蘇媽.蘇媽馬來西亞茶餐室 (已結業)

和老佛爺到深水埗試下此人氣馬來西亞小館，門面裝修古雅，內裏尚算舒適，但繁忙時需要搭枱的，可能我們比較早，不用等位。我們當然要點必試的肉骨茶喇，點了皇帝骨和一字骨，依餐牌教路，先調好醬油，用來點肉排食。茶湯濃郁美味，骨排沾上蒜椒醬油，幾好味，而且可添一次湯，算是超值。再來主食點了辣死你媽配牛肉，綠色的飯，很椰香，伴邊的魚乾仔，花生，薯仔，蛋幾好送飯，當然不少得主角牛肉粒，夠淋夠入味，相當不錯。再來幾個小食，淨通菜，愛他愛她串，檳城炸滷肉卷和話知你啦薄餅配咖哩。老佛爺只想食通菜，吾想加野，咁就叫了淨菜，蒜香汁非常野味，下次必再encore加水魷。其次欣賞是個薄餅，夠油夠蘇，沾上咖哩汁，美味。我們仲用一片薄餅換了對坐食客两件椰子加映多士，都非常好食，係略甜了少少，開心share。另两小食，感覺一般，炸滷肉卷還可的，炸得熱騰騰，似炸油滋。串燒本來吾係叫呢款，是想食竹簽串的牛肉串燒，算是叫錯，而這款口感吾太好，似絞肉，淋茲茲咁，吾會再試。最超值算係特飲，以16元杯特飲，ok啊！炎炎夏日，嘆杯冰凍桔水/薏米水，冇得頂，又和食品好夾，爽!!!最尾要求添多次肉骨茶，埋單264，人均約130 元，幾底，

有日買完餸行過剛開舖，見冇人排隊又有位就入去一試，未去過馬來西亞唔知係咩風味，試完有d疑惑🤔！點解次次經過都噤多人排隊其實係廣告同人群效應定係自己唔識食？以前只飲過朋友馬來西亞帶回來湯包煲過嚟飲，一落單就會放上每人一碗肉骨茶湯（只是湯冇其他料，因為免費）只飲了一碗因該只飲到咸湯味，但隔離位女仕不停叫添飲，唔知係咪自己唔識飲，因為自己煲湯包有藥材味，呢碗只有微微藥材味同濃濃咸味。 落單叫左怡保雞絲湯河，招牌老鼠粉，檳城香炸鹵肉卷，桔仔話梅水，冬瓜龍眼茶。睇相睇分享啦！

嗰日喺門口經過阿姑姑已經喺門口昅住勁想飲入面嘅奶茶奈何我同佢講啱啱先食完飯咋喎好快速咁買完嘢佢眼中流露一絲不捨我就話去啦返去飲杯奶茶啦喺經過嘅途中同一條街D餐廳入面已經空空如也因為已經過咗午飯時間平日大概兩點幾三點嘅時間打工仔都已經返曬office呢間仲要派籌排隊十幾廿個唔識既人坐喺一張大枱上面其實未入去之前已經畀佢嘅裝修吸引住因為我有 印尼background見到佢啲擺設食物 同埋 用紙裝飯嘅 方法都有啲熟識嘅感覺首先講番佢個肉骨茶唔係傳統馬來西亞嘅藥膳底反而有少少肉桂味咁樣仲有啲鹵水八角咁嘅味如果佢淨飲湯唔加啲肉落去煮我覺得好似冇咁好味大腸洗得好乾淨唔會咬極都唔爛姑姑話杯奶茶好好飲好滑佢第二日就跟老公返去再食過邊度有好多香港人未試過嘅馬來西亞嘢不過有好多我想嘅嘢都賣哂不過兩條友一定都係要搭枱

相約一班好友飯聚，之前食左馬家莊(濃味)，今次試下另一間嘅濃味菜式，就係深水埗蘇媽蘇媽嘅馬來西亞菜，晚上排長龍，中午都要排隊，重要人齊先比入座，座位有限無辦法。吾係我點菜，所以啲菜名可能有講錯，請見諒，叫了個肉骨茶大雜會，先來每人斟一碗肉骨茶，應該係無限添飲，牛筋椰香飯，幾香椰子味，牛筋夠冧；大雜會有響鈴跟，個大雜會無想象中咁好味，有好大舊肉，兩梳金菇菜，豬肚，豆卜和豬腩肉；我叫了杯拉茶，感覺同有茶餐廳奶茶没分别，朋友叫了白咖啡，好甜，可能落煉奶重手左；另一道出名菜式老鼠粉，中間有隻蛋，攪混佢，即刻黏稠左，好濃味，魚蛋麵和薄餅好一般；五個人埋單400零，算可以啦！好好食又講吾上。

