275
5
5
港鐵佐敦站 C2 出口, 步行約2分鐘
繼續閱讀
電話號碼
66520560 (Whatsapp)
62060560 (Whatsapp)
開飯介紹
大型BBQ放題，地方闊落，足有6000呎大。以自助餐形式提供食材，食客可以拿取喜歡的食品再回座位燒。而且餐廳提供流水蝦，食客可以一嘗夾蝦的樂趣。
繼續閱讀
營業時間
今日營業
17:00 - 00:00
星期一至五
17:00 - 00:00
星期六至日
12:00 - 00:00
公眾假期
12:00 - 00:00
公眾假期前夕
17:00 - 00:00
有關獎賞計劃
食家推介
雖然未有我直接飛去泰國食流水蝦🦐但勝在香港咩都有🤩 流水蝦專門店仲愈開愈多，坐落於佐敦佔地6千呎🙀有多條長長流水道可以自己夾生猛大頭蝦🦐 又有我玩又有食，好開心💕·🦐新鮮流水蝦及自助串燒放題 HKD$358 (2.5小時)流水道既大頭蝦🦐超級活躍生猛😻 夾起佢嗰時搞到水花四濺💦 愈游走我愈要夾😂 夾左既大頭蝦記得要即刻放入冰桶入凍暈佢呀😎 唔係佢就會不停跳搞到自己成身濕哂架啦❗ 剪左蝦鬚同蝦鉗就可以燒熟佢啦🤤 大頭蝦啲肉好紮實，有啲仲有好多蝦膏😍 超級鮮甜鮮味❤Annie都唔記得食左幾多隻蝦蝦蝦啦，滿超級足呀💓·自助區供應多款海鮮😋 鮑魚、扇貝、大眼雞、生蠔、魷魚、螺等等，睇見都已經流哂口水🤤🤤另外仲有各式各樣串燒🍢 熟食🍜等俾你任食，仲refill得好快，抵讚👍個人推薦牛小排🥩 雞軟骨🐓 同埋原隻燒雞翼🍗 燒既時候仲可以加入個人喜愛既調味料調味，要幾惹味一於你自己話事😚每人仲會送上一串超厚鰻魚串🐠 燒熟後啲皮勁脆，超正😋 而飲品、雪糕同雪條都係任飲任食，千祈唔好錯過任何一樣呀🥤🍦
繼續閱讀
今次去試新野~~ 之前見泰國有流水蝦燒烤放題已經好想飛去泰國食.... 估唔到香港都引入左丫, 超開心!!! 太吸引太特別喇, 一定要去朝聖下呢間流水蝦燒烤放題店位於佐敦, 地點非常方便又近地鐵站....任飲任食2.5小時 新鮮流水蝦🦐+自助串燒🍢放題而家做緊88折優惠, $3百零蚊, 食過之後覺得係物超所值呀!!!店舖都幾大, 好多位, 不過最好都係BK定位啦, 好FULL喔流水蝦就係位隔離, 好方便丫~~隨時都可以自己夾蝦燒D蝦隻隻都好生猛, 非常新鮮!!食店好貼心, 除左自己動手燒之外仲布熟食提供添呢...唔洗自己燒就食到椒鹽蝦喇有熟食蔬菜~~醬料區.....一串串既串燒放係幾個大大既凍櫃~~好多食物種類丫!!!呢道最吸引既都係海鮮!!!海鮮控完全回到本呢~~~有大大隻既元貝, 帶子, 生蠔, 貴妃蚌, 螺, 蜆, 魚等.....而且仲係不斷REFILL, 係唔會冇架呢~~超豐富呀~!我既部分收穫.....燒烤爐分2層, 火力好夠, 食物都好快熟~~每位一串大鱔~呢串大鱔真係不得不推介!!!係我覺得最好食架~~~唔單止厚肉, 仲好新鮮, 肉質爽口彈牙!!真係超超超好味!!! 好耐冇食過咁好味既鱔一串唔夠既話可以俾錢再ENCORE
繼續閱讀
0 瀏覽
