影片
更多
2022-05-05
106 瀏覽
一定要同大家介紹呢間好食又好玩嘅餐廳！😛 好似喺香港食過咁多餐廳，都從來未試過可以食咁新鮮嘅蝦！🦐🦐🥰 點解會話極新鮮❓因為全部仲游緊水嘅蝦蝦，都係要食客自己落手落腳咁去捉‼️成個用餐體驗都好好玩😝😍😍😍蝦蝦燒放題2.5小時收費：▫️$338/位（另收加一）所有提供嘅食物都是任燒，海鮮當然係重頭戲主角啦！💖 套餐本身奉送白鱔串燒同貴妃蚌，真係超好食。白鱔個皮燒得好香脆，肉質嫩滑，油脂香氣撲鼻！貴妃蚌啲肉超級juicy，可惜無得添點！🥺▻▻▻ 海鮮🐙 ◅◅◅海鮮凍櫃放滿咗各式各樣嘅海鮮，有生蠔🦪、鮑魚🐚、蜆🐚、螺、元貝、魷魚🦑，仲有原條嘅海魚🐟🐡🐠，真係超級抵食！！！店員周不時會添加返啲海鮮落去，所以每次去攞都一定有足夠嘅份量！感覺自己就嚟將成個海洋🌊食咗落肚，好誇張！其中有幾樣海鮮係回本之選，值得推介俾大家～( ´ ▽ ` )ﾉ-🌟 燒生蠔同埋燒蜆係必食，味道新鮮，汁極甜！😆😆✨🌟 鮑魚就需要多啲準備步驟，因為怕燒嘅過程會彈到，所以店員都建議我地起殼先放上爐。🔥 其實店員好好人，不時都會過來幫下手，但我地都要自己剝下殼，其實唔算難，不過有時食食下都會懶，寧願轉戰其他美食haha！🤪🌟 燒大
蝦蝦燒放題2.5小時收費：▫️$338/位（另收加一）
所有提供嘅食物都是任燒，海鮮當然係重頭戲主角啦！💖 套餐本身奉送白鱔串燒同貴妃蚌，真係超好食。白鱔個皮燒得好香脆，肉質嫩滑，油脂香氣撲鼻！貴妃蚌啲肉超級juicy，可惜無得添點！🥺
▻▻▻ 海鮮🐙 ◅◅◅
海鮮凍櫃放滿咗各式各樣嘅海鮮，有生蠔🦪、鮑魚🐚、蜆🐚、螺、元貝、魷魚🦑，仲有原條嘅海魚🐟🐡🐠，真係超級抵食！！！店員周不時會添加返啲海鮮落去，所以每次去攞都一定有足夠嘅份量！感覺自己就嚟將成個海洋🌊食咗落肚，好誇張！其中有幾樣海鮮係回本之選，值得推介俾大家～( ´ ▽ ` )ﾉ
-
🌟 燒生蠔同埋燒蜆係必食，味道新鮮，汁極甜！😆😆✨
🌟 鮑魚就需要多啲準備步驟，因為怕燒嘅過程會彈到，所以店員都建議我地起殼先放上爐。🔥 其實店員好好人，不時都會過來幫下手，但我地都要自己剝下殼，其實唔算難，不過有時食食下都會懶，寧願轉戰其他美食haha！🤪
🌟 燒大眼雞魚魚皮焦脆，肉質好鮮甜，雖然有少少骨，有啲澩嫪😵💫，但係街市買一條都起碼要幾十蚊，呢度可以任食真係好正！🤤🤤🤤
▻▻▻ 流水蝦🦐🦐 ◅◅◅
講返夾流水蝦先，其實成個experience真係幾有趣。🤩
🌟 餐廳預備咗冰粒🧊同埋鐵筒，方便我地一夾起之後可以放入去凍暈啲蝦。如果鐘意乾淨，仲可以趁啲蝦暈咗嗰時剪定啲蝦腳。✂️
美中不足嘅係餐廳無提供手套🧤，好彩有提供濕紙巾，同埋有洗手盤，都算衛生！🦐蝦肉彈牙，而且中間夾有肥美嘅蝦膏，非常邪惡！❤️🔥
▻▻▻ 串燒🍢 ◅◅◅🌟 餐廳提供咗好多肉類串燒，已經預先插好牙籤，非常方便鐘意食野嘅懶人！款式包羅萬有，有牛柳粒、牛仔骨🍖、羊肉粒、沙爹雞肉🐓、雞軟骨、雞腎、豬肉、金菇肥牛卷🥓等等。
🌟 丸類方面都有好多種選擇，不過我地覺得難得嚟到放題，梗係食平時比較少食嘅野，所以無咩攞到。我淨係試咗台灣蜜味腸🍗，超香甜，好有夜市風味！😋😋
🌟 蔬菜有啲驚喜，有BB迷你紫番薯🍠🍠、南瓜、翠玉瓜🥒、菇類🍄等，仲有waffle同蒜茸包可以選擇！🧇🍞
▻▻▻ 熟食 ◅◅◅
其實我地無咩試呢度嘅熟食同埋車仔麵，不過見到啲餸個樣都唔錯嘅，如果一開始等緊個爐燒旺啲而又有啲肚餓可以食住等！🍽我自己夾咗西蘭花🥦、生腸同埋少少鹵水雞腎，原本有啲想試下椒鹽蝦🍤🍤，但屋企人話一場嚟到梗係留肚食咗新鮮流水蝦先，所以我最後都無試到！🤣🤣
▻▻▻ 甜品、飲品 ◅◅◅
甜品冰櫃有一啲香港製造嘅雪糕🍨同埋水果味雪條🍡，我自己食咗玄米茶味嘅雪糕同埋菠蘿味雪條，兩個都幾好味！不過食完重口味嘅串燒，會覺得菠蘿味雪條🍍🍧清新啲！飲品同一般放題差唔多，我自己揀咗茶類同埋水🍵🧃，不過鐘意飲返杯嘅朋友嚟到可以飲啤酒🍺！
題外話💬：食食下望到隔離個水缸，動了惻隱之心，覺得明明佢地仲紮紮跳，游得好快，生猛過自己。👻 但偏偏佢地嘅生命身不由己，放得入去水缸就註定要俾人食，仲要唔知自己邊一刻會俾人夾起煮嚟食......🥹🥹🥹 唉...... 自己夾夾下都覺得有少少殘忍，後來已經唔捨得食佢地，放棄咗夾，變咗睇「蝦樂無窮」🤣🤣🤣 其實啲蝦蝦好盞鬼，有時會互相打下架，齋望住佢地都覺得幾得意！😽😹
≡※≡※≡※≡※≡※≡※≡※≡※≡※≡※≡※≡※≡※≡※≡※
蝦蝦燒 (荃灣)
荃灣眾安街55號大鴻輝(荃灣)中心11樓
≡※≡※≡※≡※≡※≡※≡※≡※≡※≡※≡※≡※≡※≡※≡※
張貼
