然打響名堂又咁多食客話唔多夠0既, 改善下我諗會更上一層樓囉.我下次想試下個檬粉.午飯時間真係超多人, 又要搭車過去, 我諗我下次會星期六去.

lunch去食，次次都好多人係門口等位，不過真係幾值既，因為d麵真係幾好食。我最鐘意食佢既喇沙蝦檬粉，d湯超好飲，d豆腐卜吸晒d汁好好味，不過d蝦真係超簿，同埋我鐘意食檬粉因為無咁濟。Good to try!

早兩日冇乜胃口,又諗起呢度.如常叫左蝦肉片米麵(米粉+油麵兩溝)加菜,份量足又有超正湯底,正!見隔籬有對couple第一次黎,又話怕辣,叫左兩個豬骨湯麵,我真係想話唔食得辣就唔好黎.

今日同個FD行開灣仔,去左哩間食左個豬骨湯海鮮麵同辣味既海鮮麵,去到已經二點幾,冇乜人,兩個同是茶餐,茶餐畀正餐平3蚊,細碗D同有野飲,D湯係有D蝦味,其他就冇乜特別,同埋碗野冇乜料囉

星期六的午餐：平時曰日食飯都唔敢等，因為一至五午飯時問實在太虛冚 啦，難得星期六冇咁多人，又要返工，約左同事一共五個人。。。等左十五分鐘，齊人先入得，我叫咗 我的至愛：蝦肉片咖喱喇沙湯底米粉溝油麵，加菜。。。湯：香又好味，蝦：蝦味濃，不要以為是爽口的，是薄薄的小蝦，再加埋肉片：肉味濃。。。和我最愛的通菜，哇！整碗麵一流！都好夠飽！四十一蚊都值得的。服務快捷準確，少些人去會快些有位。

蝦麵店算係一間人氣頗高的特色麵店。聽人講就聽得多﹐點都要自己去試下先得。當日禮拜六下午約2點﹐兩位要等5個輪候號碼。但其實好快就有﹐所以如果去到發覺要等的話﹐除非很趕時間﹐否則等等無妨﹐相信唔會等好耐。要左一個蝦肉片麵一個鹵麵﹐蝦麵的湯好鮮甜好香蝦味﹐確係真材實料﹐上面的蝦肉係開邊的蝦碌﹐鮮甜彈牙﹐不過似乎同門口廣告幅相的蝦肉份量相比﹐少左D。豬肉片就無乜特別﹐如果可以唔要豬肉要多兩三塊蝦肉就好喇。鹵麵份量似乎比較大﹐其實就係一碗類似湯羹的蝦麵﹐但湯底的味道有少少唔同﹐甜味較重﹐蝦味就較淡。我個人而言係比較中意蝦湯麵。麵方面可以揀油麵或米粉, 亦可以揀“兩溝”。兩溝雖然係買一得二﹐但食落口感怪怪地﹐都係中意油麵多少少。另外要左一碗咖喱叻沙湯($10)﹐夠晒香口﹐亦係用心之作。要黎撈麵的確會好正﹐但係我覺得唔似正宗叻沙味﹐起碼我食過好味的叻沙(包括新加坡食過的)都唔會如此重咖喱味。所以蝦麵店叫呢款湯底做咖喱叻沙湯底﹐合理不過。心諗﹐擔擔麵都有改良版﹐稱為改良擔擔麵﹐或者呢種咖喱叻沙可以稱之為改良叻沙吧﹖另外﹐進食期間聽到隔離檯一對男女研究緊價錢﹐話跟未搬鋪之前比﹐好似貴左兩蚊﹐我唔知係唔

今日lunch自己一個走黎試下，去到門口有三個人等緊，好彩等左五分幾鐘就有得坐喇。叫左個辣蝦湯底，蝦肉片，油麵。湯底既色就好似冬陰公湯甘既，清清地有d紅色既油係面(相信係蝦油同埋辣油)，辣度對我黎講恰到好處，正。一路食個麵一路飲個湯，都唔覺口渴，應該無乜味精喇。個油麵如果再爽口d就好喇，無乜特別。蝦肉細細片，唔夠大喎... 肉片就真係好正，好入味，有感之餘唔會覺得鞋口同埋難咬。如果有多幾條菜就好喇. haha~ 價錢方面覺得可以再平多幾蚊，又無乜服務既，落單個女侍應講野快到.......不過一定會再encore!

我好鍾意0係馬來西亞食0既啦沙, 所以我好耐之前睇0左一周刊蔡蘭介紹美食0既專欄就即刻去試呢間蝦麵店,蔡蘭話呢度0既老闆係馬來西亞住過0既華僑,所以整0既味道有番咁正宗~佢0既蝦麵, 湯底係用鮮蝦&蝦頭特制, 慢火煲,好出味, 唔係用味精整個味道出0黎~用隻匙連湯食麵, 味道鮮美~啦沙亦好好食~鍾意食馬來西亞正宗啦沙0既人, 一定要來一試~

2月23日，13:30為公到灣仔購物，為私是想到這裡吃麵。店往前了幾個舖位，仍是地方小小，但客人多多！要了滷麵(配油麵)。配料：蛋絲、芽菜、炸蒜片、蝦和滷肉片。湯底：蝦湯底，正確來說是羹！像碗仔翅一樣的粘度，好甜(安基酸????)，但吃後整個下午不會特別口渴。油麵：仍有那特別的味道(油益味? )，腦海中浮現了兒時，在鑽石山舊賣油麵的居伯伯和叫賣聲，"有油麵...賣!"

搬過左幾個鋪,開番喇!餐牌一樣,環境一樣,伙計一樣,係多左收銀(老闆娘唔做?!),不過就貴左3蚊XD ($29->$32)冇計, 我又心甘命抵俾佢

馬拉王已設有店鋪專頁。如果想推介馬拉王﹐請去馬拉王的專頁(可使用搜尋功能)﹐或如果想比較兩間店的好壞﹐可使用“飲食講場”跟其它食家交流。而蝦麵店的專頁是給食家對蝦麵店下食評用﹐請注意。謝謝。

食過船街間馬拉王,相比起o的蝦麵真係好食好多,唔係話蝦麵店唔好食,但係馬拉王o的湯底真係正好多,夠晒味又夠辣.lunch set,35蚊有小食有o野飲,又唔加一!!好抵!