藍象泰國餐廳 (已結業)

今晚去尖沙咀行完街經過呢度，就決定黎順便食埋晩飯先回家！一入餐廳，環境不嘈吵又高檔舒適！坐在落地玻璃旁看著海吃飯，賞心悅目！❤️好喜歡這噴彩墨圖案，簡潔又有格調餐具軟殼蟹米紙卷$118紙米卷軟殼蟹最特別是一碟有兩款味道，一款是名符其實脆卜卜的軟殼蟹而另一款是好健康的素菜卷，同樣也配了兩款醬汁，一種青色的是辣辣地的，而另一種是酸甜醬，適合各唔同口味的人選擇！米紙外皮很薄身，煙煙靱靱，好有口感！吃完很清新refreshing!🤗燒大蝦抄金邊粉$152金邊粉配一只有手掌咁長咁大的大蝦☺,肉質鮮美、蝦膏滿滿😋！金邊粉質感煙靱，味道適中！好多時泰國菜調味料偏咸，唔小心落多左係惹味但好咸，所以好欣賞呢間餐廳調味真係好好，唔會偏咸亦唔會油淋淋！蝦干魚露炒椰菜苗$98椰菜苗係我最喜歡嘅泰國蔬菜，有蝦干仔好惹味。椰菜苗夠靚，好鮮嫩碧綠，炒得夠冧但不失爽口感！暖心榴槤撻$108呢個好驚喜好好味，個人認為係必叫！撻皮鬆脆，榴槤餡香香滑滑䁔䁔，加凍冰冰雪糕，真係不得之了了！好難得食完呢餐泰晚飯竟然一啲頸渴嘅感覺都冇！實在”泰”神奇了！❤

友人介紹到此晚膳，區區一直不知藍象為泰國宮廷菜的代表，聲名遠播，實在後知後覺。餐廳環境寬敞，燈光偏暗，感覺高檔，與一般泰國餐館大相逕庭。前菜牛油果大蝦沙律有驚喜。主要以椰汁、香茅和洋蔥調味，和牛油果出奇配合，creamy又有香料味，蝦肉結實配泰式酸甜汁，十分開胃。金不換辣椒炒海鮮材料豐富，有青口、蝦、帶子和魷魚。海鮮全都真材實料，彈牙味鮮。加上三色椒和洋蔥同炒，健康又惹味。青咖喱雞炒飯同樣出色。飯粒乾身又不油膩。青咖喱辣度足，又有椰香，十分下飯。甜品焦糖燉蛋亦充滿泰國風味。特別是餅底充滿椰香和不太甜，感覺沒有一般用上大量牛油和白砂糖的膩，賣相又好，大滿足。最後以一杯Espresso完美作結。這裏雖然價錢偏貴，但難得有泰菜用料上乘，環境舒適，值得一試。

早排去bangkok旅遊，想搵下當地出色ga餐廳，藍象係其中一間，後來行程有點趕，冇試到藍象...原來佢係香港開左分店！唔洗等下次再飛去bangkok先試到啦yeah!枱與枱之間隔很開，私隱度足，望住碼頭海景吃飯，好舒適😌！原來係比利時起家，再榮獲泰國皇室推介！分店遍佈世界各地，勁！烤豬頸肉$168夠香口爽嫩，淋上配上嘅汁，食唔停口！青咖哩$188相比外面吃到嘅，呢度冇咁油膩同”確”喉，清淡點但味道和椰奶香反而剛好！雞嫩滑！👍🏼油鬆餅（2件）$38香脆鬆軟，點咖哩食一流！椰子雞湯（2-3位）$188同青咖喱嘅感覺一樣，唔油膩但味道好夠椰香，湯好滑好甜，我同媽媽都好鐘意！環境一流，菜式出色，起菜時間快，店員禮貌態度誠懇！媽媽十分滿意呢餐泰晚飯

