蘇山雞飯

營業中

休息中

長沙灣「蘇山雞飯」嘅海南雞飯質素ok 而且下午茶好抵食，下午套餐有小食或正餐等$30 起…海南雞飯套餐$62……..可以加$10 轉肉骨茶，不過我冇轉🤪因為跟餐嘅冬瓜雞雜湯都唔差幾好飲🤭⋯⋯但我加咗$12轉特飲美祿恐龍，甜到正常味道不錯！另外朋友叫做咗…….香蔥海南豬扒飯，豬扒唔鞋口，調味也適中….. 再加特色小食拼盤😆😆⋯⋯ 小食拼盤有兩隻雞翼兩塊泰式魚餅兩件脆鳳尾蝦春卷和2吋豬肉卷…脆鳳尾蝦春卷好香脆！仙草椰奶冰甜度適中！

長沙灣人氣星馬餐廳｛蘇山雞飯🐓｝好旺場，好彩都叫做唔洗等位，食完出嚟已經見到一條人龍🙈✴️海南雞(半隻)&油飯&雞雜冬瓜湯✴️鎮店之寶—海南雞🔥雞肉的確嫩滑，皮薄唔肥膩，但差緊啲雞味～三色醬可以補返雞肉唔夠味嘅不足，點完後更惹味👍🏻油飯好正！每粒飯都好煙UN，有少少雞油同薑蓉味，欣賞✨✴️Susan豬手飯✴️豬手份量好足，每件都好大嚿，好似食極都食唔完咁🙉豬皮炆得好腍好腍，同時又十分彈口，怕肥但都要食😋配菜有大量花生同酸菜，幾有誠意～✴️雞雜怡保芽菜✴️超多雞雜，竟然會食唔哂😅味道較淡，芽菜同雞雜都無咩味～✴️咖央油條配海荷朱古力雪糕✴️擺盤有設計過，幾搞笑🤣油炸鬼入滿搽滿咖央，本身已經夠甜，加埋朱古力醬就更甜，好彩份量唔算多，否則都幾膩～

今日約咗朋友食飯，朋友喜歡星馬泰菜式，於是帶他一嚐新加坡菜式蘇山雞飯，價錢平民實惠，份量又足料，其中無骨海南雞飯成為招牌菜式，肉質嫩滑，份量十足，配上酸甜辣醬味道更升上另一層次，平時配上油飯，今次嘗試喇沙摻摻，是米粉和油面的組合，會有魚片魚蛋芽菜豆卜，湯底濃郁，米粉完全吸收湯底的精華。由於我太肚餓，叫多咗個豬手飯，見到淡淡肥豬肉，滷水雞蛋配酸菜非常開胃，另外叫咗份鮮油咖央多士，真的必點之選，一口牛油配咖央與烤焗過的多士絕配，再一口沙嗲串燒(豬牛雞)，燒得香口，不會太乾，保留肉質鮮嫩。新出咗兩杯特飲，清爽砂粒越菠蘿冰，原個菠蘿造成沙冰，原汁原味不會過甜，夏天飲可以消暑解渴，另一杯開心果椰子奶昔是我最愛，開心果結合椰子奶香，原來他們都好夾，喜歡奶昔的人必試👍🏻

