蘇媽.蘇媽馬來西亞茶餐室 (已結業)

深水埗除了馳名中外的鴨寮街跳蚤市場外，還收藏了很多神秘的隱世小店。這間蘇媽蘇媽在區內僅營業了一週年，一直為深水埗區的街坊帶來傳統的馬來西亞菜。店內的裝飾簡單而懷舊，正好襯託他們的傳統美味菜式。馬來西亞拉茶經過反覆拉查過程後，口感更加香骨，茶味亦都比港式奶茶濃厚。椰香咖央多士十分香脆！咖央醬椰香十足，牛油亦令到咖央醬更加香滑，是我食過最好味的咖央多士！肉骨茶的味道就像有點藥材味的豬骨湯，雖然不是經常喝，但聽說肉骨茶是很進補的呢。沙爹串燒十分可口！沙嗲醬充滿花生香味，略帶點甜，完美配合了炭燒肉的焦香，這間餐廳價廉又物美一定會再來光顧！

放工同男朋友去新戲院睇戲，睇之前去咗深水埗覓食，去咗一間一直好想試，而每次見到好多人排緊而打消念頭既一間店。蘇媽•蘇媽。今日12點幾去到，門口已經有好多人排緊，先攞飛，要等成10張枱，但因為唔係太餓，所以繼續等落去，大概等了45分鐘，終於安排入座了，係等位時已諗好食乜，入到去即刻落單叫咗3樣野，2杯野飲。一字骨肉骨茶調醬(加啲老抽，黑醬油，蒜同辣招) 點肉食，肉骨茶係無限添飲的。但呢個藥材味底，我麻麻地。咖央toast and 冬瓜桂圓茶好好食啊個咖央多士，入面好多醬😍😍沙鍋老鼠粉有好多配料，好香，好野味，好大一鍋。拉茶冇我想像中咁好飲，同佢拉既感覺冇乜。

上網搵深水埗美食，跟住揀左呢間無限添飲肉骨茶即使係晏就4點，可能係假日，仍然有人攞籌等位，但好快入得。整個裝修好有懷舊feel，甚有心思整體價錢實惠。一落左order，職員即時奉上滿滿一碗馬來西亞式深色肉骨茶，無咩胡椒味，湯飲落不太濃，皇帝骨啖啖肉，肉質有腍有銀，只屬一般。（最欣賞佢既指天椒粒，超辣！用黎蘸肉食一流）淨椰漿飯好有椰子味，質感念念地好軟腍，不錯囉咖央多士，白麵包烘底夾住綠色咖央醬，又脆又甜炸滷肉卷其實係炸腐皮卷，外皮薄脆，爽馬蹄粒、鬆軟芋頭粒加少量豬肉，餡料豐富。

身為肉骨茶愛好者，見到呢間標榜正宗馬來西亞美食既當然要試下！叫左一字排同埋MENU推介既皇帝骨, 同埋叫左杯熱既柑桔話梅。係上菜之前D STAFF就會放2個碗, 同茶壺倒左肉骨茶比我地飲先, 呢度既肉骨茶係無限添既, 細細個碗保證好快飲完, 叫人REFILL就唔怕大碗放係度攤到凍哂味道都幾甘甜, 有濃濃既藥材味, 因為佢係馬來西亞式, 所以冇咩胡椒味, 但整體都幾好, 飲到個人熱哂 有D後悔叫左熱飲肉骨茶（皇帝骨）因為脂肪較多，所以肉質幾腍同埋夠嫩滑，但冇咩肉味肉骨茶（一字排）肉質有Ｄ鞋口同埋韌，但係瘦Ｄ，肉味會濃Ｄ本身食到咁熱後悔自己點解唔叫凍飲，不過試左一啖又幾滋潤，喉嚨幾舒服，不過佢都幾甜，凍飲等Ｄ冰溶左可能會冇咁甜好飲Ｄ排左隊４５分鐘先有得食，雖然味道ＯＫ，但都係建議平日先黎啦，未至於好食到要排咁耐既

