蜀府川鍋 (已結業)

一家人想食新奇既菜，就提議食蒸氣火鍋!一行四人叫左個海鮮鮑魚雙層蒸氣塔$499調味料自行決定落幾多，$20一位所有份量都好多，足夠四人食先上前菜，麻辣皮蛋，少辣幾惹味。清蒸原條游水沙巴龍躉份量幾夠，都幾新鮮，魚肉好鮮甜。蟲草花蒸鮮雞雞加左蟲草花味道更好，雞本身已夠味。全部海鮮先放上上層蒸熟，之後下層可以當打邊爐咁。好得意! 海鮮配盤有包原條蒸鮮活大蜆皇蒜蓉蒸開邊龍蝦蒜蓉粉絲大元貝加左蒜蓉蒸，味道好惹味，非常正。鮑魚仲新鮮到識郁tim, 份量好多，四個人食得好滿足。原來下層一早放左粥，食到最尾吸晒肉既精華，好正。最後仲有甜品，係綠茶芝麻餡餅，煙韌之如又有綠茶味，岩晒我地一行人既口味!加埋服務費都好抵食。

因為有朋友介紹話味道唔錯所以專登訂位試一下叫了一個4人餐 要左個粥底來打邊爐食品種類及份量都幾足海鮮都新鮮只是什費較多 另外我們都叫多二個小食水煮牛肉及麻辣東風螺味道都好好 幾辣

放工前需要去油塘到拎份文件，拎完收工。難得黎到油塘，硬係食埋先走啦路過見到呢間蜀府川鍋裝修特別，就選擇左呢間尖椒重慶皮蛋: 蛋黃係半流心， 唔太辣幾開胃嗌咗兩份一人海鮮鮑魚雙層蒸汽塔， 揀咗粥底火鍋。個鍋黎到， 見到有四嚿豬骨放係到慢慢煲加套餐有四款海鮮:鮑魚: 送到嚟嘅時候仲郁下郁下, 好生猛龍蝦: 好多膏， 肉質彈牙蜆同元貝，有大量蒜頭一齊蒸，好惹味粟米好甜，龍躉食得出好新鮮，蒸完好滑，個餐最後既蟲草雞，雞肉醃過，唔使點醬都好好食特大日本蠔: 蠔味比桶蠔更重花鵰牛肉:肉質嫩滑，淡淡酒味黃鱔片: 肉質彈牙芝麻綠豆芋茸餅: 好香口既芝麻味，芋茸味唔太甜用咁平既價錢可以食到咁多海鮮，絕到超值師奶仔又搵到筍野

今日同朋友食飯，見openrice book位有85折所以就去左蜀府川鍋，一向哩度都係出名食川辣菜式，男朋友最鍾意食哩度既毛血旺，去到門口就已經有個大既易拉架，仲見到有個抵食海鮮蒸氣火鍋餐。店內環境舒適，佈置有點中國風我地一行五人就選左個六人海鮮鮑魚蒸氣塔餐，價錢好抵食，落左order後就見廚師去門口大魚缸度採鮮我地仲選左個微麻辣鍋底，無耐就上左個雙層氣鍋，職員仲拎左架調味車黎，有蔥，蒜蓉，辣椒，芫茜，豉油任加，而豉油特別之處就係有咸同甜之分，我當然選左甜豉油哪，食海鮮要食鮮味，甜豉油可以輕輕提鮮而又唔會太咸，同海鮮味道超match無耐就上左個虫草花蒸雞，味道不錯，其實有少少似北菇蒸雞既感覺，但食蒸鍋可以自己煮同預時間，感覺特別好味食緊蒸雞既時候，職員就拎左個龍蝦鮑魚海鮮拼盆上枱，即刻已經好吸睛，上枱既時候可能廚房剛剛將蒜蓉放到鮑魚上面，鮑魚仍然不停扭動，海鮮喺魚缸拎出黎真係唔同D,即刻大家都忍唔住相機先食當然第一時間就蒸龍蝦同鮑魚試試哪，鮑魚口感鮮嫩，用甜豉油稍作調味其實已經好足夠，而鮑魚用料並唔係一般街巿賣既平價鮑魚，而係用南非新鮮鮑魚，殼上面仲有9個孔既我食既龍蝦好鮮甜，肉質好有

