蝦蝦燒

營業中

休息中

朋友仔係蝦控，臨近生日就一齊前往呢間蝦蝦燒慶祝🎂 小店位於佐敦，顧名思義主打燒蝦，每檯旁邊都設有蝦缸，可以自助捉活蝦再燒嚟食，有得食又有得玩，超級推介大家到訪😍一坐低會送上鹽焗蝦同鰻魚，已經醃製好，十分貼心～ 先講講流水蝦，大量任夾，店員會不停refill，一定夠食，流水蝦超級生猛，建議大家千祈唔好坐入面，唔係嘅話就會好似fd子咁俾人搞到成身濕晒😂 肉質鮮甜，爽口彈牙，唔覺唔覺都食咗好多，絕對係回本位～ 自助食品區供應多款海鮮，例如蜆、鮑魚、帆立貝、魷魚、生蠔、仲有大大條魚呀！雖然唔清楚係咩品種但見枱枱都燒緊所以都試咗幾款，估唔到食落都好鮮甜，絕對比得上出面酒樓嘅質素🐟 其實唔洗落調味料都OK，但想惹味啲嘅就可以自行加料調配味道！除此之外呢度仲有肉類、蔬菜、熟食同小食！個外人私心推介雞軟骨、鴨胸、腸仔、牛仔骨、羊架、玉子燒、同全翼！仲有香濃嘅脆脆蒜蓉包同甜甜地嘅格仔餅，不過好快燶所以要睇住嚟燒！建議可以放上雪糕配住食，冰火交配，感覺好match～ 飲品選擇都好多，食飽飽真幸福☺️