蝦魂

營業中

休息中

行開新都城，見新開咗間日式拉麵店，以蝦為主題🍤連間舖都係橙紅蝦膏顏色好吸引眼球😂於是入去試吓🥢蝦紅湯拉麵🍜$108湯底用左蝦熬製出嚟既蝦湯，每啖都鮮味十足，每一條拉麵都掛上濃濃既蝦湯，有營養又好食，蝦肉都好好咬口，真材實料，唔會口渴。虎蝦乾海味坎飯🍲$108米飯用左日本珍珠米，配上足料海味，每一啖都充滿香氣，配上自家製蝦湯，用心足料整，蝦香味出晒黎，一啖湯一啖飯咁食，愈食愈停唔到口。自家製阿根廷紅蝦雞肉餃子🥟$48呢個餃子好特別，又係出面未食過，餃子皮好薄，包住蝦肉同鮮肉，咬落肉質多汁，食到想再叫多碟黎食。廣島蠔🦪$28蠔一到，真係哇左一聲，隻蠔好大隻，好肥美，配上鰹魚昆布漬，好鮮甜呢個超抵食，推介👍🏻

{蝦紅湯拉麵 + 虎蝦乾海味炊飯 + 小食x2- $296}寶林開咗一間主打「蝦」嘅拉麵店！不過開店無耐openrice 都係喊喊多，今次一心打算試伏，食完覺得值得平反喎！可能之前新開未適應先令人有唔好嘅進餐體驗掛😉♦️ 蝦紅湯拉麵🦐睇餐牌講老闆用左好多功序同好多種蝦淆製而成，本麻甩未至於識食到食得出啲功序，但覺得真心係濃蝦味！麵質ok，上面幾隻蝦已經剝咗殼，食落質地亦好新鮮！♦️ 虎蝦乾海味炊飯呢個飯用左好大隻嘅虎蝦乾、乾貝、同埋花菇煮出黎，食落都好有漁村風味！配合埋慢煮雞胸同埋櫻花蝦，感覺好特別！喺拉麵店度食飯亦別有一番風味！♦️ 自家製阿根廷紅蝦雞肉餃子呢個餃子唔平，但食完就明白，佢用咗原隻大蝦再加免治雞肉嚟包出嚟嘅餃子，店員鼓勵我哋食原味唔好點汁，即管一試，原味確實係食得到蝦嘅鮮味，很有趣。♦️ 花雕酒漬新鮮鮑魚原隻新鮮鮑魚，切片上，花雕酒又幾入味，係一個好唔錯嘅小食！美味程度：😋😋😋😋環境指數：🎇🎇🎇🎇番食機會：🦍🦍🦍🦍📍 #蝦魂 (將軍澳)將軍澳寶琳運亨路1號新都城中心一期2樓241, 250&251號舖

中午去食個廣島蠔x鮮蜆拉麵，鮮魚蠔湯底好香濃，上面兩隻鰹魚昆布漬廣島蠔好好食，第一啖食落去係鰹魚昆布嘅咸香混合蠔嘅鮮味，再咬多啖就係好飽滿creamy嘅蠔肉另外幾隻蜆都好新鮮～雖然湯底好香濃，但個拉麵本身唔係好掛湯，就咁食一啖拉麵，就覺得味道較淡，不過整體都算好食。

屋企附近嘅食店都食得悶悶哋~見新開張咗間日式麵店，環境闊落，乾乾淨淨，就同屋企一齊入去試吓。點知一試咗佢碗“蝦紅湯拉麵”就食到停唔到口😋🦐蝦紅湯拉麵一碗好食嘅拉麵湯底一定唔少得。個湯底夠足料，成碗麵嘅表現即刻提升哂！呢碗麵湯底夠哂香濃，每一口都感覺到足料豐富嘅感覺。麵嘅勒度適中，吸收埋啲湯，啖咩食到哈哈笑😆🦐虎蝦乾海味坎飯個飯底同啲乾蝦，香菇撈埋一齊，清清哋滲有乾蝦同香菇香味😋 配有香濃蝦湯，飯沾啲湯一齊，好開胃！🦐自家製阿根廷紅蝦雞肉餃子見到呢個賣相好特別就叫咗2客，每客有3隻。蝦同雞肉夾埋一齊食味道都幾夾。見廚師係即叫即整，唔怪之得一出爐就甘香甘好食。呢度唔只坐得舒服，仲要服務周到。真係要俾100個讚👍🏻