二個女仔去，去到叫了個虾粥。份量夠多。虾又大隻，有10隻!!!之後食得差吾多我地叫了個4人套餐海鮮!!嘩有不同種，帶子，青口。。員工幾好。。加了幾次湯水。員工都好有禮貌地加

朋友住觀塘個頭，話有人介紹一間係油塘粥底火鍋唔錯，搵我一齊去試下💁🏻餐廳地點唔難搵，係地鐵站附近，行幾分鐘就到。一坐低我地就揀咗原隻大蜆蝦粥（$178）好大鍋，好多蝦同蜆，蝦大概都有十隻，蜆肉都好大粒。一開始個粥未煮好，我地就食住啲蝦同蜆先～啲蝦大隻得嚟仲好爽口，同埋都好鮮味👍🏻大蜆有啲沙，厚肉，但無咩味🤔食食下個粥開始煮成，好綿好滑，仲吸晒海鮮啲鮮甜味😍除咗海鮮味，仲有好香嘅芫茜味😋本身打算散叫啲海鮮，但發現個4人餐好似會抵食啲咁，我地就叫咗個海鮮套餐（$398）份量都幾多，同埋睇落都幾新鮮。我最鍾意鮑魚、魷魚、龍蝦仔，因為全部都好鮮甜爽口👍🏻鮑魚就算烚耐咗都唔會縮水，爽口又唔韌。但係肉臟就無預先清理好，要自己整，有啲唔方便。原隻魷魚好香，唔腥～龍蝦仔啲肉好爽，肉唔「鞋」，但味道一般。其他海鮮都不過不失，另外送菜心，唔知係本身甜定加上吸晒海鮮啲鮮味，好味👍🏻😋醬料任加兩個人食咗$669，好滿足嘅海鮮餐，同埋第一次食粥底火鍋🤗🤗

自從迷上蒸氣火鍋蒸海鮮的那個鮮之後，開始留意各式蒸氣鍋。今天選擇的雙層鍋，底層煮粥或煮海鮮。上層蒸籠，雜蒸煮於一身。8點多，已坐滿食客，非常熱鬧。裝潢屬樸素風格，沒有華麗的裝潢，但價錢親民，雙層海鮮蒸氣塔套餐＄148/位，包括10種食材，令人驚喜的是每位價錢包括龍蝦、沙巴龍躉、鮑魚、蜆皇、元貝等，還附送甜品及湯底。當然為了節省成本，全部蒸煮是由自己撐握和負責，包括自己計時。全程自己話事，所以要小心撑握蒸的時間。龍蝦一點都不輸陣，大大隻，甚至帶有糕添，經過蒸煮後的新鮮的龍蝦食起來肉質鮮美，肉汁豐富，大大只的蝦鉗淡淡肉，令人心滿意足，食一隻龍蝦已經感覺值回票價了。大蜆皇可以蒸，也可以放落粥底煮，兩種食法，各取所好，我兩種都試過，覺得蒸的話就要撐握好時間，蜆肉會更鮮嫩，如果煮就發現蜆売打開後就夾起進食，煮比蒸感覺更juice。食魚其實不需大條，約1斤左右的最好，經過蒸煮的魚肉鮮美十足，肉汁鮮嫩，除了鮮甜還是鮮甜。這個鮑魚的的確是活的，上枱時還再動，可能因為經過運動神經發揮後，肉質特別彈牙爽口。令人食之忘形。與一般雞件一樣，不同的是加了蟲草和木耳，令其營養更豐富更健康。元貝處理得很乾淨，已經去

