虎鐵鐵板燒

營業中

休息中

好耐冇食日本鐵板燒，剛剛「被取消」了去大阪的機要，好吧，既然省回了去旅行的錢，咁不如去食返餐好嘅，先對得住自己！裝修日本風，坐得好舒服！今次點咗個二人餐，因為好想食A5和牛同龍蝦！十道菜，超級豐富！松葉蟹肉沙律先嚟個開胃沙律，松葉蟹肉鮮甜，菜新鮮爽口，個汁酸酸地，夏天食啱晒！海膽黑松露溏心蛋呢隻蛋一啲都唔簡單！原來係溏心蛋！上面仲有鮮甜嘅海膽，未食都覺得好香嘅黑松露，好精緻！火焰北寄貝食之前先用火燒燒，香噴噴，大約8成熟的北寄貝充滿香氣，口感帶點煙韌！活鮑魚配蟹肉海苔醬呢隻巨型南非鮑魚好彈牙，夠晒分量，燒鮑魚可以完全食到佢原汁原味！加上蟹肉海苔醬，鮮味又再一次提升！真係要讚一讚㕑司調配嘅醬汁，有特色之餘又夾到食材嘅鮮味，唔會喧賓奪主！活龍蝦配海膽醬食得出龍蝦好新鮮，彈牙，啖啖龍蝦肉好滋味！加上海膽醬味道更濃！日本A5和牛厚燒油脂分布十分平均，和牛味濃，牛油在口腔中久久不散，令人回味！絕對不會輸日本的！汁物有蜆肉昆布湯，仲有龍蝦，唔怪之得咁清甜！三文魚子海膽杯炒飯又一出色之作！顏色好吸引，所有材料一齊食好夾，每啖飯都充滿鮮味，滿分！最後仲有疏乎厘加雪糕做甜品，今餐絕對可以止一止去唔到日本

7月好多朋友生日今晚想請一個朋友食餐好既於是選擇左虎鐵鐵板燒想有舒服環境同有質素既食物我地兩個人叫左虎鐵套餐非常之多款式松葉蟹肉沙律海膽黑松露溏心蛋火焰北寄貝活鮑魚配蟹肉海苔醬活龍蝦配海膽醬日本A5和牛厚燒香煎野菜汁物 (湯)三文魚籽海膽杯炒飯梳乎厘松葉蟹肉沙律蟹肉同沙律菜好夾好新鮮海膽黑松露溏心蛋海膽同黑松露一樣出色好味火焰北寄貝碟上燒著柏葉上檯時係著住火北寄貝好入味 好爽口活鮑魚配蟹肉海苔醬擺盤極靚極有心思鮑魚偏大隻 已經切好幾件好彈牙 活龍蝦配海膽醬龍蝦煮到七八成熟最中心既位仲keep住係生生地控制得好好日本A5和牛厚燒伴碟既喜瑪拉雅鹽即刻令成碟惹味不少日本南瓜，燒茄子 同香菇 係伴碟日本A5和牛厚燒A5真係無得頂油香一流 入口即溶食唔停口三文魚籽海膽杯炒飯賣相好精緻唔好睇佢杯仔細細但放滿哂海膽！大滿足非常足料今餐真係食得好開心好耐冇咁滿足

