蝦蝦燒 (已結業)

經常喺IG見到呢間餐廳，就去試試。一嚟到店員就好熱情講解食用方法同埋燒海鮮技巧，三人食，分配咗一個爐，都足夠燒！第一次嘗試呢種燒烤，覺得好新奇。見到都有五、六條長流水蝦池，現夾現烤！鮑魚、生蠔、元貝...... 海鮮無限量供應。（見到佢嘅海鮮攤，以為自己去咗街市，種類豐富🤣🤣🤪）特別推薦呢一份鱔魚，佢係每一台限量人頭一份，燒起嚟魚肉特別鮮甜，第一次食呢一款魚，有被驚艷到😍三百幾蚊一位，有得食又有得玩，價位中肯。環境尚好，人不少但不用等位。2小時任食，一定能食到爽，記得要提前訂位 總體來說💁‍♀️⭐️裝修環境新、乾淨⭐️每桌旁邊都有流水蝦，仲可以賞蝦😂⭐️食物多選擇⭐️海鮮可以自己燒

小橋流水人家，晚飯有魚有蝦 … 臨近母親節，預先同媽咪慶祝母親節，再嚟encore蝦蝦燒媽咪最鍾意食海鮮 ，所以今次揀咗呢一間同佢食。一家集合了炭烤，小菜，鮮活海鮮一身的餐廳👏🏻👏🏻👏🏻每個座位旁邊都有蝦缸，客人可以直接夾起活蝦即燒即食，夠曬生猛！場內亦有超過30款的燒烤食物、中式料理、雪糕甜品等。因為燒熟都要一段時間，就梗係食下小菜，有拍青瓜、炸蟹鉗、牛腩炆蘿蔔、咖喱魚蛋等等👍🏻味道唔差！終點推薦當然係燒蝦，蝦肉啖啖肉，很過癮。其他海鮮都好生猛新鮮，飲料甜點除了果汁汽水，還有各類酒水。餐廳晚市人數都唔少，但勝在有環境寬敞舒適，體驗感很好。終點推薦當然係燒蝦，蝦肉啖啖肉，很過癮。飲料甜點除了果汁汽水，還有各類酒水。環境優雅，餐廳的座位寬敞舒適，體驗感很好。

今日親子樂帶啲小朋友去食蝦蝦燒🍤，對佢哋來講有得食嘢有得玩就真開心，對我來講，帶佢哋去一個地方就可以滿足到佢哋兩樣嘢✌🏻我今日揀咗荃灣嘅蝦蝦燒，去到嘅時候，小朋友見到呢啲客好興奮，好踴躍咁睇個蝦池度逐隻逐隻夾啲蝦上嚟，之後嗰度嘅工作人員又好細心咁樣教到我哋首先要將啲客放喺d冰塊入邊將啲蝦焗暈，再放上爐燒，除咗蝦我哋又食咗扇貝，蜆，同燒生蠔🦪，除咗食海鮮，我哋都有拎啲肉類食物，我就比較欣賞佢嘅牛同雞啦，至於我啲小朋友，就梗係最欣賞佢嘅雪糕啦🍦，佢嘅雪糕係無限量供應👍🏻

一定要同大家介紹呢間好食又好玩嘅餐廳！😛 好似喺香港食過咁多餐廳，都從來未試過可以食咁新鮮嘅蝦！🦐🦐🥰 點解會話極新鮮❓因為全部仲游緊水嘅蝦蝦，都係要食客自己落手落腳咁去捉‼️成個用餐體驗都好好玩😝😍😍😍蝦蝦燒放題2.5小時收費：▫️$338/位（另收加一）所有提供嘅食物都是任燒，海鮮當然係重頭戲主角啦！💖 套餐本身奉送白鱔串燒同貴妃蚌，真係超好食。白鱔個皮燒得好香脆，肉質嫩滑，油脂香氣撲鼻！貴妃蚌啲肉超級juicy，可惜無得添點！🥺▻▻▻ 海鮮🐙 ◅◅◅海鮮凍櫃放滿咗各式各樣嘅海鮮，有生蠔🦪、鮑魚🐚、蜆🐚、螺、元貝、魷魚🦑，仲有原條嘅海魚🐟🐡🐠，真係超級抵食！！！店員周不時會添加返啲海鮮落去，所以每次去攞都一定有足夠嘅份量！感覺自己就嚟將成個海洋🌊食咗落肚，好誇張！其中有幾樣海鮮係回本之選，值得推介俾大家～( ´ ▽ ` )ﾉ-🌟 燒生蠔同埋燒蜆係必食，味道新鮮，汁極甜！😆😆✨🌟 鮑魚就需要多啲準備步驟，因為怕燒嘅過程會彈到，所以店員都建議我地起殼先放上爐。🔥 其實店員好好人，不時都會過來幫下手，但我地都要自己剝下殼，其實唔算難，不過有時食食下都會懶，寧願轉戰其他美食haha！🤪🌟 燒大

