蝦魂

營業中

休息中

寶琳開咗間拉麵店🍜，主打蝦湯底。餐廳以QR code落單，夠方便。拉麵湯底係自家製，毫無味精，所以飲晒湯底都唔覺得口渴。而佢哋嘅拉麵係用日本麵粉喺香港新鮮製的，賣相同岀面嘅拉麵有啲唔同，會見到一點點嘅小麥粉，而口感偏腍。蝦紅湯拉麵（$108）鐘意濃蝦湯嘅朋友一定會超愛呢碗拉麵😍蝦味非常濃郁，仲有四住隻紅蝦🦐配埋夾口嘅木耳絲同溏心蛋好美味。澳洲頂級肉眼醬油牛骨清湯拉麵（$98）推介呢碗拉麵俾鐘意無咁濃味嘅朋友。牛骨湯底好清甜，係會入得晒🤣 肉眼份量一啲都唔吝嗇，有四大片咁多，而且牛味十足，及一啲韌感都無。仲有佢個白蘿蔔索晒牛骨清湯，所以非常入味。阿根廷紅蝦雞肉餃子（$48）呢個必叫！🔥 除咗賣相吸引，仲好好味喎。即叫即煎，個底好脆口。入面有好大隻又彈牙嘅蝦肉，同埋雞肉碎，口感一流！慢煮雞胸（$28）原來係薄切雞胸肉，肉質嫩滑。估唔到個雞白湯咁濃郁，等我下次試下佢哋嘅雞白湯拉麵先～

見到喺將軍澳開咗間新嘅拉麵舖頭，蝦湯同埋雞湯為主打產品，離遠已經聞到蝦嘅味道呢到平日就有lunch set，今日假期就要散叫，價錢都合理，大眾化👍🧡蝦紅湯 拉麵 $108橙色嘅湯底，原來係以多種不同種類既🦐蝦熬製嘅，包括：龍蝦、虎蝦、阿根廷紅蝦、日本櫻花蝦等，經過焗、炒、煮、熬多重工序，配上自家秘制蝦油醬，味道好細緻、層次豐富，濃而不濁，亦唔覺得鹹🫶🏼拉麵有偏幼身，一隻匙羹剛剛好可以有適當嘅湯加適當嘅拉麵份量～好滿足～ 配料係有紫菜、木耳、新鮮嘅蝦、同埋糖心蛋🐣🥚啲蝦已經剝咗半邊，食用方便另一個我地就叫咗虎蝦乾海味炊飯 配雞湯💛呢個係以日本北海道既米，加入乾貝、日本花菇、虎蝦乾，每一粒飯都吸收左海鮮既鮮味，口感鬆軟、味道香甜，啖啖都好有咬口～ 再配合埋慢煮雞胸肉、櫻花蝦、糖心蛋、紫菜，都可以同啲雞湯一齊食變便湯飯🍜🥣雞湯好香，亦好順滑，飲得好舒服跟住我哋嗌咗兩個小食🖤花雕酒漬 新鮮鮑魚，冰凍鮑魚好彈牙，有花雕酒嘅味道👅 幾特別🖤自家制阿根延紅蝦雞肉餃子🥟好大隻，隻隻都有Juicy嘅雞肉 🍗仲有蝦～配埋啲XO醬辣醬，鮮味更加提升

假期 支持留港消費都特登等lunch hour後先去食平時路過都唔覺特別多人手2pm落單 想食招牌蝦拉麵 重叫咗小食可惜等咗40分鐘 都未出到食物催又催過最後無心機等落去見佢客人唔算多 廚師有三個連小食都出唔到無論食物質素有幾好 街坊小店我又唔係食法國餐🫠15-20分鐘等待時間我接受的40分鐘小過份