最近一年多，香港開了幾間不同字號的流水燒蝦任食燒烤餐廳，一直冇機會去了解。前幾日終於約了幾個同樣尚未追上潮流的朋友，揀了這間號稱全港面積最大的任食燒蝦專門店「蝦蝦燒」試試。這種形式經營的任食烤蝦餐廳源自泰國，在當地也甚受歡迎。餐廳位於一樓，如果沒有這個掛在外牆的招牌，即使在樓下經過也很容易錯過入口；因為樓下入口實在太細、又唔顯眼，只有一條窄樓梯，連一個較為正規的小小大堂也欠缺。上到樓上，朋友尚未到齊。晚餐限時每節兩個半鐘頭，由入座起計，但又冇限定入座時間 ⋯⋯訂位時已經覺得這種安排有點奇怪，當時未有為意，到今日用餐時就發現原來會衍生很大問題，容後再說。為免蝕底，先坐在候餐區等一會，並利用這個空檔時間視察環境。候餐區旁邊就有一個長水槽，養了很多淡水蝦；品種有點似大頭蝦，但就較為細隻。部份非常生猛，正在游水；部份則已經進入半沉睡狀態，讀者們明白小編的意思吧！食物區全部佈置在靠近樓梯口兩旁。除了主打的水槽活蝦，其他海鮮選擇也很多，包括新鮮大連鮑魚、沙蜆、本地帶子、細隻扇貝、蠔、東風螺，原條燒魚也有兩款，分別是黃𩶘䱽及白𩶘。海鮮以外，還有其他多款串燒丸類、肉食及絕大部份香港人至愛的燒雞翼。燒烤當然唔少得蔬菜，款式同樣很多。汽水、綠茶任飲之外，還有任食的本地品牌杯裝雪糕。以任飮任食來講，食物款式選擇實在相當多，似乎冇得挑剔。朋友7:35到達，較訂位時間只是遲了5分鐘。侍應安排座位，問題出現了。訂枱時，已經知道餐廳屬於COVID-19疫情下法例所訂的”C類別餐廳”，即是可以六人一枱；但其實餐廳佈局九成以上都是四人枱，驟眼望過去，六人枱只有10張左右，佔全餐廳餐枱數目少於一成。小編一行五人，竟然被安排兩張靠牆四人枱分開坐，當然要投訴！負責帶位的侍應重新引領回去前台。前台員工竟然有點晦氣地回應：「而家係冇六人枱㗎喇，真係安排唔到，你哋唔食可以唔幫襯。」 有冇搞錯！訂位時已經講明六人，怎可以完全冇安排。回應上文提及「蝦蝦燒」只限任食時間，但冇限定入座時間、又冇分開固定時段的流水式客人入座運作模式，將原本冇問題的營運模式變成大問題 ⋯⋯ 根本無辦法保證安排五人或以上的客人組一定有枱！！更加最最不能接受是員工的態度！獲重新安排一張靠通道旁的四人枱，冇得揀，只能被迫接受。空間稍為充裕，其中一個朋友終於可以（其實係冇得揀）坐在四人枱靠向通道的短枱邊一側。另一側短枱邊緊貼活蝦水槽，本來很有心思，客人可以用鉗夾起活蝦即烤；但枱與枱的空間實在非常擠迫、椅貼椅，可以用緊貼來形容，坐在內邊的客人每次出入，都一定要坐在靠向通道的客人先離座，很不方便、也不合理。未開始食已經有點不愉快。烤爐設計很土炮，只是一個支架、一個底盤、一組發熱線、上面加一塊不鏽鋼烤架。安全性有點問題；由於四邊無遮擋，熱力四周散發，很容易燙傷。每枱客人有一小盤蒜蓉蝦，正是烤爐上錫紙盤，估計並非游水活蝦。任飲任食價錢包括每位客人限定一串鱔球。用秘製醬料醃製過的鱔球大大串、又厚肉；烤至鱔皮金黃香脆，鱔肉那一面少少焦香。咬落去魚油豐富、鱔肉爽甜，新鮮鱔肉果然非常美味。經常去街市買餸就會知道，新鮮鱔價錢越來越貴，所以每人只有一串，唔可以任食。這一串鱔球攞回一些分數。