每次運動員經過蘇珊雞飯都見到好多人，但因為都已經8:30，所以唔係好想排咁耐隊先食飯，一直都未入去試過。今日好早12:30晏晝就喺長沙灣，經過唔使排好耐隊，咁梗係入去試啦。lunch嘅價錢係比晚餐平$10，仲要有嘢飲添。位置坐得舒服，亦都乾淨都寬敞。雙雞飯去到梗係想食招牌海南雞啦。我哋叫咗一個海南雞飯另外就叫咗一個喇沙海南雞呢個喇沙海南雞呢就要咗米粉嘅。平時上面都會有少少配料咁就一碗，所以我通常都會嗌小食，因為唔夠飽。而呢個海南雞喇沙唔單止有的雞仲有好滑嘅雞馬莎上面都有其他配料真係超級飽肚。個喇沙湯底亦都好香超級足料啊。呢個湯底係唔辣嘅喇沙嚟㗎。 另外海南雞飯係配油飯嘅，如果唔想食牛飯亦都可以配白飯仲要有一碗湯根本就食唔晒囉。🐷另外加$3就有椰汁咖啡啦，真係少見啦。！最後其實係可以一啲小食嘅好多人想食鮮牛油咖央多士啦。個多士一嚟我就即刻攞咗一件利息先多士，好彩華哥件牛油不得了，同其他地方只搽一層牛油或者好薄嘅一片呢度完全一件厚油牛油啊。加$15咋，好食嘅抵食！不得了！性價比好高嘅一餐飯！

醬油雞飯份量小，總共得3.5舊肉加雞翼(相片是夾咗一舊之後拍的，不明白只得一忽雞肉，為什麼可以興兩隻雞腳伴碟（一隻雞只得兩隻腳），真的值$85嗎？好像沒有需要在此餐廳食雞飯！

📍蘇山雞飯💒長沙灣元州街411號義華大廈地舖去長沙灣開電話卡，突然男朋友問我有沒有興趣食海南雞飯，有間食雞飯出名的，就帶我去蘇山雞飯這間餐廳，岩岩好2:00下午餐到，店員應該知道我地有揸車泊左係門口，安排了一個可以完全望到車既窗邊位置給我，在內情況當時並不多滿座，隔了一會便開始要排隊，原來大家都等2:00下午茶時間😊裝修簡潔，比一般港式茶餐廳舒適，再望一望餐牌，食物選擇都頗多，價錢又合理。招牌海南雞飯 🌟🌟🌟🌟🌟🐓雞肉好嫩滑，不論係脾定翼位都係咁嫩滑配有三個醬汁，鼓油和薑蓉會和酸甜醬, 本人喜歡酸甜醬，酸酸甜甜送飯一流，油飯唔油膩，另外仲有碗冬瓜湯。仲叫咗份🥪鮮油咖央多🌟🌟🌟🌟麵包烘得好脆，牛油好厚。

星期六冇嘢做，梗係同女朋友周圍去搵食🤤今日嚟到位於長沙灣元州街嘅蘇山雞飯🐓其實海南雞飯以前已經食過好多次，食過天天啦，亦都有去泰國食過水門，都有喺香港食過唔同嘅海南雞飯，可以話唔同嘅地方各有特色。講返蘇山先，今日呢就叫咗一個下午茶嘅蘇山雞飯另外加咗一個超級邪惡嘅咖央多士😋😋個飯一嚟到係每一粒米都有油香，比雞油包裹住，雖然話下午茶，但係碗飯有得揀多飯，個份量絕對足夠兩個人食。海南雞非常嫩滑亦有雞味，跟配嘅三個醬亦都非常惹味，只係略嫌個甜醬油味道有少少單調。隨餐附送咗一碗冬瓜雞雜湯味道清淡，雞雜都風味濃郁，非常之過癮！食食下雞飯，咖央多士亦都送到，見到個多士我當堂呆咗，裏面嗰塊牛油係超級極之厚，對於我呢啲民以食為天嘅人就啱晒，一咬落去厚切嘅牛油，溶化喺我嘅嘴裏面🥹🥹配合佢咖央醬嘅甜，嗰種配搭無懈可擊🥰美中不足嘅係多士唔夠脆，希望餐廳下次可以再做好啲，兩個人食呢兩樣嘢非常之飽，本身仲諗住嗌多個豬手飯，好彩冇叫😂最後埋單都只係$95😨😨真係抵到爛，性價比極之高，下次想唔返嚟食都唔得啦😂

