蘇山雞飯

營業中

休息中

同朋友在長沙灣體育館打完波，行落元州街搵食，見蘇山雞飯招牌搶眼，餐廳內食客甚眾，於是決定入內一試乾坤。環境企理，裝修簡約中帶少許東南亞特色。豐盛海南走地雞飯，有半隻無骨海南走地雞，再配雞雜冬瓜湯及油飯。走地雞肉質比較結實，口感較一般雞有彈性；加上全去骨，可以放心大啖嚼食，其樂無窮。雞雜配冬瓜煮湯，雞盡其用，餐湯清甜中帶點鮮香。餐飲跟凍爽爆檸檬茶，小妹至愛。朋友點的娘惹咖喱牛筋腩烤餅咖喱做得很惹味，不算辣，較為杰身且帶點椰香的娘惹風味。牛腩和牛筋份量頗多，牛筋超軟淋，牛腩亦鬆化入味，好正！烤餅與咖喱，最佳配搭。貫切東南亞風味，餐飲凍椰奶。聽到隔籬枱讚肉骨茶好味，當然唔會錯過！味道確實夠香濃，很好。做完運動再補充能量，感覺很滿足。

蘇山雞飯 (長沙灣).我爸爸就最鍾意食馬來野，適逢今日係Happy Friday咁梗係齊齊出去食💜.▪️麻辣玻璃魷魚通菜▪️.叫左少辣，啲汁喺晒個底，建議撈勻先食(⁎⁍̴̛ᴗ⁍̴̛⁎)但係玻璃魷魚有咬口！.▪️鮮油咖央多士▪️.鮮油奶四個人share啱啱好，絕對需要趁熱食，多士烘咗之後熱辣辣再夾住鮮牛油，極度邪惡但係好好食！.▪️芽菜走地雞飯配白胡椒肉骨茶 ▪️.嚟到蘇山雞飯點可以唔食佢嘅招牌菜之一雞🤭個雞好嫩口，有少少似海南雞，上面有XO醬。另外呢個餐仲加埋一個白胡椒肉骨茶，飲落少少胡椒辣但好正，天氣再凍啲飲一定好暖身！.▪️ 咖哩牛筋腩烤餅▪️.咖喱牛腩牛筋份量勁夠，咖喱跟烤餅就最好食(⁎⁍̴̛ᴗ⁍̴̛⁎). ▪️胡椒海南羊腩湯跟油飯 ▪️.呢個係期間限定產品，羊肉啱晒我爸爸食！個湯又飲得，羊腩又嫩口微微嘅羶香，仲要有羊肉皮痴係肉邊！.▪️星洲叻沙摻摻 ▪️.轉米粉，入面仲有青口，蝦，魚蛋片等，不過米粉好快就索曬啲湯.▪️ 特色小食拼盤▪️.特色拼盤入面有雞翼，泰式魚餅，脆炸鳳尾蝦春卷等，特別個雞翼熱辣辣勁好食！.呢度嘅飲品仲有菠蘿梳打，椰青，檸檬薏米水等等 ！.📌 蘇山雞飯 (長沙灣)長沙灣元州街411號義華大廈地下.環境

食新加坡菜，最常係會去食肉骨茶，新加坡嘅肉骨茶同埋馬來西亞嘅會有少少唔同，分別係材料上，新加坡會偏好胡椒味，但係馬來西亞就會係偏重藥材味，呢間餐廳就係用胡椒為主。我叫咗一個砂煲肉骨茶，$118，有10舊骨，每一舊骨都連住肥瘦適中嘅豬肉，咬落去係有肉香；湯底唔會特別鹹，配料如豆卜等等都充分吸引晒湯汁。店員好奇我需唔需要一個飯，而且推介左佢哋嘅油飯，用自家電飯煲慢慢煲，食落去嘅感覺又唔會太油膩，反而粒粒飯內有雞油味，唔會有好油膩嘅感覺。之後叫左杯Milo Dinosaur，濃郁唔特別甜，奶量足，唔水。最後叫左個蛋白杏仁茶，蛋白香味為主，呢到並冇落好多糖令佢變得好食，反而有好豐富嘅杏仁味同蛋白，令佢滑之餘亦都好香。