蝦湯麵近年喺香港變咗做一種新潮流相信最為人熟悉係例如有尖沙咀或者大圍嘅三間唔同地舖我自己都排隊去試過其中兩間但冇一次係驚艷到我想再食嘅今次呢間係我隔離區新開某日經過見到 所以先入去食坐低冇耐隔籬枱仲同個侍應吹水話喺日本都冇食過咁濃郁蝦湯嘅拉麵個下聽到心諗有冇咁誇張？係咪媒嚟㗎😂😂😂點知真係好好食！食完隔多日再返唔咗去食LOL好耐無食過啲餐廳係會想即刻幫佢寫個食評！蝦紅湯拉麵第一啖飲個湯已經分到勝負！同以往試過嘅係有分別！出面有啲會有少少澀味或者係好單一嘅蝦味 個湯嘅味道唔豐富又或者個湯都好稀 一係就好鬼杰但呢到嗰種濃郁嘅蝦味 唔會太鹹個味道層次好豐富 第一下有陣龍蝦味飲得出好多料 仲有蝦籽 櫻花蝦等等係個湯到個濃稠度好適中 唔會太杰 但又會掛到少少喺個麵度飲得出係完全冇味精食完冇口渴每一碗有四隻蝦隻蝦都有鮮味 正常肉質拉麵麵條彈牙如果冇睇錯應該係小麥拉麵嚟🤔第二次食就加埋個辣蝦醬我估佢應該係櫻花蝦XO醬嚟食落就少少辣如果加晒落個湯度 個辣度會淡咗建議用嗰匙不起點麵食會好啲呢度嘅裝修好簡潔、溫和、暖色系為主開放式嘅設計 但係因為個位置係比較角落所以唔會有太多人經過見到座位都好闊落 坐墊係

我本身真係想食蝦湯底，但見到$98 有兩塊和牛再加白蘿蔔和紫菜的配搭，就轉軚。我食完感覺牛湯底都唔輸蝕，牛骨味濃郁、但因為有蘿蔔配搭，就可以清一清～原條本身就冇得揀軟硬度，但都算係比較煙靭的口感。玉子是正常發揮嘅。而兩塊牛肉都真係幾大，因為平時煎完牛肉通常都會縮水，但餐廳用火槍燒，可能因為咁就避免左。而且肉汁無流牛好多，牛味鮮味都有。我另外加咗$28 叫左個雞湯浸菜苗，但份量就真是小食 size lol ～ 但好味嘅我發覺其實最近嘅出口應該係B2 入去新都城廣場一期。網站上面寫A1 有待update

廣島蠔x鮮蜆鮮魚蠔湯拉麵 ：𧐢肉肥美嫩滑 鮮蜆新鮮清甜 加上湯底濃郁 和 拉麵彈牙 鍾意食海鮮的人呢款拉麵首選醬油牛骨清湯拉麵（澳洲prime牛肉） 湯底清甜 拉麵同樣都十分分彈牙 牛肉新鮮嫩滑 仲有口感軟身嘅冬菇 非常搭配 如果鍾意冇咁濃味嘅朋友可以選擇呢款拉麵 另外加配咗 慢煮雞胸肉 同一般雞胸肉唔同唔會又乾又柴 相反係非常之嫩滑 入口即溶 加上個濃郁嘅湯汁唔會淡而無味自家製阿根廷紅蝦雞肉餃子首先隻蝦非常新鮮 鮮甜毫無腥味 雞肉又彈牙又惹味 餃子皮薄身 個底亦都十分香脆 整體無論味道定口感都十分有層次感 小食必選

