蝦蝦燒

營業中

休息中

.⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯已經去過依間餐廳好多次，每次去嘅感覺都幾好，但係今次第一次同屋企人食，其實每一次喺嗰度燒嘢食都係燒到兩三個鐘，特別鍾意氣氛，慢慢燒嘢食嘅時間都可以見到啲蝦喺旁邊游嚟游去，心情都跟着愉快起來🥰首先會上鹽焗蝦同一份醃過醬汁嘅白鱔，食物種類真係好多，等緊嘢食熟嘅同事呢可以出去煮下蔬菜或者係有熟食可以攞個爐可以上下兩層焗，流水蝦非常之大隻同埋好味，有啲入邊仲有蝦膏，夾起佢之後要即刻放落去啲冰水度凍住佢，肉質鮮甜彈牙外面自助區有好多海鮮選擇，例如生蠔、扇貝、蜆、鮑魚同幾款魚種！我最鍾意食扇貝同蜆！另外發現鱸魚都真係好好食串燒款式有大概有四五十款咁多！諗得到嘅通常都會有，真係好多啱晒所有人一齊食飯，而且飲品選擇好多！如果唔想錯過其他好介紹，記得follow我呀😘多謝大家！！！你嘅支持就係我嘅動力！記得點讚❤️⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯蝦蝦燒 (佐敦)佐敦白加士街10-24號永富大廈1樓⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯

在場新鮮的活捉蝦很好玩呢！而且種類很多，可以任吃肉類、蔬菜與海鮮！整個體驗都很不錯呢~~入場起計有足足2.5小時，時間很充足！而且燒爐的火喉都可以自己調較，上下兩層食物都燒得很不錯呢~~最估不到就是源源不絕的海鮮自助供應，每次去的種類都很多！坐下先來的是貴妃蜆及白鱔 (限量的)，然後出去自助的有扇貝、鮑魚、沙白蜆、生蠔等等~~有自助雪糕及飲品吧，啤酒、韓國酒都可以任飲啊！除了海鮮，還有牛、豬、雞肉，每次燒時都可以加入不同醃料就有不同口味，令口感層次提升不少！最喜歡當然是活捉蝦環節，即夾即燒，夾著後立刻冰凍再燒，肉質很好，能保持它的新鮮度~~

除了燒蝦以外，其他海鮮的款式有很多，好似蠔，扇貝，鮑魚，魚等等，非常喜出望外。燒海鮮可以配搭蒜蓉，牛油，鹽等配料，好玩又好食。海鮮真的沒有想像過這麼新鮮，覺得完全對得起這個價錢。除了海鮮之外還有其他燒烤的食材如羊架，牛小排等等，選擇也不少。飲品飲任，每人還送了一串鰻魚。整體感覺非常好，侍應的服務也很貼心，很頻密清理枱面，又會教你點樣去燒。只是燒烤爐爐面略為細一點，我們2人還好，人多就可能要密密燒，2.5小時也只是剛剛好。真心推介這家餐廳

講起流水蝦一定諗起蝦蝦燒，有新鮮生猛既蝦俾你即夾即燒，咁有風味既地方真係去邊到搵？除左水缸入面紮紮跳既蝦，出面仲有海量款式既串燒同海鮮俾你夾，我就高度推介扇貝同蠔！又大隻又肥美鮮甜，搭配粉絲同蒜蓉去燒真係極出色，我諗我今晚食左起碼各10隻！鐘意食魚既仲可以燒魚添，條條都好大條，啖啖肉！除左海鮮串燒任食，仲有多款熟食，甜品同飲品，連啤酒同韓國燒酒都任你飲，抵到哭！埋單只係每人＄3xx咋，真係滿足到傻！

好開心呀帶爸爸去食蝦蝦燒~真係冇諗過咁高質..呢個價錢有呢個質素真係超值, 佢有勁多唔同種類的野食..最正係好多好多款唔同的海鮮....當然流水蝦都好好食!!!職員講解好詳細!!!我想講佢有兩層好方便~亦都可以check下d唔同的食物燒幾耐~真心!!!連魚都有好多款!!!!!!!!!!!!!!!!!!!未試過的朋友強烈建議要去試下丫=]仲有佢的甜品雪糕好出色, 唔係成日見的雪糕~但係........試左coffee味同奶茶味都好正!!!另外..佢飲品款色多....亦有調味粉比你係燒野食時作調味~!!總之回頭率勁高呀~

上次同FD玩完流水蝦，FD都好驚喜，今次特登揾咗一間市中心流水蝦，再來玩下。嘢飲選擇好多，好幾個雪櫃，今次試試韓國鳳梨汽水，鳳梨味好清爽，就燒烤一流。海鮮櫃睇到都勁開心，數款海鮮提供，有鮑魚，扇貝，沙白同海魚等。最鐘意食鮑魚，鮑魚個頭好大，燒完勁彈牙，好味。扇貝落咗蒜蓉辣椒，簡直一流。全晚食咗4-5只。肉類品種都幾多下，普通雞翼豬扒牛扒都會提供，每桌仲會贈送鰻魚串。鰻魚係我最愛，烤完皮啵啵脆，肉好嫩，好味。肉類最鐘意食雞翼，已經醃制過，唔洗落醬已經好好味。蔬菜品種都好豐富，日本番薯仔勁甜，蒜蓉麵包好味。今晚主菜，燒流水蝦。蝦個頭真係好大，仲好生猛TIM。廢咗九牛二虎之力夾到，蝦仲要彈下彈下。不過新鮮蝦真係好好味，點燒都好鮮甜，好高質。最後食得再飽，都要食個甜品，豆腐雪糕唔錯，奶味好重好creamy。食得好飽仲要玩得更開心，難怪FD咁鐘意啦。