📌 蝦蝦燒📍 荃灣 Tsuen Wan今次係海鮮篇💜 同大家介紹一下有得玩又有得食嘅母親節大餐!!!🤩🤩❥ ❥ 超好玩流水蝦體驗❤️‍🔥水缸內有好多生猛游水嘅流水蝦蝦🦐 我勁鐘意攞住冰桶去捉蝦蝦🦐 佢地都幾生猛, 彈下彈下咁, 所以大家夾嗰時都要小心啲, 最緊要速度夠快，如果唔係佢地掙扎嘅話啲水好容易濺到自己😂 夾咗上水就要即刻放入去冰桶凍暈, 等幾秒佢地已經好快暈咗😓 咁就可以放上烤爐燒啦！🤣隻隻蝦🦐都好新鮮同大隻, 大家記得留意住個時間, 唔好燒太耐, 適當地翻下蝦身, 見到顏色變紅之後等多一陣, 差唔多就食得架啦! 要趁蝦肉新鮮彈牙嗰時食先係最好食!!!🤩❥ ❥ 任食海鮮串燒蔬菜❤️‍🔥呢度set咗一個自助區, 俾人隨時出去任攞海鮮, 有鮑魚、生蠔、魚、帶子及多款蜆，全部都好鮮甜😋 肉類串燒✨、丸類✨、香腸✨、雞翼✨、蔬菜✨嗰啲全部已經預先插好牙籤, 一攞返去就可以燒, 唔洗額外處理, 超級方便!🤤 牛柳粒、雞軟骨、雞腎、豬肉、金菇肥牛卷全部都好正!!! BB番薯造型得意，味道好香甜！🥰❥ ❥ 任食熟食甜品飲品❤️‍🔥熟食✨、甜品✨同飲品✨選擇豐富, 仲有車仔麵可以淥嚟食! 雪糕有好多

第一次試食，服務員態度非常友善，細心講解、介紹，令人很親切食物品質良好，鮑魚非常新鮮，還會在動。扇貝也很好味，食材非常好，值得再去。夾蝦🦐有技巧，溫柔、準確地夾，可說是，有得吃、有得玩，感覺很好。

今次黎到呢間蝦蝦燒，地點真係十分之方便，以前食流水蝦都要去到屯元天，依家去荃灣就食到喇，真係岩曬為食既朋友仔。店舖面積都幾大，有4,5條流水線，係4人卡位中間，方便兩邊客人夾，流水線d蝦隻隻都好大隻，全部都係羅氏蝦黎，即係大家平日叫既大頭蝦，蝦頭好大，而且有膏食，燒黎食就真係一流。店仲有埋冰同筒，比大家夾完之後，凍暈d蝦先，咁燒起上黎玄唔會跳跳下，即夾即燒，肉質好結實彈牙，而且仲有唔少海水味，真係十分之美味可口。除左照牌大頭蝦之外，仲有唔少其他海鮮，有生蠔，扇貝，原條大眼雞，原條鰂魚，燒起上黎，肉質好味鮮嫩，真係好過癮。肉類丸類方面簡唔少，牛仔骨，羊架等等都有，食落都好新鮮好嫩，岩曬即燒，好惹味。