椰香咖央多士$17必試！真心推薦！多士焗得恰到好處！焗到金黃，脆口得黎，面包中間仲保留到少少鬆軟既口感。平時食茶記多士烘底最驚係食到刮口，蘇媽既咖央多士絕對唔會有刮口既問題～同埋咖央餡料份量十足！平均地塗匀面包之餘，啲咖央仲係邊邊滴出黎。每一啖都食到咖央，唔會得中間有餡、邊位無味道方面，由椰漿、雞蛋、牛油、砂糖等材料制作而成既咖央醬顏色偏黃，椰漿既香味慢慢飄出，咖央唔會過甜，食完兩塊都唔會漏。個人認為好好食，下次必定再encore！我見大部份客人都有嗌咖央多，咁你知咩事啦～辣死你嗎配咖喱雞肉$40個飯有椰漿飯、參巴醬、青瓜、花生、乾魚仔、薯仔、蛋，當然唔少得雞肉！椰漿飯份量唔少，應該有兩碗。顏色帶綠，食落帶淡淡椰香，幾特別。雖然去過馬來西亞，但冇諗過第一次食椰漿飯竟然係係香港><參巴醬好味呀！參巴醬味道有啲複雜，甜甜地、又帶有些少辣味，醬入面有煮淋左既洋蔥絲。雖然唔知參巴醬係點整既，但用佢黎撈飯食，一流！我覺得成碟飯最驚喜係參巴醬青瓜兩片，屬普通貨色，口感爽脆，但係空氣中放耐左，水份流失、偏乾，唔夠新鮮花生十數粒，表面帶鹽粒，鹹香脆口，豐富口感乾魚仔好脆，不過就冇咩味薯

夏日炎炎，真係好唔想企係室外地方多一陣，何況係要企係室外，唔知要等幾耐。蘇媽正正位處室外，日日都大排長龍，但是為左食好野，頂硬上。早幾個月前有報導話蘇媽有正宗肉骨茶，所以新屎坑放左工想去試下，但是第一次去就敗北，因為閒閒地要等幾十張枱真係等到天光，所以今次醒少少，星期六下午午飯時間黎，大約十張枱，等左差唔多一個鐘終於都有得食。一坐低就畫已經諗好嘅野食，叫完野食侍應就會拎兩優配兩隻碟仔，為你倒上熱湯，湯頭飲落第一啖，無咩肉味，得藥材味道，再添飲時，第二碗味道又唔同，唔知係咪分開煲嘅原故呢。最後我們二人共飲左9碗呀皇帝骨每日限量20份，竟然都比我地食倒，網上食評話呢份皇帝骨就無一字骨咁肥，至岩鐘意啖啖肉嘅我，不過唔知點解我份皇帝骨同其他圖片唔同嘅？人地係好大一舊，我地係三片。唔緊要，食落都有藥材香，點埋蒜末食好正椰香咖央多烘起嘅多士抹上咖央同牛油，其實味道很一洗，如果可以熱少少脆少少就100分喇。玻璃魷魚配通菜魷魚唔會過熟，配以通菜，炸蒜等調味料，好好味。另外叫左一份油炸鬼，食肉骨茶，唔可以無油炸鬼。不過呢份油炸鬼就失色喇，番炸過一樣。飲品方面就叫左杯南洋咖啡同埋檸檬薏米水，薏米好似未煲淋

之前有位新加坡朋友介紹呢間佢想起家鄉就會嚟食佢嘅椰漿飯嘅蘇媽蘇媽，因為深水埗對我嚟講係幾唔就腳，遲遲未去試。朋友本身話呢間係一間外賣店要企喺度食；後來先知道佢哋擴充營業，開咗呢間地舖餐廳。位唔係好多，人客太多多數要搭枱。我同閨蜜好好彩，兩個齊人即刻可以入座。Appetizer 叫咗 Roti Canai 係薄餅點咖哩汁！薄餅好香脆、咖哩汁好香唔太辣！呢個魷魚通心菜都好惹味！個菜唔似我地香港嗰種咁粗支大葉；呢個好嫩好爽口的！朋友叫咗呢個白咖喱湯麵，比較清淡。終於到戲肉啦！係我期待以久嘅椰漿飯 Nasi Lemak，我揀咗咖喱雞做主菜；佢仲有好多選擇，可以按個人口味揀！個椰漿飯好特別係綠色嘅，我諗佢哋加咗啲班蘭葉落去煮，賣相更靚。呢個Nasi Lemak冇令我失望，真係好似我以前响美國 San Fran Singapore Malyasia 餐廳食嘅一樣。好感動！ 好味 最後餐廳都有好幾款消暑特飲！我揀咗呢杯話梅檸檬梳打，好清新！我仲自備環保飲管添～ #saynotosingleuseplastic

