蜀府川鍋 (已結業)

跟朋友到油塘食蜀府川鍋，就近港鐵站，穿過大本型過對面馬路就到，都算方便，見餐牌好多海鮮鍋同粥，叫了原隻大蜆龍蝦粥$238，同海鮮四層塔。先黎尖椒重慶皮蛋$38，有青色辣椒夠爽脆，而皮蛋蛋白係透明，爽口，蛋黃夠糖心黏口。之後上大蜆龍蝦粥，好彈牙既龍蝦肉，大蜆鮮甜多汁。粥底清甜，吸晒龍蝦同蜆既精華，海鮮粥。再上龍蝦龍躉四人餐$388，個海鮮併盤好澎湃，包括鮮鮑魚，龍蝦，聖子，花螺，大蜆，蚌。醬料一車上，調制自己喜愛的醬汁，四層鍋一上，其實已遮蓋對面既朋友，好高，叫了咸菜胡椒豬肚湯底，愛辣人士，啱晒，好辣，胡椒夠香，豬肚大件，都有好多塊；另一湯底芫茜皮蛋湯底夠下火，中和返。放晒龍躉魚肉，花螺落去烚，魚肉肉質夠實，鮮甜，花螺點醬汁夠惹味。頂層是蒸海鮮為主的，有蒸龍蝦，若10分鐘，肉質彈牙，鮮龍蝦味濃，面鋪蒜蓉好香。有蒸蚌同聖子若7分鐘，鮮甜。再黎蒸鮑魚，鮮味無窮，又彈牙既肉質。到第二層係炸豆腐，熱辣辣酥脆。第三層係鐵板，用來燒手切牛頸脊$198，可以保留牛肉香味，如想較淋身，可放入火鍋湯底，另一食法。之後再叫了酸甜排骨，即叫即炒，菠蘿係新鮮菠蘿，夠晒多汁。最後甜品叫了綠茶煎餅，好香芝麻香味。每

今天有同事說在他屋企附近發現一間火鍋店，又平又好食，問我們有沒有興趣試下，佢住油塘，店平時常常去旺角、銅鑼灣旺區，好耐冇去油塘區，聽說油塘改變了很多，有大型商場和不同食肆，大家都同意放工去試試！店名叫蜀府川煱，位於油塘工業大廈地下。我們選擇食四層火鍋：龍蝦/日本原隻鮮魷海鮮四人套餐。尖椒皮蛋：是前菜，麻辣味！海鮮有：蒜蓉開邊龍蝦一隻、日本原隻鮮魷魚一隻、蒜蓉開邊聖子四隻、鮮活海蝦四隻、海螺和貝蚌，還有大連鮑魚四隻，大大隻鮑魚，上枱拍照時還很生猛不停郁動。四層火鍋：第一層是蒸的，第二層有辣子豆腐，第三層是燒的，最底第四層是打邊爐，湯㡳我選了芫茜皮蛋和蕃茄薯仔，所有海鮮怎樣煑法？由自己決定，海鮮都新鮮，怎樣煑都好味！我們還加了肥牛、手打蝦丸和鵝腸，值得一讚是鵝腸，清洗得很乾淨，連肥膏也剪掉，而且很新鮮又爽口！👍

想食粥底火窩於是網上睇下食邊間好，我地選擇在油塘蜀府川鍋，一行到呢間餐廳好特別門面紅當當，門口掛上紅色燈籠挺特別的，位置都幾方便油塘大本型斜對面。門面紅當當掛滿紅色燈籠原隻大蜆蝦粥粥底好鮮甜，大蝦好新鮮蝦肉好爽口彈牙very good😋大連活鮑魚好大隻好新鮮，鮑魚仲識得郁好少有咁新鮮的大鮑魚👍，平時好少見到咁大隻通常是細細隻的鮑魚。鮑魚咬落口好爽口彈牙好鮮甜美味。安格斯牛肉切得薄薄地，牛肉好新鮮鮮甜👍😋本地手切牛頸脊桶蠔好大隻好肥美好鮮甜，一點腥味都沒有，十完之後都冇咩縮水依然大大隻👍😋飯後甜品黃金糕

今日友人提意揸車到油塘鯉魚門食海鮮，當駛到大本營對開時，看見「蜀府川鍋」店外掛上幾個小燈籠很搶眼，已經停下了車，探究下有咩推介先，見到有個大蜆蝦粥底鍋，大家又"食"指大動，唯有泊好架車去開餐吧門面幾有中國feel店外還有魚缸養活海鮮我們點了個原隻大蜆蝦粥 $178，還付上食法，幾細心，22:00後仲有半價有好多蝦同大蜆，蝦肉爽甜又大隻本地手切牛頸脊，有牛肉鮮味，厚薄剛好花膠桶蠔好大隻，鮮甜好香蠔味，最仲要係唔縮水活鮑魚鮮甜彈牙，洗擦得很乾淨煎黃金糕喺香港很難有得食食埋個粥底， 吸收晒海鮮 d 精華