今日係我同男朋友慶祝第十個生日,一段感情可以走到咁遠真係唔容易,所以呢個生日比較特別,我搵左呢間高級餐廳同男朋友好好慶祝~餐廳內既裝飾非常有格調,行入黎已經覺得好高貴~餐牌總共有4款套餐,我就叫左個比較高級既$980主廚推介套餐~首先黎個頭盤,松葉蟹肉沙律.菜款式都算多,職員拎過黎既時候有介紹,不過我唔知叫咩名^^"小小酸酸地既汁,開胃醒神,仲有甜甜地既脆脆,配搭非常好!!海膽黑松露溏心蛋,師傅用左日本蛋,裡面溏心,外面加上厚厚海膽,在加小小黑松露,食落有甘香既海膽,仲有黑松露獨特既氣味,真係非常特別,記得要配溏心蛋入面既蛋汁,三樣加起一齊食,真係超配~~跟住呢個正啦,活鮑魚配蟹肉海苔醬,睇到佢個魚缸,全部鮑魚都大大隻,每一隻都係手掌心咁大隻,黎到見到已經流曬口水!!職員介紹原來呢D係南非鮑魚,煮到8成熟,隔離蟹肉海苔醬係師傅自己諗出黎,可以先食一下原汁原味既鮑魚,下一啖先點醬,最後鐘意既可以配隔離既三文魚子一齊食都得,聽完之後,當然要跟啦,第一啖原汁原味鮑魚,鮮甜,爽口,超級超級好味!第二啖配海苔醬,淡淡既海苔味,岩曬唔鐘意太濃味既人,又唔會搶走鮑魚本身既鮮甜味.最後三文魚子加沙律菜

以前都吃過虎鐵，今次就帶同好友品嚐二人餐～松葉蟹肉沙律一絲絲蟹肉很鮮甜，整體味道清新，脆片也令到沙律很有口感～海膽黑松露溏心蛋溏心蛋汁緩緩流出，混合海膽吃別有一番滋味～火焰北寄貝鮮甜爽口，連湯都喝掉～活龍蝦配海膽醬把活龍蝦煮到7、8成左右，再配上海膽龍蝦膏汁，肉質很鮮味爽口，龍蝦味重果然新鮮的肉質是不同凡響的～活鮑魚配蟹肉海苔醬每人有足足一整隻南非活鮑魚鮑魚很大隻，質感不會太軟太硬，咬下有嚼頭，吃得出它的鮮味～伴菜滿有骨膠原，味道清新～日本A5和牛厚燒煎得恰到好處，外面金黃、內裡是嫩粉紅色，一咬下它很軟腍，口腔中充斥著牛肉香。旁邊配有喜馬拉雅山岩鹽、日本炭鹽、日本蒜片沾上來吃令味道層次提升了～香煎野菜包括：大啡菇，南瓜、茄子汁物清酒龍蝦昆布湯材料除了龍蝦，還有刀貝，味道清甜，略有酒味，剛好吃完肉類後整理一下味蕾～三文魚籽海膽炒飯滿滿的三文魚籽和海膽在頂，多到快要滿出來了～海膽仍然是很甘味可口，份量足，下面的炒飯材料不少，炒得粒粒分明，很美味～梳乎里配薑味雪糕我選了薑味、薑味很濃，香滑又清新朋友選了咖啡味，雪糕內有小啫喱，梳乎厘也做到空氣感，質感鬆軟，配合雪糕一級棒！

今晚和朋友慶祝生日，於是為喜愛日本餐的朋友訂了這家在銅鑼灣的鐵板燒店，主打日式鐵板燒。餐廳環境高尚有格調，中間有一張環形吧台，可以欣賞到師傅的手藝。松葉蟹肉沙律鋪有香蒜脆片，惹味可口，沙律菜清新爽脆，醬汁酸酸甜甜，是開胃之選。海膽黑松露溏心蛋賣相精緻，以蛋殼呈上，蛋嫩滑香甜，入口即溶，加上有海膽和金箔點綴，味道豐富。煙燻帆立貝一端上檯香氣撲鼻，煙燻味道濃郁入味，帆立貝厚身多肉，軟稔彈牙，鮮甜而多汁，配上紅酒啫喱一起吃更清新。活鮑魚配蟹肉海苔醬蟹肉海苔醬清甜美味，鮑魚煎得剛好熟，彈牙爽甜，有啫喱般的爽滑口感，帶有淡淡的海水味。法國鴨肝鴨肝大塊厚身，底有焦糖蘋果片，可以中和一下口感。鴨肝油脂豐富而滑溜，入口即溶，油脂香味散發。日本A5和牛厚燒和牛的雪花油脂比例平均，肉質嫩滑煙韌，肉汁充沛，牛肉味濃郁，軟稔而有咬口。湯蚌大隻多肉，十分鮮甜，滲入湯當中，令清甜無比，加上有昆布一起煮更入味。蟹肉炒飯飯粒煙韌分明，粒粒飽满，配有蟹肉，蛋和蔥粒等一起炒，惹味香甜。橙味雪葩以橙釀入橙味雪葩製成，橙味濃郁，冰凍香甜。

