蝦麵店 (蘭杜街) (已搬遷) 新店位置

知佢就黎摺...專登去試....食左個蝦雞絲米粉...蝦湯底真係好濃蝦味...以蝦做湯底真係好少見...我慌死以後冇得食...成碗湯飲哂....見佢個湯咁鬼紅...仲以為佢好辣...點知完全冇料到...臨走時老板話做到十月底...但係十二月會係同一條街隔幾間舖再開番...之前仲擔心佢會步Q嘜後塵....原來佢比Q嘜好彩好多....唔知Q嘜幾時有呢個運氣呢??

蝦麵店搬前幾間舖咋, 由8 號舖搬到4號舖, 不過就做到10月尾, 要12月先開.

見門口貼了通告,九月底將會搬遷。問左老闆打算搬去邊,他無奈地回覆:尚未找到新地址。我聽後有感如同Q 嘜川麵一樣...

前幾日口多多, 話俾老闆知蝦麵店可能o係10月結業, 老闆就話要拉大隊黎食lunch.一點過黎, 行行下突然落大雨, 果然係天有不測之風雲呀!等左15分鐘至有位...我叫左蝦墨丸米, 同事都係要蝦湯類. 有d叫油麵, 有d叫河粉...再加多個油菜share. 個米粉好快就上檯, 一望紅卜卜, 有d擔心自己會吃不消, 但係老闆話o個d係蝦膏o既色, 唔辣. 食落, 又真係唔係幾辣播...我覺得個湯係甜, 不過又唔係真係好食到蝦味, d蝦都算有鮮味, 但係$29一碗, 當然唔可以expect 佢會俾大蝦碌俾你啦! 湯裡仲有少少芽菜同通菜, 不過我就覺得少左d, 如果多d芽菜可以增加口感.食完真係唔覺口渴, $29真係幾抵!

上個星期，誤打誤撞，搵度這間店，未入去已經見到一班人等位，都覺得機不可失，所以便和女友一齊試。我地分別叫了蝦湯配米粉及nasa湯底，食落我覺得蝦湯最好好香，所以好快食晒，較為失望係配料，太小同無特別。

聽講話做到10月尾，所以今日落雨都要拉大隊打的去。大家都要辣味蝦湯底及檬粉，份量唔細而且、芽菜等配料都唔少，同事們都讚好，食晒成碗仲話唔夠飽tim。我就覺得湯底尚算香但唔濃，蝦味好淡，最失望就係辣味唔夠。佢賣點係個湯底，不過除了湯底好都唔夠，d“食送”唔好都係冇用，雖然明知都係交來的，但起碼搵間好的供應商，墨丸一食落口，莫講話彈牙，簡直成舊粉，魚蛋同貢丸亦不見得好到那裡。

今日同我的靚媽媽去呢到食野,我當然又係食我至我的蝦雞絲粉啦...可惜無晒檬粉,於是我唯有食米粉啦...靚媽咪就揀河粉,水準一如以往,都係o甘好食.埋單時看到他們貼出來的告示,於是問下老板,佢話因為業主大幅度加租,故此只做到10月尾,現在他們仍努力搵緊鋪位,未知響邊同幾時再開.PS.我希望佢地早日搵到鋪位啦.

蝦湯底超正,少少辣,蝦香味極濃,超正喇沙湯底就一般,同o係馬來西亞食過既比較少椰汁,同唔夠辣.麵同(食送)相比之下係配角,唔駛講P.S. 正宗食法係米粉+ 油麵兩溝一齊食

一去到已經見有人排隊,等左一兩個字左右.一入去聞到一陣蝦殼味,叫左蝦湯底蝦肉片麵加底.麵同材料都不值一提,至於個湯底,老實講我真係唔識欣賞,只係覺得一般.食過一次就算。

毒品? 係咪指罌粟呀? 無論點樣如果係真就當然要報差館啦，但到底你點知同埋你有乜野證據先?"聽人講"既籍口係唔可以嫁喎。因為你提出既唔係小事，不能導聽途說，因為你的中傷對大家都有影響。若你講的是事實，請提出證據；否則請對店舖同一眾人等致歉。

我最近去蝦麵店食完都無異樣喎? 三十蚊碗麵加埋drug 咪好重本囉?? 如果係的話, 警察一早都搜到啦......我覺得蝦麵店既喇沙唔夠正宗, 但咖哩湯底又真係幾夠濃, 都可以一試, 林海峰在電台都有介紹過, 不過在香港要搵正宗喇沙真係好難呢!!

“Smallpotato”﹐你的語氣聽落不單止幾肯定呢件事的真確性﹐你更直接比喻係門外排隊等位的食客如隱君子一樣食上癮(no wonder why we see there are lot of people queue up during lunch hour, because they get addicted like people taking drugs)。由於事關重大兼且危及各食家的生命安全﹐希望你能夠停止「潛水」﹐即刻出來澄清一下你或者你D路邊社消息所講的落毒事件的始末同有關資料或者證據。如果真有其事﹐你絕對應該馬上通知食環署同警方去跟進﹐因為係犯法的﹐亦只有由有關部門跟進先可以徹底解決問題﹐我地亦都會好感激你的正直行為。但如果你只係唔知點樣道聽途說﹐然後上來實牙實齒地亂講一通﹐無論背後係咩原因﹐你都係散播不實的謠言﹐唔單止係誹謗﹐會影響呢間食店的聲譽﹐仲係欺騙呢度一眾食家﹐同詆譭所有俾你話食毒品般食上癮的排隊人士同食客﹐你應該馬上為此向所有人深切致歉。同時我希望editor能夠跟進一下呢件事﹐如果發現有人作出嚴重投訴或者不幸地進行誹謗時﹐應該如何處理﹐同埋以後再有同類情

除非你有充份證據﹐否則不要胡亂誣捏人家。最少我們也希望知道你的消息從何而來。

wow....please don't say such crazy things about a restaurant before you have any concrete evidence, and when you do have the evidence, first thing to do is call the police....

唔係掛！你估d drug 平還是味精平呢？買個碗廿、三十蚊野喎？