星期二晚,突然有個朋友話好想食火鍋同蒸海鮮，所以上網搵到呢間餐廳。呢間餐廳又有四層蒸氣塔，又有雙層蒸氣塔，又有海鮮粥底選擇。舖面啲裝修都OK整齊，同乾淨。我地點左二人蒸氣海鮮餐（瑤柱鲜竹排骨粥底），油麥菜，響鈴，本地手切牛頸脊,和聖子。個雙層蒸氣塔好得意，上層用嚟蒸海鮮，又可以蒸雞肉同牛肉。下層係一個有粥底打邊爐嘅鍋，所以同時打邊爐同蒸海鮮。個海鮮餐有好多不同類型嘅新鮮海鮮。有龍蝦，扇貝，鮑魚同蜆,仲有半條魚添。個餐仲包埋蟲草花蒸雞同綠茶芋茸餅。非常豐富、而且海鮮都OK新鮮，雞肉幾滑。個綠茶芋茸餅特別好食，外面脆皮，內面軟心，好香芋味。牛頸脊啲肉質都唔錯。而且都有牛肉味，ok新鮮。菜都ok。啲服務員都幾親切。而且坐得都幾舒服，又唔會要你走，坐幾耐都得。食完打邊爐之後，記住食佢哋個粥呀因為個粥好甜。

油塘蜀府川鍋。就係我每日搭小巴返屋企嘅巴士站對面。今日終於抽到時間去試。入到去食店唔算大。但坐位寬闊。兩邊卡位。中間有大圓枱及4人枱。望望餐牌。選擇還多。有辣嘅川菜，有唔辣嘅粥底火鍋。老公唔食得辣。我去選擇咗原隻大蜆蝦粥$178。超大隻蜆及蝦，數落超過10多隻。又有芫荽。呢鍋粥一陣間會加埋之後叫嘅海鮮精華再食。勁鮮味。正呀我地還加咗龍蝦/鮮魷4人餐$398。冇錯，我地只有2人，但因為太多選擇唔知叫咩好，所以就選擇咗呢個海鮮餐。龍蝦，唔算大，但厚肉，爽甜日本原隻鮮魷魚~好大隻，廚師切開4件。大連鮑魚或北海道大元貝~我地揀咗鮑魚。真係好大隻呀！而且仲郁嘅!超新鮮。肉厚彈牙。我就覺得必食喇聖子~有少少失望。雖然都算大隻。但冇清走d啡色物體。我地唔太鐘意活海蝦~唔算大隻，但肉質爽，蝦味香濃海螺~細細粒。不過有d硬什錦貝蚌~包括青口&大蚌&大蜆。好大隻嘅青口大蚌。生菜一份最後仲加咗2支飲品。埋單都係$698(已包括加一) 價錢ok。食完行過對面就可以搭車返屋企。後話: 職員好好呀！笑容好又主動換碟

係油塘三家村食海鮮通常都係海鮮價, 好易超過Budget, 行返上近地鐵站附近有間川菜餐廳, 入面除左有川菜熟食, 仲有海鮮打邊爐、海鮮粥底火鍋。明碼實價, 可以within budget咁放心地食。店內裝修很有中國風, 更有設有卡位, 而且冷氣好夠, 唔會有焗促感呢度有唔同價錢既海鮮火鍋套餐, 我同朋友兩個就揀左兩份"1人海鮮鮑魚雙層蒸氣塔", 再散叫左其他火鍋配料食【尖椒重慶皮蛋】HK$38金黃色而精螢剔透既皮蛋, 蛋黃呈半流心, 味道反而唔太辣,少少微辣做前菜又幾開胃【1人海鮮鮑魚雙層蒸氣塔】HK$148/位服務費HK$14.8/位, 醬油HK$20/位,茶位HK$8/位黎食川菜, 當然要揀川菜出名既四川麻辣湯底啦~ 可以揀微辣、少辣、中辣、大辣, 我地就怕食唔到川菜既辣, 所以就揀左個少辣試試。送上前發現湯底既色都幾紅, 心諗呢個叫辣, 但原來比個色水呃到, 食起上黎又唔係好辣, 辣度岩返香港人。呢個套餐包括有多款海鮮、蟲草雞、沙巴龍躉鮑魚好大隻, 送到黎時仲新鮮到郁下郁下海鮮既我地就放上爐既頂層慢慢蒸, 等待期間我地就係下層慢慢打邊爐鮑魚很爽口鮮甜開邊龍蝦加上大量蒜蓉, 令鮮

