蘇媽.蘇媽馬來西亞茶餐室 (已結業)

“蘇媽”(Seuma)意指”咩都有”。係有啲大嘅講得，因為暫時選擇有限，但係相信大久將來可能真係咩都有，因為真係幾好食。祝你地越做越好先。入返題，你睇下呢個帶點中式又帶點馬拉嘅裝修，可以睇得出佢地有野心得黎對自己嘅出品都好有信心。今日星期六，都多人等，但係半個鐘內都有位坐。因為係星馬碟頭飯，所以都食唔得耐。呢對門明顯係星馬運返黎。簡單用菜名裝飾場身，唔係咩新野，但係啲名勝在令你笑一笑。講下野飲先，首先係檸檬麥牙意米水。檸檬味略嫌太搶，但係隻羹成功取悅女伴。係有小小心思嘅。拉茶值得飲，佢呢層泡係靠來回三數次拉撞先做到，拉完嘅茶口感係唔同啲。到食物喇，今日得2個人所以叫左一個小食，一個主食同一碟菜。首先係魚仔醬蘿蔔糕，魚仔醬指嘅應該係公魚仔，耐可公魚仔嘅香味唔強，所以如果同XO醬比嘅話佢就會淡左啲。粉麵方面試左招牌老鼠粉。以黑豉油做基礎，所以略略帶甜，肉碎係香嘅，但係整體偏淡。加左小小指天椒之後好好多。如果想加辣嘅朋友又驚指天椒粒太辣，可以用兩隻羹壓啲辣椒攞走啲籽先撈落去。最後，而係最好食嘅玻璃魷魚通菜🎉真係要試，係有啲辣，但係嗰陣星馬味真心地道。魷魚爽脆呢啲就潮州人都做得好好食，但係重點

舖細細，座位小，因為早等位，好快就入座。叫了野食，店員就擺位，而且每位都有肉骨茶，之後聽到隔枱有客人叫加湯，原來肉骨茶係任飲，好驚喜。湯夠熱，味道不會太濃，係我愛的味道。叫左招牌老鼠粉，檳城福建蝦麵和馬拉沙嗲串燒。老鼠粉係乾撈，粉好爽而且肉碎醬汁好香。令外蝦麵是油麵，夠彈牙，再加辣參巴醬，辣辣地又味濃，好開胃。串燒沙嗲汁甜甜地幾好味，但串燒肉就太實，唔鬆化。見到好多人叫椰香咖央多士，所以我都追加叫了一份。等緊時，再加湯，真係好味。多士一到，當然要立刻食，有D失望，一望就知唔夠燶，所以唔脆口，不過咖央醬就又香又滑，甜甜地好好味。

我嗰個成日飛既朋友黎緊會去日本半個月，見星期六無事做咪陪佢去深水埗搵吓有無啱佢日本長征既電話卡。買完電話卡大約七點幾，肚餓要去搵食，想起之前黎蘇媽.蘇媽食過肉骨茶，冒住排好耐隊既決心同佢死過。一邊同朋友吹水講咗佢去日本啲行程，講吓新公司啲搞笑嘢，足足等咗90分鐘先入到去。TOTAL叫咗四個餸：百吉爹肉骨茶(皇帝骨)、檳城福建蝦麵、愛他愛他、玻璃魷魚配通菜百吉爹肉骨茶(皇帝骨)－首先店員會一人倒熱湯，我哋嗰日可能因為忙住埋數，要我哋主動提出先倒湯俾我哋。旁邊其實都有張紙教你點食肉骨茶，湯既水準都係咁高，藥材味道唔會太過火。皇帝骨啖啖用得黎，又有得食到連骨位既軟骨同少少脂肪，幾有趣。檳城福建蝦麵－湯頭好香濃既蝦味，不過碗入面得兩隻BB蝦仔，餸既份量差啲啲。愛他愛他－朋友係新加坡人，佢話由細到大都食開呢個愛他愛他，係啲魚肉之類既嘢，呢個我覺得當試吓新奇嘢。玻璃魷魚配通菜－魷魚爽口彈牙，加上辣醬料及蒜粒，每次必點！檸檬麥芽薏米水－不會太甜，中和返呢一餐肥膩口感。埋單每人一百蚊唔洗，其實真係好抵食，不過真係要有心理準備等位等得好甘

