蝦麵店 (蘭杜街) (已搬遷) 新店位置

同事介紹的店子,對這些東西無什大喜好..大家睇睇佢個樣,係幾好的,個湯底係幾濃郁..幾厚..不過呢,我想講.0個日食的時候我喉嚨痛到爛0左,所以愈食愈無心機,食唔到佢個真味.圖中所見係同事食的海鮮喇沙河粉.個樣都幾靚.我食0個個係墨魚丸喇沙河粉.d墨丸係爽的,好得!因為係星期六下午,都好多人食.

一個剛過了午飯時間的下午，蘭杜街中有點人氣的店。食的是蝦麵，初還以為是蝦子麵，其實只是蝦加麵，一個美麗的誤會。恃住款款麵都有蝦，賣三十幾四十大元，定價偏貴。最後點了素麵檬粉底，但出來卻是瀨粉，炸蒜片和葱也太少，大打折扣，豆卜還好(整得好有幾難?!)，通菜一般，最好的是冬菇，好有冬菇香味，而且幾入味。整體來說，不值這個價錢，這款麵在家也很易做到，也沒有特別。

黎得蝦面店，就梗係為左食佢既蝦面啦！當然，我都試過佢地既喇沙同埋豬骨湯底，不過始終都係辣蝦湯底好食好多～辣蝦湯底好有蝦味．係有少少辣，唔食得辣既就會覺得佢太辣．個湯底真係好香，我黎呢度食就真係完全為左佢既個湯而黎．除左個湯底之外，其他野就比較唔抵了．個麵既配料唔多，麵都唔多，大食少少既人都一定唔夠食架～好彩我細食，每次都係叫辣蝦墨魚丸油麵，每次都清哂d辣蝦湯呢！服務方面，基本上你一order完就好快黎到，好明顯就係想多做幾轉生意．所以黎得呢度食就預左好似食快餐咁架喇．仲有，座位比較迫，坐得唔係咁舒服．

Been to 蝦麵店(the one in Sheung Wan) several time for lunch (around 2pm). Most of the food items are gone by 2pm (e.g. oil noodle -- sold out, kale -- sold out, rice noodle -- sold out!). If you want to have what you want, please go earlier!辣蝦湯配蝦墨魚丸檬粉-- soup base is good but would be nicer if more thick and creamy. 墨魚丸唔夠彈牙!$34 for a bowl (and without drink) is not a 'value for money' lunch.

我去既都係wan chai o個間﹐又係見到報紙有sheung wan new shop 特登去試。唔平﹐食物都係無乜特別﹕叫左個蝦麵﹐湯底唔夠鮮﹔laksa個湯完全無香既感覺﹐座位安排完全唔合理﹐客滿實同隔離檯逼死。最抵死係餐牌同調味料已經佔成張檯1/4位﹐都唔知點放野食!呢間餐廳先開左幾日已經咁劣評如潮。奉勸個老闆﹐與其搵咁多傳媒報導你間鋪﹐不如improve your quality 唔好咁趕客吧啦。

個湯ok, 不過配料好少, 一路食一路有種"掠水"既感覺, 再加上坐得好迫, 同側邊&對面既人超近, 真係唔食辣麵都會令人有慶慶地既感覺, 強!

辣蝦湯麵好好味, 湯底蝦味好濃好鮮味, 辣味唔會過火搶過蝦味, 不過就略嫌細碗.福建滷麵唔辣, 個湯底好似湯羮, 一樣有好正的鮮蝦味,可能湯底厚, 食落去比較飽肚, 但論味道, 辣蝦湯麵係不二之選.

我鍾意食叻沙,我隔離果個鍾意食佢個蝦麵...試過其他什麼媽媽既叻沙...我覺得佢lee間好食d,個湯底濃d,而蝦麵個湯就好鮮味,一d都唔覺得腥..