紅蝦湯拉麵（$108）首先要讚一讚嘅係個湯底超級濃郁，勁有蝦嘅鮮香味，飲得出唔係味精調出嚟的。仲有四隻大大嘅紅蝦，佢係幫你剝埋殼㗎😋拉麵非常掛湯，而且面質都比較彈牙!! ⋆ᶿ̵᷄ ˒̼ ᶿ̵᷅⋆美國和牛肩胛肉眼醬油牛骨清湯拉麵（$98）個牛肉油脂感非常足夠👍🏻湯底屬於比較清嘅，但係都有好重嘅牛肉香味ॱଳ͘ 讚讚。黑松露乳龍蝦（$48）刺身蝦肉配埋黑松露醬，入口即溶🥺🤍呢個好好食，推薦!!花雕酒漬新鮮鮑魚（$32）呢款花雕酒味唔係好出，好適合我呢啲初嘗花雕酒又接受唔到太濃味嘅朋友們😹同埋個口感都好彈牙，又唔會咬唔爛，呢款都推薦!!整體而言，呢間拉麵舖頭坐位好闊落，而且職員好好服務態度，成日都會行過嚟收嘢同埋幫手斟水👍🏻食物方面，如果二人同行，可以嗌唔同嘅湯底，交換嚟食🤤我諗應該係新舖嘅關係，我哋平日夜晚去食都唔太多人，唔使排隊，如果行過可以入去試吓😛

寶琳拉麵小店🍜日式木系裝修，成個環境舒服，企係門口已經聽到極香拉麵香😋🦐🥟蝦紅湯拉麵一上枱已經忍唔住飲左幾啖，湯底用上多種蝦，龍蝦，虎蝦，阿根廷紅蝦，日本櫻花蝦等，真係超濃郁😲每一條麵都掛滿曬蝦汁🥹不得了餐廳好細心，鮮海蝦幫你去殼，食起上嚟好方便，蝦頭仲有大量膏😋好爽口，除咗豐富嘅湯底，配料一啲唔馬虎，配上木耳絲，櫻花蝦，鐘意食蝦嘅一定要試🦪🍜鯛魚 x 牡蠣湯拉麵睇menu 個陣，俾張相吸引住🤤好特別嘅配搭🥰好大隻廣島蠔，煙燻豬腩肉，三文魚籽，柚子醬，超多野🤭筷子都唔知夾邊度好，個湯底好正🥹濃濃鯛魚香，勁快清曬😋🍶花雕酒漬 新鮮鮑魚好大隻鮑魚，淡淡酒香，切片，爽口彈牙，超新鮮🥟自家製阿根廷紅蝦雞肉餃子 （3隻）即叫即整，估唔到雞肉同蝦好夾，啖啖鮮甜，3隻唔夠食🤭

📍寶琳 蝦魂最近食拉麵嘅選擇都多咗好多，今日就去左寶琳新開叫做「蝦魂」嘅拉麵店，見到佢哋嘅招牌拉麵係利用濃厚蝦湯製成嘅拉麵。佢嘅餐廳位置非常方便，係位於寶琳站新都城一期，落咗車步行唔使1分鐘就到。蝦紅湯拉麵 $108佢呢個湯底係用蝦殼打碎而成，係運用咗紅蝦、虎蝦、阿根廷紅蝦等嘅種類而成，味道非常之濃厚，好似飲龍蝦湯咁樣。而佢嘅面質都非常有質感，加上櫻花蝦一齊食用，非常有層次。美國和牛肩胛肉眼醬油牛骨清湯拉麵 $98佢呢一個湯底比較清淡，係採用清湯加上醬油而成，而去嘅牛肉份量非常之多，鋪滿咗成個拉麵，而佢嘅肉質非常嫩滑，仲要好有牛味，加上菇嘅質感同埋佢特別嘅麵條，成個組合都非常之啱🥹。阿根廷紅蝦雞肉餃子 $48呢一個餃子配搭非常特別，每一舊都會有一隻蝦加上雞肉肉，而食上嚟都好match。另外配上店員提供嘅醬汁，酸酸咁非常之開胃。