是日午餐走左去飲肉骨茶， 茶湯無限添飲😋😋😋，味道都算濃郁，但就當然冇我自己煲嗰啲咁濃啦， 我可是一份材料六碗水煲埋一碗自己飲架噃😝😝😝！餸料我就揀左至愛嘅一字排， 肉質軟熟有肉味。主食就要左辣死你媽配仁噹牛肉，椰漿飯好香但略嫌腍左啲，拌碟嘅花生魚仔同蝦片都好新鮮好香口， 值得大讚係個牛肉煮得好入味， 醬汁夠哂辣， 雖然未至於辣死阿媽， 不過都夠地道夠惹味👍👍👍😋😋😋。最後飲埋地道白咖啡，奶味香濃滑溜，但又冇蓋過咖啡味，合格👌。

一行4人夜晚9點幾黎到深水埗目標明確 去試最近多人介紹既呢間馬來菜自己多年前係吉隆坡住左幾個月一入去就已經recall番係馬拉食肉骨茶既Feel(呢張係食到佢收舖先影 我地9點半到都等左5-10分鐘先有位)由於太餓既關係4個人叫左8樣野食點好菜會奉上肉骨茶湯1碗甘多樣最好食既surprisingly係沙嗲串燒個醬好多好濃好夠花生味另外個老鼠粉都唔錯 有d似鑊仔炒銀針粉 不過個人覺得油左少少主角之一當然係肉!骨!茶!叫左個大雜燴個湯底係我個人鍾意既style唔太重中藥味亦唔會太油如果下次黎單點會揀排骨(推介)同豬手個排骨已經煮到有d骨肉分離 又入味搭埋自己撈個醬(生蒜+醬油) 諗起都想再食喇呢個魷魚通菜 老實有d似飲茶果種不過個醬好搭 下次食都會再叫其他仲食左蝦麵. 牛肉飯. 蘿蔔糕同酥有機會下次想試Kaya多士同白咖哩麵

家姐話想試下呢間，今天上午11:20點到達，排了10分鐘等開門，到了營業時間被安排入座，我們共4人，但已有3個人在，另一個約2分鐘內到（因都係附近住的）到坐低有個阿姐問我地齊人未，我家姐話差一個，但很快到，點知阿姐我地未齊人要先攞飛及出返去等，之後我地話會立即order食物，又係話未齊人要攞飛出去等，但場內仍有位未坐滿，又係呢句，我頂呀😡😡😡😡😡😡😡😡於是我地立即起身走人。如果係咁應該在門口貼張告示，不齊人，不招付，唔使浪費大家時間。

今曰又黎到我地既平民食堂～深水埗。正所謂識食既一定係深水埗…等左廿分鐘，入到蘇媽先點出名嘅肉骨茶，分幾種骨……大骨、细骨、皇帝骨(限量)，我當然叫皇帝骨肉骨茶啦，肉骨茶味香醇，有藥材味，易入口，仲可以添飲。叫咗肉骨茶豬手，好似厚切燻蹄咁上碟，我自己就麻麻。還有沙爹串燒牛羊雞，醬汁有香濃花生味，但係肉就有少少韌。咖央多，麵包烘底，幾好味，烤餅也不錯。叫多杯熱拉茶，茶滑不太甜，但凍咖啡，就一般啦。價錢合理，雖然地方較细，但衛生也好，整體不錯，又近地鐵，值得間中去食馬來西亞菜。

發掘到另一間深水埗午餐既好去處，係好耐無食既馬拉口味肉骨茶！-Lunchtime無套餐，每樣野都要分開叫，我嗌左一份肉骨茶同咖央多士。-肉骨茶的湯苦中帶甘，而肉就非常鬆軟，好入味，湯仲可以任添啊。不過平時外面食肉骨茶會配白飯，呢度就要另外嗌啦。-無嗌飯，嗌左一份咖央多士，多士好鬆脆，加埋牛油同咖央醬，好邪惡但係好好食！雖然不是特別平，但係我覺得值得既，不過如果將來有套餐就更加好！希望會有肉骨茶餐，包野飲就最好！