蘇媽.蘇媽馬來西亞茶餐室的「蘇媽Semua」在馬拉文是「全部」的意思，切勿誤以為是蘇媽媽開的店。這家店是由一位香港人Peggy和馬來西亞拍檔一起開設。第一家蘇媽.蘇媽由深水埗的路邊檔開始，最初只賣椰漿飯及幾款麵食，一直都很受歡迎，愈做愈旺，於是決定投資在基隆街入舖開店，同時加入更多特色食物。小店食物有特式，價錢亦不貴，所以每逢午、晚市都大排長龍。由於蘇媽蘇媽的兩間店同在深水埗，分別在桂林街以及基隆街，大家約人食飯記得講清楚，切勿弄錯地方。 新店座位甚密，紙皮石地板、木牌匾，別具南洋茶室的風情。牆上掛滿大字畫，加添不少舊式味道。由於店小客多，擠迫和搭枱是理所當然，大家想食，要有心理準備要與其他陌生人共桌啊！主打「肉骨茶」餐牌上就有11款，肉骨茶湯更可不斷添加，飲湯都飲到飽。每張桌上都放置了兩個很別緻可愛的小陶缸，細問下原來是配肉骨茶用的蘸醬，方法用碟仔先放辣椒碎，再加入蒜蓉及兩款不同豉油，拌勻後，用來配肉吃，更惹味。招牌「辣死你嗎」椰漿飯賣相精緻，可配咖喱牛或雞，每款有齊青瓜、江魚仔、花生等6款配料。「辣死你嗎」是馬拉話椰漿飯的諧音，青綠的椰漿飯加了斑蘭及椰漿去煮，味道清香， 6 款

上星期六同朋友響附近買電話卡，買完就想搵個地方食TEA!咁岩響IG見到有foodie推介依間，睇相覺得好吸引，就決定行去試試!去到門口見到好多人呀，不過我地兩位就即刻有位!入到去見到menu樣樣都想試, 隔離有位友善既叔叔食客見我地咁疑惑就同我地講串燒好好食, 個醬佢都想食哂, 又話咖椰多士好正, 又話肉骨茶好正宗，佢講到咁吸引，我地都跟左佢叫三串串燒($40)同一份咖椰多士($17)試下! 我地仲叫埋玻璃通菜($36) 同一份檳城白咖哩油麵($40)試下tim~個玻璃通菜其實好夠味, 落左d炸蒜咁, 唔會太咸!個檳城白咖哩油麵都好好食，係個豬紅遜色咗d啦，完全唔入味而個咖椰多士都好好食, 比維記個個更好食! 叫左既話記得襯熱食啊!而個串燒聽到d伙記話係即叫即燒，所以最遲先到~ 依個可以揀(牛/雞/豬/三併)，我地就揀咗三併!個醬真係好特別，響出面未食過依種醬，有別於平日食到的串燒，絕對值得一試啊總括而言我覺得價錢都算係幾抵食架! 建議大家如果兩個人以上去既話可以share麵食，叫多d小食，咁就可以試多d又唔怕食唔哂啦

今日終於的起心肝打返篇食評！因為要去深水埗買野既關係所以預先上openrice ，IG search 下有咩野好食咁岩就係睇緊有咩特別野食既時候就見到好多人都post左蘇媽呢間食馬來西亞既餐廳！平時食得太多西餐同日本野，今日就食下馬來西亞餐！一打開餐牌見到d菜名好得意，都幾吸引！好多野都想食😋但唔係好餓所以我地叫左個Tea Set！ 一個話知你薄餅配咖哩,佢個薄餅煎得好脆，咖哩都好惹味，絕配呀👍🏻！Tea set 野飲叫左冬瓜龍眼茶，大大杯，好清甜，感覺好消暑。另外再加$15 有個招牌老鼠粉，其實係銀針粉，撈埋佢地既肉燥汁，青瓜，口感一流，值得一試！😋😋最後散叫左咖咉多士，不過略嫌凍左啲同個多士太厚身，如果熱啲會好食得多！今日都算好彩，好快入到去唔係好駛等位！下次會再黎試埋其他野食👍🏻

