蝦麵店 (蘭杜街) (已搬遷) 新店位置

Being a customer of this restaurant for years, I really think that its laksa is the best in town. Although I love it very much, I visit the restaurant only around twice a half year & I don't think I am "ADDICTED" to it. Small potato, disseminating such a rumour is really irresponsible !

首先多謝smallpotato在此提醒大家，但完全不明白smallpotato為何不報警? 此乃非常嚴重刑事罪行!!!次次食到碗底朝天，俾我知佢落毒...

It is no kidding if it is real.Please go ahead to report to the authorities (such as the Health Department or even the Police) if you have VALID evidient about what you've mentioned, it doesn't make sense to apply the case from the Mainland to the restaurants here. And just don't spread rumors elsewhere if you haven't any solid clue, it's both irresponsible and irrational!

尋日要落灣仔搞埋D手尾，就順手來吃一下。以前吃過這裡的蝦麵，覺得湯底又辣又鮮甜，但看食評好似大家都不大欣賞，看看是不是咁唔掂。呢度係長龍店，飯市時來是一定要排隊咁滯，一點未夠已經有幾個人在門口等緊，好彩我得一個人就五分鐘唔使就可以搭檯坐低。叫左咖哩喇沙雞麵，要油麵。碗麵賣相唔錯，主角的喇沙湯底濃濃的，聞落有椰汁味及香茅味，幾對頭。渴一口果然是很鮮美，不算很辣，亦有淡淡蝦的味道，個人覺得絕對不是味精溝水，正確一點是味精的成份也不多；配料除了雞肉外，亦有豆卜、芽菜等，略縑芽菜的份量太少，如果多一點就更好；豆卜索滿湯底的味道，好吃；油麵同雞肉都只是普通的大路貨色，但以我的標準來說不影響整個雞麵的評分，因為單是湯底都值得一吃。埋單32蚊，湯底地道又有水準，個人覺得物有所值，亦難怪這麼多人排隊去吃。口味當然人有不同，如有蝦湯或喇沙湯底比這裡好的請單聲，可以的話一定會去試。

今天day off下午到電腦城後，便到這樣食麵。蝦、肉片(棘蝦湯底)+齋啡:棘蝦湯底：非常鮮甜，不太濃、不算棘，感覺不到味精。好！蝦：蝦味，雖不爽，亦不會太老。肉片：白白的，但有獨特味道，應用香料醃製過。齋啡：入口不濃郁，有淡的感覺，但竟有餘香。PS: 這條街需短，但已有不同類食店，要找機會試其他的。

上星期六同男友去左灣仔蝦麵店，人真係好多，個個都企係門口等入坐。<br />我要左貢丸蝦油麵，少辣。<br />男友一樣，但佢個碗係正常既辣。<br />結論：油麵太少，如果要少辣既話，D湯會冇咁鮮甜，返之會鮮甜好多。有心一試請勿<br />LUNCH 或DINNER 時間去，否則只有排餐死！！！！<br /><br />

上星期六第一次到這間麵店，兩個人等位不算耐，10個籌約等了10分鐘，等位時已想好試蝦肉片河﹝蝦湯底﹞及魚片墨丸喇沙咖哩米麵，上菜很快，5分鐘有得吃。先講蝦肉片河，蝦湯沒有蝦味又不辣，河粉太腍，肉片及蝦片還可以。魚片墨丸喇沙咖哩米麵就較可取，但墨丸用下價貨，只有粉沒有墨魚肉。份量只足夠女士吃，男士一般要吃兩碗才夠。服務都算好，有禮貌及有上茶。總結，蝦麵店名氣過大，不值得專程由別的地方過來吃，材料只用下價貨，沒有特色，名不乎實。有點失望。

皇家太平洋酒店裹面有間食東南亞菜餐廳,主要係食自助餐,但唔食自助餐menu裏面就有叻沙啦,但餐聽名就唔記得啦.....