呢間火鍋店就係油塘大本營對面，之前經常經開油塘都會睇到呢間，成日都會奇怪2邊無咩鋪頭，點解會有一間食野鋪頭，前2日有朋友約食飯，話想食呢間，報住試試下心態，點知一試難忘。首先揀左海鮮粥底鍋，內約10隻蝦同10多隻蜆加埋粥一齊煮，首先蝦好新鮮，爽口，彈牙，蜆肉鮮甜，無沙，一齊煲完個湯底非常濃郁，未開始打邊爐前我已食左大半碗粥，配上尖椒皮蛋，好晶瑩剔透皮蛋，上面淋左辣醬汁，食落小小辣，小小麻，但已好夠味，加上尖椒，配粥得來剛剛好。介紹幾款特別食材，牛肉係打邊爐中必吃，叫左本地手切牛勁脊，首先厚薄適宜，鮮紅色，只需要烚15秒，肉質嫩口。大大隻桶蠔，好鮮甜，完全無縮水（有d一烚完隻蠔縮到得返少少）。新鮮活鮑魚，新鮮一定唔使講，食落好彈牙，不過過程有點不忍心。講漏左炸魚皮都好好味，又大又脆，最後我同朋友講一定要再約過來食。

母親大人就黎生日,梗係要請佢食番餐好啦,聽聞依到嘅海鮮新鮮又抵食,所以就決定帶佢黎試一試。皮蛋顏色同一般食開嘅唔同,係黃色嘅,聽講依個係重慶皮蛋嘅特色,仲要係溏心㖭配埋尖椒非常惹味。雖然蒜泥白肉我就食得多啦,但係依種包住青瓜嘅食法就比較小食。薄薄嘅白肉片包住爽脆青瓜,令蒜泥白肉感覺無甘油膩又清新,口感多左又好味D。一爐兩食嘅雙層蒸氣塔就可以一次過滿足晒我想食蒸海鮮同打邊爐嘅要求啦。上層嘅蒸爐可以用黎蒸海鮮。下層我就擇左瑤柱鮮竹排骨粥底,可以用黎打邊爐之餘,最後仲可以食返碗充滿精華嘅粥。個set好豐富,有龍蝦,大蜆王,沙巴龍躉,鮑魚,蟲草花鮮雞,蒜蓉粉絲大元貝同粟米。D海鮮夠晒新鮮又抵食,特別係鮑魚上枱個陣仲郁緊。仲叫左碟本地手切牛頸脊用黎打邊爐,份量十足。其實無論幾時見到"綠茶"依兩個字就會有種吸引力令我好想試。吾理三七廿一,熱辣辣都即刻擺落口到試。依個抹茶餅嘅抹茶味就食吾太出,但係炸得香脆.而目外面嘅芝麻非常之香口,裏面仲有微甜嘅芋泥餡料㖭。當然如果有埋抹茶香味就當然最好啦。

