蘇媽.蘇媽馬來西亞茶餐室 (已結業)

又到happy friday喇，即係又係食好西既時候！今次同朋友揀左呢間馬來西亞菜，完全係因為比佢門面吸引左！一開頭以為係中國菜，原來係馬來西菜來！門面又揮春又大木門咁，真係好有特色！而家係香港呢類型既鋪頭真係少之有少！所以一於決定食佢啦😋😋一坐低，侍應已經幫我地一人倒一碗肉骨茶，好貼心，果然係食馬來西亞野😋個湯好香濃，唔太咸，清清地咁！而且飲得出唔咪味精加工品👍🏻三個女仔叫左咁多野😛因為好抵，而且樣樣都好似好好食咁，忍唔住叫到成台野食🤤我個人最like 呢個飯！因為超級抵食！！！佢個名叫：辣死你嗎現仁當牛肉好得意，當然係馬拉文既譯音來！先講佢個飯，係椰漿飯來，好鬼香！咖哩薯仔超香濃椰香味，配飯一流👍🏻👍🏻👍🏻至於個仁當牛肉好腍，肉味好香😍😍呢個就係無限添飲又免費既肉骨茶！侍應會好細心，見你飲哂，或者食野食到咁上下，就會過來問你添唔添飲呢個咖央多士都要推介，多士烘到好鬼脆，而且好多醬🤤勁正👍🏻👍🏻👍🏻飲品來講要推介呢杯龍眼冰，因為飲落唔會甜到漏（唔會好似唔知加左幾多糖漿咁），而且有淡淡既香味，上面仲有好多龍眼肉可以食😋👍🏻

湯控福音-任添肉骨茶😱肉骨茶飲完唔會口渴相信係真材實料👍🏻餐廳狹小-到peak hour就肯定要排隊雖然係咁 但係蘇媽勝在價錢真係好實在😼-百吉爹肉骨茶（HKD78）其實就是肉骨茶的湯料🍖肉骨份量也蠻多的 一大一小兩塊🍖而且肉骨索曬湯汁嘅精華-正呀🤤-辣死你嗎配 咖喱雞肉（HKD40）好過癮 一客飯有六種配料咖喱椰汁味偏重 不過味道沒有說很濃郁😓綠色的米飯是椰汁味的吃起來超開胃😍😍配料份量幾多 四十蚊都算幾經濟實惠🧐-玻璃魷魚配通菜（HKD36）感覺加了不少醬汁🤔所以味道也是超開胃的🤤不過熱量應該增加不少了吧....😓

去開深水埗，聽聞有一間馬來西亞餐廳人氣好強勁，所以專登來試一試，lunch time超級多人排隊，入面環境裝修都有馬來西亞特色，座位唔算好多，人少就必須要搭枱。食物方面，肉骨茶係免費送嘅，無限添飲，佢見你就快飲晒都會自動幫你添，算係幾細心，不過肉骨茶嘅味道就稍為淡，如果你去開馬來西亞飲濃味嗰啲就同呢個有啲分別；招牌老鼠粉味道不錯，分量唔算多，必試大骨，好多人都會叫，但得三塊，嫌貴咗d，用肉骨茶浸住，但略嫌乾身咗d...一般般炸豆卜，必叫，炸得ok, 但都遍乾，因為佢送果碗肉骨茶係只有湯，要叫返碟炸豆卜襯下先好；油炸鬼....麻麻，似放左好耐變硬咁，冇謂嘥錢...總括而言，如果你想試試馬來西亞特色食物是不錯的，而且肉骨茶知免費送的，可以用好平嘅價錢食一餐飯，但如果你期望似足馬來西亞口味或者係馬來西亞人，你可能會覺得有點失望。