一講起Blue Elephant，我就即刻諗起個d一pack pack既懶人煮食包，仲記得之前去泰國總會執一兩包做手信。藍象餐廳在泰國當然出名，分支仲遍佈世界各地，亞洲今次首次空降香港。成間餐廳用藍色同白色做主調，俾人新潮高檔感覺，而且有一排座位望海，實在賞心悅目，情侶間都適合黎呀！冬陰大蝦湯$188（兩至三位用）食泰國菜，點可以唔叫冬陰大蝦湯。呢個湯熱住上但要快飲，否則蝦膏overcooked。成個湯超濃郁既蝦味，好鮮，有好多草菇同兩隻大頭蝦香葉辣椒炒海鮮海鮮種類算多，有帶子、青口、魷魚，而且全部都係新鮮嘅唔係冰鮮嘅海鮮。最鍾意揸咗嘅香葉，同埋各款款海鮮上邊沾滿左泰式嘅香料，所以每一啖都係香氣四溢。南象泰式青咖喱牛有一個餸係熱住上㗎。廚師選用嘅係牛腩唔係牛肉，但係都係主導非常之稔同埋入味。而且你食咖喱嘅時候佢個咖喱底係有絲絲點點嘅香料碎，襯埋佢個蒜蓉包同飯就啱啱好。白雪公主係我推介嘅無酒精飲品，佢有淡淡的荔枝香，甜甜地啱晒女仔飲。另外果款浪Long Island ice T嘅酒精味就比較重， 但選用嘅係泰式茶底，所以味道同出邊酒吧飲嘅係會唔同。

藍象泰國餐廳位於尖沙咀，餐廳燈光比較昏暗，於窗邊可以欣賞維港景色，是一間有情調的泰國餐廳。 選擇蠻多的。 青芒果大蝦沙律 青芒果帶有酸甜的清新味道，配上爽口彈牙的大蝦，開胃又醒神。 燒大蝦炒金邊粉 即叫即炒，炒得非常均勻，很喜歡那種帶點煙韌的口感，酸酸甜甜的，加上爽口彈牙的大蝦，沾上花生碎就更香口。 小食拼盤 小食拼盤有雞串和豬肉串，最喜歡是沙嗲汁，香滑而且濃郁，更能提升鮮味。黃金包賣相精緻，外層炸得開脆。馬可花生軟糖配菠蘿配搭特別，菠蘿酸，花生糖甜。 芒果黑白糯米飯 賣相非常精緻，黑、白糯米各兩款，兩個人剛剛好。糯米軟糯又煙韌，配上香甜的芒果，香濃的椰汁和朱古力雪糕，完美的配搭。 食物質數不錯，但同一時間上菜引致食物放涼，希望改善一下。

今日難得男朋友肯陪我去尖沙咀行街 決定獎勵佢同佢搵新餐廳食其實之前都聽朋友講過藍象 好似係泰國數一數二既餐廳 評價唔錯 試一試睇下有冇伏都好一入到去 侍應都會盡量安排客人坐海景位 六點幾黃昏既夜晚都一樣好靚室內裝修以藍色為主 俾到我一種舒服悠閒既感覺因為琴晚屋企煮左海鮮餐 所以今日我地都以肉類為主上網睇過 食藍象唔可以唔叫青咖哩 我地揀左雞肉 酸酸甜甜好惹味微辣 另一突出既地方係佢十分香濃順滑 配飯或者薄餅都一流另一個主菜我地叫左金不換辣椒炒河粉辣味突出 不得不提的一點是用料十分高質用我男朋友既講法係佢既牛肉好有牛味 厚切 真正既啖啖肉同平時係街邊食到既完全唔同 試試你就明佢咩意思

最近好想食泰國菜，但食厭了港式的泰國風味，所以決定試一試早在泰國拿下米芝蓮，有泰國皇室加持的藍象餐廳。兩個人叫了一個小食拼盤（$168）、班蘭雞（$48/半份）、軟殼蟹米紙卷（$118）、豬頸肉炒飯（$118）、芒果黑白糯米飯（$88），好飽好滿足呀！小食拼盤蝦餅：我沒有食，朋友説不錯沙嗲雞串和豬肉串：沙嗲醬超好味！青咖哩黃金包：炸雲吞的外表，包住惹味的青咖哩，很出色的配搭馬可慢煮花生軟糖配新鮮菠蘿：第一次食，味道很特別，是不錯的開胃菜斑蘭雞用班蘭葉包住雞肉燒，只有班蘭的香，沒有班蘭的味，雞燒得有點過火，偏乾軟殼蟹米紙卷是越式春卷的包法，多菜少肉，一咬下去滿是蔬菜的清香，欠而食不到軟殻蟹的香脆。兩款醬汁充滿拋式風味，有驚喜豬頸肉炒飯有點失望，一來配料不多，二來調味不夠，三來飯炒得不夠粒粒分明，這不是米芝蓮應該有的質素吧芒果黑白糯米飯全餐最滿意是這道菜，由擺碟到配搭及味道，色香味俱全，沒有半點挑的空間，讚！