在深水埗舊鋪蘇媽蘇媽，覺得好好味。得悉開了新的分店，就約朋友去試一試。地點很難找，也走了很多冤枉路，我是路癡的。到達了，門口很多人等著，我們等了大約20-30分鐘。裝飾很有大馬風味。店員太忙了，叫極都無反應。一字骨肉骨茶:一字骨好吃，湯有點淡。辣死他媽配牛肉:撈埋一起好好吃檳城亞參叻沙米線：我的最愛，但是沒舊鋪這麼好吃，味道很淡，傷心玻璃魷魚配通菜:沒通菜，沒通知我，焗住吃生菜，十分難吃。檸檬薏米水，味道怪怪。總結是失望，店員沒反應，又貴，寧願去舊鋪吃。

好少食馬來西亞嘢。上網搜尋到呢間食店，又見價錢好低就去試試。由於平日，又過咗晚飯時間，我同朋友好快就被安排入坐。由門口同入面嘅裝修到用嘅碗碟都幾有特式。得兩個人食，見價錢平咩都想試，最終叫咗一字骨，檳城福建蝦麵，椰香咖央多士，玻璃魷魚通菜同檳城香炸滷肉卷。玻璃魷魚通菜無咩驚喜，一字骨肉質不錯，但脂肪較多。我比較鍾意一字骨嘅湯底，藥材味較任添嘅肉骨茶重。檳城福建蝦麵，普通椰香咖央多士，椰香好濃，甜味適中😋檳城香炸滷肉卷，即叫即炸，一啲都唔油膩👍🏼

今次同男親黎蘇媽.蘇媽食晚餐，只係六點已經有幾個人係到排緊隊，令我好期待係咪真係傳說中咁好食。好彩排左五分鐘就可以入去開餐首先點左份玻璃魷魚配通菜，不過通菜賣曬就轉左生菜比我地。佢個醬汁辣辣地，加埋啲乾蒜好惹味！魷魚亦好爽口，唔會好似橡筋咁咬唔開。*玻璃魷魚配通菜 $36*肉骨茶基本上係每枱必點既食物，我地分別點左一字骨同皇帝骨。佢既肉骨茶唔算好強烈既藥材味，比較清淡而不油膩，而且一啲都唔辣，但個人認為帶點辣既肉骨茶比較岩我胃口一字骨同皇帝骨係肉質方面分別不太大，軟腍易咬，唔會嚡，如果鐘意啖啖肉就應該點皇帝骨不過兩款都唔係好重既藥材味，要點自己溝既醬汁先會較惹味。*百吉爹肉骨茶皇帝骨 $48**百吉爹肉骨茶一字骨 $38*然後，我地又點左怡保雞絲湯河粉。呢個河粉令我有啲失望，因為佢好清冇咩味，唔係好知自己食緊咩*怡保雞絲湯河粉 $40*最後點左杯熱既馬來西亞拉茶。完全係比佢既外觀吸引左，套杯碟超級靚唔單止外型靚，仲好有內涵。拉茶已經調較好甜度，甜度剛好，順滑易入口，好飲！*熱馬來西亞拉茶 $8*整體黎講，蘇媽.蘇媽無辜負到我既期待，仲有好多特色食物想試，奈何胃太小，唯有等下次再黎食啦呢