週年紀念，女朋友鍾意食鐵板燒，揀咗哩間試吓😋嗌咗一個$588 一人set 及 一個$980 一人set同女朋友兩個人share🙃沙律兩個食落去感覺都幾好，一個有加入咗蟹肉食落去口感及味道會更豐富一些...海膽係新鮮嘅...不過哩個餸我感覺名大於實，味道其實就係蛋味同海膽味...上面嗰啲食用金箔意義不大，如果你係注重食物外觀嘅，咁你可能覺得靚，但我行實際派，就覺得作為不大第一次食到帶子有菊花香，好特別哩味餸個人就感覺比海膽蛋更有心思啦因為佢係用煙燻慢慢將啲菊花香燻入個帶子入面👍個兩杯係紅酒整嘅啫喱🍷香煎日本蠔...食佢鐵板燒嘅嗰個技術🦪燒得好香...加埋其他配搭嘅食材一齊食，口感、味道，正😚海老配海膽汁，個汁非常出色，併埋剛剛燒煎起火喉勁爆嘅海老，一試難忘😃活鮑魚配上海苔醬，個汁醬亦十分特別，配上咬口十足嘅鮑魚，美味而不滯☺️鵝肝好肥美...我自己覺得係好好食嘅，但女朋友食完哩個餸之後開始話個肚唔舒服...可能油得制..去咗痾💩好彩最後痾完無事薄燒黑毛豬，蒜味濃郁，黑毛豬燒得好好，一流👍A5和牛Medium, 肉味香濃，口感軟身...怎能不是滿分？ 黑毛豬及牛兩個餸嘅配菜都係菇及南瓜（即係

媽媽就快生日，預先偷步獨自帶媽咪食好嘢！朋友介紹了銅鑼灣澳門逸園的虎鐵鐵板燒給我！餐廳座位舒適，寧靜不吵，多點人訂位，還可坐吧台看到㕑司在烹調鐵板燒！晚餐主要是鐵板燒套餐，要1人，也有2人的！因為想吃龍蝦，所以就選虎鐵二人套餐！套餐好豐富！松葉蟹肉沙律鮮甜的松葉蟹肉，加上新鮮的沙律菜，還有粟米片增加層次感，酸酸地的沙律汁，非常開胃！海膽黑松露溏心蛋很趣致的頭盤！小小的杯子盛載著一顆溏心蛋，上面有海膽、黑松露和金箔點綴，更見矜貴！火焰北寄貝來到再點火，香葉一邊燒著，伴隨住陣陣清香！這樣的北寄貝更香，不用調味也很鮮！口感煙韌！活鮑魚配蟹肉海苔醬接近手板那麼大的鮑魚，不簡單，南非鮑魚！特別有咬口，而且好濃鮑魚味，用燒的方法香味更出！配搭不會搶味的蟹肉海苔醬剛剛好！活龍蝦配海膽醬母親大人最欣賞這道菜！吃得出是新鮮的龍蝦，先不沾醬，都吃到濃濃龍蝦味，彈牙！再配搭海膽醬，味道更濃郁！日本A5和牛厚燒我最喜歡這個A5和牛，咬下去就吃到充滿可口的牛油香，一點筋都沒有，好腍，和在日本吃到的一樣！可加一點點喜瑪拉亞山岩鹽調味，一定要配上炸蒜片吃，更香口！這晚的汁物是龍蝦蜆肉昆布煮的湯，吃了點肉再喝這個清湯