再烤其他海鮮就發覺烤爐實在太過細小。每次只剛好足夠放上四人分量海鮮或串燒。幸好烤爐夠熱，每次不用烤很久。海鮮質素真的幾好，整體夠新鮮；串燒肉類就麻麻而已。較失望是主打的流水燒活蝦，肉質有點韌、欠蝦味，唔夠爽甜；竟然係最唔好食的一種海鮮！估唔到烤新鮮菠蘿竟然較烤蝦好食！所以，沒有烤蝦相片，只有烤新鮮菠蘿照片。燒烤期間，有位員工在旁邊的蝦水槽撈走已歸天的蝦，不小心濺起一些水花；濺濕了朋友之外，亦有不少水花濺到烤爐上面的食物。該位員工竟然可以全沒反應；即使是無心之失，也應該講聲「對不起」吧？再者，餐廳本來細心地安排了一個膠桶，方便客人將食完海鮮的蝦殼鮑魚殼等等丟棄；但一眾員工沒有清理，結果又要勞煩客人親自將膠桶交給員工，換過另一個空桶。這種差劣服務態度再次打沉用餐的心情。時間夠，埋單。明明餐牌寫$358/位，埋單唔知點解變咗$368/位？雖然只差$10，但真係唔明。唔知是否因為星期五晚上7:30黃金時段，客人實在太多，餐廳基本上係零服務。明白這是全自助海鮮燒烤餐廳，不能要求什麼優質服務；但由安排座位一刻開始的那種愛理不理態度，到入座後沒有主動清理枱面的一桶桶蝦殼鮑魚殼，再有處理蝦缸時不小心潑濕客人後的零反應等等種種劣質服務，實在不能容忍；加上用餐環境擠迫兼嘈吵，接近一團糟。印象中，第一次在 openrice 發文俾分這樣極端 ⋯⋯ 食物款式選擇再多，質素中上又如何？唔會推薦，要食流水燒蝦？揀另一間吧！
繼續閱讀
蝦蝦燒佐敦白加士街10-24號永富大廈1樓1/F, Ever Rich Mansion, 10-24 Parkes Street, Jordan之前去過一間釣蝦即釣即燒來食架店, 海鮮任食朋友大呼過癮要再ENCORE, 搵到一間平好多, 人$358 2.5小時地方超大,有流水大頭蝦釣來玩, 夾到就即燒來食, 仲活生生特別生猛新鮮。另外海鮮都係任食架, 食多幾轉海鮮都回本啦。 好多蝦任夾唔怕有挫敗感又好玩過癮大頭蝦好多膏，仲有自助調味料海鮮有鮑魚，蜆螺，蠔，原條魚等等串燒及熟食小食而飲品、雪糕任飲任食
繼續閱讀
【蝦蝦燒】#佐敦 #串燒尋日係開學日，諗住要好好慰勞下自己，所以一放學就即刻狗衝去刷返餐勁嘅當做紀念。佐敦嘅呢間蝦蝦燒地理位置好近地鐵站同埋巴士站，交通非常方便。店內空間足夠寬敞，即使多人行走亦唔會太過逼夾。串燒套餐係任食嘅模式，好似自助餐咁樣自己出去任揀你想食嘅嘢以及飲品，亦都有少少其他熟食譬如肉丸、蠔、涼菜，甚至有烏冬、生菜等等可以自己燙嘅食物。可以睇到串燒嘅種類真係非常之多，除咗各種肉類，亦都有菌類、海鮮、蔬果，連窩夫都可以燒，真係好得意。而呢間舖頭嘅賣點之一就係可以親自喺個大水槽入面夾起你想燒嘅流水蝦。呢種咁高互動性嘅進食體驗真係好難得，完全係街邊嘅串燒店無法比擬嘅食法，絕對值得一試。要我講最最最印象深刻嘅食物，一開頭附送嘅海鰻真係正到爆，燒到外脆內軟嘅質地食落口簡直一流。而八爪魚、雞肉、蕃薯、鴨胸等等都係我會高度推介嘅串燒～———————————————#蝦蝦燒蝦蝦燒 (佐敦)佐敦白加士街10-24號永富大廈1樓
繼續閱讀