佢果度D麵基本上分三種湯底: 蝦、喇沙咖哩同豬骨, 另外仲有福建鹵麵.我試左蝦海鮮麵, 湯底有蝦味, 但唔算好香濃, 我亦都唔係好分得出係咪味精既味. 聽人講以為好辣, 但我呢D唔太食得辣既人, 都可以淨飲D湯囉. 可能係希望愈大失望愈大, 個湯真係好似無乜料到.料方面全部係雪藏貨, 本身無味之餘亦吸唔到湯既味, 至唔鍾意係有大量蟹柳(當然係假果D). 麵呢我就揀左兩溝(米粉+油麵), 我覺得油麵唔夠腍, 唔知係咪咁先算正宗?食緊果陣聽見隔離檯響樹係咁讚, 話響唔知邊度邊度食過晒, 都係呢間至好味喎. 不過佢地食既係喇沙咖哩湯底, 唔知果個會唔會好D? 但係我就無乜好感喇, 喇沙咪喇沙, 咖哩咪咖哩囉, 做乜要溝埋?總結又係果句, 順路經過又唔介意等一陣既話, 可以一試, 但建議試喇沙咖哩或福建鹵麵, 好似比較多人叫. 專程去就無謂喇.

下午茶餐廿幾蚊，有個蝦肉片麵（細）跟檸茶，幾抵喎。蝦係切片，有膏，有鮮味，肉片似月展部份，食落竟然似鵝片，湯底幾有蝦鮮味，唔知有冇味精，不過食完唔渴。可能我唔食得辣，都覺辣反而奪左少少湯鮮味，但都飲左大半碗。提醒各位近金鐘，我飲完蘿蔔湯諗住行去灣仔食麵，行到我，不過趕得切下午茶la。

may i know which rest. in TST offer good laksa too?(By Editor : pls reply in Hot Gossip)

有一日聽收音機,話蘭杜街有叻沙食,咪去試一試囉,我中午十二點鐘去到,都就黎坐滿.我叫左叻沙雞肉油麵,三十二蚊無飲品,唔算太貴OK啦.講番個麵先,湯唔夠濃,係我個人心目中叻沙湯應該要濃D,但個味都唔錯,麵就有D硬,雖然油麵唔應該淋,但真係有D硬囉.送方面除左有雞肉仲有豆卜,蛋,牙菜,都OK.其實我覺得如果menu有雜會叻沙就更加好.我係尖沙咀食過一個好正嫁叻沙,湯麵送都好好食.送係有好多嫁,有豆卜,蛋,魚蛋,蝦,叉燒,牙菜...可能果次太好食,所以要求高啦,anyway去開灣仔都可以一試.

星期三長頸鹿先放假,真係等到我差d變埋佢同類(),但佢晚上又約左人,不過下午都可陪我一陣,所以我又拉左佢去陪我搵食.之前見到d網友係咁讚呢間舖d野點好食,於是我倆就專程一試.來到已是4點多,見有tea set供應,係一碗細小小的麵跟熱飲,凍飲加$2,就每人要一份,我要左咖喱喇沙墨丸麵跟熱奶茶,男友要左蝦湯肉片米跟凍檸茶.個喇沙麵一上,已聞到好香的咖喱味,試一口湯底,咖喱味超濃,唔太辣,好似食緊咖喱汁咁,但唔算太杰.而材料除左墨丸外,仲有豆卜同芽菜,平時配清湯食可能好普通,但配埋一齊就變得好食,正! 而男友蝦湯米,上時見個湯底泛著一片鮮紅,即時試一口,嘩! 好濃的蝦味,肯定用了不少的蝦膏同蝦殼才可煲成咁,最衰我對蝦湯有輕微敏感(以前試過飲大家樂的龍蝦湯,飲完一個鐘後開始出風'難'),否則我一定會叫蝦湯底的麵.跟餐的飲品都有茶餐廳水準,我杯奶茶幾有茶味,好飲.總括來講,呢度的食品都好好味,不過長頸鹿話個湯底有味精,但我唔太覺.

多年前行過因為陣香味入去試。當時驚為天人，竟然能夠在香港食到正宗的馬拉喇沙。今日再幫趁，可能已經係最後一次。第一次去到一間野唔係招呼你去食，反而係一味想趕你走比第二輪客。味道亦變得不知所謂，為左遷就市場，竟然變成不論不類。蝦糕香味無晒唔在講，連湯都係味精水。食左兩啖就唔食走人

S小姐推薦下，下午三點許經過灣仔便順道一試此店。點了一碗蝦肉片喇沙米粉加杯凍奶茶，喇沙湯底做得非常出色，米粉吃清過後還要跟這個湯鬥纏到底...正呀！飽飽一個下午埋單只是三十四個大兩。