蘇山雞飯

營業中

休息中

長沙灣出名嘅蘇山雞飯最近係太子開左分店我都去左試下果然名不虛傳！佢地太子分店嘅裝修新穎，而且多卡位，感覺幾舒服。🔸招牌海南雞飯 配 雞雜冬瓜湯 $85加配小食 順化炭燒豬肉串（三串） $20嚟到蘇山雞飯，一定要食佢地嘅雞飯，佢地嘅招牌海南雞配上三款醬汁，黑醬油夠濃稠，可以突出雞味！雞肉夠哂嫩滑，就算係雞胸嘅部份都完全唔鞋。飯嘅部份唔係傳統嘅薑黃飯，而係用左特別嘅飯煲去煮，吸收左雞油同斑蘭嘅味道，寧舍不同！雞雜冬瓜湯雖然加入左內臟，但飲落唔會覺得好油膩，而且冬瓜感覺好清新，雞雜都好爽口！順化炭燒豬肉串上檯仲係熱辣辣，又脆又多汁🔸巴東牛肉飯 配 江魚仔椰漿飯 $83加配小食 Susan雞翼（三隻） $28開頭擔心會好辣，點知食落甜甜地，仲有魚仔、花生、蝦片，令到口感超豐富！Susan雞翼好有驚喜！開頭以為係三隻雞中翼，點知係雞全翼，而且雞鎚部份已經分開，方便食用！雞翼新鮮炸起非常香，酥脆Juicy !🔸輕怡排骨茶 $48肉骨茶又係唔可以錯過！$48大大碗，有排骨有豆卜，好豐富！佢地嘅肉骨茶係新加坡風味，胡椒味比較重，非常啱冬天飲🔸脆炸鳳尾蝦春卷（四件）$32呢度嘅炸物全都好出色！唔會食到

太子特色海南雞飯蘇山雞飯係太子開左分店😳梗係要即刻試吓水準如何啦，新加坡🇸🇬＋馬來西亞🇲🇾菜式餐廳，主力係做海南雞飯，每粒飯都可以吸收到雞油同斑蘭嘅香味。小店坐位不多但舒適，有卡位，木製家俱別有一番風味～晚上多人等，要排隊，等一下的 #馬來西亞菜，手機自助落單好方便 。免收加一#鴛鴦海南雞飯 (輕怡排骨茶 ＋海南雞）$93雞部位是隨機的，皮厚肉嫩雞味十足。配有雞腎，十分爽口。雞油飯真係冇得輸，一粒粒充滿雞油香和口感的飯才是重點精華，好好味😋。輕怡排骨茶用上一字骨，香噴噴的燉湯，加入排骨、 豆卜。以胡椒味行先而唔係以藥材味行先，所以湯頭唔係又黑又濃，而係比較清淡而入口。中藥味不會濃烈，適合大眾飲用。晚餐精選套餐：星洲龍蝦叻沙摻摻，配鮮油咖央多士 $128。再加配輕怡拼盤$35 可以一次過試晒幾種嘢食，非常抵食。星洲龍蝦叻沙摻摻用料十足，米粉配秘製粗麵，麵質爽口彈牙，米粉都好入味😋有半隻龍蝦、豆卜、魚片和魚蛋等，龍蝦🦞有膏新鮮、豆卜吸曬湯味。鮮油咖央多士 必叫！邪惡好吃。微脆的多士塗了甜甜的蜂蜜和厚切牛油🧈好香。輕怡拼盤內有春卷、魚餅、滷蛋、雞翼尖等。春卷炸得香口又唔會太油膩。魚餅惹味彈牙

平時唔想煮飯，放工就會去茶餐廳搞掂晚餐。幫襯開呢間，環境超多卡位坐得舒服，而家食物幫襯過幾次都keep到有水準。老公最鍾意食呢度嘅海南雞飯，原來依度嘅雞飯用電飯煲煮飯，飯粒均勻吸收雞油，食起嚟仲會有斑蘭嘅香味！海南雞都好出色，雞件特別滑，就算雞胸都唔會鞋口，雞髀肉更加係冇得頂，每次食完都讚不絕口。叫得招牌菜果然係有料到👍 話說呢度跟雞飯嗰個湯都好足料，用雞雜加冬瓜再以雞骨熬製煲成，落足心機啖湯真係夠晒清甜！我就最鍾意食呢度嘅豬手，真係炆到好淋好入味，上枱嗰陣已經起晒肉，好方便食😍一夾起嗰陣仲可以feel到個豬皮彈下彈下咁，真係充滿骨膠原嘅感覺啊！味道帶少少甜醋味，可以中和豬手嘅油分，所以食嗰陣唔會肥膩，可以純粹咁享受到豬手軟綿綿嘅口感，真係勁正！推介大家試埋順化豬肉串，肉串係肉碎mix咗香料製成，好味道而且一咬落去爆汁嘅情況人倍感驚喜。@susan_chicken_rice#susan_chicken_rice #蘇山雞飯 #豬手 #susan豬手#海南雞 #順化豬肉串

