蘇媽.蘇媽馬來西亞茶餐室

營業中

休息中

之前食親荃灣個間次次都勁多人🤢今次係平日嘅晏就係旺角，竟然唔係好洗等，就緊係狗衝去拎飛～但總括嚟講荃灣個間好食過旺角呢個好多，下次都未必會再番嚟旺角呢間食了( ；´Д｀)🍴檳城亞參叻沙米線 $58試下之前未食過嘅野，呢個米線咸得好緊要，食完覺得自己要洗腎嘅感覺，不過辣度唔錯，酸酸辣辣幾開胃🤪🍴檳城白咖哩麵 $58呢個之前都有食過～不過旺角分店個湯就比起荃灣分店淡好多。同埋啲魚蛋同蛋唔知點解有陣怪味....　🍴椰香咖央多士 $32每次必食‼️ 烘好脆卜卜嘅多士，加上超級足料嘅牛油同咖央醬，入口淨係浮現到「滿足」呢兩隻字(⁎⁍̴̛ᴗ⁍̴̛⁎)🍴馬拉沙嗲串燒 3串 $48肉質就無乜特別話好食～但個沙嗲汁就唔錯，好香口好重花生味，唔會太稍，唔錯唔錯，不過成16蚊串嚟講就有啲唔太抵食🥲

蘇媽.蘇媽 馬來西亞茶餐室 🇲🇾Semua Semua必回頭人氣馬來菜 排長龍都要食海南鴛鴦燒麵包 $42必食鴛鴦多士牛油🧈+咖央醬 朱古力多士香脆椰香 極邪惡羅惹炸豆卜 $42質地偏硬 醬料味道普通係咪炸到過晒龍 馬拉豆卜正常係咪咁嫁😅檳城福建蝦麵 $62馬來西亞拉茶 $20😋靜靜雞指數 🐥🐥🐥🥚🥚🔂再偷食指數 ✅✅✅☑️☑️💲減荷包指數 💸💸💵💵💵——————————————————店舖資料📍旺角上海街618號地下G01號舖📍深水埗基隆街251號地下📍荃灣大壩街71號地下📍銅鑼灣謝斐道483-499號新城大廈地下A-D舖

呢間餐廳好多分店，唔同區都有，時不時係街都見到，每次都好多人排隊。我都好想知到底有幾好食，上星期日，大約中午3-4點，經過旺角分店，見到無人排隊，即同男朋友入去試一試，真係驚喜不斷！！！特制辣椒板麵：我諗呢個應該係相等於馬來西亞嘅拌麵，好奇係咩味，所以點黎試下。面頭有好多料，有半熟蛋、炸蒜粒、辣醬、豬油渣、魚乾仔、肉碎，個組合都幾新奇，下面係偏身嘅麵，撈埋一齊食，好香，食落好黏口，有d一pat pat咁嘅感覺，我覺得還可以，未去到話好鍾意。反而男朋友覺得幾好食，佢食左好多，佢話似當地平民撈麵，佢鍾意陣豬油香味😂（利申：我地未去過馬來西亞，亂咁估）檳城白咖哩麵：我見好多人叫，所以都叫黎試下，外表普通，估唔到啖湯咁驚喜，好濃椰奶味＋小小辣，出奇地好夾，配埋油麵食，細細碗好快就食晒，湯都飲埋，個人幾推薦！！！椰香咖央多士：呢個一定係成餐飯嘅重頭戲，本身我唔想叫，驚會食唔晒，但男朋友好鍾意食咖央，堅持話要叫，咁唯有叫啦。事前我地每人都食左一碗麵，已經飽飽地，食完一啖多士後，好味到可以繼續食埋佢都ok。首先知包真係烘到好脆，完全唔覺自己食緊包，入面夾左小小牛油塊＋大量椰香味重嘅綠色醬，甜度適中，

行開旺角想食下午茶，諗起蘇媽蘇媽嘅椰香咖央多士，就過黎食啦，舖頭地方大，食物依舊出食！馬拉咖哩雞撈面HKD62椰香咖央多士 HKD32.味道 ★ ★ ★ ★ ☆ 馬拉咖哩雞撈面：色香味俱全😂好香咖哩，忍唔住即刻要食，份量好足，好多雞，醃得入味既，唔錯。出名既椰香咖央多士係好食既！好香又多咖央醬，多士又烘得脆👍🏼.服務 ★ ★ ★ ☆ ☆店員自動比個放手袋既籃我地，好體貼，又有禮貌👍🏼.環境 ★ ★ ★ ☆ ☆寬敞、樓底高、乾淨、舒適！.價錢 ★ ★ ★ ☆ ☆都抵食既👍🏼

