蘇媽.蘇媽馬來西亞茶餐室 (已結業)

蘇媽蘇媽食馬來西亞美食😋😋我沒有收任何廣告費，但真心喜歡這家食店😊😊今日食百吉爹肉骨茶豬腳彎及我最愛的椰香咖央多士😍😍肉骨茶係無限添飲，第一次飲肉骨茶🙄🙄不是我想像的太重中藥材味感覺，絕冇味道，感覺清新香甜，有一陣淡淡的當歸味帶點甜甜的肉香味😋😋總之好好味，哈哈🤣🤣🤣 何謂肉骨茶四步曲首先混醬油 : 蒜蓉，辣椒，頭抽，黑豉油第二步先飲一碗湯，然後第三步可吃沾上醬汁的肉，食完肉後第四步再飲番一碗熱湯😋😋真係大滿足😉另一新推介🤣🤣 新寵兒檳城香炸滷肉捲😆😆亮點在辣醬裡，因為激辣😵😵真係非常刺激味蕾，辛辣味停留在口裡超過1分鐘以上

深水埗有2間，一間舖仔細細，呢間新D，裝修仲好地道。辣死你嗎之前個間細舖試過，今次呢間再食過。但佢坐位堅迫，所以我次次都幫襯佢外賣嘅。今次叫左咖哩雞，個雞唔算滑好在個咖哩唔太辣，送飯配合得幾好，所以夾埋一齊食都唔錯嘅，而最出色係個飯，椰汁味如可以再突出D更正。同埋個醬又係唔太辣，又一出色之作。 蛋又係my favour，好普通嘅無味蛋，但又埋就係更正囉。如果花生加多D，青瓜又多少少，咁就更正了。魚仔個份量反而又夠喎。但呢個價錢，呢個質素，無得輸呀！一提上次叫左個薏米水飲，好好味，有陣陣薑味，薏米肯定煲左好耐夠味，跟飯或麵加$16。單叫就唔太抵$22。即叫小食加飲品要$22囉。

由最初開業次次見到大排長龍，所以一路都無去試，今次4點左右行過見有位，終於可試。叫咗一個肉骨茶(皇帝骨)，不過係無骨嘅，啖啖肉，肉骨茶藥味唔重，啱口味，肉唔鞋，好食。仲有一個叫辣死你嗎配仁噹牛肉，牛肉同牛根堅好食，仲有薯仔，花生，魚仔乾，魚仔乾配飯一流，不過個汁真係太多油，綠色嘅椰漿飯，有少少椰漿味，整體味道都唔錯由於個人唔太好拉茶同白咖啡，所以跟餐叫咗桔仔話梅水，大大杯，正常味道由於大熱天時食肉骨茶，餐廳冷氣非常弱，建議帶把風扇

係基隆街發現一間好出類拔萃嘅檳城馬來西亞食店。門口牌面有別於其他餐廳，好多人都要係外面度等，而我等左15分鐘就入到去食晚飯了。位子不算多，要同人搭台 迫迫地都咪話冇風味😜久違的肉骨茶 平均30-100一個湯 視乎你選擇食咩部位 我選了一字骨 茶湯味濃 好有藥膳既味道 當我飲完一碗覺得唔夠喉嘅時候 原來還可以添飲係免費飲添😱 我前後飲了三碗 已經值回票價🤤真係要講多次 係免費任添很好味唯獨是我錯過了 飲肉骨茶的四步曲 咁即係有藉口下次去多次啦接住黎仲有檳城福建蝦麵 呢個鮮味十足 初時諗住食唔晒share,最後我自己都食晒一碗有蝦有菜，魚蛋，佢落咗啲醬油提鮮 成個蝦味出左黎 之後仲黎左個話你知啦薄餅配咖哩 薄餅食落去煙煙銀銀 不過個咖喱汁太辣 （申利：本人食唔到辣亦唔係特別好辣）辣到我都冇影到相 要即刻叫返杯凍飲解解去呢杯名為冬瓜龍眼茶 有少少淡 但當我飲完三碗肉骨茶之後 我都有少少飲唔落呢杯凍飲講講下搞到我都好想飲肉骨茶，個個環境就算自己一個人都唔尷尬 而價錢都唔貴 算幾公道 樣樣野都幾大碟 幾適合兩三個人去食