很久沒有嘆高檔日式鐵板了，心癮大發，特地約了同道中人，一起大快朵頤。逸園的《虎鐵》正是大家心水餐廳，想到美食，心情都特別好。點了套餐，先上松葉蟹肉沙律，松葉蟹拆肉，味道鮮甜，加上脆口粟米片，很有新鮮感。份量輕盈，最佳前菜！海膽黑松露溏心蛋，集松露、海膽、金箔於一身，份外高貴！海膽跟溏心蛋同樣是半生熟，質感軟綿！煙燻帆立貝，甫上枱，已有淡淡的菊花香氣飄出，可謂色香味俱全。雪花般的岩鹽，調味裝飾兩相宜！帆立貝是刺身級數，就算五成熟都無問題，內層可保持柔軟嫩滑鮮甜。還配有紅酒菊花啫喱，酒味不濃，菊花味香，清清味蕾實在是好選擇。再來一道菜，是活鮑魚配蟹肉海苔醬，賣相美侖美奐！原隻鮑魚分成四件，可以分別品嚐它的原味及蟹肉海苔醬，雙重味覺享受。同場還有鹽燒鮑魚肝，外層微脆帶咸，內裏是軟熟的鮑魚肝；還有伴碟的三文魚籽沙律，既精緻又美味。接著是法國鴨肝伴焦糖檸檬及青蘋果，另有黑醋汁點綴。鴨肝厚切，外層煎得香脆，中間嫩滑，整體還算很好。雖然鴨肝本身不及鵝肝香濃，但這件鴨肝絕不遜於鵝肝的味道。幾道海鮮過後，換上日本A5和牛厚燒，最初還擔心厚切會韌，其實想多了，它的質感柔軟稔滑，牛肉味濃郁，堅好味 👍💗💗

位於銅鑼灣最熱鬧的地段，SOGO百貨旁的澳門逸園中心，搜尋一下就發覺上面有很多很棒的餐廳，今晚決定來12樓這間虎鐵鐵板燒吃一餐豐富晚餐。如果早點訂枱便可以坐吧枱，一邊欣賞廚師精湛的廚技，一邊歎美食。松葉蟹肉沙律攪碎了的松葉蟹肉，鮮甜味道更能有效地散發，配搭清新嫩綠的沙律菜，開胃又醒神。海膽黑松露溏心蛋這個溏心蛋賣相討好，蛋殼切得工整，是一種對完美的堅持。溏心蛋白上加了鮮甜十足的海膽，還有一點金箔黑松露作點綴，美味又美觀。溏心蛋整個都香滑無比。煙燻帆立貝配紅酒菊花啫喱右面的工具放滿了菊花花瓣，是用來煙燻帆立貝，令它有清淡脫俗的淡淡幽香的菊花香氣，帆立貝是半熟的，嫩滑鮮甜。紅酒菊花啫喱做得精緻，紅酒味及菊花味也很突出但卻不會互搶味道。活鮑魚配蟹肉海苔醬鮑魚是新鮮即開的，其鮮甜味是毋庸置疑的，廚師為了令溫度更平均，特地一條條地界開鮑魚。蟹肉海苔醬有外貌亦有內涵，味道不會太濃蓋過鮑魚味，卻有很好的襯托味道。法國鴨肝廚師特別用了鮮甜的蘋果片墊底，中和了鴨肝的極香濃味道，配搭蘆筍及黑醋一拼吃，亦減去了鴨肝本身的油膩滯感，最後吃一片焦糖青檸清一清味蕾。日本A5和牛厚燒來自熊本的頂級A5和牛，肉脂分佈