早日經過附近，見到呢間賣馬來西亞菜既餐廳舖頭門口好多人排隊，所以就搵日午餐一開門就過左黎試，點知就係以身試伏。肉骨茶 （$48）店家係牆上貼左飲肉骨茶既方法，可以自己係醬料碟混上蒜蓉、辣椒、普通豉油同埋黑豉油。一碗有兩舊肉，肉同湯係分開上，但係店員剩係上左肉，無上到湯，所以只可以淺嚐肉下面既小許湯水。可以話係豬肉湯一碗，遞上既時候亦都聞唔到好香既肉骨茶味，唔試得出肉骨茶應有既藥材味道，一啲都唔濃。開於添飲既事：見到其他客人一嗌左肉骨茶，有店員就會即刻送上碗，再用茶壺斟肉骨茶，但係店員係我地枱只係擺低左幾個碗，完全無幫我地斟肉骨茶，待遇有差別。檳城白咖哩麵 （$40）可以自選麵底，送過黎只係椰漿麵一碗⋯⋯感受唔到白咖哩既味道沙爹串燒 六串（$75）可以於牛、豬或雞肉中選擇 送到黎見到竹簽燒到黑左咁，以為有燒過下，味道應該Okay。點知一咬落去就知奶野，肉既表面無乜燒過既行跡，好似剩係整熱左再淋沙爹醬咁。肉質預左係冰鮮肉，但係處理唔好，咬落去有幾舊仲有血水，好腥......另外沙爹醬有加入花生去整，香味亦都唔夠。薄餅配咖哩 （$32）無乜特別，只係普通酥皮薄餅兩塊配較為水狀既咖喱汁，好一

今日又嚟到男人天地深水埗，上網睇到呢間肉骨茶好受歡迎，還掂唔趕時間，咁未排下隊睇下係唔係咁正先。放工時段6:30pm 左右，大約有十幾人係度排，兩個人等咗大約半個鐘度就被安排入座一張小圓枱，係同另外四個人搭枱，所以可以想像空間感係有幾多啦！今日主菜當然係肉骨茶，我地叫咗一字骨同每日限量嘅皇帝骨，湯同肉係分開上，呢度嘅肉骨茶係藥材味嗰種，但我覺得唔夠濃味，我比較鐘意飲好濃胡椒味嗰種。兩個肉嘅分別係一個有骨一個冇骨啖啖肉。老實講如果唔點醬汁其實同煲湯瘦肉係冇乜分別。玻璃魷魚生菜，同平時係街邊檔食魷魚生菜冇乜分別。Nasi Lemak 佢哋叫佢做辣死你媽，聽個名差啲比佢嚇倒，但其實同一般嘅椰漿飯冇分別，一啲都唔辣，雖然視覺上效果唔錯好colourful，但係個飯食唔到班蘭葉香味，咖喱雞件比較鞋口，咖哩亦很淡口。另一個比較特別嘅菜式叫做 愛他愛她 Otak Otak，係用香蕉葉包住魚肉泥同各種香料混合烘烤的一道東南亞美食，口感似我鍾意食嘅泰國Hor Mok，不過呢個完全冇乜香味，又唔辣！一字骨 💰$38 +油炸鬼 $12皇帝骨💰$48玻璃魷魚配山菜💰$36愛他愛她 Otak Otak💰$20辣

由街邊舖頭幫襯佢到而家，知佢開舖肉骨茶賣到出曬名，但由於太多人一直都冇去今次傍晚六點幾唔使等位，終於試到佢嘅肉骨茶，湯好濃好順口，飲完冇口渴，叫咗個大雜燴，肉骨點黑醬油丶辣椒好好味，用油炸鬼點湯好正，正過用嚮鈴咖喱雞麵好惹味，好啱重口味人20蚊三支嘅魚餅，粉漿偏多