星期六去完買game ，唔係太肚餓，想搵地方tea ，朋友帶我去呢間，佢話平時中午都幾多人排隊，不過轉枱幾快，下午茶應該唔使等太耐，點知都等咗20分鐘左右🙄🙄店舖裝修又勁得意😎椰香咖央多士 $32非常好味，麵包厚身而且鬆軟，烘了底外面脆卜卜，而且咖央是有少少流心的，充滿椰香味!😋😋馬來西亞拉茶 $27奶茶就唔夠甜（如果鐘意少甜，呢杯應該啱），而且茶膽有少少苦澀味，單點$27，主食加配都要$20，下次可以試吓其他嘢飲。

🤤椰香咖央多士 😋豬腳彎 🤤砂煲老鼠粉 🤤湯咖哩麵(米通粉) 🤤馬來西亞拉茶 🤤檳城香炸滷肉卷 😋怡保肥仔芽菜 每一樣野食 飲品味道都唔錯尢其係咖央多👍🏻凍拉茶走甜👍🏻老鼠粉好惹味 米通湯頭都好濃郁 咖哩味好出反而肉骨茶雖然任飲😂但正正常常 無咁大驚喜不過真係好多人排隊唔洗排隊應該會多d 幫襯到唔洗食得咁趕~

呢間餐廳喺朗豪坊附近，咁啱揸車經過，見到馬來西亞餐廳，好掛住馬來西亞嘅喇沙同埋肉骨茶，所以入咗嚟食，肉骨茶好正宗，喇沙湯底可以再濃啲。因為長期喺香港，冇得飛，所以食唔到最正宗嘅馬來西亞餐，所以暫時食住先😝

昨天放假去旺角搵食。之前有個台飲食節目介紹過所以想試吓，一解冇得去旅行之苦。旺角站中午一點前入座，有位唔使等。一坐低店員自動放低每位一碗熱騰騰的肉骨茶，浄湯．藥材味濃厚，係我同呀囡鍾意果種。然後我哋點咗豬腳彎、砂煲老鼠粉、椰香咖央多士、怡保白咖啡．馬來西亞拉茶。首先豬腳彎唔夠霖但好有膠質，非常有咬口。砂煲老鼠粉夠熱但端上時上面隻蛋過熟，生啲啲撈埋會好味啲，但食落有焦香，要襯熱食。咖央多士是枱枱都必點，多士脆卜卜但唔係熱，咖央同牛油份量十足，超級好食好鍾意。白咖啡本人覺得奶味蓋過了咖啡味道，而拉茶是非常順滑可惜唔夠熱。大致上味道是可口，如果可以提升溫度一些就完美。都會再來食多士。

蘇媽 ﹒蘇媽—馬拉文「甚麼都有」昔日桂林街路邊檔🏚已經相當有風味😋最鍾意食「愛他愛他」🍢同咖喱薯仔🍛🥔之後於深水埗基隆街開店🎏後來有荃灣，旺角店相繼開張🎉🎊最近就去食多次，尋找情意結🎀的味道店內裝修富有傳統馬拉風格，綠色系磁磚象徵著復古懷舊感覺⭕️肉骨茶🥩🦴☕️一字骨 靠近肚腩部分的肋骨🥩肉多骨少🍖🦴脂肪同肉的比例適中，鬆化爽口🐽肥脂豐腴無比重點係肉骨茶濃而不鹹😎可免費encore添湯😋加了豆卜、金菇、杞子，湯底香醇而帶有藥材味🌿🌱有別於新加坡的胡椒味肉骨茶⭕️辣死你嗎 🐓🍗配烤雞脾 辣死你嗎—馬拉話椰漿飯的諧音，青綠的椰漿飯加了斑蘭🌿及椰漿去煮，味道清香， 配菜包括乾魚仔🐟花生🥜青瓜🥒蛋🐣蝦片🦐參巴醬出左名容易有不足之處，配菜質素下降，未如理想😩😫🥔咖哩薯仔已經不復當年勇，唔夠腍；🍗雞脾乾身欠肉汁；🦐蝦片腍而不脆