週日深水埗閒逛，當然少不了覓食。深水埗的特色小店餐廳非常多，這次去試試主打馬來西亞美食的餐室。排了7, 8個號碼才輪到。發現最出色的竟然是馬來西亞拉茶(熱)，很滑，茶味適中。圖為檳城白咖啡，看上去也非常好喝。一坐下每人會有一碗肉骨茶，這項服務不錯。肉味不夠香濃，喝得出有藥材味。聽説可以添飲的。食物還可以吧，值得前來一試，畢竟這類的餐室在香港算比較少。檳城蝦麵的湯不夠香，油麵不太吸到湯的味。推荐沙爹串燒、咖咉多。

假日覓食，一眾貪新鮮的閒人，在又擠又熱的店門外等了又等。木百葉門、木雕半掩門配上金漆店名匾額，與周遭格格不入，我行我素地凸顯馬來風韻。留意再留意輪候號碼，要避開門外射燈的熱，又要躲開門前的滴水，等了超過半小時，終於給帶到出餐櫃檯旁的二人桌，慶幸不用搭檯。等了這麽久，看餐牌選擇多多，更禁不住樣樣想試，點了椰漿飯配仁噹牛肉、愛她愛她、椰香咖央多士、一字骨百吉爹肉骨茶、檳城亞參喇沙，還有一冷一熱的馬來西亞拉茶，多得幾乎都放不下小小餐桌了。一字骨肉骨茶雖然只是一人份，店員也給我們盛好兩碗湯，藍白碗和筷子筒又成爲拍照小風景。椰漿飯不愧是這茶室自街頭巷尾小吃店發跡的招牌菜，淡綠的椰漿飯椰香淡淡，牛肉相當惹味，小魚、炸花生、咖哩薯仔、參巴醬等配料豐富，吃得大滿足。肉骨茶湯帶葯材味，一字骨偏肥但豐腴討喜，雖然沒配油條也很滋味。愛她愛她原來是蕉葉烤魚肉，香料味足，可以一試。檳城亞參喇沙跟一向吃的新加坡咖哩喇沙完全不同，首先湯是魚茸濃湯，味酸辣，還會加蝦膏同吃，配料則不多，有生菜、紅洋蔥、菠蘿(!)、薄荷葉等，非常醒胃，不過不太習慣味道，算是試試新口味。原來喇沙的種類五花八門，博大精深呢。咖央多士裏沒有牛

親民既價錢食到有獨特風味既馬來西亞菜，富有人情味既小店，忙碌既情況下仍為客人著想💛💛呢間店黎過幾次都排哂長龍，今日7點黎到門口，店入面坐滿哂人，門口就無人排隊，原來都要拎飛仔等位。等左半個鐘左右。🍴店員好好咁安排咗個自閉位比我😂 店員都比較多後生女仔。仍感覺到店員好有人情味。點咗3樣必食既餸💛下單後大約等咗15分鐘都野食都仲未黎，我明白小店用心製作所以無催到，好彩有個店員發現，原來係漏咗單🙈 個店員仲話幫我加速加速💛 好多謝妳呀跟住步驟，先製作混醬。將蒜蓉，辣椒，頭抽同黑豉油倒入小碟預備肉骨茶（湯）無咩油，有香既茶味！藥材味唔會太濃，唔似飲緊廿四味。好特別！☕️百吉爹肉骨茶（豬腳彎）$30都有5至6塊，每塊都係肉多，又唔會痴牙，因為用個小鍋煲住，湯仲係熱架！一定要連埋混醬食！豬肉味道更加突出！玻璃魷魚配通菜$36有一隻辣椒🌶，但係唔會辣到條脷同食完啲辣先出黎，只有一開始放入口既微辣。通菜同魷魚都無咩味道，加啲蒜蓉食，味道突出返。😂椰香咖央多士$17因為時間關係，要打包走，但都要襯熱食一塊！中間既咖央唔會好似茶記咗漏到成個紙袋都係，係連住塊麵包！既有流心感覺又唔會太膩！食完一小塊再想食🤤🤤