藍象係泰國有幾出名大家都知。除左有御廚手藝料理，仲有搞廚藝學校比遊客去學煮泰菜。依家唔使飛去泰國，因為藍象係海港城已經有得食啦!靠窗既一邊有海景，有海景又有美食，色香味俱全呀!餐廳環境：頭盤：酥炸軟殼蟹配辣味羅望子汁份量有一大隻軟殼蟹。即叫即製，軟殼蟹炸得好酥脆，非常香口。羅望子係泰國很常見，係香港就唔係成日食到。羅望子汁係香港既泰國餐廳都唔太常見。今次就食到用羅望子汁整成既沙律，唔使食來食去都係果幾款沙律醬，好特別。羅望子汁酸酸甜甜，加上餐廳調教既辣度，非常開胃。加上旁邊既炸蒜，好香口，食極都唔停。金不換辣椒炒海鮮海鮮主要有魷魚，帶子，魚塊等。金不換即係紫蘇葉，對於泰國菜來講簡直係不可劃缺。好有驚喜呢碟海鮮炒得好有穫氣，充滿住金不換既香氣，少少辣，配飯真係一流!泰式香辣肉碎沙律(生菜包)呢個係我食過最好食既生菜包。首先抵讚既地方就係啲生菜有揀過。生菜本身已經一個兜甘，好易放上肉碎，唔使捲住都好容易食，非常方便而且唔使整到成手都係。另外，肉碎好淋，一啲都唔硬，而且咬落去好有肉汁，辣辣地既肉汁滲晒出黎，非常入味。魚露蝦干炒椰菜苗相信椰菜苗係泰國餐廳先會易啲食到。我最鐘意椰菜苗炒到好爽脆，

好耐冇約舊同事食飯，今次想試特別啲，所以去咗海港城藍象食泰國菜。聽講啲海鮮好出色，所以就點咗個泰式海鮮二人餐。前菜: 慢煮花軟糖酸菠蘿同皇家宮殿餃子同泰式比利時炸蝦花軟糖煙紉，本身甜甜哋，配菠蘿好開胃，值得一試冬蔭公配大蝦冬蔭公香辣之餘，亦有淡淡青檸香味青咖喱雞咖喱由燭火佐熱更香口，適合拌白飯紅咖喱燒珍寶大河蝦看到大河蝦size已覺有氣勢。蝦身啖啖肉，夠咬口。紅色蝦膏配紅咖喱色香味俱全。裡面亦有薄餅，混上紅咖喱好好食黃咖喱肉蟹因為店家貼心附上手套，可放心拎住食唔怕成手咖喱。蟹肉配黃咖喱有風味，肉質亦鮮嫩甜品法式燉蛋，伴以薑味刺激，夠特色

最近吃了幾家泰國菜，藍象算很不錯。首先，環境一流，流水色深藍調，寧靜典雅。他提供方便的海鮮餐菜普，節省了花多眼亂的時間，由前菜主菜餐湯到甜品一一安排，幾乎囊括了所有的招牌菜。冬蔭功酸辣配搭得相當好，湯中有完隻鮮蝦，添足了鮮味。主菜其中一款便是炙燒大河蝦，看上去就見蝦肉嫩白，盤底的特色辣醬配上軟嫩的蝦肉效果不錯黃咖哩炒蟹是全晚mvp!咖哩不會太辣，正好用作炒蟹，蟹殼偏軟，咬開露出蟹肉，和著沾在殼上的咖哩醬，味道恰好，尤其蟹肉極鮮，絕對上品，不試可惜。甜品是法式薑味燉蛋，喜歡薑味的朋友一定欲罷不能，薑味薄脆配上香滑燉蛋，十分有特色。套餐中的款色很多，份量充足，而且菜式都具特色，說是二人餐，三人用也可，海港城內，倒是抵食選擇。

節日出外吃飯都是很多人的，和朋友在海港城搵野食見到有間泰國菜不用排隊我們便選擇了。環境裝潢感覺不錯，可以看到維港的海景，燈光較暗有氣氛。朋友吃素的所以我們點了一個酸辣雜菌冬陰素濃湯，泰式紅咖喱素雜菜，豬頸肉炒飯。酸辣雜菌冬陰素濃湯，冬陰素湯味道濃帶點酸酸辣辣都好開胃。泰式紅咖喱素雜菜，紅咖哩味道夠辣，不過份量比較少。豬頸肉炒飯，炒得都夠惹味。黑白糯米飯配泰式芒果，有雪糕，芒果同埋黑白糯米飯，糯米飯還是暖暖的。整體來說這一餐算是中規中矩。

