17
1
0
港鐵佐敦站 C2 出口, 步行約2分鐘 繼續閱讀
電話號碼
62060560
開飯介紹
大型BBQ放題,地方闊落,足有6000呎大。以自助餐形式提供食材,食客可以拿取喜歡的食品再回座位燒。而且餐廳提供流水蝦,食客可以一嘗夾蝦的樂趣。 繼續閱讀
付款方式
Visa Master AlipayHK 支付寶 現金 銀聯 微信支付
其他資料
網上訂座
電話訂座
加一服務費
當面支付
有關獎賞計劃
食評 (19)
🦐佐敦新開6000呎大場流水蝦BBQ 放題🦐發覺好似越來越多人鐘意食流水蝦,發現一間新開的流水蝦放題店,地方很大有6000 呎,有蝦食我最鐘意即刻要去食吓,睇下質素如何🦐假日午市成人$358 2.5hrs(試業優惠85折)埋單$680 二位🦐入店時店覺得地方都幾大,有幾個得意的霓虹燈裝飾,店員會比個牌仔有路線圖可以方便去搵你個位置,坐低後雖然係現在二人會比四人檯,其實原來檯與檯前後擺放都幾迫,會同後面的檯背脊貼背脊,一起身好易撞到後面個人,如果限聚完左坐四人會勁唔舒服,但其實場內仲有一半空位,硬係要將客人迫埋一齊🦐一坐低店員過來開爐,拿一碟蝦幫你放上爐到比你食,其實一心來流水蝦,有新鮮蝦食,點解要迫我地食呢碟唔郁的蝦呢,老實講碟蝦無彈性而且無咩味道,自己夾d 新鮮好食好多。另外會有每人一份的活鮑魚同燒鱔,鮑魚新鮮仲識郁,條鱔亦好肥美,燒出來香噴噴脆脆的口感🦐呢間店的餐具有d古惑,先講提供出去拿食物的碟勁細隻,約兩隻手咁大,如果要出去拿海鮮其實放兩隻帶子就滿左,對於懶人來講,要行好多轉,地方好大行好遠有d 麻煩,如果唔好彩坐路口位d 人出出入入都食得唔安樂,比你裝蝦的桶亦好細,一次只可以裝到4 隻蝦,想食多d 蝦就快手夾多幾次有點不便🦐講下出面自助區有咩拿,最期待的係海鮮檔口,店員會一隻一隻源源不絕的開帆立貝,仲有帶子螺仲有海蜆,隻隻都新鮮鮮甜,仲有原條大眼雞可以隨便拿,熟食的有椒鹽蝦,麻辣螺,麻辣魚蛋牛丸,最鐘意咬落索索聲的麻辣魚皮,仲有烏冬可以煮,另外燒烤的肉類串燒豬牛雞及雞翼,好多唔同種類的肉串及蔬菜🦐燒烤爐火力足夠,除左平時上面有層燒烤,低下仲有一層可以慢慢烤熟其他野,檯面提供了粗鹽孜然粉辣粉椒鹽,另外仲有蒜蓉牛油豉油可以拿,鐘意夠曬多香料🦐呢到的流水蝦size 係比較細隻,剛開始時見到魚缸入面蝦數量不多有d已經開始訓覺,所以開頭食的蝦雖然有一半有膏好正,但蝦肉其實無咩味,後來加了生猛精神的,味道真係鮮味好多🦐肉類串燒都幾多選擇,有個雞串醃得唔錯燒出來好香,而最正係有好多唔同的蔬菜仲有原條茄子燒菠蘿等等,任飲的仲有好多唔同韓國汽水,仲有雪糕雪條做甜品🦐檯面有個迷你桶比你裝殼,因為太迷你所以好快滿,值得一讚店員同你收殼的速度好好,主動咁成日同你收,仲有比濕紙巾你抹手,但係有位女店員同後面檯的人吹水大大聲話今晚要返屋企睇萬千星輝,要支持某男演員等等,我唔睇呢個台既,個人覺得餐飯要聽埋d 唔適當既野非常反感,如果有耳朵敏感的要留意🦐整體來講呢到都算ok ,始終地點方便,而且海鮮類別都新鮮,雖然地方大但位置坐得比較迫,攞野食行好遠隻碟細要行好多次,淨係呢點已經覺得好累,如果以呢個價錢來講,優惠完結無折既話,都算ok但總算試一次無妨 繼續閱讀