今日出到深水埗一支公去咗蘇媽，就係為咗飲個肉骨茶！今朝早餐都未食，餓到爆！所以一坐低就叫咗個招牌椰漿飯、一份蘿蔔糕小食，仲有就係主菜雞腳肉骨茶。餐廳肉骨茶款式很多小弟特別鍾意食雞腳所以就叫左這款，可以留意番肉骨茶可以無限添飲，小食蘿蔔糕好惹味，細細份一人份量剛剛好,而個椰漿飯亦不過不失，椰漿飯在牛油紙上配上餸菜都幾過引，跟餐叫多杯奶茶都唔錯！不過鋪頭細細人龍很多，你食飯之前最好早15至20分鐘排隊啦！

近年多左好多馬來西亞食店，而尼間成日都要排隊既馬來西亞店，招牌肉骨茶吸引好多人排隊品嚐。假日人流超旺滿滿人在門口排在等開門得知朋友想食肉骨茶所以帶左佢來食，由於知道越夜越多人所以下午五點左右出發前往來一試店內各款美食門面設計好靚下單自選，款式也可多叫左兩個百吉爹肉骨茶，所以可以無限添飲茶骨茶茶味甘香，吾會太濃藥材味每日限定20份既《皇帝骨》$48肉質偏瘦，肉比較稔但夠乾身《一字骨》$48 半肥瘦，脂肪較多，夠嫩骨同香《辣死你嗎咖哩雞飯》$40斑蘭花加椰醬製既飯綠色好靚咖哩雞夠大件肉夠稔，薯仔大舊但吾夠入味辣醬吾算好辣配埋脆脆既乾魚仔幾惹味，而隻蛋都無咩味不過就堅抵食《玻璃魷魚通菜》$36辣汁夠辣配魷魚好惹味，通菜夠新鮮《馬拉沙嗲串燒》$40等左好耐話就即燒所以要耐點，雞、豬、牛各一串，其實得個沙嗲醬惹味，食醬，串燒燒得太乾肉吾夠嫩太乾身《椰香咖央多士》$17叫左兩份最咖央夠多，多士夠脆不過就普通d熱《馬來西亞拉茶》$16拉茶拉得好滑，茶味濃濃好香3個吃貨叫到滿桌食物價錢抵食免加一，每人$100吾洗，建議早點出發免等位，座位都比較擠迫。

今日黎到深水埗搵食，行過呢間好古色檳城feel既鋪頭，忍唔住推開嗰對木門入去試試，我地叫左招牌肉肉骨茶，牛腩椰漿飯，亞參叻沙同白咖啡椰漿飯一放低真係好開心，因為又紅又黃又綠咁，好精彩，食過馬來西亞椰漿飯都知，呢個飯一定會有啲魚仔，薯仔，呢2樣都好好味，再加上牛腩，又入味又淋，好正，花生仲好脆到招牌肉骨茶，呢到係無限refill, 但我個人覺得唔太夠味，所以ok 咁啦到亞參叻沙，略嫌唔夠辣，又或者嗰種辣唔夠係檳城食嗰種香辣味，但係香港食到咁既質素已經叫好好到白咖啡，最失望既一樣野，因為係馬來西亞飲既每一杯都好好飲，好濃嗰種白咖啡專屬既味道，但係呢到飲呢杯，真係3合1都好味過佢

