蜀府川鍋 (已結業)

朋友係油塘番工,為左就佢我地所以係油塘食飯,最後我地就揀左呢間蒸鍋可能因為閒日,所以人流唔算多,我地揀左蒸氣海鮮餐第一樣上枱既係重慶皮蛋,黃金皮蛋通常坊間比較少用既,食落無普通皮蛋果種腥味然後侍應抬住呢個霸氣既雙層鍋出黎,仲好細心教我地上層蒸,下層就粥底邊爐調味料架有咸同甜既豉油揀,果下我地都呆呆地諗,平時打邊爐係用甜定咸😂😂我本人比較少食魚,但呢個魚都食落係鮮甜同唔太腥,👍🏻👍🏻👍🏻侍應話蒜蓉海鮮放上層蒸會比較食到鮮味,我地2個都覺得份量好夠呀,海鮮都有好多款初初我地以為海鮮份量會少,所以叫多左個安格斯牛肉同韭菜餃十個推介呢個綠茶芋茸餅,好好味😋😋👍🏻👍🏻

真係好嬲未試過咁樣俾人屈！話說今日星期六諗住食個消夜。見佢10點鐘個粥底火鍋有半價，咁就特登等到10點鐘先去到間鋪頭。入到去就指住個餐牌問有冇龍蝦粥底火鍋，之後佢話有，就叫啦。一開頭想咗個魚同埋雞，我以為佢係包埋，我唔理啦繼續食。過咗陣啲海鮮都嚟埋，個餐牌明明有寫住將啲貝類同海鮮放落個去，咁我冇為意就直接將啲海鮮放落去。食食吓，佢無啦啦上咗個甜品，我已經問佢呢個送架？個侍應話係。唔理啦繼續食，食完埋單。佢收我500幾蚊。我明明叫個個套餐係2xx幾，點會500？我問佢，佢話我叫左第2個套餐。我入去既時候，已經問佢，係叫10點鐘半價嗰個套餐，佢唔認數。之後話如果係10點半嗰個套餐冇咁多嘢食架。我想講食客係唔會知究竟個套餐會包咩，佢個餐牌又寫得唔清楚！加上張單係手寫單，點睇到佢寫咩？另外我問佢甜品係咪送，佢話係，但我睇佢個套餐係包，咁咩叫送？加上10點黎，點會食普通既套餐啊？再加上我係拎住張大卡（半價套餐既餐牌）講，我完全理解唔到點解佢睇到我拎細卡（普通套餐）！只能夠講佢屈我地。另外幫我地落單條友塊面紅晒，我相信佢係飲左酒囉！超嬲！呢間野我唔會再食 老屈人

一家人外出食飯，去了位於油塘站附近的蜀府川鍋。見openrice的食評不錯，價錢比較便宜，所以一試。見大部網友都推介了海鮮雙層塔，加上我們全家都喜歡食海鮮，而且$499有個4人份量的套餐，確實便宜。店員會推架醬料車仔過來，我們自行配搭醬料，只有基本的款式，辣椒、蒜蓉、葱及芫茜，反而有分甜/咸豉油。我們點了瑤柱排骨粥底，可以一邊蒸海鮮，一邊打邊爐。先送上來的海鮮拼盤，海鮮很有堆頭，擺放精緻，份量十足。之後就送上了蟲草花鮮雞，4人份量有半隻，目測雞肉是有用豉油豆粉醃過，因為顏色有點深。沙巴龍躉則是原條切件，整齊排放成原狀。我們另外再點了一些配料。一邊打邊爐，一邊等上面的海鮮蒸熟。牛脊肉小份色澤鮮紅，切得厚身，雪花紋清晰。牛肉肉味濃郁，肉質比較實淨有咬口，油份不多，所以不會成鍋粥油淋淋。手打墨魚滑及蝦滑，外型精緻，設計方便放落粥底。兩者質感軟腍幼滑，有濃郁的海鮮味及膠質非常彈牙。雲吞味道普通，是急凍貨式，外皮較薄。碌了一陣牛肉後，海鮮開始熟透。先試了蜆肉及蚌，鮮甜無比，不過其中一粒蜆肉有少許沙。扇貝用粉絲墊底，加上蒜蓉一起蒸，扇貝肉質腍滑，連殼內的湯一齊飲，非常鮮甜。鮑魚新鮮爽口彈牙，很有咬