(以上食評乃用戶個人意見 , 並不代表OpenRice之觀點。)
等級4 2021-01-12
365 瀏覽
上網見到朋友極力推介分開呢間流水蝦串燒餐廳,即刻book位試一試!不過佢哋而家淨係開星期六日。時間唔多選擇,要去真係快啲book位,極力推介,仔女玩得好開心,個個都食得好滿足他們新開有折,大概要三百幾蚊一位大人。價錢合理,真係新鮮大頭蝦任食,先食返佢一斤,再食埋其他嘢絕對超值!準時去到,已經見到好多人喺度排隊。好在我都早到,被安排坐到蝦缸旁邊,一路夾一路燒,牙仔阿女初頭都有啲驚,夾夾下好興奮又好滿足。大頭蝦好新鮮亦都好大隻,特別係有啲有膏的,真係超級好味!除咗食大頭蝦,佢哋嘅賣點係燒海鮮同埋串燒,選擇亦都很多.佢哋有個海鮮吧,有差唔多五六款海鮮:魷魚筒,大眼雞,螺,蜆,魷魚鬚,元貝,最重要係不停refill,個個都肯定去攞海鮮先,起碼唔會冇得食,最好食係燒大眼雞,估唔到咁好味.差啲唔記得講每人仲送咗一隻鮑魚同埋一串極力推薦大家必要食嘅鱔,魚油出晒嚟,直情想食多幾串,不過每人只有送一串,臨走之前問過員工可唔可以加錢要多串,佢先話原來可以不過限量,下次大家如果鍾意食可以加錢再買,實在太好食!其他食物有不同類型的串燒,牛柳粒羊肉串雞翼雞腎雞軟骨......芝士丸芝士腸廚師腸.....秋葵四季豆茄子粟米蒜蓉包.....其實真係太多都數唔晒,有機會自己試吓啦最後一提就係飲品都有幾十款選擇,而甜品就有雪糕同雪條.甜品選擇不多勝在口味夠多,我成家人起碼食咗10杯😅除此之外仲有幾款熟食,好似有炒椰菜辣酒煮花螺,我都有食少少嘅,當然都係食蝦最多,呀!記得佢哋有咖喱陳皮魚蛋,又係好好味!整體來說真係好抵食,同埋好啱我食,出去食自助餐都冇食得咁飽,食海鮮真係啱晒我!牙仔過咗一個禮拜之後又叫我去,佢都玩得幾開心,依家冇地方可以去玩,有時間親自一下都好呀! 繼續閱讀
(以上食評乃用戶個人意見 , 並不代表OpenRice之觀點。)
等級4 2021-02-26
0 瀏覽