放假又係食好西時候！熊妹呢幾日返工都唔係訓得好夠，總是攰攰的，窩心的熊大唔想熊妹舟車勞頓咁辛苦，特登走黎熊妹地頭同熊妹揾食🍽，錫錫！黎到熊妹地頭緊係熊妹帶路喇，點知今次竟然俾熊大捷足先登揾到好西門路🥣，熊妹遲左一步喇！主打新加坡馬來西亞菜餐館《蘇媽.蘇媽》呢排係深水埗區真係出名得幾誇張，時時刻刻都有人係門口排隊🚶🏻‍♂️🚶🏻‍♂️，咪話唔西利！熊大熊妹係門口都等左十分鐘度就入得。下午茶時段都人頭湧湧，全場滿座。裝潢以懷舊冰室為主題，以綠色的瓦磚配合懷舊花紋的地板，木餐椅木餐桌，有圓的有方型的，鋪滿整間餐館，只剩下中間窄窄的通道走動，正正符合冰室的經濟效益。牆上掛滿一個個木牌扁，用上不同的字型寫著各款美食飲料名稱，當裝飾之餘食客可以抬頭點餐，非常特別。熊大熊妹坐低就慢慢睇餐牌叫野食喇。餐牌有兩款，分別係有圖文並茂的彩色餐牌同可以畫圈點菜用已過膠的黑白文字餐牌，幾環保♻️喎！門口已經貼著告示指導飲肉骨茶4步曲。先混醬，後飲熱湯，再嚐肉骨點醬，最後再添熱湯，係無限添飲的。豐係蒜蓉，福係辣椒🌶️，齊來混醬吧！百吉爹肉骨菜（皇帝骨），$54新加坡菜必點的肉骨茶，熊妹揀了皇帝骨，貪佢夠大塊肉。一個飯碗般大

阿sir好鍾意飲肉骨茶架，以前上環有間好正宗，可惜小店捱唔住執咗😢。其實我哋前排經過蘇媽好想試，不過假日7點零嚟到，都要等起碼半個鐘，再加上三十幾度高溫，令我哋打退堂鼓，難得今次6點經過見未有人龍，就算未太肚餓都去試咗先😁皇帝骨肉骨茶 $54店主非常慷慨，叫一客肉骨茶，全枱人都可以受惠，無限量添飲茶，雖然茶唔算濃，但飲得出真材實料，飲完之後會好暖胃，阿sir好勁飲咗3碗😆；而皇帝骨好腍好入味，有少少膏好香好有口感，最重點係要點埋個醬油呀椰香咖央多士 $22多士烘得香脆，但咖央唔夠香濃，同我之前响新加坡食嘅差少少馬拉沙爹串燒(3串) $40沙爹醬係重點，豬牛雞各一串，豬最香口惹味，牛都香但肉帶點韌，雞就不過不失玻璃魷魚通菜 $44通菜唔靚唔夠翠綠，食落唔夠爽口，幸好魷魚同醬料都ok桔仔話梅水 $19粒話梅似裝飾多d，根本就係一杯普通嘅柑桔水二人共消費：$179

星期6的晚上，和男朋友去吃蘇媽，很期待！未夠6點已經有不少人等位啦！不過都係等左一陣已經有位百吉爹肉骨茶(一字骨)肉骨茶是比我想像中淡味，沒有很重的藥材味，但這樣也適合小朋友飲，易入口一點。讚好的地方是肉骨茶可以無限添飲的！一字骨是半肥瘦的，肉質淋身很嫩。椰香咖央多士暫時是我吃過最好食的咖央多士！多士烘得剛好！咖央醬順口滑溜又不會太甜，和多士配合起來，口感外脆內軟檳城亞參叻沙米線叻沙又稱喇沙，蘇媽的喇沙跟我平時食的不一樣，這個湯底好似酸辣湯！米線滑身，配菜只有些椰菜，性價比低檸檬麥芽薏米水淡淡的🍋檸檬酸味，跟麥芽的甜味很match！有點扣分的是薏米煮得未夠淋，整體不錯！侍應服務態度良好又主動，而且送餐快！