呢餐同朋友食得超飽🤣，我哋完全低估咗啲份量🤭，有圖有真相！🔆星洲龍蝦叻沙摻摻（$1️⃣2️⃣8️⃣）呢個套餐除咗摻摻之外，仲配埋一份鮮油咖央多士！個多士既牛油超厚🥹，一啲都唔吝嗇🙈，咸甜配搭啱啱好，好好食呀。另外個摻摻又係超大碗😆，仲有半隻龍蝦🦞，呢個價錢真係超抵。配料仲有魚蛋、魚片、豆卜等等😳。另外，佢個叻沙本身都唔辣，適合啲唔食得太辣既人。🔆孖寶芽菜走地雞飯（$9️⃣0️⃣）呢個餐本身仲配咗一碗迷你叻沙😂，雖然我哋叫咗少飯，但都真係好多🙈，而個叻沙同龍蝦嗰碗味道一樣。最令我驚艷係個走地雞🥹，超好食！走地雞好滑，而且仲有啫喱😋，三隻醬汁都好正，其中一款酸酸辣辣咁，好開胃。🔆泰式魚餅（$3️⃣2️⃣）好惹味好彈牙，佢辣辣地咁，入面都幾多豆角。🔆參巴醬通菜（$2️⃣0️⃣）呢個係晚餐加配嘅小食，20蚊咁大碗都好抵，味道同平時食到嘅都差唔多。佢飲品款式好多，朋友交錢要咗美祿恐龍，我就要咗樽仔奶茶，2款都幾好飲🙈，不過美祿更勝一籌。

星期五晚買咗戲飛喺長沙灣睇夜場🎬，所以就近近地去咗附近食嘢。我哋久仰「蘇山雞飯」嘅大名多時，但一直未有機會到訪。呢度係街坊店嘅格局，面積都幾大。餐廳匯集多款東南亞美食於一堂，並設有套餐以及加配小食嘅選項。我哋嗌到成枱嘢食，埋單都唔使$300，算係性價比高👍。招牌海南雞飯配雞雜冬瓜湯($80)，單睇價錢唔平，不過套餐完整。🐔去骨海南雞味道幾出色，雞肉嫩滑，雞皮爽彈，而且唔係雪到無喱味道嗰種雞；配以三色醬油食，口味正宗。🍚油飯軟硬適中兼入味，但就略嫌油咗啲。冬瓜湯味道清淡，估佢唔到落咗雞雜，幾特別。新加坡白胡椒排骨茶湯米粉($68)，🍖白胡椒肉骨茶嘅特色就係冇原味肉骨茶咁重藥材味，並且多咗份胡椒香，🔥飲落好暖身，亦覺得冇落味精。我嗌咗米粉底都唔錯，麵條索湯得嚟又無太淋🍜。肉骨茶入面有一字骨同豆卜，另外仲跟埋油炸鬼。特色小食拼盤($78)，小食拼盤非常豐富又抵食🍗，內容包括雞全翼、泰式魚餅、脆炸鳳尾蝦春卷、黑椒扎肉同埋順化炭燒豬肉串。雖然佢哋全部都係油炸，但勝在夠香口。🐷豬肉串具特色，扎肉有驚喜，幾彈牙；而雞翼原隻切件上，食用方便；最後魚餅就意外地好辣。參巴醬通菜(+$20)，估唔到跟餐嘅菜

隔左一段時間來試，口味仲係一樣好，套餐仲係一樣咁抵食。大拼盤：總共有5款10件，抵過出去食三寶*蝦&腸仔，好味到震喇沙參參配料好足，仲可以自選2款面，真係前所未見。叫餐+$20有大大碗通菜，健康之選呀鮮油咖央多咁厚既牛油，仲要2大片，一咬d汁唧曬出嚟，視覺都夠滿足，超足料菠蘿薄荷梳打&蝶豆花梳打出面好少見過，建議食套餐一定要加呢兩款走地雞& 胡椒湯 套餐雞既口感特別彈牙，真材實料湯既胡椒味多到有d辣，冬天飲又好鬼暖胃舒服總括：性價比一等一，試完食唔返第二間不枉我專情坐車過去食