之前同FD食過哩間流水蝦，品種好豐富，品質好高啱啱好有FD來香港旅行，想體驗當地特色，咁encore啦！韓國士多啤梨汽水，燒烤一定要飲碳酸飲品，好清爽哩間餐廳嘢食勁豐富，燒烤分為海鮮，肉類，蔬菜類等，仲提供埋數款熟食同埋蒜蓉牛油等配料流水蝦必試，教咗FD點夾蝦後，好簡單已經夾咗兩隻蝦新鮮蝦就係好味，大頭蝦個頭好大，肉鮮甜彈牙，好味食完流水蝦，都可以試試其他燒烤扇貝，有成個巴掌咁大，扇貝肉質好飽滿，食落勁鮮甜，搭配埋秘制蒜蓉醬，可以encore多幾個生蠔鮑魚個頭都唔細，海鮮食落都好彈牙鮮甜。臺灣腸,大蔥豬腩肉,同雞軟骨都唔錯，臺灣腸微甜，豬腩肉落少少孜然辣椒，逼出豬腩肉油脂，食落好香口食到最後一定要食甜品，提供咗數款雪糕，士多啤梨哩款唔錯，唔會好甜，食完燒烤食一流。FD估唔到流水蝦咁得意，仲要好多嘢食，大讚TIM。

想食新鮮生猛流水蝦同海鮮燒烤任飲任食，一定係要去試下蝦蝦燒！今次黎到佐敦分店！一行行魚缸入面裝住好多生猛紮紮跳又大大隻既流水大蝦！海鮮配料區超多選擇！唔同既原條魚類、田螺、扇貝、鮑魚、生蠔！其他肉類配料都好多選擇，牛肉、豬肉、雞肉、台灣腸、玉子、茄子 乜都有！熟食區更加有咖哩魚旦、西蘭花、炸蝦 同唔同既涼拌小食任食～夾齊想燒嘅料 就開動喇！即刻燒蝦、鰻魚、鮑魚、生蠔同扇貝啦！旁邊仲有幾款調味粉比客人任落！邊同朋友吹水 一邊燒，真係好爽！見到成間餐廳都坐滿咁濟 人人都食到嘻嘻哈哈咁，氣氛好好，真係冇揀錯！講返燒野，本小姐至愛就係鰻魚！一路燒，鰻魚既油就一路滴，嘩，燒到啲皮脆脆地 真係超爽口！廚娘上身，去配料區加啲牛油、粉絲、蒜蓉、辣椒粒，登登登櫈！傳說中嘅蒜蓉粉絲燒扇貝上枱喇！燒到飽，就轉戰甜品！點少得雪糕呢～ 仲有飲品同雪糕都好多選擇！真係好耐都冇食得咁痛快！

一大班人gathering，去party Room去到悶？ 捉流水蝦有冇試過？ 佐敦呢間佔地千尺嘅蝦蝦燒，一入到去地方好闊落，而且啲座位四圍都圍住啲魚缸，入邊有非常之生猛嘅大頭蝦！嘢食，飲品，雪糕，熟食醬料都係放題仼攞最吸睛嘅係佢嘅海鮮有烏頭，帶子，生蠔，鰻魚，東風螺，墨魚，醃製過嘅醉蝦，鹽焗蝦，大蛤等等另外，串燒方面有茄子，菠蘿，腸仔，翠玉瓜，總之基本上燒嘢食嘅材料都有齊晒個人最欣賞嘅就係烏頭，經過燒烤之後兩面都脆卜卜，但係魚肉依然好嫩。另外帶子配合左蒜蓉粉絲蒸，鮮味十足。

來蝦蝦燒，主力鮑魚放題，食左兩打超級飽😝，實在食得太多了，清化不來，晚上回去胃痛🙈，d蝦新鮮即夾即燒，爽口好味😍，仲有好可愛既天竺鼠車車雪糕🤗，全埸滿座，最估唔到我即日四點仲book到位囉！😜 Lucky 😘

食午市唔算多人，直接walkin 都ok海鮮種類比一般燒烤店多，味就都唔錯 最鐘意食帶子 好有鮮味 成條魚燒重正但主打嘅蝦真心麻麻～雖然呢度最主要sell體驗 但個水缸太污糟 嚴重影響食欲所以寫左幾隻就停左手 肉類味道都ok 驚起係玉子燒加garlic bread 品但整體感覺嚟講只係不過不失 回頭率唔高 但值得一提係個電爐路會話燒得好慢飲品種類好多 仲有幾隻0卡飲料 （雖然我個人覺得麻麻地）但都可以試下甜品係阿波羅雪糕 味道少假燒窩夫都係麻麻 可以直接跳過用呢個價可以食到更高質嘅餐點🤔