呢日黎到荃灣呢間蝦蝦燒，佢係位於大鴻輝既，一入到去已經見到D雪櫃度放滿左好多串燒，另外仲有個冰櫃放滿左海鮮同好多唔同款既魚！仲有雪櫃放左好多款飲品！ 入到去仲見到好多個魚缸放滿左勁生猛既大頭蝦！坐低冇耐店員就俾左一盤一早已經凍暈左既大頭蝦我地燒住先，係燒緊呢轉大頭蝦既同時我地就出左去拎一D我地想食既食物，當然唔少得海鮮啦！估佢唔到呢度有咁多款原條既魚，真係食到我地好開心！ 我地燒緊第一轉既蝦同時都拎左個冰桶出去拎冰，準備係魚缸入面夾D大頭蝦上黎凍暈佢！呢個動作可以減少D蝦俾人燒個陣既痛苦同埋令到佢地燒緊個陣唔會因為太熱而彈黎彈去！佢有咁多款海鮮，我都燒左好多條魚，佢個爐唔會好大煙仲有兩層，燒起野食上黎都幾快，D野食都熟得幾快！另外仲有一D BBQ會見到既串燒類,全部都已經幫你串好哂，放係個櫃度夠哂乾淨衛生！佢仲有好多款雪條同雪糕，慢慢食3個鐘真係夠哂開心!

第一次去食海鮮燒烤放題中意食海鮮的朋友可以一試其實價錢都唔平，星期六日lunch $368 一位,無記錯用餐廳online 官方platform book位有8折當日下午同男朋友去食，場內有3張枱，因疫情關係，最後都係坐左1/3個場左右話食2.5個鐘，最後我地燒下同食下，食左3個鐘先走個燒烤爐啲火力真係唔高，如果4人用一個咁細的爐，都要花好多時間先等到啲食物熟透才可以食，相信係餐廳的策略吧兩個人用咁細個爐就差唔多，當日見有幾個家庭的小朋友（大約7-9歲）坐在一枱燒，玩得叻過我好多，而家啲小朋友真係幸福呀職員無教我地點燒鮑魚，其中一個職員經過見我地連殼燒，就話比我知需要剪開個殼，不連殼燒，否則易爆開，啲鮑魚都幾大隻同鮮味入座果陣送左兩串饅魚，味道唔錯。仲有蒜茸牛油蝦,啲蝦有比較有傷害，相信係死蝦或者唔新鮮的蝦，撈在同一個錫紙盒內廢事就咁掉咁曬，所以送比每枱客食。釣上來的蝦口感就爽口好多，不過都幾難夾蝦，啲蝦多數游得好快又生猛，我都係交比坐我對面的猛男搞掂晒，我負責燒同食😂😂😂窩夫大人細路仔都中意食，貪佢燒一燒就食得，燒菠蘿好大舊仍好juiscy, 雞肉同豬肉串燒，蒜茸包，丸類，尤魚都唔錯

放假就梗係要瞓到自然醒然後周圍去搵好西食啦！最近見到好多人都講呢間蝦蝦燒，所以我都喺晏晝冇咁逼人嘅時間去試吓，避免蝦蝦燒群組呀嘛！ 雖然呢度係話主打食蝦，但係佢嘅海鮮同埋肉類一啲都唔遜色，當然我玩得最開心嘅都係自己釣蝦上嚟自己燒啦！就坐喺個蝦缸隔離，差唔多食晒就落手釣上嚟，釣完上來因為太過新鮮生猛嘅關係所以佢要掙扎一段時間，用冰水冰暈佢再燒。 其他海鮮我都不停咁幫襯尤其是係貴妃蚌，大大隻啖啖肉，我都encore左3、4 round! 其實肉類我都好想食多啲不過個胃有限，淺嘗左羊架同埋幾串串燒就攻返海鮮回本！雪糕同埋飲品都有好幾個大櫃，連啤酒都係免費飲其實真係唔貴！抵食！

入到舖頭見到既係一個個既食物櫃同飲品櫃。款式都好多，再吸引人眼球既就係一排排既水池裡面養住新鮮既蝦🦐，第一次見到咁大陣象跟住落黎就係一直燒一直食，不過熟食既選擇冇咁多，而等爐上面既野食需時，整體黎講值得一試，好玩