表姐住在油塘附近，知道我喜歡食海鮮，介紹我去油塘巴士總站斜對面的蜀府川鍋，主打食二層鍋，上面蒸海鮮，下面粥底打邊爐，一次過有兩種食法，重點是海鮮新鮮，價錢便宜，在旺角食一個蒸氣鍋，人頭要$350-$400，在這裏只需要$148/位，抵到難以至信，若非表姐介紹我都要諗諗。地方聽落好似好遠，要去到油塘，好似唔多就腳，看完地圖都不知到那裏，其實好近地鐵站，一出油塘站行向759的出口，直行過左X鮮壽司，左轉入巴士總站向停迫VAN仔的方向行，出返大街就會見到，總共不過數分鐘。餐廳門口放有魚缸，有很多新鮮生猛的海鮮，熱情的店員叔叔說他們的海鮮是每天新鮮取貨，全部都活生生，所以客人回頭率極高。我們一行四人點了一個四人海鮮餐，只需要$499，抵到難以至信。除了海鮮餐之外，還有蟹粥、龍蝦粥、川辣鍋底及小菜等，款式眾多，緊有一款啱食。先點了一個小食尖辣皮蛋，皮蛋入口即溶，帶有一點的麻辣香味，但不會太辣，反而尖椒辣到唔夠膽放入口。雙層蒸氣塔，上面是蒸鍋，下面是粥底。我們點了瑤柱排骨粥底，排骨大大舊，很大鍋。海鮮拼盤真是很大份，有蒜蓉粉絲扇貝、貴妃蚌、蜆、鮑魚、龍蝦及粟米，份量十足，絕不欺場。每人分得3-4隻

去油塘大家都會諗肯定係去食海鮮啦！係就係去食海鮮但唔係俾人「Gur」的鯉魚門村。今日去鯉魚門閒逛後就於油塘附近尋找餐廳，行上大本營的途中，見到大紅色的門面就一於入內試試。店面選用大紅色，十分有中國風！旁邊有大魚缸，海鮮十分生猛，未知是否跟地利有關，近水樓台，近廚得食丫麻😂店中餐牌款式十分多，小妹與友人選了一個4人蒸氣海鮮餐，只需$499😍係4個人合共$499，十分抵食！有龍蝦、鮑魚、扇貝、原條沙巴龍𧄌、蟲草花蒸雞⋯特別要講講呢個前菜！皮蛋超好食，蛋黃口感綿滑，配上辣油，十分惹味！辣油不算辣但夠麻！小妹選左瑤柱鮮竹排骨粥底！夥計服務有效率、又親切友善😆火鍋料新鮮！龍蝦每人一邊、送上黎時，鮑魚仲郁緊😍非常新鮮！蒸蒸蒸，龍蝦熟喇！啖啖肉，睇圖就知夠多羔！正！沙巴魚原條上，4個人來說，份量都不小！肉質鮮嫩，不韌，魚香經蒸煮更容易散發！正！雞肉嫩滑彈牙，蟲草花味入哂雞肉內，令人一口接一口！見到是日精選是海膽，$48咋！即管試試，整盒倒進粥底，淆成海膽粥🤤粥底經多小時的淆製，十分綿滑，再加上海膽，令每啖粥都充滿海膽香，我食左2碗！整體來說，餐廳食材質素不俗，夥計用心服務！重點是以性價比來說真的十分

之前見同事食過一間海鮮蒸鍋，價錢不太貴，海鮮又吸引，問她拎咗資料之後，決定book枱跟老公去試試。餐廳在油塘站附近，雖然近工廠區但尚算方便。當然必試海鮮鮑魚雙層蒸汽塔，價錢扺又可以試多款海鮮等海鮮鍋預備嘅時間，我地叫咗個小食開開胃口先。尖椒重慶皮蛋黃金皮蛋外層爽口內裏軟滑，流心蛋黃味道香濃，尖椒辛辣刺激，味道惹味。終於到海鮮蒸鍋上場，鍋子設計分開2層，上層係小蒸鍋下層是粥底火鍋二人海鮮盤海鮮新鮮生猛龍蝦肉質鮮嫩，蒜蓉醬提升了龍蝦鮮甜味，好滋味。蒜蓉粉絲大元貝大元貝新鮮軟嫩，粉絲吸收咗蒜香味更加滋味。九頭活鮑魚鮑魚鮮甜彈牙，而且仲好大隻呢！蟲草花蒸雞放落粥底一起煲，鮮雞的精華全部流入粥底，粥底香甜軟綿，雞油香味濃。本地手切牛頸脊（中）牛頸脊肉質嫩滑，只是偏多肥膏最後還有甜品附送綠茶芋茸餅新鮮熱辣煎起，味道唔太甜，外層脆脆的，芝麻脆口，內裏芋茸清甜，堅好食。