係長沙灣嘅蘇山雞飯，晚飯時間坐無虛席，不過係門口排左一陣隊都好快入坐，如果唔想搭枱就可能要再等耐啲～🥢Susan豬手飯豬手飯份量好多，旁邊有花生同酸菜，豬手整得好軟腍，膠質滿滿🥢黑白雞(海南雞＋醬油雞＋油飯+迷你星洲叻沙）黑白雞好嫩滑，油飯好香，迷你星洲叻沙有香濃椰香味，食完好滿足🥢冰爽砂拉越菠蘿冰菠蘿冰係完隻菠蘿呈現係眼前，好靚，真材實料，飲落清甜🥢醬油雞腳加配小食好抵，$14有六件，整得入味

//🇸🇬🇲🇾蘇山雞飯//🆗 超抵食下午茶餐推薦⭕️招牌海南雞飯⭕️地道白咖喱扎肉老鼠粉⭕️ 沙粒越菠蘿冰 ⭕️ 沙嗲肉串⭕️ 咖吔油條配薄荷朱古力雪糕♡̴招牌海南雞飯 配冬瓜湯$62雞肉肉質幼嫩，油飯色澤金黃，油香味十足，醬汁亦都好夠味。更有一碗冬瓜湯，下午茶嚟講份量亦都超級充足。性價比之選♡̴ 地道白咖喱扎肉老鼠粉$58叫嗰陣時仲諗住試吓咩係老鼠粉，一嚟到已經聞到好濃郁嘅咖喱香味，原來老鼠粉就係銀針粉，份量充足之餘，扎肉香口，值得一讚係佢個魚餅，有魚味之外亦有少少香辣味道，有驚喜！♡̴ 沙粒越菠蘿冰$48一嚟到已經好驚喜，係原隻嘅菠蘿，入邊有菠蘿沙冰仲有乳酪味，酸酸甜甜，超級開胃！♡̴ 沙嗲肉串雞肉同牛肉燒到十分香口，沙嗲醬亦都好濃郁，之後一入口就有好嘅沙嗲香味，正♡̴ 咖吔油條配薄荷朱古力雪糕 $38好特別嘅甜品，係油炸鬼入邊加蜂蜜外邊淋上朱古力醬，再加上薄荷朱古力雪糕，兩樣嘢組埋一齊意外地夾，唔會太死甜，口感豐富，為完美嘅一餐畫上句號！下午茶時段💰$50-100/1p⊶⊷⊶⊷⊶⊷⋆⊶⊷⊶⊷⊶ ⊶⊷⊶⊷⊶⊷⋆⊶⊷⊶⊷⊶ ⊶⊷⊶⊷⊶⊷⋆評分(五星為滿分)⭐️⭐️⭐️ ⭐️ ⭐️

成日經過都坐滿人，一直好好奇，今晚終於去試咗。舖頭好闊落，有卡位亦都有普通座位，所以多人小人都可以嚟食👍🏼\ 招牌海南雞＋油飯+雞雜冬瓜湯 /好欣賞佢海南雞又好唔同種類可以揀，亦都可以揀白飯或者油飯，最緊要佢會送咗個冬瓜湯，個人覺得冬天同夏天飲都幾清，唔係味精湯，我個人好鍾意個湯。海南雞好嫩滑，仲有三種醬可以自己揀點樣搭配，份量都好多，飯好香，個人推薦揀油飯。💙\ 黑白雞（海南雞＋醬油雞）＋油飯+雞雜冬瓜湯 /朋友就揀咗黑白雞，其實即係海南雞加豉油雞，一個餐可以試多兩種唔同煮法嘅雞，性價比都幾高！🫶🏻\ 冰爽砂拉越菠蘿冰 / 雖然未到夏天，但係其實呢個菠蘿冰係四季皆宜！用咗原隻菠蘿作為飲品杯，賣相非常靚，再配咗嚿菠蘿喺杯邊，插上裝飾太陽傘，夏威夷風情出晒嚟。菠蘿冰飲落味道唔係好甜，沙冰口感都好好，唔會太硬，亦都唔會太水。🥳\ 開心果椰子奶昔 /平時都好鍾意飲奶昔，不過開心果配椰子呢一個Compilation真係比較少見，但係又出奇地夾，椰子味好濃，開心果味都唔會好artificial🙆🏼‍♀️