這店在隱蔽在基隆街，找到250、252，卻找不到251‼️ 打電話問問，就說在附近，問問途人‼️途人也不知道啊‼️或是不想理我～～～終於找到，朋友已有點不滿，唯有說試試吧‼️ 可能好吃呢‼️ 咖咉多士必試的，但都沒有驚喜。沙嗲雞牛豬三串，肉質很差，但沙嗲醬調製不錯玻璃魷魚🦑通菜，魷魚本身沒有味道，都是依靠調味料，普通吧‼️ 滷肉卷是炸過多了，入面又不知道是什麼肉熱拉茶就真的幾滑幾香地方淺窄，平日下午茶時間都滿座的，下次要試試其他咖哩飯

蘇媽蘇媽在深水埗區是間頗有名氣的馬來西亞菜，位於基隆街一帶，距離地鐵站只需大概4分鐘路程開業不到一年，所以裝修也十分新這個福建蝦麵的湯底十分咸香，有蝦味，新鮮蝦大概有四隻，還有一些魚腐、通菜和雞蛋，份量十足，物廉價美另外，我們還點了一個咖央多士，比想像中的大份，切成四小份上碟麵包皮微微烤過，帶小小脆，裏面的咖央醬塗得滿滿又均勻，十分香口，但必須趁熱吃來到蘇媽蘇媽甚可以不嘗一下他們的招牌 肉骨茶呢我們點的是豬腳彎，大概是豬腳的位置吧，較多皮和脂肪。可是，豬腳彎的肉不是很腍，比較難咬開，吃的時候比較狼狽一些吃豬腳彎時可配合旁邊的醬料(有指示牌教！)會更好吃這杯馬來西亞拉茶也是十分細滑，茶味濃，奶較少我們點了全枱食物才114元，真是性價比很高喔

應朋友約, 星期六中午時段走到基隆街的這間鋪, 門口堆滿了人, 等了差不多一小時才有位置!! 2人點了串燒, 老鼠粉, 簿餅, 咖央多士同一字骨, 仲有兩杯拉茶!先來肉骨茶, 中藥味唔算太濃, 但一碗就夠了! 一字骨比較硬, 要花黯有氣才能咬開! 老鼠粉值得一讚, 毫不吝嗇配料, 味道夠濃郁, 好味! 上菜好快, 手抓餅好快凍左, 但都仲食得出好軟, 不過點的辣醬就太少, 要就住食! 串燒隻沙嗲醬好好味, 但d串燒就硬左d! 已經好飽, 但都要點個咖央試下! 係好食gei

今日已經係第二次黎試哩一間馬來西亞菜，之前試過一次佢哋嘅肉骨茶非常好味，其他嘅湯麵亦都十分出色。今次就再黎試下其他菜式。肉骨茶 （一字骨）今次嘅肉骨茶同上次一樣都咁維持到水準。但係由於叫咗好多野食，所以免費可以添飲嘅湯今次都唔需要添飲。湯底係有濃厚嘅藥材味但係唔會話蓋過肉香味。一字骨炆等軟林入味沙嗲串燒（豬/牛/雞）呢個串燒做得非常好，沙嗲醬汁超惹味，仲食到粒粒花生，很足料！串燒整體肉質也不錯，最重要係加埋醬汁食檳城白咖喱湯麵可能係我唔鍾意有奶味既湯，所以對哩個白咖喱湯同完全不能接受。咖哩味比奶味蓋過，之前無硏究白咖哩湯成份，記憶只有沙嗲王個勁好味嘅白咖喱飯，所以就諗住呢個湯嗰個味道好類近，是我失策。玻璃魷魚炒通菜炒通菜嘅醬汁非常香辣刺激味蕾，反而覺得鋪上面嘅魷魚可有可無。整體來講水準係仍然keep得住，不過我哋今次叫嘅菜式同上次比就有少少失色，最主要我哋叫左啲唔啱胃口既野。

這小店最初在深水步開一間好細鋪位，我當時食過一次麻麻，直至佢在同區開多間分店，我覺得得佢犀利，咁多人排隊，決定再試多一次，今次的確好食左，尤其係咖央多士，好脆，我食完之後再點，我諗之後再幫襯都一定會再叫咖央。