影片
更多
2024-03-05
78 瀏覽
今晚有朋友請食飯，就決定試人近排人氣小店蘇山雞飯。蘇山雞飯主打馬來菜，尤其係海南雞飯。不過黎到睇到每一枱上面都有個煲，原來近排呢度推出左新菜式火焰醬香椰子雞窩，咁決定試下。<火焰醬香椰子雞窩>成件事儀式感好重，首先要預備個爐，叫得火焰醬香，就係個煲上面淋上中國茅台，再點火形成火焰，同時聞到好濃郁的茅台特有的醬香味。之後店員就係俾個漏斗，上面寫住＂Susan教你食椰子雞：先影相再飲湯最後先食雞＂。等左大約5-6分鐘後，店員就會幫你開煲同埋介紹番個雞湯係無加水，全由椰青製成。個湯望落好清，但味道好濃郁，由於無加水，椰味十足，雞湯配上茅台的酒香味個感覺好「補」。雖然望落個煲唔算大，但都有半隻雞。如果覺得味道比較淡，仲會提供桔子豉油、沙薑豉油同埋辣椒豉油，加上香噴噴的油飯，不失為幾好的配搭。<沙嗲串燒>係蘇山無論嗌雞窩或者海南雞飯，都可以半價叫一款小食或者蔬菜，咁我地追加左沙嗲串燒，雞牛串燒各2。雞肉同牛肉都幾嫩滑同燒得幾香，配上特色的沙嗲醬幾惹味。<開心果椰子奶昔>飲品方面，我地揀左新出品開心果椰子奶昔，見到綠色已經知道用左唔少開心果。開心果的
<火焰醬香椰子雞窩>
成件事儀式感好重，首先要預備個爐，叫得火焰醬香，就係個煲上面淋上中國茅台，再點火形成火焰，同時聞到好濃郁的茅台特有的醬香味。之後店員就係俾個漏斗，上面寫住＂Susan教你食椰子雞：先影相再飲湯最後先食雞＂。
等左大約5-6分鐘後，店員就會幫你開煲同埋介紹番個雞湯係無加水，全由椰青製成。個湯望落好清，但味道好濃郁，由於無加水，椰味十足，雞湯配上茅台的酒香味個感覺好「補」。雖然望落個煲唔算大，但都有半隻雞。如果覺得味道比較淡，仲會提供桔子豉油、沙薑豉油同埋辣椒豉油，加上香噴噴的油飯，不失為幾好的配搭。
<沙嗲串燒>
係蘇山無論嗌雞窩或者海南雞飯，都可以半價叫一款小食或者蔬菜，咁我地追加左沙嗲串燒，雞牛串燒各2。雞肉同牛肉都幾嫩滑同燒得幾香，配上特色的沙嗲醬幾惹味。
<開心果椰子奶昔>
飲品方面，我地揀左新出品開心果椰子奶昔，見到綠色已經知道用左唔少開心果。開心果的Nutty味加上椰子的味道，配上奶昔原來都幾夾，充滿東南亞風味。
<咖央油條配薄荷朱古力雪糕>
食晒小食同主菜，咁當然唔少得甜品，最後就揀左岩岩新推出的咖央油條配薄荷朱古力雪糕，覺得呢個配搭幾得意。當上枱之後望到個擺盤幾精緻，而佢每一條油條都有切半再搽上咖央醬，做得幾仔細。由於油條會吸醬，所以加埋朱古力醬同埋薄荷朱古力雪糕，得到多重享受，完全估唔到整得咁有驚喜。
整體而言，食物質素唔錯兼有驚喜，下次再試下呢度的海南雞飯同肉骨茶，睇下效果如何。
張貼