今日6點零鐘同個同事係大本型收工，又收到媽子話唔煮飯，咁緊係順便係附近食埋野先返屋企啦。左揀右揀終於都係揀咗蜀府川鍋。其實係因為夠近，就係正大本型對面馬路，哈哈。同埋本身係諗住快快手手食完飯返屋企趕PROJECT，都冇咩特別野想食，但食落先知比想像中好有驚喜。一坐底睇左陣餐牌，諗都冇諗就即刻揀左呢個蒸氣塔+粥底嘅海鮮二層鍋。因為計落佢海解價錢黎講真係算幾平，同埋有龍蝦！有龍蝦！有龍蝦！。呢排見親都想食，見到有又點可以放過？！套餐前菜係尖椒重慶皮蛋，黃色皮蛋都係第一次見同第一次食。口感幾特別，比一般皮蛋更Ｑ彈，但腌漬嘅鐵鏽味較輕同有蛋味。但要注意同個尖椒一齊食會有少少辣，不過個人黎講辣度接受得到同都幾鐘意，舌頭上嘅少少辛辣感覺會令到皮蛋食落更加香口。蟲草花蒸雞，其實應該係放係蒸塔上面蒸黎食嘅，但係我地就選擇放落粥底到滾粥，一黎快啲熟可以食，二黎係增加個粥嘅風味同層次，等個粥去到最後會變得更加鮮甜。沙巴龍躉，啲肉鮮甜又嫩滑，切記唔好蒸過龍啊，大約8至10分鐘就係最好食的了。雖然只有半條但兩個人分都啱啱好，魚嘴啲皮滑嘟嘟，同埋個腩位油脂同肉嘅比例啱啱好，呢兩個部位最好食。重中之重，今晚嘅主角

自從於好些年前跟朋友回深圳食過粥底火鍋之後，一直都想搵機會再試，香港不是沒有的，而是名氣始終不如傳統打邊爐或雞煲大，有供應的食肆自然也不多。因為工作關係，我同同事要入油塘大本型，所以我哋便決定食埋晚飯先返歸。上網見倒附近有得打邊爐，正正在大本型對面，而且評價不錯，便決定一試。我們工作至晚上八點半左右，又時閑日，加上餐廳面積很大，我們不用等位或特別要求便獲安排坐四人卡位，感覺特別好。我估星期五、六、日就要book 位先安全啲。放眼所見，大部分食客均是點二層鍋，但我見倒餐牌有粥底火鍋，而且是海鮮粥，機會難得，便點了原隻大蜆蝦粥($178)，整整一大鍋，夠四個人食，比全隻雞煲仲要平，而且真係見倒有好多大蜆及大蝦，我哋數過有足足8隻大蝦同11隻大蜆，勁誇張。而且食材的品質很高，新鮮沒有臭味，蝦肉結實不霉，蜆肉有海水咸味，質素之高及份量之多，老實說兩個人來只點這個鍋已經足夠。至於粥方面，粥水吸收了海鮮精華，味道清甜。由於我哋極肚餓，便叫了尖椒重慶皮蛋($38)作前菜，食住先。重慶皮蛋顏色金黃剔透，有別於普通皮蛋以石灰粉醃製，完全無無苦澀味，加上麻辣醬極有川味，但太正宗，真的很辣。著便到火鍋料，我

蒸氣面膜就做得多，但蒸氣火鍋真係第一次食。同班朋友聚舊，人多叫左個海鮮鮑魚雙層蒸氣塔，都係$499。會先送上調味架，我就鐘意落鼓油，蒜蓉同蔥。前菜係麻辣青椒皮蛋，先作開胃菜。再黎清蒸原條游水沙巴龍躉，已經先切好，方便一陣蒸。魚肉幾新鮮，大大塊魚塊口感好好。仲有蟲草花蒸鮮雞tim, 雞好滑溜，味道唔錯。之後既海鮮有好多野食，例如有新鮮龍蝦，原條蒸鮮活大蜆皇，蒜蓉蒸開邊龍蝦同蒜蓉粉絲大元貝。蒜蓉果然係唔錯既配搭。海鮮都好新鮮，份量又多。上層係蒸氣蒸海鮮，下層係打邊爐，仲有粥底。食完飲到粥既精華。甜品係芝麻綠茶芋茸餅，煙韌既口感，甜甜地中和返海鮮既口感。紅棗糕$38有6件，淡淡紅棗清香，煙韌既口感。另加左美國安格斯牛肉$128肥牛肥瘦比例唔錯，啖啖牛岩晒我地食肉怪。手打蝦滑，墨魚滑$88，口感好彈牙，充滿蝦同墨水味。仲有涼茶飲品,呢餐超滿足!