每一次去馬來西亞都會飲肉骨茶，因為馬來西亞嘅肉骨茶係不停為你添加，飲得好滿足，估唔到香港呢度都會有不停為你加茶，旺角呢間裝修好懷舊，成日都排隊，我唯有兩點先去，等一兩個座位就有，我鍾意食佢嘅河粉，好滑，雞湯唔油膩，加啲肉骨茶落去，別有一番風味，肉骨茶嘅骨，唔肥，金菇加埋落去，真係好好食，至於辣死你嗎，又唔算好辣，不過味道都唔錯，極力推介食佢嘅河粉，啲湯真係幾好味，旁邊仲有任加嘅生辣椒，夠晒香口，真係掂

真係好受歡迎，成日經過都好多人排隊🥲可惜冇得遙距拎飛，唯有排隊拎飛隔離等，好彩入面都幾大，等咗15-20分鐘都入得。隔離就係商場仲可以行陣街好重椰奶味，原來白咖喱就係呢個味粒魚蛋都幾彈，湯底都好飲，但每碗麵底太少，我女仔食一碗麵唔飽

今次係我第二次食啦😋第一次係總店深水埗，今次係旺角。味道黎講，兩間店差別不大，兼且旺角店比較大間，坐落舒服啲～我哋係星期六一點半左右排隊，等一陣就入得～叫左肉骨茶，肉骨茶夠熱，但中藥味唔算濃，小編較鍾意重口味D。呢度仲可以配搭唔同部位既肉，亦可以無限添飲，正👍另外叫左個檳城亞參叻沙，酸酸maymay,岩晒夏天食～隔離位叫左個湯咖喱麵，湯頭唔算辣，配搭油麵都幾夾，另一個開胃之選😋最後加左個小食，叫「魚仔醬撈啦啦」，啦啦即係蜆，見圖就知係白烚蜆加魚仔醬，略嫌寡左d,如果炒下佢會更惹味

話說同朋友去咗上海街百年唐樓活化後嘅商場參觀，行完當然要搵地方醫肚啦，近近哋就去咗地下嘅蘇媽.蘇媽餐牌上好多選擇，有選擇困難症嘅人會好大獲，我哋都諗咗好耐😮最後同朋友各自點了一份主食▶️辣死你嗎配仁噹牛肉 - 份量足夠，仁噹牛肉辣味恰好，未至於辣死🤣值得一試嘅▶️檳城亞參叻沙米線 - 叻沙湯底惹味，餸料足夠，但我自己就略嫌伴菜太多總結：食物質素ok ，選擇眾多，價錢合理，至於格局就一般茶餐廳咁但總算坐得舒服

7:30pm門口已經一班人等位，鋪都幾大位置多翻枱快，唔洗等好耐就入得。叫完野食侍應會端上一碗肉骨茶，之前睇食評呢碗肉骨茶可以叫侍應再添飲，個味苦苦地我是一碗就夠了😅1️⃣棒棒骨：肉都幾淋，個肉骨茶比免費嗰碗好飲好多，冇咁苦甘甘地👍🏻2️⃣椰香咖央多士：馬來西亞野必食之選，唔會好甜，襯熱脆卜卜幾好味3️⃣椰汁班蘭冰：班蘭味重，都係唔會太甜4️⃣特制辣椒板麵：我認為配料好食過個麵🤣個辣椒醬夠辣又唔會太咸，炸豬油渣同魚乾食落超香，麵就稍稍過淋

一班fd夜晚嗌外賣，見附近有苏媽，即嗌！肉骨茶: 濃味得嚟，唔會口乾，藥材味好出，啲餸菜好入味，份量十足，每人飲到兩碗湯！強烈推介油炸鬼，浸透湯汁一嘢擺落口，perfect match! 咖哩雞: 咖哩味唔算濃，小辣，應該大部分人都接受到！福建蝦麵: 出色，湯底濃郁，有海鮮湯感覺，大大隻原隻蝦，食原麵，湯底用嚟點其他嘢食都好match! 串燒不過不失，炸豆卜過乾過硬！總括嚟講，嘢食高質，價錢合理，良心舖，值得幫襯！