今天結婚周年，本來經openrice網上訂了去大坑小店"炙"吃鐵板燒，豈料店家因漏水不營業，但又不通知，白行一趟🤬！看食評原來之前已有客人有此遭遇。唯有開旅行mode覓食，上openrice找了虎鐵，雖然沒有bar枱位，但也坐得舒適，選了$498一客的午餐，好豐富！好味！有沙律、鴨肝蒸蛋、虎蝦、鮑魚、和牛、和牛炒飯、雪糕等，好滿意的一餐！服務周到，姐姐仲送多一球她推介的咖啡雪糕，我們也覺得咖啡雪糕好吃。沙律新鮮、清新，有海葡萄馬來西亞虎蝦好味，蝦膏好香南非鮑魚好大隻、美味和牛柳西班牙豬柳薄燒和牛和牛炒飯乾身美味味噌湯推介咖啡雪糕

朋友約我去食鐵板燒，我ㄧ口答允，事關日本料理中，我最喜歡鐵板燒，原因是煎煮時不用多加調味，便可食出材料原本質素，還有可見到師傅為你烹調時的工架，真係好值得。今晚光顧的食店在疫情下，量體温和送上搓手液都是必然之事，還有坐距都有保持二米距離，真是令人食得安心。餐廳主打套餐，有豚肉、和牛、海鮮，價錢有平有貴，豐儉由人。我們今晚就豪ㄧ豪選擇食個和牛海鮮二人餐($2680)，由前菜、主菜至甜品合共有十項。松葉蟹肉沙律 松葉蟹肉很鮮甜，清爽的沙律菜，配上微酸醬汁，十分醒胃。海膽黑松露溏心蛋 師傅在鐡板上將雞蛋煮至溏心狀態，再加入ㄧ片海膽、黑松露和金箔，賣相吸引，火喉亦剛好。雞蛋的濃郁蛋味、海膽的甘甜、黑松露的清香，將全部混合ㄧ起食，真係好好味。火焰北寄貝 北寄貝肉盛在殼內，用清酒和湯汁煮開，上檯時還淋上清酒點燃火，增添香味。北寄貝肉鮮甜爽口，湯汁亦十分甜，好像加入糖ㄧ樣。活龍蝦配海膽醬活龍蝦煎得很香，件件龍蝦肉都能保存肉汁，爽脆彈牙，再配上橙紅色的龍蝦膏海膽所調配的醬汁，增添多ㄧ層甘甜味。活鮑魚配蟹肉海苔醬  鮑魚很新鮮，師傅用牛油輕煎鮑魚後界花切片再放回貝殼內，碟旁配上ㄧ個特別的蟹肉海苔醬，還鋪

好想去日本旅行，冇得去都要食下日本菜滿足下食慾先。即時諗起銅鑼灣呢間鐵板燒既日本餐廳，虎鐵。裝修以時尚和式風格，可以見到師傅幫客人在鐵板上泡製菜色。選了兩份$980 @的一人餐，又有牛又有海鮮，好期待。頭盤松葉蟹沙律，食落甜甜地，原來係粟米片，第一次食到呢個配搭，蟹肉絲的蟹味好鮮。之後送上海膽黑松露溏心蛋，賣相名貴，有金萡片，蛋漿又香又滑，面層海膽甘香清甜。 之後的這味煙燻帆立貝相當有驚喜，遠處送來已聞到陣陣菊花香味，做煙燻的器皿，都好別緻，底部見到有菊花同木碎，果然味覺同嗅覺都享受到，帆立貝好大粒，彈牙，食完還有杯紅酒啫喱清一清味蕾，好用心的製作，活鮑魚配蟹肉海苔醬，食落好淋，中間既肉好鮮甜，有少少焦香，旁邊還有鮑魚內臟，平時唔食的，但師傅處理完，包起紫蘇葉再點上蟹肉海苔汁，真係好好食。之後就係法國鴨肝，平時食開鵝肝，冇諗過鴨肝都咁好食，配上青蘋果一齊食更可帶出油香味。之後到主角之一日本A5和牛，我叫左五成熟，唔算是入口即溶，牛味同油脂香味都並重，湯有清酒煮馬刀貝，超清甜。 還有松葉蟹肉蒜油炒飯，甜品還有多款雪葩選擇，我們選了芒果同椰子，非常滿足的一餐，服務又周到，店員細心介紹每道菜