終於有機會試到最近大熱既蘇山雞飯位於長沙灣元州街，主打抵食星馬菜，星馬菜式非常多選擇，scan QR code 落單都幾先進，又無加一，價錢貼地都值得一試💖新加坡白胡椒肉骨茶是胡椒味的新加坡style，以白胡椒味為主，而唔係平時成日見到嘅肉骨茶都係深色有藥材味，但呢款白胡椒入囗感覺好輕盈，肉骨帶有軟骨同豆卜吸滿湯汁，肉量多唔會只有骨，最近天氣涼涼地飲最好不過招牌海南雞飯$68（油飯、雞雜冬瓜湯）隻雞絕對夠滑係得嘅而且份量都唔少，雞肉同皮剛分離，雞肉滑溜。油飯做法係四至五個人份量電飯煲煮飯，令到每一粒飯粒都可以吸收到雞油同斑蘭嘅香味，最鍾意佢嘅酸辣汁，非常開胃Susan豬手飯$62見到大家都話係必點，果然沒有讓我失望，豬手煮得非常入味，如果下次再嚟都係因為佢，配料亦好豐富有酸菜、花生及滷水蛋參巴醬通菜 +$20充滿星馬菜風格的醬汁微辣，幾惹味凍恐龍美祿+＄ 12美祿恐龍真係好正！重點是海量美祿粉又夠凍，加埋小紙傘真係好吸睛—————————————————蘇山雞飯 (長沙灣)長沙灣元州街411號義華大廈地下—————————————————⠀⠀⠀⠀⠀⠀⠀⠀⠀#hkfoodie #hkfo

長沙灣一向有唔少平價隱世美食，呢排終於可以去旅行但係我又未拎到假，有啲掛住去新加坡果陣時嘅肉骨茶同埋雞飯，搵到呢間蘇山雞飯😋去到坐嘅卡位都幾好見佢主打海南雞飯，仲有星加坡風味嘅肉骨茶，下午茶仲可以2樣都試齊哂添招牌海南雞飯配輕怡白胡椒肉骨茶（下午茶）$60+ $10海南雞肉質嫩滑，配上香氣滿滿嘅雞油飯，份量唔少食落非常滿足，性價比高白胡椒肉骨茶係我係新加坡食到既味道更濃多dd，輕怡版本都有2條排骨，點埋黑豉油食都唔錯星洲叻沙摻摻（下午茶）$55叻沙湯底夠味得黎唔會太過濃，摻摻口應岩岩好有青口海蝦魚蛋，55蚊係比足料得黎仲要魚蛋係彈牙😋輕怡拼盤（春卷、魚餅、雞翼尖、滷蛋）$48正常多款既小食 魚餅幾好味恐龍美祿 跟餐加配$12美祿一定好飲，如果再更加多美祿粉就好喇🤣香茅薄荷特飲 跟餐加配$12朋友話幾好飲, 薄荷味重, 香茅味反而唔多麻辣玻璃魷魚通菜 $48玻璃魷魚幾香同爽口, 麻辣味再重d就更好(我本食開中辣)

今日行左去長沙灣食海南雞，最近又最好食又最出名就係蘇山雞飯，平時叫外賣要運費，今次自己行去食首先都係點一個豐盛海南雞飯，有半隻雞，油飯，雞什冬瓜湯雞好滑，肉又滑皮又滑，無骨又多肉，食得出有陣好香花菇同元貝味油飯好香，每粒飯都吸收到雞油同斑蘭香味雞什冬瓜湯好多雞什，味好鮮甜龍蝦喇沙有豆卜魚片魚蛋雞蛋芽菜龍蝦好大隻，重點係好多蝦膏，龍蝦啖啖肉，湯底夠濃另外點左一份小食炭燒豬肉條，幾香口加多一杯檸檬薏米水，跟餐加$9 ，好豐富好滿足