好久沒打過邊爐，吃過放題自助餐了，工作忙得透不過氣。明天開始放大假，今晚去朋友家附近吃個火鍋，為長假期揭開序幕朋友帶路，蜀府就在離大本型不遠的街上。9點多的時間，這天 不用等位，基本上所有位都有電視睇，隨便就選了在卡位坐。自己可以洗洗餐具，當然了，自己醬油自己溝登登登登！四層火鍋上枱四層火鍋包括了 鮑魚 或北海道大元貝 4隻這天就來了 4隻新鮮得不停「郁郁貢」的鮑魚 。先把鮑魚放到最上層去慢慢蒸四層火鍋的第2層是椒鹽豆腐，非常脆口，建議可以等一下才吃，熱了再吃會更有口感和惹味第3層用作燒 / 煎 。海鮮套餐非常豐富開邊龍蝦龍躉( 切片上)聖子海螺貝蚌類海鮮上已有滿滿的蒜蓉調味左邊 : 豬骨湯底，($108)味道不算太濃 也不會過咸除了豬骨有冬菇 玉米 菜 蘿蔔右邊: 芫茜皮蛋湯底，最近芫茜大熱，我本身也是一個茜怪，當然唔執輸啦龍躉 放到芫茜湯底不一會兒已經熟了不敢放太久怕影響肉質。時間剛剛好就能保持肉的鮮味海螺也是放到湯底裡煮，因為形狀不太能煮。聖子 ，貝蚌就可以放到第3層燒，時間也不會太久，而且會比較香和惹味。開邊龍蝦 好大隻啊留到最後才吃。大豬骨好戲就是在後頭蒸熟了的鮑魚非常新鮮，

蒸氣鍋係韓國出現後, 香港都出現一片熱潮, 自已就未食過,舊同學話有間食蒸氣鍋出名, 可以試下。叫做 地點係油塘大本營隔離, 係巴士站行過去唔駛3分鐘, 離遠已經見到大紅燈籠,好易搵到啦 !訂左枱準時到達, 門口裝修好有中國味道,門口有個魚缸, 竟然見到少有的花龍躉,食店唔算好大, 左右兩邊有好多卡位, 因為早去到最初無乜人, 但到7點幾已經坐滿8成, 最好訂位。我地訂左枱有卡位, 舊同學話食可以食海鮮鮑魚雙層蒸氣塔,價錢又唔貴喎! $148 有好多野食....(有龍蝦, 大蜆皇, 沙巴龍躉,  九頭活鮑魚, 鮮雞, 大元貝...)粥底我地揀左排骨粥底仲有可以再叫其他材料打邊爐, 亦有小菜可以叫。之前上OPENRICE SEARCH過有乜好野食, 我見個個都食個皮蛋, 所以都叫左個黎食先, 尖椒重慶皮蛋 $38見到蛋白竟然透明清澈, 好靚 !初時都好擔心會好辣,每件皮蛋上有少許辣椒醬, 唔會太辣, 充滿麻辣的味道, 唔覺唔覺好快食左四件。不過中間的辣椒就唔敢試..好快職員遞上我們的二人餐,先上一個蒸氣鍋, 底下大鍋係排骨及米 (因為放係GAS爐上, 最後會變成粥), 上面就比你放海鮮

啦啦啦啦啦～我OpenRice 食評不知不覺已經100篇喇！所以要好好慶祝一下，要大吃大喝！友人提議吃蟹粥火鍋，所以今次由他帶路！要不是這位地頭蟲友人帶路，我也不會知道這隱世高質小店--蜀府川鍋。位置在油塘A2出口，A2出口前有一條往下走的樓梯，到樓梯底之後，再前行3-4分鐘就會看到。是中式餐館裝修，工業區來說店裏食客也挺多，約70%左右。小店供應的火鍋湯底非常多，三十多款，火鍋料亦有幾十款，加上小菜、燒物、小食及甜品，令人好難選擇！聽地頭蟲的朋友所說，這裡的粥底火鍋及川菜已經賣到街知巷聞， 當中粥更是綿滑超多街坊捧場。不像坊間的粥水湯底了事！他們是以潮州粥方式端上台，所以每粒米清晰可見，真材實料，經時間烹煮，就變成綿滑的粥底。另外，粥底加菜及葱等炮製而成，是這個粥底更香更甜的小秘密。今次，我們點的是鮮蟹大蜆粥，用料非常新鮮，蟹及蜆也非常巨型，足料，鮮味超濃，蟹肉豐腴又嫩滑，蜆肉大大粒，鮮甜之味確實驚豔！我們不停的吃，不知不覺把整鍋粥吃完，見底。吃完粥，待應幫我們加湯，開始吃火鍋。沙巴龍躉全條起片矜貴的龍躉size 大約一隻男士手的大少，魚肉顏色潔白，肉質細膩，輕輕一灼鮮美嫩滑，重要是