通常幫襯的食肆若有喇沙的話必先一試，近期分別試了兩間，今次食評先談這裡，另外的一間下回再續！問了好幾個行坊才找到蘭杜街，門面不錯，內裡坐位較窄，更有面壁位置，十足速食店格局。黃昏時間到來，顧客不多，點了海鮮辣蝦鴛鴦，起碼可同一時間試到米粉及油麵的味道。不需五分鐘時間已經送上，賣相相當麻麻，圖片可見，蝦頭快將掉下，其他食材好像生死不相往還；不過算吧，試一口蝦湯，無疑是烚蝦水的作成，不夠濃鬱，跟喇沙應有的鮮蝦湯味不能並提；海鮮材料蝦、青口、假蟹柳、魷魚筒、魚豆腐…普普通通，米粉及油麵因蝦湯不夠濃故無法引出其中香味；故筆者覺得整體一般，下次若來幫襯的話再試其他品種才能判其優劣。

今日去了食喇沙麵, 好一般! 墨丸簡直過份! 仲差過响街邊求其食(口個)D! D店員招呼好差, 要老闆叫先識拎餐具同茶黎. 食食下佢仲同我講因為要埋數叫我先俾錢,激氣!佢標榜自己係正宗喇沙, 無可否認湯底係好正, 但配料就好差, 好雪藏囉!但是我最唔滿意店員態度!

20/5(星期六約14:00)係我第二次幫襯,同上次一樣,全店滿座,今日點咗啲招牌貨試下呀......1)福建鹵麵(蝦肉片羹)-配油麵好正,啲蝦同肉片都唔錯,而個羹唔會好"杰" $332)咖喱喇沙海鮮河粉-幾多料,新鮮,湯底超正,唔會好辣$433)凍菜蜜-好淡(原本叫凍O菜蜜,個店員聽嚟聽去都淨係聽到凍菜蜜-激死!) $12需要改善地方-店員較粗心大意二人共消費: $88

今日同個fd黎呢度食lunch...我食左個褔建"老"麵，好大碗，d肉好食，湯好食..我要左檬粉，感覺上以個d冬粉咁，三十三蚊，係呢區都算係咁！

2個人叫左一碗海鮮辣蝦麵同一碗咖喱叻沙麵，海鮮蝦麵隻蝦勁細隻，最離譜都係裡面竟然有假蟹柳，頓時失色晒！但味道都叫ok既，都有少少蝦味碗叻沙完全唔正宗，椰汁味又唔夠濃，又唔夠辣，都係天后間廚師正好多...好彩唔駛排隊食...

食得急唔一定無要求有大半個鐘頭唔係要食fantastic下嘛?我一定唔制架醒起蘭杜街各大食肆見到有喇沙即刻試試結果破左紀錄兩個人第一次三個字食完餐飯夠快啦?可能覺得趕就無咩期望食落不算太差蝦海鮮油麵(辣蝦湯底)比較好湯底好香蝦味(姑勿論係咪新鮮蝦啦)辣味負責吊味只屬陪襯有一隻中蝦蟹柳魷魚同豆腐魚餅算係足料外型賣相亦不俗蝦肉片米(咖喱喇沙湯底)湯底都幾香勢估唔到個片字係用黎形容晒「蝦」同「肉」「蝦片」係切到好薄既蝦仲無之前果碗隻蝦咁大砌返埋都唔知有無一隻話晒都收四十蚊一碗孤寒左少少如果唔係我都會俾個笑佢囉整體黎講就算佢有一隻辣椒指數都唔係辣到要飲野解辣果隻咁細間舖都唔期望環境同服務好喇收平尐仲實際囉

搬了新舖都未幫襯過，就趁呢幾日下晝蛇出去搞私撈野時幫襯一下。過左兩點半，仍然有不少的人客，似乎真的有一班捧場客。不想吃沙爹，就叫了海鮮辣蝦湯米。辣蝦湯米，都仍然有睇頭，份量幾時都不算多。先喝湯底，不太辣，幾有蝦的味道，但當然是蝦頭蝦尾的成品，已算不錯。配料有蝦、青口、魷魚、蟹柳及炸魚片，如常的普普通通，而其實在喇沙內發現有日式蟹柳這等取巧材料，是要扣分的。不過在本地，實在又不能苛求過多。當然如果可以選擇，我會全部都要炸魚片。總括而言，交到功課但不算很好，不過如果想吃蝦湯，這裡都叫食得過，起碼比之後吃到的馬拉巴巴及有星味要好出一截。碗米粉原本38蚊，兩點半後減3蚊，仲有杯飲品送。