今次嚟到佐敦呢間流水蝦海鮮放題，有好多款唔同嘅海鮮，$348就可以有2.5小時任拎任燒，仲有串燒類，好豐富、款式超級多！而家五點前離座，仲可享有八折優惠，咁抵食即刻去試吓！💗海鮮每個座位隔離都可以夾到生猛嘅大頭蝦，隻隻都游得勁快，要快快脆脆夾起佢，放入冰水度凍暈佢，然後拎去燒，唔係會彈到成身都係！其他海鮮嘅款式都唔少，竟然有原條鮮魚可以拎，超有驚喜，仲有生蠔、帆立貝、鮑魚呢啲都係任拎，食落去都幾鮮甜彈牙，品質都唔錯，都encore咗幾次！💗串燒除咗海鮮檔可以任拎，仲有串燒類都係！佢擺滿三個凍櫃，有蔬菜類亦都有普通嘅雞牛豬串燒，連羊架都有！拎返去燒，可以用枱面嘅各種調味粉作簡單調味，好玩又好食～💗熱食仲有啲熱食比顧客食用，初初嚟到肚餓可以食住當前菜等～💗甜品甜品選擇唔算太多，全部都係雪糕雪條，但勝在口味夠數多，過吓口癮都唔錯～⭐️整體分數：9/10

上次試完荃灣，就去佐敦！今次場地上格調很不同，不過我想講係當你食到好飽好飽，然後要行出去一段路去拎野食呢個諗法都幾唔錯，思考下食D乜，又同時可以當行下消化下！都依然係不缺要去玩的是活捉蝦環節，見到在場好多小朋友都玩得好開心，不過D蝦都幾生猛，一捉就已經彈跳左，咁... 咪仲好，夠新鮮！依然好食，而在場都好多蝦有春添...種類都依然好多，有牛、豬、雞，有蔬菜同有唔同飲品，可以飲啤酒，成個氛圍都幾唔錯，個爐都燒得好快手，兩層真係好好用，今次研究到左右邊兩火熱速度有D唔同，咁就可以考慮將快熟都慢熟的放唔同位置就可以源源不絕食到野食，唔浪費時間啦~~~記住每次都自己調味一下，有4款唔同味道醃，都依然係愛孜然粉，鍾意辣既朋友可以加辣粉都幾辣~~今次自己係出面可以碌菜同麵，自助幾好

嚟到暑假尾聲啦😝😝去玩完一日戶外活動餓到人都癲！有乜好得過去食番個放題補充能量💪🏻呢度可以捉活蝦🦐又有大量食材＆飲品無限提供！最重要室內歎住冷氣咁bbq🔥大人細路都食得玩得開心！. 當日平日時段嚟到限時兩個半鐘任飲任食都係$348@ (另加一)訂位入座帶個人同個胃就得乜都唔使煩😎的確CP值幾高！！最先任務係拎定一筒冰水…然後捕捉蝦蝦…放入冰筒凍暈🦐之後就燒得！馬上有彈牙鮮味蝦蝦食！！另外海量食材之中💁🏻‍♀️Be嘅心水推介有：⭐海鮮類 ✨鮑魚(記得剪去外殼至燒) , ✨扇貝(自製葱花蒜蓉牛油放上一齊烤🤤美味無比!!), ✨鮮魷(爽口又有彈性), ✨海魚(原條燒夠過癮) ；⭐肉類 ✨牛仔骨(肉質ok油花足), ✨羊架(朋友話啖啖肉)；⭐串燒類 ✨魷魚乾(懷舊風味！燒後卜卜脆), ✨鱔肉(每位送上一大串！肥美無得彈)；⭐蔬菜類 ✨日本小紫薯(迷你又甘甜), ✨菠蘿(甜度十足) 等等等😋😋 ⭐飲品類 有多款汽水果汁茶飲酒精！最驚喜係連✨韓國真露 都有！！最後梗要食埋雪糕🍦口味都有好幾種！食到非常夠皮👍🏻👍🏻

海鮮愛好者必選！作為一個海鮮愛好者，這家蝦蝦燒真是必然之選🥲！想不到除了常見的蜆、蝦、墨魚，最吸引是有原條鮮魚可以選，還有活蝦即捉即食！這次試了泥鯭和黃腳鱲，店員已經處理好，不用自己處理，光是這點已經很值得。用烤的方式食，比清蒸的肉質更乾爽，魚味更濃郁，加上微微焦香，令人難以忘懷🥹🥹。活蝦即捉即烤，要先用冰水把蝦凍暈，才可以烤，非常生猛新鮮。肉質彈牙，蝦膏豐富鮮甜，百吃不厭呢！一定要多吃！還有很多款肉、蔬菜可以選，吃夠了海鮮可以轉戰肉類🥩！我就最愛烤菠蘿和翠玉瓜，停不了口！還有烤茄子也是一流！店員會幫忙切開茄子，在上面加上蒜和牛油，人生一大享受！大力推薦！