久聞深水埗有一家馬來西亞餐廳，由小店做到轉大舖。捧場客多的餐廳一般都總是有自己一套去留住回頭客，這家當然也不例外。.可是食店往往逃不出一個魔咒，做大了總會慢慢失去原有味道，長年保持水準才是最大的難關。這家店恐怕又是一家大失水準、難以保持原味的餐廳。食物水準之參差令人非常失望。...店內位置充足，燈火通明，環境驟看也是清潔乾淨。.點好菜後，職員端上熱湯，正是肉骨茶。應該是點了肉骨茶的少有，與肉骨茶皇帝骨（$48）分開上，而小碗的肉骨茶是可以無限續添的。肉骨茶是可以的，藥材味不重，帶一點回甘，而且熱燙燙的，是會讓人想一喝再喝的。...好的講完，接下來的都是一般的食物，玻璃魷魚通菜（$36）、咖央多（$17）、辣死你嗎牛肉椰漿飯（$40）：坦白說，三款食物都並沒有令人感到驚喜。.玻璃魷魚不是最爽脆的一種，例如同區的文仔車仔面的玻璃魷魚就算是較脆的。通菜是刻意挑選了通菜心的，菜質較嫩、沒渣，可見用心。不過味道方面卻沒有什麼特色。.咖央多面包烘得很鬆脆，實話就多士是好食，但入面的咖央卻出奇地淡口味，沒香味也沒什麼味道。確實頗為失望。.辣死你嗎牛肉配椰漿飯，其實這類命名很容易令人誤會，入口並不是真

第一次往光顧，都算滿意，一字骨肉骨茶湯味濃，一字骨稔且有肉香，其他小食飲品如魚仔醬蘿蔔糕、咖央多士，桔仔話梅水，都算不錯，服務招呼尚算合理……但之後再往光顧兩次，已決定不需再去幫襯，食物差，服務更差，一字骨肉骨茶的一字骨又鞋又硬又冇味，湯味也不同，偏淡，怡保雞絲湯河粉比普通越南舖雞絲湯河更普通，員工唔憂做態度寫哂上面，自己在膠餐牌點完餐，多次舉手示意落單，並看到起碼2店員看到及望過來，但2人都當睇唔到，有一人顧客被大聲兼無禮貌指去特定位置，而當時亦未見繁忙多人，就算想方便之後坐位安排，店員亦應客氣同客人講。勞煩店員加肉骨茶，聽到行咗去當冇件事，再同另一員工講，隔一陣走嚟話而家冇得加住就走開，雖然之後都有幫我加湯，但過程令人覺得顧客要加肉骨茶是不應該的事，如果員工咁嫌棄，大可取消可免費加湯，大部份員工似老細多D，可能佢地真係，平日如果唔叫下午茶餐，一個人食一樣嘢加一凍飲起碼7-80蚊，咁嘅價錢，坐10分鐘，好迫嘅，加上未算好嘅食物同差嘅招呼，的確無需要再去幫襯.

去過吉隆坡味嚐肉骨茶的我,難忘於此地此刻的味道。在香港 , 我尋獲多間有肉骨茶菜式的店舖, 對於這個美味，特別懷念的味道,我最近終於找到類近了。對於肉骨茶的由來,據說來自於馬來西亞的巴生 , 當時很多教育水平低的人,要靠勞力為生,到礦場裡採錫礦當礦工 , 由於積勞成疾需要進補 , 有一位錫礦場老闆，為提高礦工生產力，於是就寫下了中藥配方吩咐廚房熬了一鍋藥材骨頭湯讓員工驅寒。當時的一碗肉骨熬驅寒藥材的湯云`配上一大碗的白飯, 味道很好,而且增強體力,很快便在勞工間流傳開來。當時外號叫做「肉骨地」，恰巧永春話裡「茶」「地」同音，久而久之，「肉骨地」就變成肉骨茶了。肉骨味有多款派別,各地都稱作最正宗 , 爭著認第一。我個人認為 , 好味的肉骨茶, 茶湯的藥材味, 濃而不苦,味道甘香，沒有喝中藥的感覺，做得恰到好處,才為至好吃。我習慣食法,必配上一碗白飯食用，才稱得上絕配。今日前來的蘇媽蘇媽, 店面很典雅 , 牌面很大,顯而易見,為於基隆街的位置。一到埗要先登記，待店員安排座位。幸運地，今天下雨不算太多人，等了半小時就可進店食用，哈終於有得食啦！！今回當然少不了百吉爹肉骨茶，我們選了限量發售的