🌟星馬菜之蘇山雞飯🔥4人之行，選擇咗新開店一search長沙灣人氣小店，而家太子都有分店🏠晚餐🌟Susan 豬手飯$83另加參巴醬通菜$20超冰凍椰青$28豬手飯，肥瘦分明，入口鬆化，滷水醃味好入味參巴醬通菜唔辣，參巴醬有點似xo醬加海鮮醬混合體，通菜幼嫩配醬鮮味十足🌟招牌海南雞配雞雜冬瓜湯$85另加炭燒豬肉串$20熱金裝柑桔🍊蜜$12海南雞嫩滑有雞味，配上啖啖油飯，油香而不油膩👍🏻🔥欣賞雞雜冬瓜湯，將平日雞件內臟留低用黎煲冬瓜湯，將精華注入冬瓜湯中，湯中亦見大量雞腎，雞潤，材料十足，絕不淡如水炭燒豬肉串，碎肉和肥膏切碎攪勻整串燒，入口鬆化，非常邪惡😈🌟星洲龍蝦喇沙摻摻$128配咖央多士另加小食拼盤$35雪糕斑斕奶茶$12有龍蝦材料做麵🙀真系驚嘆❗️龍蝦一啲都唔細隻，啖啖肉，仲可以食埋啲膏(膽固醇唔怕人士🚫)喇沙味道極之符合香港人，香椰汁味而不辣超邪惡咖央多士，極厚身牛油🧈，食既系脂肪🤣食得就唔好怕肥，怕肥既就唔好食小食🌟鹹魚茸炒怡寶芽菜$45鹹魚蓉炒大荳芽，惹味可口，餸飯一流🌟泰式魚餅$32🌟脆炸鳳尾蝦春卷$32兩個小食都熱辣辣，好脆口，襯熱食就可以❤️🌟桔仔菠蘿梳打水$28飲品亦好東南

又係一間我食過會返轉頭嘅餐廳係長沙灣分店成日見有唔少人排隊今次係太子再開分店🆕🆕🆕個人覺得太子店感覺係幾舒服其實佢地係新加坡同馬來西亞菜式餐廳🇸🇬🇲🇾*❣️獅城芽菜走地雞飯 $95*佢地有兩款雞飯🐣一款係走地雞飯 一款係海南雞飯而兩款分別在於係雞皮滑 同雞身滑既然上次食過海南雞 今次就食走地雞飯無食雞皮好耐嘅我 好難得今次都會食🤩🤩最主要都真係因為雞皮好滑同醬汁好正正*❣️怡保扎肉雞絲粿條 $60係一個清淡嘅選擇 又係足料嘅選擇雖然係清淡 但個湯底好香口🥣成碗粿條芽菜、通菜、扎肉、雞絲粿條食落口感比較似河粉*❣️順化炭燒豬肉串(3串) $20(晚餐加配)炭燒嘅味道‼️‼️‼️串串都好厚肉 好重豬肉🐽就連女士們最怕嘅到嘅肥豬肉都無*❣️烤餅 $15係煎到外脆內軟烤餅煎好真係要盡快食⏳好似啲staff咁講🙈唔快快手食擺得太耐係會硬左不過有醬汁配埋應該會更加香口*❣️麻辣玻璃魷魚通菜 $50通菜同魷魚係勁入味🦑啲辣汁仲要俾得都幾多有多碗飯嘅話 我一定拎佢黎送飯食🍚🍚🍚🍚*❣️雪糕斑蘭奶茶 $28呢杯可以話係我又再嗌過嘅飲品唔會太過甜 絕對係大家接受嘅甜度個雪糕仲要係雲呢拿咁🍨*❣️恐龍美綠 +$18(跟餐)係勁