以木系簡約風作裝演，半開放式的門面，感覺舒適～ 除咗主打嘅蝦湯拉麵，亦有其他湯底拉麵～✮蝦紅湯拉麵 $108湯底用咗龍蝦、虎蝦、阿根廷紅蝦、日本櫻花蝦，經過多重工序，每日新鮮熬煮4小時，加上秘制蝦油醬，湯頭非常香濃、鮮甜😍配上自家製新鮮麵條及蝦，蝦已脫殼，方便食用，彈牙鮮甜！拉麵軟硬適中，好掛湯😋✮美國和牛肩胛肉眼醬油牛骨清湯拉麵 $98牛肉拉麵好少食，咁就試下啦～ 表面鋪滿和牛肩胛肉，配上醬油牛骨清湯、秀珍菇、白蘿蔔及半熟溏心蛋，牛肉軟嫩有牛味，喜歡清清地嘅可以試下～✮自家制阿根廷紅蝦雞肉餃子 $48好大隻餃子，入面有原隻阿根廷紅蝦及雞肉，面頭仲櫻花蝦，食落口感好豐富！✮雞湯浸蘿蔔 $28拉麵店有蘿蔔，真係幾特別😝蘿蔔軟淋，吸收曬雞湯的精華，表面仲有瑤柱絲，好甜😋

廣島蠔x鮮蜆鮮魚蠔湯拉麵($98/午市套餐/跟餃子一份及汽水/星期一至五）★－:+:－:+:－:+:－:+:－:+:－:+:－:+:－:+:－★​好日唔去將軍澳，今日要去寶琳站做嘢，聽說呢區叫美食沙漠🤔搵到間唔錯嘅拉麵店，店內空間比一般拉麵店寬敞，枱凳闊落，員工有禮，可掃QR Code落單；招牌口味係蝦紅湯拉麵，不過我揀咗另一款「廣島蠔x鮮蜆鮮魚蠔湯拉麵」，廣島蠔脹卜卜，甘香鮮甜，唔會煮得過熟；湯頭順口，creamy；麵條標榜用日本小麥粉製，口感軟滑，掛湯力理想，如果有得揀再硬身啲嘅麵質就更好；午市套餐配兩件餃子，餡料飽滿，唔會煎得好油膩

💠 蝦紅湯拉麵🦐🍜啖啖湯都超濃郁蝦味，原來餐廳係用左唔同種類嘅蝦，每日新鮮熬煮4小時而成😯😊再配埋餐廳嘅自家秘製蝦油醬同埋大量櫻花蝦，層次好豐富，蝦味喺我個口度散發哂出黎！拉麵都好入味，仲有4隻剝左殼嘅蝦，幾好味😋💠美國和牛肩胛肉眼醬油牛骨清湯拉麵🐮🍜廚師用左24小時慢火熬製嘅牛骨清湯😍湯底清澈一啲都唔覺油膩！仲有好多塊美國和牛肩胛肉眼，肥瘦適中大大塊，肉味都幾濃郁😌拉麵幼身彈牙，仲有白蘿蔔同埋秀珍菇等配菜👍🏻💠自家製阿根廷紅蝦雞肉餃子🥟好特別！從來無食過呢款嘅餃子😊餃子入面係用左原隻阿根廷紅蝦，加入雞肉！餃子餡料好豐富，食落口有啲嚼感，仲食到蝦嘅鮮甜味🦐👍🏻💠花雕酒漬新鮮鮑魚🤗原隻切片上嘅鮑魚，彈牙爽滑🤩仲有淡淡酒香味！🎀😊餐廳舒適寬敞，上菜速度快，餐廳店員服務態度好友善，抵讚👍🏻

位於將軍澳寶琳運亨路一號新都城中心一期2樓241，250及251號舖的蝦魂，主打日式拉麵。餐廳的格局相對開揚通風，而且地理位置方便，由寶琳地鐵站步行約五分鐘即可到達。剛入座時，店員會細心地詢問食客需要冰水還是暖水。用餐期間，職員也有勤快地為食客加暖水或冰水。餐廳採用手機掃描二維碼下單，食客可以慢慢考慮。店員也有提供更為詳細的實體餐牌。約十分鐘後，食物開始陸續上桌了。📌蝦紅湯拉麵 - $108Shrimp Bisque Ramen職員用一個木盤子端來拉麵，順道奉上筷子、湯匙、餐巾等，感覺精緻又整齊。。輕輕呷一口蝦湯，質感濃厚。蝦殼打得十分細碎，在蝦湯內能感受到少許蝦殼的質感。湯底使用多種不同種類的蝦，包括：龍蝦、虎蝦、阿根廷紅蝦、日本櫻花蝦等，經過先焗、炒、煮、熬多重工序每日新鮮熬煮四小時，配上自家秘製的蝦油醬，提升湯底味道細緻、層次更豐富，達到濃而不濁。麵條採用日本小麥粉新鮮製造，小麥的味道頗為濃郁。筆者相對愛吃較為爽身、有嚼勁的拉麵。拉麵質感不會過腍，熟度剛剛好。這款拉麵的配料還包括有三隻鮮海蝦、半隻溏心蛋、木耳絲、日本櫻花蝦、自家秘製蝦油醬及紫菜。所有配料配搭得宜，仿如合力為食客彈