今日上完堂就MEET UP老公去左一間想試好耐而又未食到既馬拉野. 呢間蘇媽真係勁日日都排長龍, 去到9:45都仲要排. 店員都好好同我地講佢地10:00 LAST CALL 即係一坐底就要叫晒所有野嫁啦, 如果我地唔MIND先等. 咁我地難得只係等2張當然唔MIND啦.Menu 係有D 好好笑既名既... 而且佢地都係用左我最LIKE既環保設計. 用完擦一擦就可以再用嫁啦! 唔洗浪費紙呀. 我地一次過叫左好幾樣野食, 因為實在太餓啦!我地叫左個一字骨肉骨茶. 牆上有說明係點食既. 味道好好又夠濃烈, 熱烘烘既湯最重點係呢個肉骨茶可以無限任添嫁!! YEA.... 係肉冇得添不過肉骨茶個湯係可以冇限任飲嫁~ 好開心呀! 我同老公一共REFILL左3次呀... 小小胡椒辣飲落又補又激! 正嫁. 仲有旁邊樣子平平無奇既馬拉拉茶, omg... 我一向都唔係太LIKE 奶茶! 不過呢一杯真係不得了, 老公飲左一口後張大對眼冇講野俾我試. 嘩.... 唔飲由自可, 一飲就不得了! 茶底超香呀... 我地叫唔甜都好香椰奶味! 真係非同凡響呀!!!未飲過咁好飲既拉茶嫁呢個飯個名好正嫁,..叫做 "

上一次來，可能是因為在比較早的時間，大約是中午十二時之前，所以服務態度好好，令我有再次光顧的衝動，但今次可能天氣差，又在午市過後，大約在下午一時四十五分，所以職員態度明顯有分別地差，而且食物質素也比較無上一次那麼好！今次點了一個三層肉，首先上台的感覺是似燒肉浸湯，賣相完全唔得，切得太細了，沒有口感，到入口的時候，明顯唔入味，係切到咁細都竟然唔入味，完全感覺唔到係肉骨茶的肉，似沒有味道的湯渣！今次的用餐經驗我覺得唔合格囉！

見到大家都咁推介呢間餐廳，逐住平日少人d就去一試。兩個人叫了勁多野，諗住可以一次試哂招牌菜。😂叫完野食之後，就上肉骨茶，平時對肉骨茶無咩好感，印象中只係好多藥材味，有點辣。可能呢間肉骨茶係就了香港人的口味，對我來說易入口點。跟住就係豬肚同豬內彎二選一，最後都係決定一試豬內彎，係我超喜歡的口感，有咬口，連筋帶肉。老鼠粉，所以材料加埋好夾，唔會太鹹。玻璃魷魚通菜，唔食得辣的我，又想試，就試下同姐姐講少辣，姐姐又比，魷魚爽，通菜好味，正。可能叫了太多野，最後都食唔哂多士，多士醬多到漏。桔仔話梅水，消暑必備，另一半激讚呢杯飲品。

一個人Lunch最鍾意嚟深水埗，因為喜歡呢個區夠草根。今日嚟試蘇媽，價錢實惠，份量足夠。檳城白咖啡特別好飲，唔知佢點整，但堅好飲。見意食完正餐先叫肉骨茶有好多種，選你喜歡即可，不過一個人嚟食就食唔到咁多。如果佢有一人小雜錦份量，咁就最適合我呢d花心人味道唔係十分重藥材味，適合大眾口味。本人喜歡重口味所以加左混醬(免費) 自己攪即可。中午餐已經有人排隊，所以早d嚟會好d。即有好多朋友一個自己嚟食，值得推介

謝謝香港同學好介紹，好食到連續兩日的中午都來食，肉骨茶肉味和中藥味配得恰到好處，本以為天氣那麼熱，飲肉骨茶一定燥死，但相反飲完感覺好舒服，像下了道熱氣一樣，而且重點是這裡肉骨茶是無限添飲，我們都飲了兩三碗，我點了皇帝骨，八分瘦兩分肥，沾上自調味料，入口軟滑，馬拉Nasi Lemak 都好滋味，斑蘭味很重，辣醬也很香，昨天食仁當牛，今天食咖哩雞，我個人喜歡牛肉多點，另外驚喜是老鼠粉，個豉油底和肉碎好惹味，每根粉都沾滿汁，超級好食，最後怎少到用一份咖央多士做結束，食過港澳兩地這家最好食，不太甜，滿滿的咖央和牛油，一點都不吝嗇，裝修和餐具都充滿南洋華人風味，聽說門口兩道大木門都是馬來西亞運過來，當然好野一定要等，等位就預左，不過食過翻尋味，等都要來食🙈