長沙灣平民高質星馬菜，超嫩滑招牌海南雞飯🐔🔻招牌海南雞飯 配油飯+輕怡肉骨茶 💰72 🌟果然係店內招牌，海南雞去曬骨，肉質超嫩滑，雞皮都彈牙可口🐔肉骨茶好重藥材味同胡椒味，飲落好正宗，仲有兩大塊排骨😍本身係配雞雜冬瓜湯，不過我加多10蚊轉肉骨茶，都幾抵🙈🔻星洲叻沙摻摻 💰58 叻沙入面有好多配料，有豆卜、魚片、魚蛋、蝦、芽菜同通菜，味道不算太濃，冇咩辣味，反而係椰奶味突出，適合口味清淡嘅朋友仔👍🏻🔻Susan雞翼(三隻) 💰42 🌟極推薦呢款炸雞翼，有三個好大隻嘅雞全翼，仲貼心咁一分為二，雞翼炸得好酥脆，熱辣辣，咬開仲有肉汁☺️🔻鮮油咖央多士 💰30 🌟牛油超級大塊，好邪惡但係好鍾意啊😍多士都烤得幾香，咖央醬不會過甜，熱辣辣嘅多士配上冰冰涼涼嘅牛油，簡直係冰火兩重奏，好好味啊😋🔻冰爽砂拉越菠蘿冰 💰48 🌟呢款沙冰好抵飲🍍餐廳直接將原隻菠蘿打成沙冰，非常足料，超有東南亞風味，夏天飲好清爽😋🔻凍恐龍美祿 跟餐+💰12雖然唔知點解叫恐龍美祿，但係幾好飲，係美祿朱古力味飲品，面頭再鋪滿美祿粉，超級濃，簡直係美祿控必飲🍫以上係下午茶餐嘅價錢，如果其他時間黎會貴啲㗎🙈我見好多街坊都係6點前落單或者

呢間星馬菜之前食過已經覺得好有水準，味道好，價錢實惠👍🏻今次再去食吓新推出嘅椰子雞窩同兩款夏日飲品/甜品😬1.火焰醬香椰子雞窩（半隻）跟油飯 （$168）椰子雞窩成個砂煲上，一上枱侍應淋啲茅台酒上煲面再點火🔥好貼心有個沙漏幫手計時，漏哂代表啲雞就食得啦😋侍應姐姐教飲左啲湯先再食雞肉，啲湯係純椰青水，無加過水，飲落超清甜呀，仲有淡淡嘅酒香🤤值得一讚係有個隔油湯匙俾我哋𢳂湯，好細心，唔怕飲埋啲雞油咁肥膩👍🏻雞肉完全無冰鮮味，新鮮嫩滑，配埋青檸辣椒豉油好好送飯😬2.馬拉盞椰菜苗 (加配$29）好少食椰菜苗，估唔到同馬拉盞都幾夾🤓椰菜苗炒到好爽口，加埋少少辣嘅馬拉盞，無咗陣草青味👍🏻3.冰爽砂拉越菠蘿冰 ($48)超抵飲，打卡一流😎用原個菠蘿取肉攪拌，口感又滑又濃菠蘿味😝份量好多，兩個人飲剛剛好🤭4. 咖央油條配薄荷朱古力雪糕 （$38）呢款甜品好特別，有邊個諗到油條都可以做到甜品😂每條油條都搽左咖央醬，點埋薄荷朱古力雪糕可以解膩😋