抗疫真係令人疲倦,好唔容易先有返晚市堂食,仲可以四人一檯,咁就梗係要約朋友出街啦。太耐無出街食飯,真係有太多野想食,上網發現佐敦最近開左一間流水蝦BBQ 放題,場地仲有成6000呎,部分霓虹燈裝飾都相當可愛。餐廳主打流水蝦,設有活蝦的水缸,仲有各式各樣嘅海鮮同肉類可以燒黎食,星期五晚市連加一每人都係$350左右。坐低之後,店員就過黎幫我地開爐,個爐有兩層,上層可以燒一d快熟嘅野食,下層可以慢慢烤其他野食,爐具每層嘅面積都算大,一次可以放大約十幾隻蝦,火力都足夠,頭一轉店員仲會拎埋一碟蝦同埋每人一份活鮑魚同鱔同埋蒜蓉牛油蝦,鮑魚非常新鮮,條鱔亦相當肥美,一路燒一路散發出陣陣香噴噴嘅味道。檯面放左粗鹽、孜然粉同埋辣粉椒鹽,出面仲有蒜蓉牛油同豉油可以拎,等大家可以自行調味。流水蝦係呢度嘅精粹,要自己係個缸度夾隻生蝦出黎,再用最快速度放佢入冰水,過一陣先放上爐燒,過程真係要快,如果唔係隻蝦會跳架。自助區有好多野食,海鮮檔口有鮑魚、帆立貝、流水蝦、帶子螺同海蜆,最令我驚喜嘅係居然有原條大眼雞。肉類方面以串燒嘅方式提供,有牛肉、羊肉、雞肉,豬肉,雞翼、雞軟骨、雞腎、腸仔、丸等等。蔬菜方面有原條茄子、粟米、翠玉瓜、燒菠蘿等等。除此之外,仲有蒜蓉包,格仔餅可以烘黎食。熟食有椒鹽蝦,麻辣螺,麻辣魚蛋等等。飲品方面有各類汽水、茶、韓式飲品,甜品方面仲有雪糕雪條添呀。流水蝦雖然比較細隻,但係味道相當鮮甜,d 蝦膏仲好正添呀,肉類方面整體上醃得唔錯,咁嘅價錢可以有咁難忘嘅體驗,真係性價比高呀。 繼續閱讀
(以上食評乃用戶個人意見 , 並不代表OpenRice之觀點。)
等級3 2021-02-26
0 瀏覽
最近終於開返堂食,就一心約埋班fd嚟到呢間新開嘅流水蝦燒烤店,室內空間10分闊落,座位都好多,今日幾乎滿座!每枱隔離都有水缸養住啲大頭蝦,啲蝦好新鮮,去夾佢戈時仲好生猛,要同佢搏鬥一番先得!隻隻都好夠大隻 燒起上嚟十分之香,肉感都好爽口,配埋啲蝦膏真係越食越開胃!除咗蝦之外,呢到仲有提示唔少嘅海鮮同其他串燒,係燒蝦嘅同時亦都可以燒下唔同嘅野食,而且都係任食嘅~而飲品嘅種類好多,都係任飲嘅!總括而言,呢度有得食又有得玩,岩曬一班朋友聚會,性價比十分之高👍🏻👍🏻👍🏻👍🏻鐘意燒烤嘅你都可以嚟呢度試試😎😎😎 繼續閱讀
(以上食評乃用戶個人意見 , 並不代表OpenRice之觀點。)
等級4 2021-02-25
16 瀏覽
疫情關係😷無得去旅行,所以上網搜尋吓,有乜特別既好野食先,點知比我發現原來佐敦有間叫(蝦蝦燒)既即夾即燒大頭蝦🦐放題,即刻二話不説約埋朋友一齊去先🤗!地方好大,有多條流水道,感覺都好舒適同衛生,食物都整整齊齊地排好,同小朋友一齊去,都可以放心!流水道的大頭蝦,就在桌面旁邊,邊夾邊燒🔥夠哂新鮮,肉質爽脆又鮮甜,有得食又有得玩,值得一試😙😙!每人另贈送一隻新鮮大鮑魚和鰻魚串燒!另有扇貝,魷魚筒,蠔🦪和蜆,完全無沙,清洗得好乾淨! 超滿足👏👏!BBQ肉類醃料好入味,一D都唔馬虎,一串串整理好,夠晒方便😌!另外熟食,雪糕和飲品都係任飲任食!兩個半小時,夠哂時間食,而家重有八八折,的確抵食👏👏! 繼續閱讀
(以上食評乃用戶個人意見 , 並不代表OpenRice之觀點。)