之前黎深水埗，經過門口都知經常人頭湧湧。今日星期六去食，都知道應該都會好多人。六點九差唔多七點到，門口有差不多廿幾人。我同男朋友同媽媽三人枱，最後等左差不多一個鐘多少少，最終八點幾入坐。鋪頭裝修都特別，唯坐得較逼，可能人實在太多了。大大舊既男朋友坐在行走通道，常有碰撞，坐得唔舒適。 - 我地三個人嗌左：一字骨肉骨茶，砂煲老鼠粉辣死你嗎配咖哩雞肉，話知你啦薄餅配咖哩玻璃魷魚配通菜，羅惹炸豆卜，椰香咖央多士一字骨肉骨茶$38一黎到當然是飲啖熱辣辣既湯先！藥材味唔會太重，一字骨帶脂肪，啖啖肉，肉味濃郁有肉汁，好味！😈辣死你嗎配咖哩雞肉$40放上枱好靚，黃黃綠綠咁。椰漿飯幾好味，雞肉肉質都幾好，全部野撈埋食都幾好味。加上呢個價錢配呢個份量算好抵食！🤑砂煲老鼠粉$68呢個老鼠粉係呢間餐廳入面都算貴🧐見佢係餐牌上既圖好似好食咁所以叫左！砂煲上，有啲肉碎，銀針粉同窩蛋上，佢地員工幫手撈埋所有野。我個人黎講就唔係好鍾意食，唔係好鍾意個汁，係好似瑞士汁咁，對我黎講太咸，銀針粉口感不錯，少少焦左咁樣。我食左一碗仔就無食，媽媽都食左一碗。重口味既男朋友就幾鍾意，食左大半煲。話知你啦薄餅配咖哩$32薄餅有兩塊

星期日8點9黎到，成條街都好暗，惟獨呢度燈火通明！門口已經聚咗一班人係度等拎飛仲在14個先到我，以為有排等點知突然飛得好快，等咗10分鐘左右就入得其實我哋已經食咗嘢先過來所以淺嘗一下坐低之後 叫完嘢食就有人拎碗碟黎同每人斟肉骨茶我哋叫咗個一字骨黎到有個細兜裝住，有兩大條骨根指示調咗個醬再根個人口味加辣椒個醬同個肉d味好夾食啖肉，再飲啖茶，個茶有藥材味，味道同飲開嘅肉骨茶有d唔同，濃得黎帶清香，唔會濁之後炸腐皮滷肉卷同冬瓜龍眼蜜都黎到應該係即刻炸起，入口非常香脆，個涵好軟滑，有芋頭，好綿有驚喜！食完啖熱氣嘢，再飲啖呢個冬瓜龍眼蜜，好順口我唔怕甜，覺得啱啱好如果怕甜嘅朋友可能會嫌略甜今次小嚐過，好味道！唔怪得之咁多人等，食完都快快走，下次黎試下個飯先！見好大碟大堆頭，幾吸引！

我們都很馬來西亞食品的FANS, 專程黎食, 等左20分鐘左右先有位, 但等候其間可以先睇食乜野. 檳城亞參叻沙老鼠粉, 叻沙愈依愈辣, 但沒有叻沙的味道, 跟以往吃的叻沙不同, 可能這是另一款, 不合我們味道.馬拉咖哩雞肉配椰漿飯,有點失望, 椰漿飯只是有顏色,卻沒有椰香, 薯仔夠淋, 辣味剛剛好, 雞肉一般,沒有驚喜, 沒有感覺好正.愛仔愛他, 很不錯很特別的小食, 葉內包著混合了很多香料的肉塊, 很開胃的小食.魚仔醬撈啦啦, 有魚仔醬味, 肉太細粒, 冇乜口感, ,而且殼比肉多.馬來西亞拉茶, 真的超正, 好香,濃香的茶及奶味, 值得ENCORE.店員都很有禮貌, 上菜時間正常, 下次想試多士同肉骨茶!

如題突然間有日同未來老公仔行行吓深水埗諗緊食咩ge時候我個腦出現咗肉骨茶ge畫面睇睇Openrice發現之前save底個蘇媽。蘇媽當然就去食啦👅👅👅原來以為6點早d去會冇咩人/唔駛等咁耐啦我錯了😩😩😩入面滿哂，前面仲有10幾張飛🤦🏻‍♀️🤦🏻‍♀️🤦🏻‍♀️不過既然嚟到，當然等啦...門口貼咗餐牌可以睇定想食咩等咗45分鐘左右，終於入得啦🎉🎉🎉極速點餐即刻送上熱辣辣肉骨茶一碗不過有d失望冇咩肉骨茶味😩😩😩同我想食ge味道差太遠了🤦🏻‍♀️🤦🏻‍♀️🤦🏻‍♀️反而拉茶同龍眼茶就正🤟🏻🤟🏻🤟🏻叫咗皇帝骨同一字骨Well...我哋都覺得1字骨好食d囉皇帝骨貴$10但......要食茶健康吓😂😂😂仲有唔少得ge油炸鬼脆卜卜👍🏻👍🏻👍🏻總結：主角唔得。配角得份唔唔多但有d貴肉骨茶無限添飲但唔啱口味