如果唔係有朋友介紹真係比個名嚇親! 以為係食勁辣野xd原來好多唔辣既選擇太多選擇下唔想煩!直接就揀左佢地既主打推介既蒸氣海鮮火鍋 ($499)非常大盤吸引既海鮮 齋望已經食慾大增!粟米第一時間放落粥底到先啦!等佢蒸熟第一樣野期間最好就係咬下D特色小食泡椒尖筍 ($38)唔大辣~幾好味~好好咬!!必點手切極品韓牛 ($288)入口即溶! 濃郁既牛~~韓牛的確係唔同!!都好大盤~但真係好正~ 唔會食唔哂!放心!想特別推介個 沙巴龍躉超滑~ 好鮮~ 唔多骨~啖啖肉~媽媽搶哂成條食咁制!仲有隻蟹 超鮮甜!勁多肉~超爽口!而且已經事先幫你碰爛左個剝非常貼心 輕輕一督就食得!蟲草花蒸雞 雞肉幾嫩滑 幾入味蟲草花味其實唔會太重 後生一族唔洗驚!雲吞 唔好睇少都非常值得一試!見到佢係即場包 好太粒~好多料 😊好想贊下呢到d姐姐伙計全部都好有禮=)好貼心~=)

專程過黎就佢個粥底火鍋介紹話海鮮好抵食~比既都係靚野!揀左個瑤柱鮮竹排骨粥底有埋 Instruction 教你點食不過少少貼士係 唔好等到最後食~唔係一定會焦! 同埋記住攪下~我諗一個鐘到已經吸收左好多~已經非常鮮甜!! 一碗再一碗!叫左個小食 我地成家都好中意食皮蛋好少見 非常綠既皮蛋 好食！唔太辣的！可以放心！My favourite 龍蝦!!!超大隻~蒜蓉蒸勁香~肉質鮮甜~鮑魚~ 唔細隻嫁! 勁好咬~當然海鮮就唔少得蒜容粉絲帶子!成粒擺入口~ 種鮮味特別澎湃~堆蜆我諗有十幾廿粒啦~地分左一半扔落粥底淆~一半擺上去蒸~~ 結論係分別唔大~~除左海鮮我地都叫左個熊本一口和牛粒~估唔到呢到會有呢類~見到d紋理都覺得吸引!好正~在嘴裡溶化的感覺~最後仲有甜品送~第一眼以為係綠豆餅~失望反正已經飽得制~諗住同佢講唔好哂~唔要喇~點知原來佢話係綠茶餅~我係綠茶控~~即刻好想試下!好特別~~~!!大家試下~出面比較少食到=)

就黎母親節，上網搵搵下見衣間餐廳幾好，聽個店名就知食川菜，雖然佢有川菜食，但衣度既粥底邊爐同蒸氣火鍋都好多人食地點都算易搵，油塘A1出口直上2條左右電梯，到地面向右一直行，途中有停車場，行到見大馬路，人流比較多，再轉右前面已經係餐廳了！路程5-8分鐘左右，都唔算好遠！今日晚上預約左8點，一早預留左個大蜆蟹粥，仲可以打邊爐未試過咁食法，不過見其他食客好多都食四層/兩層蒸氣火鍋！餐牌款式都有好多選擇，另有四川小菜，不能盡錄！今次粥底邊爐食法都係好似平時打邊爐叫野食落落去好快大蜆蟹粥到了，其實我覺得好過平時打邊爐，衣種食法一黎就食得先食蜆同蟹，d蜆好大隻，不過好多蜆肉都甩左落粥度，蟹肉超多，啖啖肉最緊要係開晒殼，唔洗落手已經食得味道都好鮮甜，$198既海鮮粥簡直抵啦！食完蜆同蟹，有食少少粥試下，唔敢食得多，見餐牌話滾埋其他餸會再多d味，但發覺其實係要食d粥先，唔係就越黎越杰又要加湯，變左粥底味稀釋左！頭啖既粥係好入味，超正之後加湯明顯冇咁濃郁，加上開始比打邊爐料混埋d味，會越黎越咸，所以一定要食頭啖粥打邊爐料既安格斯牛肉，我地先叫左個例牌，大概有8塊，發覺唔夠喉，再嗌多份大既食落似平時肥牛，

