蘇媽.蘇媽馬來西亞茶餐室

營業中

休息中

蘇媽蘇媽次次嚟都要等位，今次平日晏晝好彩有枱😚「椰香咖央多士」必點👍🏻🤤🤤即叫即整，一上枱聞到陣陣椰香味，麵包烘得熱辣辣好香脆，而且咖央醬同牛油份量balance得好好，唔會搶左對方風頭。「湯咖哩米通粉」好重椰奶味，唔太辣，米通粉口感特別，食落煙韌，但整體普通。反而「檳城福建蝦油麵」有驚喜😍面頭撒上蝦乾，每一啖都好香口惹味。小編唔太鍾意佢地既「棒棒骨肉骨茶」，中藥味太強烈，入口帶啲苦澀味，棒棒骨煮到好腍，易入口。

成日經過見到都好想試,今次終於食到喇～叫左佢地招牌砂煲老鼠粉,姐係銀針粉,上菜既時候用砂煲,所以仲熱辣辣出哂煙,入面有好多配料,撈埋一齊食都幾惹味,但個人建議再加少少辣椒醬,食落會更加惹味。玻璃魷魚配通菜好有驚喜！叫左幾樣食物我最鍾意呢個～魷魚好脆同爽口,再加埋個辣椒醬,食落好惹味,忍唔住係咁食。個個都必叫既咖央多士超足料,麵包焗到好鬆脆,入面爆哂餡,好香椰香味,再加上好邪惡既牛油,但我個人覺得甜左少少。🔸招牌砂煲老鼠粉🔸玻璃魷魚配通菜🔸椰香咖央多士🔸馬來西亞拉茶

因為唔食辣揀左走辣湯底味道都ok wor不過食完係有d口渴嘅湯麵入面的餸唔算好吸引蝦唔係好新鮮 但可以接受魚蛋就普普通通的 冇特別驚喜拉茶好飲 茶同奶的平衡做得剛剛好👍🏻

來到蘇媽.蘇媽之前去過深水埗個間食過晚餐當然呢間無論裝修，環境都要比深水埗更勝一籌起碼坐得舒服好多，又唔洗成日比人撞到🤣下午茶時段無套餐，基本上都係散叫為住 先來個咖央多士$28咖央醬加牛油配合得岩岩好，但可惜唔夠熱榛子牛角包$26 熱辣辣，脆卜卜，唔錯，雖然細細個魚仔醬蘿蔔糕$45味道唔錯，個醬咸咸的，好惹味，但份量較少馬來西亞拉茶$23茶味濃，好滑，滿口茶味檸檬薏米水$22呢杯麻麻地，很酸，薏米又好硬怡保白咖啡$26正正常常整體來講，環境唔錯，但野食份量不多，較貴！

每次經過蘇媽都好多人喺門口等，平時唔想等所以就一直都冇入去食。今日難得見到等嘅人唔算多，就去試下啦！入到去嘅裝修都幾靚，亦都好乾淨。黎到呢度當然要試下肉骨茶同咖央多啦。肉骨茶係屬於有好重中藥味個種，重點係佢可以refill，兩個人叫一碗都可以。另外，咖央多都係有水準嘅。

旺角分店的環境相對較寬敞，裝潢配置亦甚有南洋風味。今次選擇在人流較少的時段入去嘗試一下他們的下午茶。海南鴛鴦燒麵包 ($38)• 麵包烘得香口鬆脆、咬落去會聽見麵包俐落瓦解的聲音；充滿南洋咖央的奶香味。• 中間的牛油處理半溶之間，一部分滲在麵包𥚃，加添一份香滑口感、味道亦變得更豐富了。馬拉沙嗲串燒 (3串 | 豬/牛/雞 | $45)• 不過不失的沙嗲串燒。• 燒得香口入味，蘸上一貫惹味的沙嗲汁，作為小食最好不過。

見好多人都話要排好耐隊，當日好好彩只係等10個位左右（約 20分鐘）店舖空間感大可以容納嘅客人比較多，牆上嘅壁畫十足十去咗馬來西亞當然要先叫肉骨茶系列店員就會送上肉骨茶湯（無限添飲）趁熱飲，凍咗就相對冇咁好飲㗎啦因為係黎醫肚，主食就叫咗檳城白咖喱油麵、辣死你嗎（牛肉）叫咗去馬來西亞必飲嘅桔仔話梅水都目前為止啲嘢食都不過不失，極力推介玻璃魷魚配通菜，個人覺得超好食，配埋佢特製嘅醬料，少少辣咁非常過口癮最後嗌咗個叉燒，呢一個就較為失望，雖然叉燒嘅肥瘦分明，但係就食落嘅口感就比較乾一啲，不過公道來講佢嘅份量呢就係對得住個價錢嘅。蘇媽.蘇媽馬來西亞茶餐室地址 ：旺角上海街618號地下G01號舖電話號碼：23893829營業時間：星期一至日11:30 - 00:00

蘇媽蘇媽一向大排長龍🧍🏻‍♀️🧍🏻價錢貼地又平民 但味道保持吾到水準😥串燒同一字骨肉質都較乾又唔夠入味，老鼠粉加左魚乾眼米，但食落吾夠惹味有點普通🤭多士係招牌菜算吾差，但其他都一般。總括吾值排/等咁耐!(如果唔係朋友早放工拎位先我地都未必會食🙈🤭🤫)-🥘砂煲老鼠粉 $84🍞椰香咖央多士$28🍢沙嗲串燒半打$85🍜檳城白咖喱麵 $55🥬魷魚通菜 $52🦴肉骨茶一字骨 $108🍗辣死你嗎配烤雞脾 $68

