影片
更多
2018-05-16
282 瀏覽
之前黎深水埗，經過門口都知經常人頭湧湧。今日星期六去食，都知道應該都會好多人。六點九差唔多七點到，門口有差不多廿幾人。我同男朋友同媽媽三人枱，最後等左差不多一個鐘多少少，最終八點幾入坐。鋪頭裝修都特別，唯坐得較逼，可能人實在太多了。大大舊既男朋友坐在行走通道，常有碰撞，坐得唔舒適。 - 我地三個人嗌左：一字骨肉骨茶，砂煲老鼠粉辣死你嗎配咖哩雞肉，話知你啦薄餅配咖哩玻璃魷魚配通菜，羅惹炸豆卜，椰香咖央多士一字骨肉骨茶$38一黎到當然是飲啖熱辣辣既湯先！藥材味唔會太重，一字骨帶脂肪，啖啖肉，肉味濃郁有肉汁，好味！😈辣死你嗎配咖哩雞肉$40放上枱好靚，黃黃綠綠咁。椰漿飯幾好味，雞肉肉質都幾好，全部野撈埋食都幾好味。加上呢個價錢配呢個份量算好抵食！🤑砂煲老鼠粉$68呢個老鼠粉係呢間餐廳入面都算貴🧐見佢係餐牌上既圖好似好食咁所以叫左！砂煲上，有啲肉碎，銀針粉同窩蛋上，佢地員工幫手撈埋所有野。我個人黎講就唔係好鍾意食，唔係好鍾意個汁，係好似瑞士汁咁，對我黎講太咸，銀針粉口感不錯，少少焦左咁樣。我食左一碗仔就無食，媽媽都食左一碗。重口味既男朋友就幾鍾意，食左大半煲。話知你啦薄餅配咖哩$32薄餅有兩塊
今日星期六去食，都知道應該都會好多人。
六點九差唔多七點到，門口有差不多廿幾人。
我同男朋友同媽媽三人枱，
最後等左差不多一個鐘多少少，最終八點幾入坐。
鋪頭裝修都特別，唯坐得較逼，可能人實在太多了。
大大舊既男朋友坐在行走通道，常有碰撞，坐得唔舒適。
-
我地三個人嗌左：
一字骨肉骨茶，砂煲老鼠粉
辣死你嗎配咖哩雞肉，話知你啦薄餅配咖哩
玻璃魷魚配通菜，羅惹炸豆卜，椰香咖央多士
一字骨肉骨茶$38
一黎到當然是飲啖熱辣辣既湯先！
藥材味唔會太重，一字骨帶脂肪，
啖啖肉，肉味濃郁有肉汁，好味！😈
辣死你嗎配咖哩雞肉$40
放上枱好靚，黃黃綠綠咁。
椰漿飯幾好味，雞肉肉質都幾好，
全部野撈埋食都幾好味。
加上呢個價錢配呢個份量算好抵食！🤑
砂煲老鼠粉$68
呢個老鼠粉係呢間餐廳入面都算貴🧐
見佢係餐牌上既圖好似好食咁所以叫左！
砂煲上，有啲肉碎，銀針粉同窩蛋上，
佢地員工幫手撈埋所有野。
我個人黎講就唔係好鍾意食，
唔係好鍾意個汁，係好似瑞士汁咁，
對我黎講太咸，銀針粉口感不錯，少少焦左咁樣。
我食左一碗仔就無食，媽媽都食左一碗。
重口味既男朋友就幾鍾意，食左大半煲。
話知你啦薄餅配咖哩$32
薄餅有兩塊，一般薄餅，反正不是手整。
配既咖哩入面係有啲豆，味道都可以。
本身鍾意食薄餅所以都好快食哂。
玻璃魚配通菜$36
魚真係幾玻璃！口感幾好，幾好食！
通茶又另一最愛，我地三個好快就食哂！
😋😋😋😋
羅惹炸豆卜$20
佢個豆卜質感好怪，同出面既炸豆卜唔同，
唔識講，好似放左一後時間咁。🤔
個醬係甜的，可能我地全部人都預期係咸的。
呢個豆卜一上枱，我地每人食左一舊都無咩點食過。
係最後覺得有點浪費，由我再食多幾舊仔…😶
椰香咖央多士$17
外脆內甜，多士都脆既。
咖央醬好味但個人覺得太甜了。
男朋友包底食哂！😛
－
整體黎講，
呢餐我地三條友食到好飽好飽，而且價錢好抵食！🤑
我諗我都會再返黎食個飯同試下其他麵！
順帶一提，佢哋嘅辣椒豉油好好味😋必點！
張貼