呢間餐廳平日午飯同晚飯時間都會大排長龍，所以我同同事就好奇想睇下呢間餐廳到底有幾巴閉！當日我地午飯時間去，大約等左30分鐘先有位。鋪頭唔算大，全部食客都要搭枱，但係座位唔算太逼，都坐得舒服~我地叫左兩款肉骨茶，配料分別係一字骨同豬腳彎，另外仲叫左招牌老鼠粉、馬拉咖喱雞肉撈麵、仁噹牛肉乾撈麵同埋咖央多士。肉骨茶飲落有鮮甜肉香，藥材味唔算太重，一字骨同豬腳彎入味得嚟又唔會好似平時煲完湯啲肉咁老，肉質仍然保持嫩滑。重點係肉骨茶係免費添飲，所以鍾意肉骨茶嘅朋友一定唔可以錯過！老鼠粉其實即係銀針粉，上面鋪咗肉碎同香腸，食落鹹香惹味。兩款撈麵都用咗油麵，麵質比一般油麵硬身、有咬口。馬拉咖喱雞食落幾香又唔會太辣，仁噹牛肉食落似濃味版咖喱，好香口，超好味，但係味道偏辣。另外值得一讚嘅係咖央多士！多士好鬆脆，咖央醬嘅椰子味好濃，牛油分量剛剛好，食到有牛油香但係又唔會咬到一大舊牛油搞到成口肥淋淋。總括嚟講，呢間餐廳嘅食物味道真係唔錯，而且價錢又唔貴，CP值極高呀！唔怪得成日都大排長龍啦~

友人B在去年中已經想來試這店, 不過一直沒有機會來, 巧合地的18年的農曆年頭, 這星期六上午他來深水埗北河街運動場練習, 練習完後打算跟我午餐, 我便順水推舟地建議來這店了他這個心願, 他說這店經常要排隊我可能唔想來, 但既然想食呢度而農曆年假期氣氛下咪排下隊試一次囉! 這店賣的是馬拉加一點印尼菜式, 肉骨茶形式是淨茶可以飲完再飲, 不過跟茶的肉骨料則分門別類計算, 亦有所謂的大雜錦煲/大骨/細骨/之類, 不過我就見同枱的其他客要大骨, 那真的是一根很粗大的豬腿骨,有一半削了的腱肉其他的就是骨頭上的骨膠原了, 碗內配料只見有一至兩粒豆卜! 感覺這豬骨頭變得很衿貴, 又或者說客人都抱住好歹也試一次的心態,差不多枱枱都有豬骨落枱! 我們也是同樣心態下叫了最平易的兩款單品, 我們叫的豬腳彎$30雖然只有三至四片不過質地無疑相當軟硬適中,用一個黑色小園瓦罉裝住再注入暖暖嘅肉骨茶, 總覺得這裡的肉骨茶茶溫過低, 如果現在是盛夏外面溫度升至30度以上這暖湯可能是適當的但現正濃冬始終是湯品有點水蒸氣上升的湯不是正常一點嗎? 友人B因為不吃辛辣食物可選擇的不多,要了招牌老鼠粉$30, 我這天也不想吃

這間店舖，之前只是在另一街商場下一個街口的一間外賣店，旁邊有幾個座位般，一直都看不上眼，而且每樣菜式都好像辣辣的，一直沒有試。結果，它在這一邊這條暗街中間，竟然開設了門市店🥢。而每當接近午飯或晚飯時間，每每大排長龍，動輒有10多人在外邊排隊🚶🏿‍♂️🚶🏾‍♀️，門庭若市，甚至乎連過路都有困難，簡直誇張😯。本來都沒有打算去，但是在友儕之間成為熱話，又經常發現這麼多人排隊。這天，未夠六時🕕，大家可能還未下班的時間，被迫突發吃個早的晚飯。於是就忽法奇想，午飯過了這麼久，又未到晚飯時間，大部份人都未下班😏，今天應該不用排隊吧。果然，不見人龍，推開門口兩板，逕自進內，座位不少🙆🏾‍♂️。室內亮堂，很多掛相🌆🌃在牆上，半開放式水吧廚房連收銀櫃。除外邊大桌圓桌方桌外，內裏還有長形走廊設有二人座。進店之後都有點兒悵惘，究竟應該點什麼✏️，如果好像對面那一個阿姐，點一個麵，再點一碗肉骨茶，可能會太多了吧😨。但是再看看餐牌，上面除了亞參叻沙米線、蝦油麵，又或是招牌老鼠粉，抑或咖喱雞肉、參巴魷魚等等菜式，每一味旁邊都有辣椒仔🌶️，印象中如果在這些馬來西亞🇲🇾食品店有辣椒應該都不是說笑。本來都有點喉嚨痛😷，還是先試一試