餐廳11:30先開門，但係未夠鐘已經有幾枱人係門口排緊隊。餐廳有肉骨茶可以無限添飲，我覺得肉骨茶味道咸左小小，但藥材味係好夠既，趁熱飲特別好飲👍🏻🔸馬拉沙嗲串燒 (豬/牛/雞) $45/3串 $85/6串串燒唔會燒到太乾，肉質好滑，好juicy。個沙嗲醬係精粹，食得出有啲香茅既味道👍🏻🔹椰香咖央多士 $28緊係要試下咖央多啦，好重椰子味，感覺好正宗🤣多士亦都好脆，不過牛油味就比椰子味蓋過左，如果多番小小牛油味會好啲。🔸海南鴛鴦燒麵包 $38店員話麵包皮係焦糖麵包，仲要搭過飛機既，所以就決定試下。個餡同咖央多士係一樣，只係個麵包皮唔同左，不過食落兩個味係唔同既，呢個燒麵包食落去甜甜地，中意食甜既人可以試下🔹檳城福建蝦麵(油麵) $58碗麵好足料亦都好新鮮，有蛋有蝦有肉有菜。望落好紅卜卜好似好辣咁，但係食落去一啲都唔覺得辣，反正有好濃郁既蝦味。而油麵就好爽口彈牙，如果碗麵辣啲就仲正。🔸三層肉肉骨茶 $48豬肉一層層好分明，食落去好淋，最頂頭果層入口即溶，絕對唔會覺得好肥膩。雖然細細碗，但係三層肉既份量都好多。唔知啲肉原先係用肉骨茶浸住定係點，但係唔係好覺啲肉有肉骨茶味。🔹桔仔話梅水 $29

想試呢間好耐但係次次都見到大排長龍，今次平日六點零鐘去到，唔使等好耐就入到去。舖頭都幾闊落，唔會話坐到好迫。同朋友兩個女仔一齊食晚飯，叫咗個老鼠粉，肉骨茶，同埋招牌多士。侍應都好好禮貌，我哋叫完嘢食，就俾咗兩本肉骨茶我哋飲。肉骨茶都唔錯，上菜亦都好快。老鼠粉其實都係一般般，有啲後悔冇嗌到佢嘅喇沙嚟試吓。但係佢個多士真係好好食，幾乎係每一台客人都嗌嘅食物，一定要趁熱食。最後每人平均都係$80左右，美中不足嘅係，佢哋只係收現金，去食嘅話，記住要帶現金😂😂😂

呢間蘇媽食馬來西亞菜非常出色，以前係深水埗食，宜家旺角都有分店啦！同朋友叫左個咖央多士、老鼠粉、湯咖喱麵同椰汁斑蘭冰。個老鼠粉非常好食，湯咖喱一般， 斑蘭冰幾好飲，整體黎體黎都不俗，宜家無得飛，黎懷念一下馬拉菜都好。

蘇媽食咗好多次，不過旺角分店就第一次嚟。這家分店好易搵，係朗豪坊行過對面馬路，見到間食牛肉飯的再行100米左右就到。舖頭裝修以老香港風格，偏懷舊的感覺。不過樓底夠高，店面大又夠光亮，所以都唔焗束。有食過的朋友都知道，這間主食星馬為主的菜色(不過好似追加了些其他東西🙈)，請參考附圖。因為時間尚早的關係，所以不用等位就可以入坐了。職員很友善，亦會主動告知肉骨茶可以添飲。😋味道方面，因每個人的口味不同，故不作描述。（請參考附圖）

好耐冇去旅行啦！！！好抑鬱😭😭😭今日經過一間好多人排隊嘅餐廳，好奇望一望，即刻俾佢嘅門面吸引。看看餐牌，原來食馬來西亞菜，正👍🏻 「砂鍋老鼠粉」好香，原來入面有豬油渣，好邪惡！加埋蝦米、魚仔等，真係齒頰留香。「椰香咖央多士」就是馬拉的味道。加埋杯「 馬來西亞奶茶（熱）」，心情即刻靚晒😎☀️「怡保白咖啡（熱）」好味，我愛白咖啡，尤其落煉奶嘅咖啡☕️😋。除咗嘢食好味和啱口味之外，餐廳裝修都好特別，好有馬拉風味。由於限聚令，餐桌需要加隔板，但感覺餐廳整體環境唔太逼夾，尚算舒適。

終於有機會幫襯到出名食正宗馬來西亞菜嘅蘇媽下午1:00嚟等咗大約20分鐘到有位都算好快 叫咗椰香加映多士  比起香港其他任何一間食馬來西亞或者星加坡菜嘅加映多士正宗好多醬偏甜 重椰味 加埋牛油 好夾如果多士可以去埋邊就好  包有點硬叫左三串串燒 雞肉好滑好好味豬肉好鞋 叫咗個湯咖喱滲滲 好好食 唔食得辣嘅我都接受到 份量可以share一個人食嘅話會比較濟 白咖啡偏苦 馬來西亞拉茶偏甜 飲品比較失望要排好耐隊嘅話唔值得

等候時間:大約在6點的時候排隊，當時的人流不算太多，座位也非常多， 入座沒有限時， 但就一定要齊人先可以入去。 但當七點打後，人流就變得非常多，出面很多排隊拿飛的人。環境方面: 很有懷舊的特色。地板是以前小時候在茶餐廳的綠色地板， 可惜忘記了影相。食物方面: 湯咖哩米通粉，砂煲老鼠粉， 椰香咖央多士等等。 上菜時間非常快， 椰香咖央多士必食， 湯咖哩米通粉有點像喇沙, 砂煲老鼠粉我就覺得太乾身。 最後還試了肉骨茶，不過本身對藥材不太喜歡，所以味道對於我來說就不太討好。 飲品我自己就叫了椰汁班蘭冰， 味道不會太甜剛剛好。