香港食過既肉骨茶多素好淡，剛去完馬來西亞，食過好幾餐肉骨茶，更加想食番嗰種味道，暫時食到只是蘇媽最正宗，同馬來西亞1樣味道，好濃厚味道，好有層次味道，牆上介紹如何食，重有無限添飲，蜆仔冇咩味，蜆仔上魚仔好有味，炸豆卜配黑醬油脆，蘿蔔糕上醬油同配料很配合，辣通菜都好，麪食有清新檸檬味，湯味特別，不過配料只有疏菜，紫洋蔥，青瓜，波羅，好齋，比其他濃味食品比下去，話梅桔仔水，桔味濃過梅味，又係超濃，東瓜茶正常。

話說想同太太吃個晚餐，想去深水埗，維記又成日去，又唔想吃放題火鍋，想找些小店試下，就見到呢間好似唔錯，咁就試下啦。最初從其他用戶share出來的相，以為間店好普通，去到先知原來都有些裝修，好有馬來西亞的style，等位等咗20分鐘可以入座，我叫咗一份百吉爹肉骨茶（豬腳彎），一碗檳城白咖哩油麵，及一杯馬來西亞冰拉茶。唸住先試下個味道如何，點知試咗就着了魔，個肉骨茶好好味，係正宗馬來西亞帶有重藥材的味道，當然這味道同新加坡的係冇得比，不過我都愛吃。最重要是肉骨茶係可以加添，唔夠喉可以多添一碗。至於個檳城白咖哩油麵，佢個辣油是另上的，所以第一口未加辣油時，係有咩味道的，但當加上辣油後，帶起成碗湯麵的味道，非常好。由於已添了三四碗肉骨茶，已經肚仔脹卜卜了，其他美食要下次再吃，吃後再寫。

港式茶餐廳去得多，馬來西亞茶餐室就未試過。這間在深水埗的蘇媽.蘇媽，之前新開張已經想去試，但去到已看到很多人在門外等，今次去到不用等位，便入去試試。桔仔話梅水$16-這杯桔仔話梅水甜甜地又帶點酸味，很清新好味。馬來西亞拉茶$11-這杯馬來西亞拉茶，味道一般，價錢超值。砂煲老鼠粉$68-這個砂煲老鼠粉，是乾撈的，又冇味又乾，價錢又貴。檳城福建蝦麵$40-蝦麵的湯底都幾好味，但啲蝦就麻麻地。玻璃魷魚配通菜$36-這個玻璃魷魚很爽，通菜也很清綠爽口。

懷舊式設計餐廳，門口攞籌等叫號(如果好食絕對無問題) ，星期六我們三人等咗20分鐘終於有位。我們叫咗檳城福建蝦油麵，檳城白咖喱油麵，招牌老鼠粉，豬肉沙嗲，魚仔醬撈啦啦(蜆), 咖央多士；檸檬薏米水，熱咖啡，熱奶茶。。。先唔好講味道，先講食物溫度，所有湯麵全部都唔熱，香味減半了，味道當然就大打折扣，蝦好似蝦仁咁細粒，無蝦味，排骨多肥，蝦麵湯底沒蝦味。連我朋友飲嘅咖啡和奶茶都是暖的，究竟廚房搞甚麼呢？沙嗲醬ok但豬肉又大又硬，比搞可取的是老鼠粉，其實都唔係好好食，只不過比起湯麵就好得多了，好想下次嚟多次但唔知會唔會改善？無人排隊都話啫。。。