長沙灣平民抵食星馬菜是日與友人到長沙灣覓食，突然發現這間蘇山雞飯。鋪面都幾大，座位都頗多。有卡位，亦有四人座位。環境舒服光猛，燈飾都有格調，似去咗星加波餐廳。 廁所都乾淨衛生。一入到去店員服務都不錯，用QR code落單。撞正下午茶時段，價錢都算實惠。叫咗一個娘惹炸雞髀配椰漿飯，配熱檸檬薏米水。7/10 等咗5分鐘，個餐就到。個飯一嚟到就好香。 雞髀都頗為大隻，相當抵食。個飯有滷水雞蛋，小魚乾及花生做配料，是有驚喜的！檸檬薏米水6/10 不過不失，下次試是另類飲品，例如生椰拿鐵😙

今晚有朋友請食飯，就決定試人近排人氣小店蘇山雞飯。蘇山雞飯主打馬來菜，尤其係海南雞飯。不過黎到睇到每一枱上面都有個煲，原來近排呢度推出左新菜式火焰醬香椰子雞窩，咁決定試下。<火焰醬香椰子雞窩>成件事儀式感好重，首先要預備個爐，叫得火焰醬香，就係個煲上面淋上中國茅台，再點火形成火焰，同時聞到好濃郁的茅台特有的醬香味。之後店員就係俾個漏斗，上面寫住＂Susan教你食椰子雞：先影相再飲湯最後先食雞＂。等左大約5-6分鐘後，店員就會幫你開煲同埋介紹番個雞湯係無加水，全由椰青製成。個湯望落好清，但味道好濃郁，由於無加水，椰味十足，雞湯配上茅台的酒香味個感覺好「補」。雖然望落個煲唔算大，但都有半隻雞。如果覺得味道比較淡，仲會提供桔子豉油、沙薑豉油同埋辣椒豉油，加上香噴噴的油飯，不失為幾好的配搭。<沙嗲串燒>係蘇山無論嗌雞窩或者海南雞飯，都可以半價叫一款小食或者蔬菜，咁我地追加左沙嗲串燒，雞牛串燒各2。雞肉同牛肉都幾嫩滑同燒得幾香，配上特色的沙嗲醬幾惹味。<開心果椰子奶昔>飲品方面，我地揀左新出品開心果椰子奶昔，見到綠色已經知道用左唔少開心果。開心果的

一向都知道呢間野都有啲名氣, 嚟到門口兩點半左右, 都要排幾枱👫🏼👫🏼👫🏼餐廳有滿滿星馬味道, 好想講海南雞飯好食過新加坡嘅🛎️『豐盛海南雞飯(半隻)』HK$138海南雞飯跟油飯、雞雜冬瓜湯, 其實想食佢好耐, 上網見啲相又幾好食咁, 所以叫足半隻!! 果然冇失望, 雞皮唔會帶肥膏, 雞好滑, 連雞胸都係!!! 重點係去骨, 咁先正宗👍🏻油飯除左雞油外, 仲有油蔥酥係裡面, 特別香🍚醬油膏、蒜蓉辣醬就唔少得, 每個位都十分新加坡🥢『醬油拼盤(雞腳、豬手、蛋)』HK$39跟海南雞飯加嘅拼盤👩🏻‍🍳豬手個皮炆到超淋, 雞腳就好入味, 好有新加坡松發嘅感覺😂『娘惹咖喱炸雞配椰漿飯(下午茶)』HK$58椰漿飯最重要緊係個叄巴醬、乾魚仔、花生啦! 夾埋椰漿飯一齊食, 就係最好嘅nasi lemak 味道😋咖哩都係馬來西亞帶椰漿味, 正!!!『冰爽砂拉越菠蘿冰』HK$48『開心果椰子奶昔』HK$32一大個菠蘿裝住菠蘿冰, 好震撼🍍好重菠蘿味, 應該係大大個菠蘿起肉再造冰🍹椰子奶昔重椰子味, 幾fresh🍾小總結, 價錢合理, 海南雞飯可能係香港最好味海南雞飯🥢真係難得, 新加坡菜係香港食都可以咁好味