諗住係泰國間blue elephant restaurant. 點知中伏咗.....堅伏咗. 香港就係俾呢啲服務態度質素餐廳搞灣咗!!!! 尖沙咀高尚價格, 茶餐廳伙記質素....嚇怕咗! 大家以後以後都唔好去呢間餐廳! 食物還可以...頭盤拼盤, 主菜, 甜品都正常. 主要係班侍應可人手唔夠. 1個serve 7-9 張table. 加上班伙記後生...望落20幾歲左右...講嘢大大聲, 粗聲粗氣. 成日聽到跌刀刀叉叉聲音. 明白嘅...人手唔夠服務態度一定跌watt!!! 希望呢間餐廳老闆正視下員工人工及工作態度...收下啲火! 謝謝

好耐沒有經過harbour city，路過發現呢一間內裏裝潢非常華麗，景觀非常優美，坐位也非常舒適既餐廳，即刻入去試下係咩一回事?! 嘩，仲要畀我坐到海景枱😍😍 望吓個餐牌，都覺得價錢好抵，太家知harbour city價啦! 但唔係抵就唔高質，食物既presentation真係好靚，一啲都唔hea。食物質素都係好得，佢個冬陰功湯香濃到不得了，最貼心係餐廳已幫你先隔咗渣，唔會有好多香料走入口；另外，又有大大隻靚蝦 (只係少少唔夠爽甜)，但整體係高質素的。至於個豬頸肉炒金邊粉真係好好味， 蛋碎同豆腐乾不在話下，仲好足泰式材料，金邊粉又唔會痴埋一嚿嚿，側邊嘅花生、糖、辣椒粉放得靚一靚，有齊曬畀你去撈粉食，咁靚既賣相食都食得開心D。

尖沙咀海港城有一間以藍色主題為主嘅泰國菜* 藍🐘*。lunch Set 價錢由$88-$188。豐儉由人前菜*馬可*左）魚肉卷。右）花生軟糖配新鮮菠蘿 。口感黏黏的。甜甜地。菠蘿海鮮炒飯伴肉鬆～炒飯粒粒分明。唔油膩。腰果脆卜卜。無油益味豬頸肉炒金邊粉～個粉size都幾大。豬頸肉有六七片之多。碟邊有砂糖 。花生碎。辣椒粉自由配搭。味道確係唔錯未夠喉。嗌咗個甜品食🤤黑白糯米飯配泰國芒果～4小份糯米飯。1份芒果。1球雪糕。睇見已經流曬口水🤤芒果又香又甜。糯米飯配上椰醬。芒果醬。椰子絲。口感相當豐富。真心推介兩杯熱🍋茶作結尾。嘆海景。食好西。價錢又唔貴。為食妹👧🏻真心推介

友人喜歡吃泰菜，提議到海港城的藍象泰國餐廳吃午餐，不用我想地點，當然是絕對贊成啦~ 店員安排我們坐窗口位，外望維港景色，景觀相當不俗. 如果當日天氣放晴，相信景色更為吸引. 餐廳以藍色為主調，配以木製餐桌，而且枱與枱也有一定距離，用餐環境相當舒適!! 午餐包括: 前菜、主菜& 餐飲，也可加$ 配餐湯& 甜品，選擇靈活多變. 泰國皇室精選前菜 綠葉捲着的是魚肉卷，再加上一片香甜的菠蘿，令人胃口大開. 大蝦冬蔭公湯 (跟餐加 $30) 以藍色小盅盛着的冬蔭公湯，熱度十足，內裡有一隻爽口大蝦以及蘑菇，有一定辣度，相當刺激~ 蝦餅 (2件) ($38) 即炸的蝦餅爽口彈牙，很不錯. 菠蘿海鮮炒飯伴肉鬆 ($88) 以魚型大碟盛載的炒飯賣相很吸引. 鹹香的肉鬆、香脆腰果伴以香甜菠蘿粒的炒飯，炒飯粒粒分明，不過調味略淡. 豬頸肉炒金邊粉 ($98) 以正方型竹製盛器盛着的豬頸肉炒金邊粉，擺盤也很呃Like~ 擠上酸酸的青檸汁，鹹中帶甜的金邊粉個人相當喜歡. 是日甜品 (跟餐加 $20) 小巧的芝士蛋糕，芝士幼滑濃郁，作為飯後甜品剛剛好. 熱檸茶 餐飲以一杯消膩的熱