蘭香麵家

營業中

休息中

這家店幫襯多年每次去尖沙咀或佐敦一定唸起佢就步行去食番碗靚米線，佢Ｄ雞腸不騮都好食宜家更加好因為可能佢地知太肥宜家好多人都怕唔健康，所以去咗好多肥膏無咁肥食咗自己都安心Ｄ^^，佢地Ｄ豬軟骨雖然無味千拉麵咁冧，但真係好入味已經比個Ｄ話豬軟骨其實係排骨只係有Ｄ白色軟骨唔冧唔入味既食店高質素好多，米線特別粗身辣椒油好香口好好食，阿姐同埋淥麵師夫好好人就算係唔係熟客佢地都好好招呼。

在理大三年,最常去的不是南北小廚,不是新Can 舊Can而是這裡這裏,經濟實惠吃個雙併米線,只是23大元還可要求多點米線呢!雖然坐位不多,環境也不夠大但也可以讓你坐得頗舒服~這裡的「姐姐」態度也很好會記得熟客的樣子,也會記得他們的要求閒時還會來閒聊數句呢~最愛吃雞腸,由第一次來,到現在也會吃的食物以前也愛吃黑色牛柏葉,但自從去年起,牛柏葉的質素好像下降了自此後便沒有吃牛柏葉但其他「食送」味道也不錯女友最愛吃的是冬菇,真的又厚又大隻味道也不錯我也喜歡吃牛肉,味道不俗,但因為要煮到剛熟的關係有時牛肉切厚了,內裏會不熟雖然便宜,但「食送」的份量一定會讓你滿意呢!平時吃其他「食送」的湯底,喝得出沒有加甚麼味精但吃炸醬麵時給予的湯,就會喝得出內裏有加味精的二十三元正,吃得到足以捧腹的份量(若吃雙併及加多點米線的話)讓你回味的味道及看見充滿笑容的服務真的物超所值!這或許是我吃了三年的總結吧!

地方雖然吊腳d,但去到食到一碗雞腸麵就難搵d都會再去,碗雞腸麵有勁多雞腸,很新鮮,第度好難食到,一定會再去

比較特別的有：雞腸、黑栢葉。聽講係最多人叫的...我叫左雞腸麵，爽，湯底都幾多雞油，但係整體都幾好味。有醬油俾你點雞腸。不得不提的是，我原本搞錯左這家店的地址，後來打個電話去問，電話中的阿姐雖然都係講唔清楚麵家係邊度，淨係講左柯士甸路( 本人比較路癡...ok) ，但係超級有禮貌，去到點菜埋單一樣好好笑容。十幾蚊有如此的服務，我覺得已經好好了！！

雞腸很便宜, 十元八塊一大扎, 不過清理功夫就多少少。雖然麻煩, 當你嘗試一口雞油湯及香鮮的雞腸, 幾麻煩都係抵的。有一天媽媽提起雞腸麵, 我就一直心思思, 有一天跟朋友終於來了。加了小小手腳的雞腸, 在坊間已是最好的了。黑柏葉爽脆鮮濃, 豬膶夠粉夠脆, 是完成度很高的麵食。將蔥花放入醬油, 挾著雞腸吃, 是至高無上的味道!如果有埋雞膶就仲正!我對雞腸的感情特別深刻。猶記得家境最困難時, 媽媽買五元雞腸, 廿蚊排骨, 一舊咸菜, 屈在小店煮米粉。現在由細變大, 由一變兩, 媽媽已沒有空閒煮雞腸米。雖然媽媽的味道永遠是最好吃的, 但新蘭香的, 都叫過得去了。

老尖柯士甸路的新蘭香,曾經結業一段日子,其雞腸,黑柏葉,令人牽腸掛肚.茶飯不思,四周難尋其代替品.幾個月之後,原址變成"蘭香".沒有"新"字,味道依舊,雞腸繼續又爽又肥美.冬菇亦很甜,湯底也一樣的清甜.老店浴火重生,全賴老伙記眾志城成,大家才能繼續品嘗其雞腸,黑柏葉,多謝.

路過見到雜誌介紹黑柏葉，第6感告訴自己，試下該無死，嗯，最差都不過損失30蚊。要了牛根、豬手撈，又瞄一瞄雜誌既介紹，又叫阿姐「加雞腸唔該！」，阿姐好聲氣話無問題，等等啦。出來的由三拼變為四拼，除了豬手、雞腸、牛根外，意外地加多了蔥絲，蔥絲香而不腥，配撈面一流。牛根炆得夠淋，雞腸帶著點點油脂，是新鮮雞腸的特色。又問阿姐是豬手定豬腳，佢\話豬腳，偶打死唔信，那肥厚的豬皮較偶的面皮還要厚，是豬手的話真的說不過去，然後切豬手的阿叔搭嘴說，豬手、腳都有。這豬手炆得較麥文還淋，說是南乳豬手，但南乳味不重，反而那豐腴的膠質及油脂，叫人百吃不厭，可惜的是豬手被切件，吃不到原件，總有點失望說。托某某雜誌的福，今次真的找對了值得吃的麵店，懂得分析的話，雜誌都是搵料的好渠道。p.s豬手撈記的叫阿叔麵另上／湯是清牛骨湯，感覺像喝著越式牛河的湯，不俗

夜麻麻肚餓搵野食, 朋友話呢度就呢度啦. 朋友要牛肉麵($18), 我要豬潤河($18), 加一碟菜同一枝汔水. 豬潤好味, 唔便點醬油都得, 試咗朋友0既牛肉都ok, 湯底比較清, 唔似有太多味精, 啱我, 份量都夠. 看舖0既阿姐同煮麵0既阿叔都好nice.

想不到沒有人寫這間舖頭.以前未開尖東站, 所以很多時在佐敦都會行柯士甸道去搭火車, 有時亦會到蘭香食麵.其實舖頭以前是新蘭香, 因為換左老闆, 所以改名為蘭香.蘭香有兩項鎮店之寶, 一是黑栢葉, 另一就是鮮雞腸.兩項都不是一般舖頭找到, 亦一定要新鮮才可. 兩者我都試過, 不過多數會選鮮雞腸.一碗鮮雞腸麵用料不少, 亦跟了一客自製醬酒. 未講雞腸, 先講麵, 麵身相當不錯, 湯底因雞腸有濃厚雞油, 已是很好的配搭. 雞腸相當新鮮, 灼得亦時間好好, 所以十分爽口彈牙, 豐富口感加上雞油香, 相當出眾的配合. 另附上自製的醬油. 酟上雞腸相當美味.整碗麵由湯底, 麵, 及至材料, 都相當出色.不過個人覺得舖面略為冷清, 在餐牌上, 兩項都並非放在首選, 要小心才可找到. 若果不是從牆上的報導, 客人都不知道什麼是蘭香特色之處.看罷報導, 有些明星都會光顧, 可見亦非一般無厘頭麵店, 不過明星還明星, 個人口味還是自已親自嘗試. 我自已吃完後行回火車站, 口腔還有一陣濃厚的油香. 真係正.不過奉勸怕肥膩人仕, 可以不要雞腸麵, 因為雞油都頗多.