今日在旺角跟朋友交收時，提起肉骨茶，於是朋友就提議不如一齊去附近Susan 食雞後才回家吧🥰Susan 原來是*蘇山雞飯😂😂 鴛鴦海南雞飯，有齊海南雞同肉骨茶😝 海南雞份量都可以，雞肉滑；肉骨茶湯底清淡易入口，胡椒味很香；豬肋排的肉已煮到ㄧ咬、骨肉分離，肉油脂豐富多汁、不會乾柴👍🏻獅城芽菜走地雞飯，雞肉滑而不肥！油飯除了有雞油又有斑蘭嘅香味; 味道香濃，很好食！凍奶茶夠香滑👍🏻雪糕薄荷咖啡，賣相精緻，咖啡香濃不錯！

蘇山雞飯一直係我check list裡面以茶餐廳免加一食到新加坡菜招牌海南雞飯叫得招牌 當然一試食落都ok 都夠滑 油飯正正常常配上冬瓜湯幾足料可惜凍左先飲有少少咸星洲龍蝦叻沙摻既係油麵加粉絲半隻龍蝦🦞上外貌都幾吸精食落味道不錯鮮油咖吔多士最推薦！！本人覺得超好食類似練奶菠蘿油食完好肥 充滿罪惡但食緊好幸福脆炸鳳尾蝦春卷極脆 完整一隻蝦尾放涼一陣 但仍然咬落脆卜卜泰式魚餅正正常常 都彈牙可惜表面有少少乾身四杯飲品都幾好飲菠蘿飲品相對甜左其他都好好👍

幾個月前提過蘇山雞飯性價比好高 偶然發現佢係太子開咗分店 當然要encore🥳上次食咗飯 今次就試吓另一招牌 星洲龍蝦叻沙摻摻🍲 除咗laksa常見嘅豆卜魚片魚蛋 仲有半隻龍蝦 賣相夠哂吸引 龍蝦肉質扎實爽彈🦞 湯底夠濃味 仲有我最愛的摻摻 (油面加米粉) 索湯😚晚市套餐可以優惠價加配小食 順化炭燒豬肉串用上免治豬肉 唔會太肥膩 亦都燒得香口🐷 泰式魚餅混合魚肉豆角等 味道香辣口感有層次🐟另外再encore食過返尋味嘅招牌海南雞飯 雞肉嫩滑 要重申多次個油飯好食 仲附送清甜嘅雞雜冬瓜湯😚 仲有必食嘅鮮油咖央多士同參巴醬通菜 都keep到水準 🙌🏻飲品方面一貫好多選擇 推介桔仔菠蘿梳打水 酸酸甜甜好開胃 啱晒濃味嘅星馬菜🇲🇾🇸🇬

星期一晚，未到放縱的假期，想找找性價比高的餐廳為一整天打打氣，這家算是沒選錯。選了他們的招牌走地雞飯配白胡椒肉骨茶，果然沒有失望，走地雞用了雞髀部分，啖啖滑溜雞肉配上三款醬汁，調味剛剛好嘅雞油飯，性價比高又食得很滿足 肉骨茶方面一開始覺得胡椒味很濃，之後就還好，畢竟說了是輕怡肉骨茶，所以是比較淡的藥材味。另一款叫了龍蝦叻沙摻摻，椰香微辣的湯底，結實的龍蝦肉可以一試配餐選的小食拼盤，有四款小食算是誠意滿滿，喜歡他們的炸蝦和雞翼尖，炸蝦肉質有彈性，雞翼尖調味亦不錯，減低雞皮的油膩感。鮮油咖央多士和恐龍美綠作為這晚餐的甜品，厚厚牛油加上咖央醬嘅甜味，雖然罪惡感十足，但都係忍不住食哂，兩個人一人一件分享剛剛好。

知道太子開咗間「蘇山雞飯」，所以就同媽咪去試吓😋11:50am入座，很多卡位任我選擇，環境良好，招待職員有禮貌👍🏻我哋點左午餐的豬手飯（$65）及咖喱麵（$60）、然後追加鳳尾蝦春卷（$18）及炒通茶（$20）鳳尾蝦春卷好味道，食時還熱的👍🏻咖喱麵很大碗，份量豐富，好香，唔辣，味道👌🏻豬手飯賣相不錯，但味道一般，配搭的辣椒🌶️只得辣但唔好味炒通菜好淡（唔知係咪唔記得落鹽）兩杯凍檸檬薏米水就普普通通總結整體感覺尚可，都會再去試吓其他食物😊