好少去油塘嗰邊食晚飯，原來隱藏係工廈有間川式火鍋加上蒸氣塔，有得食辣，有得打邊爐，仲有得食蒸氣海鮮，簡直係一次過滿足晒三個願望仲要係一個人150都唔使，就有多款海鮮，即係未叫先興奮， 我同朋友兩個人見到個套餐咁抵食都諗緊係咪份量好少，所以本身另外點左其他手打肉丸，配菜，肥牛同埋豚肉。點知隔咗陣有個侍應叔叔同我地講，見到我哋叫太多嘢食，提一提我地兩個人食唔哂，同埋基本上淨係嗌套餐都好夠飽，所以我哋就取消左大部份單叫嘅嘢食我哋點完餐之後，侍應就推左架調味料車黎餐前小食🤤好特別嘅皮蛋，因為黑色皮蛋外表而唔食皮蛋嘅朋友表示，真係好好食，醬汁唔算辣，但係好有四川風味，食唔停口🤤主角二層蒸氣鍋出場，我地點左麻辣小辣湯，平時食麻辣鍋都會越食越辣，呢個湯底就冇，略嫌唔太辣😳但係湯底好足料，仲有好多類似蜂窩豆腐😋只龍蝦唔係講少，超大隻啖啖肉，非常鮮甜，食得出好新鮮🤤呢盤海鮮一黎到，我同朋友都O哂嘴，份量多到嚇死人！元貝蒸好鮮甜，有好多肉汁，仲好鮮嫩好鮮甜，口質好彈牙，蒸之前仲郁緊，好新鮮我地另外點嘅配菜，呢個兩層蒸氣套餐好抵食，一個人唔嗌配菜都只係二百頭，仲要有好多款海鮮，質素高，用料新鮮，平時岀面呢個

自問係一個不折不扣的海鮮迷，今日約左一個同為海鮮迷既朋友遠道嚟到油塘既「蜀府川鍋」一嚐近期人氣既海鮮雙層鍋「蜀府川鍋」從油塘地鐵站行去大約五分鐘距離，由於位於工業大廈地鋪，空間頗大。是日平日大約8點到達，客人依然不少。相信深受附近街坊歡迎。幸運地坐到卡位，總算可以舒服地享受一頓海鮮盛宴一向有計劃的我一早已經熟讀食評，一早決定試人氣既海鮮雙層鍋。店員很快送上龍蝦及海鮮拼盤。開邊龍蝦份量十足，同我前臂差不多長拼盤則放著扇貝、鮑魚、大蜆及沙巴龍𧄌海鮮蒸鍋用既調味同烹調方式都好簡單，食材新鮮非常重要，而蜀府川可以做到這一點。話咁快雙層鍋送到枱上，上層為蒸鍋，下面為豬骨粥底，用作火鍋。我地先將龍蝦用大火蒸十分鐘。龍蝦肉非常扎實，簡單用蒜調味已帶出肉鮮。蝦膏香濃又滑，滿足海鮮拼盤當中以鮑魚最為出色，連殻鮑魚無需任何調味已經好鮮味，肉質彈牙啖啖肉，口腔頓時給寵壞KO了一輪海鮮後，就開始火鍋部分！火鍋料尚算新鮮，雖然午肉油脂分佈不算平均，但勝在牛肉味重。蔬菜亦非常新鮮。當日心情好，追加了一板海膽送粥香滑海膽配軟綿豬骨粥，奢華之極近尾聲我們點了一個蟲草花蒸雞，這個很多人都有推介，所以算是必點項目！蟲草花