就黎母親節，預早同媽咪慶祝，食豪啲啲，媽咪鐘意食龍蝦，即刻想起蜀府川鍋，佢既海鮮餐真新鮮又抵食。 都係叫返清蒸海鮮，煎同火鍋既四層塔！呢個海鮮併盤火鍋套餐夠晒四人份量$388，再叫了一個原隻大蜆龍蝦粥$238， 先叫冷盤尖椒重慶皮蛋$38，透明蛋白，夠晒爽口，個蛋黃依然係粒粒糖心架。主角之一，有原隻大蜆龍蝦粥$238，好鮮甜肥美既大蜆，另外成隻龍蝦分開7至8件，肉質彈牙，食完龍蝦同蜆後，時間剛好食個粥底，吸晒海鮮甜味，個粥充滿精華。之後到龍蝦龍躉四人餐$388，成個海鮮盤每次送上都引來艷善目光，還有四隻鮮活鮑魚另上。先放在四層鍋頂，急不及待，肉質鮮甜，煙韌，之後放蚌，再放聖子，最後放主角龍蝦，雖然唔算大隻，但夠晒彈牙，肉汁鮮甜。第二層本應係炸豆腐，今次好特別另上一碟，好脆口熱辣辣。第三層可以作煎，今次叫了韓式手切和牛$288， 一啲煎，一啲放湯，好香牛肉油香，薄薄片，淋呀。最底層，叫了鴛鴦火鍋，有胡椒豬肚湯同莞茜皮蛋湯底，有好多塊入晒味既豬肚，又夠味又大塊。之後將其餘海鮮放湯，有龍躉魚肉，一大片厚魚肉，鮮魚味足，唔多骨。胡椒湯底夠晒辣，放埋大蜆，花螺落去，食時又唔太辣，又惹味。話明母親

係燈光火著既大本營附近, 呢間火鍋店就係另一面獨自發亮店內裝潢似走中國風, 兩邊設有卡座, 仲有電視相伴...............呢期主打推介海鮮鮑魚雙層蒸氣塔, 亦有燒烤煎蒸涮火鍋配料選擇超多, 患有選擇困難症既人黎到呢到都應該會即場"病發".....................哈!之前食過佢既龍蝦粥底, 今次改食呢鍋原隻大蜆蟹粥 ($198) 材料包括原隻蟹, 味道鮮甜同帶點蟹膏, 再有約10隻既大蜆一齊煮, 蜆肉味鮮甜, 最欣賞係無沙粒, 加上飯粒就開始煲至滾起就可以開始火鍋啦呢度都有四川小食選擇, 呢碟尖椒重慶皮蛋 ($38), 精螢通透既皮蛋, 質感軟滑, 而帶點微辣味既尖椒 配上秘製香濃醬汁, 惹味刺激, 但對於我黎講就唔算好辣, 作為餐前小食都OK!火鍋必叫主角有呢碟本地手切牛頸脊 ($158/例), 份量相當對眼, 只需烚10零秒就食得, 肉質嫩口又帶肉味, 唔怕有肥膏部份, 搞到成個湯底都肥晒!丸類都好多選擇, 有預製及手打類, 識得食當然會食手打啦, 價錢雖然有明顯分別, 但唔埋咁多啦, 呢客手打墨魚丸 ($88), 一客份量有10粒, 夾起放入湯底前已感到

俗稱『重口味」的川菜，重慶菜等，通通都是我近10年來的最愛。以前要食呢D正野要北上到深圳食，近呢幾年可能因為越來越多大陸人來港旅遊及定居，熱門菜色如酸辣粉、水煮魚、雞煲等連大家樂／大快活都有得食，但真係令我過足口癮的，真係唔係好多間。今次約左個車友FRIEND，揸車入油塘一間叫蜀府川鍋嘅餐廳。附近好易揾琴咪表位，行幾步就到了～逋進店就見到幾缸海鮮，睇落D野都唔錯，好生猛睇睇個MENU，大鑊！未見過一間野有咁多選擇，仲要大部份都係我超鐘意食的。我地得兩個人。。真係唔知點算，不過價錢唔貴，受不住誘惑叫左都幾多野。第一味是尖椒重慶皮蛋，辣辣地，不是好辣，d 尖椒絕對不會辣到食唔到。個皮蛋超香滑呀，糖心架！真係唔知點解皮蛋都可以整到咁好食～其實唔點醬都已經好好食～必點！！！！！不得不點的仲有拍青瓜，一睇就知好刀工！至於我成日食的蒜泥白肉呢，呢度就不多蒜，個人覺得美中不足，但是也調味調得很好吃，中間夾了3條青瓜條，帶清新感覺，是心機之作～店內見到有張蟹粥POSTER好吸引，叫左一鍋～原來好大鍋架～兩個人食唔哂，但係好鮮味，不是味精果隻味，是新鮮蟹同大蜆的鮮味～隻蟹唔係平時煲粥果D水蟹，係啖啖肉的