由長沙灣店新開時已經吃過多次，蘇山雞飯終於都開分店了🤩今次選址太子，裝潢風格都別具一格，新店環境相當闊落，坐得特別舒適！·🍲獅城芽菜走地雞飯 配 輕怡新加坡白胡椒排骨茶 (HKD 95)走地雞的雞味比起一般三黃雞更強烈，雞肉口感爽滑。油飯更是有經過炒的步驟，令飯粒充滿油香，部份飯粒更有微焦，夠香口！其中一樣招牌菜就是輕怡新加坡白胡椒排骨茶，主張以白胡椒味作主調，比起一般充滿藥材味的肉骨茶較易入口。·🥘招牌海南雞飯 (HKD 85)海南雞飯則採用三黃雞，雞肉相當嫩滑！雞皮帶有油香，蘸上醬汁再拌上油飯一起吃。絕對值得一試的招牌菜！·🍗Susan雞翼 (加配HKD 28)雞翼有3隻全翼，份量對於二人份剛剛好！雞翼夠入味，更炸得外脆內軟。·🦕恐龍美祿 (加配HKD 12)表面灑上一大匙滿滿的美祿粉，濃濃的朱古力味在口腔裡散發，可以再Encore多杯😂！📍 蘇山雞飯地址：太子彌敦道759-761號藍馬之城地下2-3號舖

到這間新開的餐廳吃飯，門面乾淨，本著「試新野」的心態入去。坐低首先睇吓餐牌有乜嘢食，朋友一見到餐牌影相嗰碗福建蝦麵，隻蝦大到好似龍蝦咁大，佢二話不說即刻話要食福建蝦麵。點知…………..相片同實物差好遠，D蝦好似中咗輻射咁，縮到好細，已經失落咗一半，之後再食碗麵，佢話好辣唔想食，結果成碗麵浪費了。另外叫咗個咖喱牛腩飯，我反而覺得個飯整得幾好味，可以試吓。🥰🥰其實我嗌咗個小食，泰式魚餅。不過不失。我下次應該會試返大路嘢，海南雞飯。總結：千萬不要叫福建蝦麵。

星期日放假都冇咁早起身，出門口前突然想食個海南雞，平時坐車經過太子見蘇山雞飯要開新分店，其實我長沙灣店都未食過，朋友話唔錯，咁去太子食下先，兩個人叫左兩個餐，原來去到有下午茶真好，都平到唔少，午餐雞飯+埋飲品過百蚊，下午茶$65就有埋杯熱檸檬薏米水，一盤盤上枱好整齊，有埋雞雜湯跟，先飲湯，再食飯，後食雞，個湯都幾濃味，係d 雞雜冇咩味，可能香港都係急凍冰鮮所以係咁，個飯係每次食海南雞最期待的，佢地個飯既顏色係較深，份量都ok, 不過食落口老實講就真係乾左d, 有d 失敗，雞就有3款醬料，雞肉都算滑，佢地既雞都係編肥的，如果下午茶$65黎講唔係平，只係因為佢地午餐價錢編高，CP 值就一般般，雞絲扎肉果條，係個粉好好，做到馬拉咁大大片，係個湯可以再熱D

網上D人話長沙灣果間好食無時間去今日系太子呢頭經過分店咪入去試下味囉！親身一次發覺原來分店好唔掂🥴感覺比人吹大左,一入啊姐帶位望一望叫左個餐牌就叫左鴛鴦海南雞飯凍茶少冰,無得加錢轉雞脾， 首先坐既位又好鬼窄坐得勁辛苦 ！油飯食落口感一般叫做有味道但偏油！, 雞皮太淋一夾就散開同埋勁肥！雞肉更加唔滑雞翼尖都比客，雞腎無味道要點黑醬油先食得落口🤦‍♂🤦‍♂，肉骨茶啖而無乜味得胡椒辣味🤦‍♂🤦‍♂🤦‍♂🤦‍♂🤷‍♂🤷‍♂🤷‍♂試過就算唔會有下次