夜晚8點黎到，叫左2層鍋野食未上之前店家送左碟尖椒皮蛋，我最中意食落爽脆少許辣味既尖椒二層鍋上面用黎蒸，下面用黎烚，湯底揀左麻辣小辣，食落夠味但耐左都唔會鹹，抵讚每人百零蚊就有咁多海鮮，蒸海鮮係自己動手，唔想蒸既亦可以用黎邊爐，我本身唔食魚，朋友將舊魚用黎邊爐，話好好味，海鮮全部都好新鮮，龍蝦上檯嗰陣隻爪仲旭過😂蒸起上黎全部都原汁原味，店家好細心將龍蝦既鉗殼拍過，所以剝殼好容易，龍蝦同扇貝都加左蒜蓉，扇貝仲有粉絲，食落好鮮甜本身食海鮮其實都好夠，不過為食就又叫左啲餸，蝦滑同墨魚滑夠彈牙，滑牛非常嫩滑又大大塊，個人最推薦薯仔同蘿蔔，蘿蔔索曬湯好甜，薯仔切得夠薄，所以唔洗淥好耐就夾起食得，爽口又過癮飲飽食醉過後仲有甜品，呢個芝麻綠茶芋茸餅食落外皮脆卜卜，芝麻炸得好香，入面有芋泥，食落有啲似炸煎堆，朋友太飽食唔落正好益曬我，一口氣食曬2件，係熱氣啲但係開心吖嘛總括而言呢度啲野食價錢公道，出面有水缸養住啲海鮮所以唔怕唔新鮮，而且選擇夠多，有邊爐有蒸爐仲有小菜，一次滿足你多個願望。而且店員都好好人，會建議你邊啲海鮮可以一齊蒸等你快啲有得食

琴日同個朋友生日諗住嚟呢到試下個海鮮粥祖蒸鍋同蜆仔雞煲啦，咁我地另外再加點左其他料就叫佢上完個海鮮料先上其他。叫佢上菜叫左三次先上仲要話返我地轉頭話我地叫分開上，咁我地食完咪叫佢上囉😠d服務差到咁！佢個蒸爐蒸十世都未熟😤d龍蝦肉霉ge 😩其他海鮮咩鮑魚呀扇貝呀全部都淨係得陣蒜溶味，完全遮曬d海鮮味。成餐飯有一半時間等個蒸鍋。個粥底仲衰完全唔講得上係粥，正確d嚟講應該係湯撈飯，d湯仲要係勁重胡椒味，飲左兩啖都唔想繼續。最後叫佢執台攞生日蛋糕出嚟，個呀姐又好似唔想執咁，叫我地食好曬先再叫佢。之後再叫人嚟執都冇人理（間餐廳唔係坐爆），最後個暑期工弟弟嚟執。佢新手執野都冇人幫佢手，佢執得勁慢，我地幫手疊埋d碗執咁d野先快手少少。🤦🏽‍♀️總括嚟講，呢間野冇一樣野係正。完。

上次黎呢度食已望到呢度有蒸氣海鮮餐, 可以一爐兩食, 今次同火鍋愛好者黎試下呢度除左有馳名海鮮粥底鍋外, 亦有其他四川特式煲, 水煮推介, 特式湯底及烤魚推介, 選擇相當多就係呢個蒸氣海鮮餐 ($148/位), 食材非常豐富, 有龍蝦鮑魚, 咁既價錢, 絶不失禮喎!湯底三選一, 就選左清清地既芫茜皮蛋鍋, 湯滾起後就可以放食材上去頂層度蒸龍蝦每位半邊, 以蒜蓉開邊清蒸, 蒸大約10幾分鐘就可以, 都幾多膏, 肉幾鮮甜 再黎蒸蒜蓉粉絲大元貝, 大蜆等貝類, 沙巴龍躉及鮑魚等, 味道鮮甜, 鮑魚有返咁上下厚度, 食起黎夠晒有口感; 大元貝連埋蒜蓉粉絲一齊食, 香蒜味中混埋元貝鮮味, 唔錯!個沙巴龍躉雖然唔算大條但亦相當有肉地, 魚皮充滿膠質, 食完有少少黏口, 而魚肉亦算幾滑, 點少少豉油加添味道就可以!除左海鮮, 亦有呢客蟲草花蒸鷄, 份量都唔少, 有埋蟲草花, 雲耳作配料, 清蒸完鷄肉仍然超嫩滑, 食到鷄既原味!係等緊上層食物蒸熟時, 下層既芫茜皮蛋鍋我地唔會冷待佢既, 叫番碟本地手切牛頸脊 ($158/例)就岩數啦, 例牌份量都幾對眼, 排列整齊, 肉既顏色幾靚仔只需烚10秒就食得,