🍜 蝦魂 (將軍澳) 📍今次又嚟到將軍澳搵拉麵食啦，呢間又係新開🆕，見佢社交平台寫到不含味精、真材實料又自家熬製🍲，唔知質素點呢？🍴蝦紅湯拉麵 $98一上到嚟，已經聞到好濃郁嘅蝦味🦐，聽到連隔籬枱都話好香😂。一飲嗰湯底，第一啖濃郁到有少少似龍蝦湯浸味🦞，濃而不膩，會慢慢咁飲上癮🥣。而嗰4隻蝦好鮮甜，係食到啖啖嘅甜味🍬，同好彈牙🦷。🍴廣島蠔 X 煙薰豬腩肉 — 鯛魚蠔湯拉麵 $98呢一個好新穎✨，會有三文魚籽、柚子醬🍊、再加上廣島蠔🦪同埋煙燻豬腩肉，配埋鯛魚蠔湯🐟，令到個湯底勁奶白色🥛，而個味就有好多唔同嘅層次。🍴花雕酒漬 新鮮鮑魚 $32個鮑魚肉質爽口彈牙，酒味唔會好重🥃。🍴自家制阿根延紅蝦雞肉餃子（3隻) $48呢一個幾特別，係每一隻餃子都會連住一隻蝦🥟，煎到好脆同埋好Juicy💦📍蝦魂 (將軍澳) @ebitamashi

今日去寶琳新都城中心嘅朋友屋企敘舊，見到有間新開主打新鮮熬製湯底叫「蝦魂」嘅拉麵店，決定試一試。我哋嗌咗蝦紅湯拉麵、虎蝦乾海味炊飯、自家製阿根廷紅蝦雞肉餃子同慢煮雞胸。餐廳嘅拉麵全部都喺使用日本嘅小麥粉新鮮製造，咬落去煙韌唔易斷，蝦紅湯底就用咗龍蝦、虎蝦、阿根延紅蝦同日本櫻花蝦等四種唔同種類嘅蝦去新鮮熬煮，配上自家秘制的蝦油醬，令到湯底嘅蝦味非常香濃，層次豐富，絕無添加味精，夾埋木耳絲一齊食索哂汁，日本溏心蛋有半生熟嘅口感；炊飯我哋揀咗雞白湯，用日本嘅珍珠米，口感煙靭，配料有乾瑤柱、櫻花蝦、花菇粒同虎蝦粒，令到成個飯充滿着海鮮嘅鮮味，濃稠嘅雞白湯會掛喺啲飯粒身上，將湯、飯同配料放喺隻匙羹上面一啖一啖咁食，就可以食得出口感層次豐富而鮮味十足；紅蝦雞肉餃子幾特別，一隻紅蝦混合豬肉餡，再用餃子皮包住去煎，面頭有一堆櫻花蝦碎，非常香口；慢煮雞胸喺薄片嘅形式，用慢煮嘅方法去烹調可以令到雞胸非常之嫩滑，配埋雞白湯一齊食非常夾，賣相亦都好似一朵花咁靚。極度推介住寶琳或將軍澳嘅朋友去試一試呢一間充滿誠意嘅拉麵店！📍將軍澳寶琳運亨路1號新都城中心一期2樓241, 250&251號舖位置就腳：🍊🍊🍊🍊餐廳