餐廳位置處於通往新都城二期的必經之路裝修簡潔，乾淨企理Menu的拉麵選擇只得三款但由於雞白湯同蝦湯都係本人最愛於是即管入去試吓揀左紅蝦湯拉麵🍜由於入去之前都見到食評麻麻，投訴湯底淡所以拉麵一送到即刻飲啖睇吓有無中伏結果同其他食家有點出入我覺得蝦味算濃郁，而且熱辣辣拉麵嘅湯最怕暖暖地唔夠熱，雖然出菜都算快，但溫度很足夠🙆🏻‍♀️本身都有啲怕麻煩要剝蝦殼點知細睇隻蝦，原來已經剝好保持賣相先留番蝦頭同蝦尾唔洗用手都可以輕鬆食到👍🏻整體感覺良好只嫌價格略貴（住宅區）不過無加一服務費

早幾日好想食拉麵，經過見到，就去咗試佢個招牌蝦湯拉麵，湯底望落幾濃，但飲落冇咩蝦味，麵質好普通，溏心蛋唔溏心，難食過7-11 19蚊2粒嗰啲🙄，而側邊兩塊紫菜淋嘅，$108真係唔值。I really wanted to eat ramen a few days ago. When I saw it, I went to try their signature shrimp soup ramen. The soup base seemed a bit thick, but there was no shrimp flavor in it. The noodles were ordinary and the egg was not runny. It’s harder to eat than the 7-11 soft boiled eggs, and the two pieces of seaweed on the side are not crispy, that it’s really not worth $108.

We ordered the only 2 types of ramen on the menu.1 x shrimp ramen without spring onion, and 1 x chicken ramen with spring onion, and they still mixed up the order. (And there were only 4 customers)Soup was mediocre but noodles were a good texture. Dumplings were too oily - and $16 per piece.

麵生軟硬，掛湯不足，不過不失湯有蝦香味，餘韻仍然在口腔內。蝦肉已去殼，肉質較實整體無特別，正常麵一碗，值$108 見人見智裝修不吸精，掛布醜隆，客人不會被吸引到，應該大大改善

聽啲街坊話好伏，但自己中意食蝦，經過冇咩人就試一次。旦唔夠溏心，麵質唔得份量又偏少，特濃蝦湯一啲都唔濃，你唔講我唔覺有蝦味。 係3隻蝦叫正常，食完碗麵都唔口渴嘅。。。。杯水都夠凍嘅

行過見到有間新開的蝦湯拉麵，因為新開，傢俬裝潢都好企理和乾淨，座位寬敞，即使滿座都一啲都唔迫。特濃蝦湯拉麵：配料有三隻蝦，紫菜，木耳，半隻半熟蛋，蔥。湯底比想像中淡，本來見到寫住「特濃」，以為真係會好濃味，但係比我想像中淡，雖然有好多櫻花蝦，但係我覺得味道可以再濃啲。用QR code落單，面質冇得選硬或軟面，配料三隻蝦新鮮爽口。雞白湯拉麵：配料有雞胸，半熟蛋，紫菜，腐竹和蔥。湯底也是覺得太淡，可以再濃稠啲。雞胸唔夠軟滑，有啲鞋，不過佢切到好薄，所以都OK。阿根廷紅蝦雞肉餃子：雖然賣相不是太好，但係我覺得好好味，入面好Juicy, 餃子底部煎得好脆，唔使點任何醬汁都好有蝦的鮮甜味。

OpenRice稿今餐係晚餐～將軍澳新開拉麵店😆😆😆好耐冇食過拉麵，抱住期待的心情去試食😆😆😆1.特濃蝦湯拉麵（$108）：蝦肉同糖心蛋ok😌湯聞落去都有濃郁鮮蝦味，但飲落去較淡😌最大問題係個麵同個湯唔match，感覺好分離，有點失望😣加咗慢煮雞胸（$28），肉感ok，但完全冇味😣2.餃子（$48）：味道都ok，但得3隻，$16一隻都幾貴，不建議order😣3.頻果汁（$18）：幾好飲既，size有啲細，同埋都幾貴，不建議order😌備註：1.新開黎講理論上食物質素會做得唔錯，但未做到 2.食一次就夠，唔會去第二次