想著在日本時在享受鐵板燒嘅感覺，可能真係要等一段時間先可以再出發，朋友知道我嘅想法，於是今日就去了這裡食午餐，感覺就係同遊日時午餐餐牌價錢同晚餐餐牌唔同，但食物大致相同😁，所以朋友就就了放假時上來食午市套餐，點了虎鐵特選二人餐，一個set 二人份，由頭到尾有八道食品，先上海葡萄沙律，入口清新開胃，入口時海葡萄在口中爆開時充滿口感！同時還有鴨肝蒸蛋，賣相精緻，一塊紫蘇葉放在蒸蛋上，蒸蛋十分香滑，鴨肝藏在香滑嘅蛋內，入口都好有口感，味道十分配合！接住就係白松貝，師傅已將貝肉切成條狀加埋個山葵醬汁，入口十分彈牙爽口，沾少少醬汁味道更鮮同帶點攻鼻刺激！龍蝦，上枱時擺放精緻，龍蝦肉煎得十分香噴噴，配上海膽醬汁，配搭嘅口味相當配合！龍蝦肉質十分新鮮夠晒爽口彈牙！美國安格斯薄燒配煎野菜，用上美國安格斯牛肉卷成卷狀，中間放了京蔥再煎，上面在配埋金黃嘅香蒜粒，入口有濃郁嘅蒜香味道外，肥美嫩滑嘅牛肉卷在口中嘅味道依然感覺得到！而個伴碟蒜片都十分好味，十分香脆可口！白飯魚苗薑粒炒飯，上枱時見到整碗飯上放滿了香脆可口嘅白飯魚苗，配埋炒飯入口，有多重味覺享受，而飯身都炒得夠乾身彈牙還有香濃嘅薑味！食完一輪美味嘅

跟朋友閒談得知銅鑼灣「虎鐡」是間高質鐡板燒，所以特意約友人去品嚐ㄧ番。進店前侍應先幫我們量體温，其後安排我們入坐。可能我們訂坐七點半比較晚，所以未能安排坐在鐵板前的吧檯位置，不過坐在後排都清楚見到師傅的烹調技巧和功架。看看餐牌見二人餐有大量海鮮和厚燒A5和牛，故友人和我都不約而同選擇了這個餐。點餐後，侍應很快便送上第ㄧ道沙律。松葉蟹肉沙律沙律菜很清爽，加上鮮味松葉蟹肉和脆口粟米片ㄧ起食，作為開胃前菜真的不錯。海膽黑松露溏心蛋溏心蛋頂部開了個小口放有海膽、黑松露和金箔，十分精緻，用匙羹ㄧ舀，蛋漿徐徐流出，混入海膽和黑松露ㄧ起食，甘甜美味。火焰北寄貝侍應將北寄貝送上檯，師傅隨後將清酒淋上北寄貝，ㄧ點火瞬間紅藍火焰燃燒起來，師傅告知北寄貝很新鮮不用燒太耐，不然會過熟變韌不好吃。北寄貝肉浸在注滿清酒鰹魚湯汁之貝殼內，咬ㄧ口北寄貝鮮嫩可囗，再嚐ㄧ口湯汁，鮮味無比，是味蕾上的另一種享受。活鮑魚配蟹肉海苔醬大大隻南非活鮑魚在鐡板上煎煮，見他不斷扭動身體掙扎，可見他有多新鮮。其後師傅將鮑魚除去內臟，再將鮑魚肉用牛油輕煎切片放回殼內。碟上還鋪上一層淡淡的蟹肉海苔醬和鮮味濃郁的三文魚籽，跟鮑魚夾住ㄧ起食，