打風都係乖乖地留係屋企回味下前幾日食嘅海鮮蒸氣火鍋啦🦐🦀！呢個火鍋超抵讚😋👍🏻佢嘅套餐包左龍蝦，大蜆，鮑魚，元貝，沙巴龍躉等等，仲有甜品同三款湯底揀～咁樣都係每人$148咋，唔洗點加其他野都已經夠飽🙆🏻😝海鮮方面好新鮮🐟，不過記住要自己計時，唔好蒸到老晒呀！另外，佢嘅甜品都好推介😍芝麻綠豆芋茸餅唔會好甜，又煎得好香喎🤤不過要趁熱食，凍左爭好遠架😂🙈.

阿媽又話想食海鮮於是同佢嚟咗呢一間度食因為上次食過一次覺得啲嘢食好好味同埋好抵食我哋叫咗蒸氣海鮮餐每位＄148海鮮餐相當之抵食個海鮮餐係雙層蒸氣塔可以一邊打邊爐一邊蒸嘢食前後有成九樣嘢食真係可以媲美九大簋啊鮮活大蜆皇好爽呀啲肉質啲鮑魚啱啱嚟到嘅時候係仲郁緊架好新鮮呀！呢個已經俾我哋煮熟左啦。龍蝦好大份元貝都係大大隻＄148海鮮餐有沙巴龍躉、大大隻龍蝦、鮑魚、蒜蓉粉絲大元貝同蟲草花蒸雞等等真係超級豐富呀！雙層蒸氣塔頂層可以蒸嘢食下層可以打邊爐個湯底我哋叫咗芫荽皮蛋呢個湯底相對比較健康除咗呢個湯底仲有粥底同麻辣湯底不過我哋怕太飽所以唔要粥底另外都唔係食得辣所以就叫左呢個芫荽皮蛋湯底啦重慶皮蛋呢個最正係啲醬啲皮蛋都好靚係糖心皮蛋最緊要係怕辣嘅人都食到個樣好似好辣 不過食落唔係點辣但係就有好香嘅麻香味道打邊爐我哋唔想食太多肉叫咗粟米、娃娃菜同雞髀菇啲菜好靚粟米好甜雞髀菇好爽口我哋坐近門口嘅卡位都坐得幾舒服唔錯甜品係綠茶芋茸餅雖然綠茶味唔係太突出但係整體食落好香同埋炸得好脆啲芝麻超好食就咁睇相以為食咁多海鮮要好貴但係埋單每人都係二百零蚊真係超抵食呀！

放假和男友一齊去行下Mega box睇下傢俬，諗下點佈置新居，忙完一輪後，就search 下附近有咩好食的，既然今日有揸車，就決定去遠少少位於油溏的蜀府川鍋～～之前聽朋友介紹評價不錯的蜀府川鍋，以二重鍋及粥底火鍋贏得不少口碑，所謂二重鍋即係上面蒸海鮮，下面可以打邊爐，絕對可以滿足雙重的願望！一入去搶眼的紅黑色調，加上中國風的佈置，每一角落都充滿著四川風味，晚上不到8 點，已經全場滿座，可見頗受歡迎！1人海鮮鮑魚雙層蒸氣塔才$148，必點！先來尖椒重慶皮蛋，麻辣度剛好，皮蛋色澤精瑩剔透，口感煙靱，前菜頗開胃的～～我們的二重鍋終於上枱！上層可以蒸海鮮，下層則叫了瑤柱排骨粥底火鍋～～由於我地揀左粥底火鍋，可以自添火鍋醬料，配料不算太多選擇，都是蒜蓉，蔥花及芫茜～開邊龍蝦又多肉又大隻，仲有蒜蓉粉絲蒸元貝，鮑魚都是新鮮貨，但蒸海鮮完全要自己控制火喉及計算著時間，要食好東西是要付出的！蟲草雲耳雞，可以用黎蒸或者用黎打邊爐都可以！蒸海鮮需要花一陣時間才可以完全受熱，所以要耐心等候！幸好我們點了一些火鍋配料，可以一邊打一邊食住等～～我們吃完的龍蝦肉後，把龍蝦頭放進粥底裏熬，令粥底更鮮甜！值得一提的是本