這間星馬菜餐廳一直有很多人推介，質素果然很不錯😚 店舖空間大，環境乾淨企理，座位寬敞舒適，裝潢有異國風情，好適合拍照☺️ 不設用餐時限，適合朋友或家庭聚會🥂食物方面有選擇豐富的地道新加坡及馬來西亞菜，主打海南雞飯，價錢中等，食物質素不錯，套餐份量偏多，飽肚又抵食👍🏻 晚市二人消費：$293 🫧不設加一服務費🫧═ ═ ═ ═ ═ ═ ═ ═💖💖💖食評💖💖💖𝑴𝒂𝒊𝒏 𝑪𝒐𝒖𝒓𝒔𝒆🐥招牌海南雞飯 配雞雜冬瓜湯 ($80)✨ 味道正宗👍🏻 雞肉份量多，肉質嫩滑，配上醬汁及雞油飯，好好味🤤 冬瓜湯好清甜滋潤，湯料有豐富冬瓜粒Susan豬手飯 ($78)✨ 份量驚人，好飽肚！好大件豬手，肉質口感爽滑煙韌，滷水汁十分濃郁又惹味🤤 配料亦好豐富，有酸菜、花生及滷水蛋，絕對抵食😍𝑺𝒏𝒂𝒄𝒌𝒔順化炭燒豬肉串 ($38/4串)✨有驚喜！肉質軟嫩😋 香口惹味輕怡拼盤 (套餐+$35)✨ 魚餅、滷蛋、春卷、雞翼尖 二人份量，豐富好味道，好飽肚😋 春卷熱騰騰好脆身，魚餅爽口彈牙，滷水蛋煮得好入味😚👍參巴醬通菜 (套餐+$20)✨份量多，通菜好新鮮，炒完仍保持爽口質感👍🏻 鹹香惹味𝑺𝒐𝒖𝒑魚丸湯 ($18)✨推薦！十

上堂前在附近食飯，好耐無食星馬菜，見佢哋評論都唔錯，價格亦唔貴。獅城芽葉走地雞配輕怡新加坡白胡椒肉骨茶$110，呢個配搭幾好，一個價錢食齊兩種特色菜；雞肉10分嫩滑，好有雞味亦有菇味，原來佢哋混合廿幾種材料醃製，油飯亦有班蘭香味；肉骨茶辣度中等，湯底比較清，呢種原來係新加坡潮式肉骨茶，幾特別。迷你星州喇沙$38，有一隻大蝦及魚蛋等，份量亦適中，酸辣程度都做得平衡。特色小食拼盤（雞翼、泰式魚餅、脆炸鳳尾蝦春卷、黑椒扎肉）$78，雞翼用南乳醃製，好香南乳味道，炸得脆身，雞翼都應該係走地雞，所以好有雞味及肉質結實。叫了兩杯飲品檸檬薏米水及雪糕薄荷咖啡，特色飲品都係加$12，雪糕薄荷咖啡擺設精美，薄荷混合咖啡後，亦可以增加咖啡層次感。

很久沒吃過這間了，但想不到他還擴張了，比之前的舖位大了一倍，空間大了很多，裝飾變好了，果然是生意好，不過那當然也要這間店好吃才可以！(茶)海南雞飯配雞雜冬瓜湯（60元）這個下午茶套餐真的超划算的，海南雞的份量不變，還加上雞雜冬瓜湯，加配飲品還有優惠價！海南雞我挺幸運地拿到雞胸加雞腿的組合，雞的量很多，而且全是肉，吃起來非常嫩滑，雞肉質感彈牙，雞皮滑嫩！而雞雜冬瓜湯有意外的驚喜，跟起來是濃濃的清雞湯味，有冬瓜的清甜，雞雜爽滑！巴東牛肉配江魚仔椰漿飯（75元）滿滿一大碟的感覺，配料也挺豐富的，有大量的牛肋條，江魚仔，花生，炸蝦片，還配帶滷蛋。牛肋點燉煮得非常入味，入口味道濃香，肉質鬆化滑嫩無渣，鹹香味十足！江魚仔是有炸過的，所以吃起來特別香脆，而且魚的味道很香。椰漿飯就是一個清淡的味道，但配上濃厚的牛肉後，吃起來會多了份清香！(茶)鮮油咖央多（32元）這個也是茶餐，可能用優惠價加配飲品！這個其實不用多說，只要看到就知道有多邪惡了！烘香的多士塗上香甜的咖央醬，再配上上厚切的牛油，入口外脆內嫩，牛油入口即溶，咖央醬的甜更能突出多士的香味！脆炸鳳尾蝦春卷( 4件) (32元）這春卷挺特別的，外面