最近尼間野紅爆IG，女人又話要食.睇相都Ok既，咪復活節試下.原來叫蘇媽既餐廳有深水埗兩間，千祈咪去左黃金果間.尼間係響基隆街.兜錯路，搞到6點先到.已經好多人排緊隊足足排左一個鐘先到.真虛好多人慕名而來.門口裝修幾特別.兩幅牌匾，好有南洋風.坐低即刻送兩碗肉骨茶，不過齋湯無肉.如果另外點肉骨哈.你會發覺之前兩碗味道比較淡，另外嗌果碗好有肉既甜味.嗌左帝王肉骨茶，就係有三塊肥小小既肉.湯幾甜，唔重藥材味.舊肉就麻麻，煲湯豬肉好味得去邊.無得計較.嗌左個辣死你媽飯.尼個飯響IG超heat 啵.幾乎人人都嗌.辣度係香港人可以接受既辣.隔離有d魚仔伴碟.辣醬惹味.加兩舊咖哩雞.😂飯係綠色既，開頭係以為係泰菜既青咖喱黑人牙膏味.原來唔係無味既.只不過係d椰奶上色.整體來講唔錯既飯而且都係40-50超抵囉.尼個年代茶記食個狗飯都50啦

上年知道蘇媽係深水埗再開多間分店，就一直好想試下，其實我試過舊店既，一路都好鍾意佢啲嘢食，依家有新店梗係要試吓啦。好可惜每次黎親都要排長龍😢😢😢😢放完個復活節第一餐Lunch就諗起不如去睇下洗唔洗排隊啦，點知唔使排，勁好彩，我哋三個都興奮🎉🎉🎉🎉呢度啲裝修好懷舊加，淨係睇過門口已經知道，好鍾意門口個閘門，好得意，店入面嘅枱燈都係用木造嘅，更加特顯到嗰種味道🤗🤗🤗入得黎食嘢梗係要嗌肉骨茶啦，我哋嗌咗皇帝骨肉骨茶，特製辣椒板麵，辣死你嗎配咖喱雞肉，玻璃魷魚配通菜同埋三杯凍桔仔話梅水🤤🤤🤤🤤首先侍應姐姐俾咗三個碗我哋，再針左三碗肉骨茶俾我哋飲，熱辣辣，好濃郁既肉骨茶味道，然後過多陣我哋嘅皇帝肉骨茶就到啦，啱啱好有三舊骨，好好味，不過如果舊肉可以再入味啲就太好啦🤤🤤然後玻璃魷魚配通菜到啦，原來玻璃魷魚係檳城出名嘅菜式，啲魷魚真係通透度好似玻璃咁，正呀！！然後個辣死你嗎到啦，青b.b斑蘭飯真係好吸引，再配上脆既魚乾仔同花生再加埋辣辣地既參巴醬，真係有多重口感🤤🤤🤤然後碗特製辣椒板麵終於嚟到喇，黑孖孖嘅豉油撈埋肉醬配上米線，正！！至於個桔仔話梅水就普普通通啦😊😊

這次已係第二次食。所以都要介紹下大家的 ， 上次同埋今次去既時間都係8點幾 都係要等大約半小時左右，如果好肚餓就唔好黎呢間，因為成日都好長龍架。首先好欣賞呢間既肉骨茶味道 好足料入味上次叫果個係皇帝骨今次試下一字骨，我個人比較中意一字骨。 而且肉骨茶係任添的（今次要叫佢先加 ，上次係不斷會加比客人，而且今次叫左三次佢先加 因為比較繁忙 所以體諒的）咖央多士係一定要食的 因為真係好好味！反而佢個喇沙米線超辣（我唔食得辣的）同埋唔係話好高水準。至於個串燒 好睇個人口味 我就覺得唔係幾好味呢

呢間食店係朋友介紹嘅，外面嘅一道大木門非常特別，好有特色。因為知道晏去就會好多人排隊關係，所以6點幾就去到，門口已經有幾個人等緊位。見門口放有餐牌，一睇幾乎全部係辣味嘅食物，而肉骨茶就有幾款不同嘅肉骨配搭。越夜就開始越多人，等咗半個鐘先有位。一坐底已經每人一碗肉骨茶，而且係任添嘅。因為太早食，所以食少啲，點咗個皇帝骨肉骨茶同埋雞絲湯貴刁。肉骨茶胡椒味重過藥材味少少，味道尚可，但皇帝骨亦沒有特別。雞絲貴刁，其實好似食緊魚旦河咁…多少少餸囉…太多人排隊，食完即走。