年初六沒事做劉總忽然馬拉癮發作！OKOK捨命陪君子未夠十二點來到蘇媽.蘇媽等開門，到來時已有10多人在排隊了！ 好彩我倆第一轉已可入座，可以舒舒服服點菜！ 先點杯桔仔話梅水原價＄23、跟餐＄16，大大杯好抵飲，味道酸甜清爽，忽發奇想有如果有桔仔話梅梳打便更正！ 劉總的檳城白咖啡原價＄16、跟餐＄8，這款咖啡杯原來在馬來西亞好普遍，我呢個井底蛙還以為大發現！！ 點好食物當然先飲碗可口肉骨茶先，配它怎少得了油炸鬼＄12，茶湯還是幽香不俗，還未吃早餐的我覺得上一趟味道濃郁些，是否太早的原故？ 姑勿論味道光是無限添加這一點已值回票價啦！ 小食選了檳城香炸滷肉卷＄28/兩件，香脆不油的腐皮下包裹沙葛、肉末、芋粒等豐富材料，加上靈魂味道五香粉，足令這道小食變成主角！伴旁的辣椒醬也不容忽視，點上它更加香辣惹味啊~ 檳城白咖哩麵＄40，雪白湯頭是白咖哩的特色，喝一口椰子味較重，重看餐牌才發現沒有跟上特色參巴醬！不知是否要點才跟呢！油麵鹼水味有點重不是我杯茶吃了一口便放棄了！不過配料挺豐富有豆角、芽菜、魚片、白蝦、豬紅及半顆烚雞蛋！ 最後當然是主角百吉爹肉骨茶，我們選了(小骨)＄63，有點似豬脾的

特登出深水埗揾食，朋友係馬來西亞人，佢推介我黎試下星期六夜晚7點幾去到等位都要一個鐘多啲，不過我地一定要食到，所以唯有等下。等既時候揀定食啲咩，一入座就比佢 好好彩安排左2人座，唔洗搭枱，又對住水吧，見到佢地沖拉茶咖央多士熱呼呼出黎，好好食！好掛住啲醬肉骨茶（一字骨）熱湯好飲，依個價錢黎講，我好滿意辣死你嗎好香啊，有少少重味，但係mix左一齊好配。愛他愛他 我唔知咩來，但比佢個外貌吸引左味道都ok，不過唔夠熱拉茶 有少甜，但好滑不過太早叫啦，凍左下次最尾先嗌！今餐十分滿意兩個人依個價錢賣單，CP值高！

辣死你媽配參巴魷魚🦑▸青bb嘅班蘭椰漿飯，椰漿味很淡，好彩有參巴醬，甜甜地辣辣地，仲有我中意嘅魚乾同花生餸飯🤤 不過參巴魷魚真心辣，仲辣過個參巴醬，食一件已經投降了😅。。。。。。。。。。。。。。百吉爹肉骨茶 (一字骨)▸肉骨茶很不錯，有藥材味，但不是超濃那種，反而有點甜甜的🤤 一字骨都算淋，但就有點肥，點埋醬汁都不錯😋 (最正就係個肉骨茶可以refill架😍)。。。。。。。。。。。。。。百吉爹肉骨茶 (雞腳)▸雞腳完全唔淋，一啲都唔入味，好失望🤦🏼‍♀️ 唯有飲多兩碗肉骨茶補番數😂。。。。。。。。。。。。。。椰香咖央多士▸多士幾香脆，咖央醬都算幾多，但牛油亦都好多，變相有點搶風頭😂。。。。。。。。。。。。。。招牌老鼠粉▸老鼠粉軟硬適中，配料有肉碎同腸，味道不錯，只係咸左少少😊。。。。。。。。。。。。。。另外還吃了炸豆卜和串燒，喝了桔仔話梅水😊 嗌到成枱嘢都只係二百二左右，真係好抵食，飽到上心口🤤