影片
開飯介紹
大型BBQ放題，地方闊落，足有6000呎大。以自助餐形式提供食材，食客可以拿取喜歡的食品再回座位燒。而且餐廳提供流水蝦，食客可以一嘗夾蝦的樂趣。
繼續閱讀
營業時間
今日營業
17:00 - 00:00
星期一至五
17:00 - 00:00
星期六至日
12:00 - 00:00
公眾假期
12:00 - 00:00
公眾假期前夕
17:00 - 00:00
以上資料只供參考, 請與餐廳確認詳情
有關獎賞計劃
相關文章
之前聽聞荃灣嗰間分店結業 太耐冇食新鮮嘅大頭蝦 今次就帶左男朋友黎呢間好出名又高質既流水蝦放題 而家淨係得返佐敦分店🥹有興趣記得試吓‼️個人建議扇貝上面放啲蒜蓉粉絲 無得頂 系咁encore😂-當然唔小得主打嘅流水蝦🦐 非常生猛 可以將佢哋放入冰水暈大概30秒再放落個爐到燒 每隻蝦都非常大隻 蝦膏多到瀉出嚟 食落鮮甜彈牙🙌🏻值得一提嘅係 本身我哋唔太敢夾 店員好熱心咁幫我哋整 又教我哋點樣睇住嗰火喉 好抵讚🥰打卡佢地社交平台每人會送一條燒白鱔 厚身啖啖肉 無骨又香滑 外皮香脆🥰
繼續閱讀
今晚試呢間蝦蝦燒真係超出預期，超級正！呢度燒烤任飲任食，最近做緊特別優惠加$1仲打埋邊爐，真係好抵😱飲品超多選擇：除左汽水果茶檸檬茶仲有多款啤酒燒酒！燒烤張枱隔離就係長長魚缸，好多隻新鮮既大頭蝦游黎游去，超級生猛😂個燒烤爐分兩層，夠晒火力，啲野食唔駛燒好耐就有得食，呢度既工作人員好好人，會過黎提點下啲野食要燒幾耐，又會幫手剪下蝦鬚同剪鮑魚，仲教我地調味😁除左蝦，其他海鮮都好正，大蜆都有幾款，我地食左好多蠔，加蒜蓉辣椒做調味黎燒真係好好味，鮑魚大大隻唔會乾，其他串燒都好有誠意，有牛豬雞羊、魷魚多春魚、蕃薯仔菠蘿粟米蒜蓉包…..真係數唔晒咁多野食。邊燒邊食邊玩捉蝦，真係食得好開心。最後食埋甜品雪糕，完美既一餐😁😋下次一定會再黎！
繼續閱讀
這間人氣海鮮自助餐廳位於佐敦的永富大廈，主打無限任食流水蝦及海鮮。店內環境寬敞舒適，裝潢以簡約的港式為主，自助區有專人打理，乾淨又衛生，源源不絕補充食物。蝦蝦晚市 - $348/位6:00PM至11:30PM(無限時優惠), 另加一服務費推廣活動期間，完成簡單任務即可享優惠價$1享用小火鍋。小火鍋多款湯底口味選擇，奶白色的豬骨湯不油膩，有少少粟米。流水蝦每枱均設有獨立的魚缸養飼鮮活大頭蝦，可享受夾蝦的樂趣，店員會不定時補充。記得先準備好冰桶放置適量的冰塊及冰水，才能將蝦凍暈燒烤。厚燒鱔串限定每人一串，經調味帶點微鹹的醬香，白鱔肉厚肥美有著豐滿的魚油脂，燒起來香脆又嫩滑好惹味。海鮮方面，原隻生蠔有著肥美飽滿的蠔身，裙邊帶爽脆，咬開奶滑鮮嫩，蠔味鮮甜而不腥；鮮活鮑魚厚肉爽身，有著明顯的鮮甜味；雪白的扇貝及帶子爽滑彈牙，有著純淨的鮮甜，還有田螺、蜆及原條鮮魚等。肉類方面，有基本的牛豬雞扒、雞翼及鴨胸等等，又有一串串的牛豬雞串燒，燒起來嫩滑多汁而不乾柴，魷魚的觸鬚帶點焦脆。熟食方面，有結實彈牙的咖喱魚蛋、辣酒煮花螺辛香有嚼勁、韭菜豬紅細膩不腥、椒鹽蝦及金黃酥脆的日式餃子等可作小吃。其他方面，有多款火鍋配料如肉丸、香腸及豆卜等，還有多款新鮮蔬菜，其中粟米及菠蘿香甜多汁正好平衡肉膩感。甜品方面，有多款口味的本地品牌Appolo等雪糕杯，亦有自家製芒果布甸香滑柔嫩，酸酸甜甜的果香帶點奶香，更有香甜的鮮芒果肉。飲品方面，有多款罐裝飲品及酒精飲品外，亦有自家製冷泡茶及涼茶，款式選擇算多。
繼續閱讀
這間自助燒烤店位於佐敦可無限時任飲任食各種海鮮，每張餐枱都連着流水蝦水道，可以邊食邊夾蝦。蝦蝦晚市 - $348/位小火鍋 +$1拍照及上傳到社交媒體打卡即可加配，選擇了豬骨湯底，有著濃厚的鮮甜。流水蝦每隻約 5-6 吋長有手掌那麼大，夾起來濺起不少水花很有趣。厚燒鱔串(限定一串)結實富彈性的白鱔燒得外脆內嫩，滿嘴油脂的甘香。海鮮自助區有雪白肉厚的扇貝及帶子，又有鮑魚、生蠔、沙白、青口、灰蜆及黃沙及原條鮮魚仔等，預先清潔好不帶沙，鮮活入口鮮甜。冷藏櫃內有林林總總的肉扒、串燒及蔬菜等火鍋配料。其中最喜歡串燒有雞、豬及牛肉，羊肉串更有咖喱調味正好掩蓋其羶味。火鍋肥牛片肥瘦相間，肥而不膩，瘦而不柴。多款熟食正好作小吃，香脆的炸餃子不油膩，有著飽滿的五花肉餡；辣酒煮花螺辛香帶點酒香；翡翠西蘭花爽脆清新。雪糕冰櫃有三款本地香港品牌的雪糕杯，低糖低卡成份比較健康，而自家製的芒果牛奶布甸質地嫩滑。五六個冷櫃放置罐裝飲品選擇超多，其中無糖的玉泉梳打水及自家製冷泡茶比較健康。
繼續閱讀
一入去就見到一堆海鮮，跟住就係好搶眼嘅生猛流水蝦大水缸✨啲蝦喺度跳跳紮，新鮮到不得了！即撈即燒，彈牙又鮮甜，真係食到停唔到口㗎！😋 仲有鮑魚、三文魚鮫、生蠔、墨魚同帶子，樣樣都係新鮮到冇朋友，洗得乾淨又大件，抵食到到無朋友！🦪🐟而家仲有超抵嘅「加1蚊小火鍋」推廣，可以一邊燒海鮮一邊打邊爐，啱晒而家天寒地凍，雙重享受暖粒粒！🍲🔥 串燒方面有雞翼、豬頸肉、羊架樣樣齊，連豬大腸同雞腎都有，仲有個雪櫃專放蔬菜串燒，醃得入味又唔會太鹹，食完唔會口渴，正！🍢🥬甜品櫃仲有芒果啫喱奶凍同雪糕任食，飲品仲有多個雪櫃揀，無糖茶、汽水真係乜都有！🍨🥤
繼續閱讀
您可能會有興趣的...