黎到蘇山雞飯，咁啱係佢地下午茶既時間，下午茶餐好抵食，有叻沙、豬手飯等等選擇，價錢都係$60樓下，仲包飲品😳今次黎到一於試下佢地既招牌海南雞飯！性價比真係好高，而且冇因為係下午茶就份量好少。呢度係用QR code落單，坐低睇下menu就可以自己隨時落單，好方便。知道佢最近仲係太子開左新分店，更加方便，鍾意食星馬菜既人都不妨去試下😋1️⃣招牌海南雞飯配雞雜冬瓜湯（$60） 海南雞飯配做三款醬，有黑醬油、酸辣醬同埋薑蓉，特別鍾意黑醬油，甜甜地，好有星洲風味～雞肉冇骨，而且好嫩滑🤤另外個飯都係另一個重點！個飯同平時出去食既油飯唔同，佢除左雞油之外，仲用做斑蘭同埋其他食材一齊煮🤩食落帶油香得黎更加滲出一陣香味。跟餐仲有個冬瓜湯，好豐富。入面有好多雞雜，飲落清甜👍  2⃣️鮮檸檬薏米水（跟餐）

之前住長沙灣成日都嚟呢間餐廳晚飯，自從搬離呢面，就好耐冇食。呢日去開荔枝角工廈，順便到長沙灣這邊吃晚飯，第一時間就諗起呢間餐廳，因為抵食又好味。.🐑胡椒海南羊腩湯跟油飯這個是冬季限定新品，梗係要試吓啦！羊腩份量十足，個湯肉味香濃，冇膻味而且充滿羊肉香氣，加上胡椒微辣暖胃，真的好適合近日轉涼的天氣。.🐥獅城芽菜走地雞飯配輕怡新加坡白胡椒肉骨茶走地雞肉質好嫩滑，雞皮爽口不油膩，油飯好惹味，粒粒飯都充滿雞油、班蘭味。而新加坡白胡椒肉骨茶帶點微辣和藥材味，入面排骨肉質都林。.🐔招牌海南雞飯配雞雜冬瓜湯招牌海南雞的肉質鮮嫩肥美，食落好滑又啖啖肉。而個油飯都好惹味，每粒飯都充滿雞油、班蘭味，重有幾款醬汁俾你點。雞雜冬瓜湯幾清甜，而且好足料。.🐷檳城黑豉油叉燒油飯配魚丸湯厚切叉燒估唔到咁有驚喜，肉質夠軟稔，而且偏瘦唔會好多肥膏，加上檳城黑豉油調味很不錯，還配上油飯，真的大滿足！魚丸湯幾清甜，魚丸彈牙，仲有不少蘿蔔粒。.🐖炭燒豬肉串(三串）細細串，食落肉質豐富又juicy。.🍞鮮油咖央多士這個是必點，多士外脆內軟，新鮮熱辣辣，配上咖央醬同超厚牛油，雖然邪惡但美味。.🦐脆炸鳳尾蝦春卷(四件)有點似越式的

這間主打高質星馬菜的餐廳，近著荔枝角及長沙灣站之間，裝修還原星馬當地的冰室，晚市有六款精選套餐，可加錢升級小食及飲品。胡椒海南羊腩湯跟油飯 - $118這款是冬季限定。一件件肉厚的黑草羊腩肉味道香濃，無羊羶味，肉質軟腍，清澈的胡椒湯帶點微辛辣，綿密的白蘿蔔好入味，油飯有淡淡雞油香。獅城芽菜走地雞飯配輕怡新加坡白胡椒肉骨茶 - $90走地雞的脂肪較少，肉質較為彈牙，有著濃郁的雞味，連著雞皮好嫩滑，配黑豉油、薑蓉和辣椒醬三款醬汁；招牌海南雞飯配雞雜冬瓜湯 - $80皮脆肉嫩的海南雞甜美多汁，掀開油油亮亮閃閃發光的雞皮，有層果凍狀的雞汁，充滿彈性，清甜的冬瓜湯有雞雜的鮮味。檳城黑豉油叉燒油飯配魚丸湯 - $78黑油醃製的叉燒，味道比起港式更香濃，肥瘦兼備好軟腍，鮮美的雞湯更有兩粒彈牙魚丸。順化炭燒豬肉串(三串) +$20外皮煙韌爽脆的豬肉腸，充滿著豬肉汁。脆炸鳳尾蝦春卷(四件) - $32酥脆的春卷炸成絲網，夾著爽滑彈牙的鳳尾蝦，有少少雜菜和蝦肉。Susan雞翼(三隻) +$28即炸的雞翼特別酥脆，有雞鎚和雞中翼，咬開雪白的雞肉好嫩滑，流出濃濃肉汁。參巴醬通菜(走辣) +$20惹味的參巴醬竟