小時候曾到過釣蝦場玩，在餐廳可以玩釣蝦及任吃真是第一次！這個場本是一間我曾幫襯過的任食火鍋店，蝦蝦燒承接了這裏雖然還保持了一點點舊主的裝潢，其實置入蝦缸，整個地方已很不一樣。 店員會詳細介紹所有用具、釣蝦規矩，BBQ爐有兩層，會出水的海鮮最好放下層，肉類放上層，這樣一來，即使海鮮的水溢出都不會水浸肉類。蝦兒們都非常生猛，還未熟手的我會被牠們弄得濕身，其他食客見我雞手鴨腳所以會討論一下秘訣種種，所以這裏除了食，真的還有玩！ ➡️ 蝦兒們生猛得很，新鮮度毋庸置疑，其實牠們不是平時吃的海蝦或養蝦，而是紅蝦，蝦身肉較少，蝦頭膏多。 ➡️ 其他海鮮如青口、大大隻的墨魚筒、大蜆、貴妃蚌、帶子、蠔等都不遜色，我們也奮力抵抗吃到底，不讓紅蝦們獨享爐頭！其實我最喜歡是貴妃蚌😋 ➡️ 肉類都是大量的選擇，我們只是隨便的取了兩串串燒、牛仔骨、羊架，畢竟胃容量有限嘛。 ➡️ 我對於飲品及雪糕都總類都很滿意，飲品選擇真的超多，就連啤酒也可以；雪糕雖不是貴價貨，但也有至少兩個牌子選擇，味道當然更多！

一直都好想試下流水蝦放題，終於都約到朋友去試喇。入座時店員會略略講解燒海鮮要注意嘅事項，之後就會按人頭送白鱔一串，白鱔皮燒到脆口，肉質好滑好好食，可惜唔係任食🥲不過都唔緊要，呢度仲有好多唔同種類嘅海鮮🤤流水蝦超生猛，夾上來都唔容易，要小心啲水濺到身上😂將蝦放入冰桶凍暈後，就可以放上烤爐燒。即燒活蝦真係好鮮味，有蝦膏又彈牙真係燒唔停密密食😋除左流水蝦外，其他海鮮都係任食，有鮑魚、生蠔、魚、帶子及多款蜆，全部都好鮮甜😋自助區嘅幾個大雪櫃仲擺滿其他食物，如各款肉串、雞翼、腸類、丸類及蔬果類等，另外仲有冷盤、熟食、甜品及飲品等，真係有好多選擇🤩人均$338任食2個半小時，淨係食海鮮已經夠回本，已經同朋友約定下一次再嚟😆

流水蝦源自泰國！！😆😆賣點係係餐桌邊設置一條長長的水缸～而且呢度仲可以任食足2.5小時😝水缸內有好多生猛游水大頭蝦🦐🦐全部新鮮又大隻，可以自己攞冰桶去捉蝦蝦🦐有得玩又有得食，蝦肉新鮮彈牙 正正正！！🤩海鮮除左蝦，仲有帶子、蠔、蜆、魷魚同原條魚🐠除咗海鮮之外呢仲有肉類、瓜類等等可以燒🍢牛扒 、豬扒 、雞翼、日式雞串、羊肉串、菠蘿等有超過30款的燒烤食物 🍴D肉未熟就可以去夾住D熟食食左先！！🥢熟食方面都好多款式架 有炒蝦、魚蛋、炸餃子等🥟真係好正好吸引！ 🍴飲品仲有多款汽水及紙包飲品而甜品都好正架！🧃食到真係好滿足啊～🍻

與朋友去咗荃灣新開嘅「蝦蝦燒」食流水蝦+海鮮+自助串燒燒烤放題($338/2.5小時)。.餐廳佔用全層，環境又大又闊落，多條長型魚缸內有眾多大頭蝦游來游去，而座位設於魚缸兩旁，方便食客隨時都夾到新鮮生猛大頭蝦👍🏻食客可先於自助區取冰及水，再將大頭蝦放入冰桶內凍暈，之後剪去蝦腳及觸鬚，就可放於烤爐上烤熟，其間可自行添加調味料調味；另自助區嘅食物都幾多，有多款新鮮海鮮、肉類、蔬果及熟食等供應。海鮮非常新鮮，必食嘅有鮑魚、蜆、扇貝及貴妃蚌，食多幾轉已可回本😆整體食物質素唔錯，大頭蝦有好多蝦膏，蝦肉又爽彈😋鮑魚非常生猛，食落有嚼勁但唔韌😋貴妃蚌及蜆非常鮮甜😋另每位食客均可獲分配一串燒白鱔，白鱔厚身入味好好食，但只可惜得一串。